蟹仙粉潮食館

营业中

休息中

This place, Crab Fairy Seafood House, is truly a must-visit for seafood lovers! I recently ordered their seafood platter and several signature dishes, and everything was absolutely delicious. The ingredients are so fresh — including wild ocean box crab, big wild tiger shrimp from Canada, Korean Busan oysters, New Zealand tuatua, emerald snails, and organic vegetable platter. Each item retained its natural sweetness and flavor, making every bite a delight.The seafood set meal was generous enough

和友人在這餐廳晚膳，海鮮新鮮服務不錯·我們點了這個套餐- 尊貴海鮮套餐內容：1. 罕有藻食綠膏蟹/野生骨仔蟹 - 來自稀有水域的藻食綠膏蟹及野生骨仔蟹，肉質鮮嫩，膏香濃郁。 2. 韓國釜山野生鰻魚 - 肉質滑嫩，油脂分布均勻，入口即化。 3. 澳洲青年龍蝦 - 肉質細膩，蝦殼鮮亮，口感爽滑。 4 秘製原隻南非乾鮑 - 南非頂級乾鮑，經秘製調味，口感軟滑，鮮香濃郁。 5. 大西洋野生青口 - 青口肥美，肉質飽滿，鮮甜多汁。 6. 加拿大野生海虎蝦 - 蝦身粗壯，肉質爽脆，蝦味濃郁。 7. 韓國釜山蠔 - 蠔肉肥美，帶有濃郁海水香氣，入口滑嫩。 之後還有有機菜及甜品,滿足的一餐!

之前已經留意到呢間「蟹仙」海鮮蒸氣鍋估唔到今晚去銅鑼灣接男友收工係附近見到 一於食佢! 我地叫左最平既套餐：$499/位（尊貴海鮮套餐，另加一服務費），套餐涵蓋多款高質海鮮，包括奄仔蟹、澳洲龍蝦、韓國釜山蠔等，性價比合理。冷泡茶 – 甜橙蘋果紅茶冰涼清爽，甜橙🍊蘋果🍎香氣自然，唔會過甜，仲可以中和到海鮮既濃郁感，適合搭配蒸海鮮解膩。即食南非鮑魚配冬菇•鮑魚口感彈牙，醬汁調味適中，唔會蓋過鮮味。•冬菇索晒啲鮑汁，軟嫩入味，係個唔錯的開胃前菜。 澳洲龍蝦•蒸煮時間控制得宜，肉質爽彈，蝦膏鮮美。•雖然唔係最大隻，但以$499套餐黎講 已屬高質。OpenRice like完就會送加拿大赤蝦刺身，肉質爽甜，新鮮度高，免費贈送性價比高。奄仔蟹•蟹黃豐腴，呈流心狀，味道濃郁甘甜。•肉質細嫩，鮮度十足。韓國釜山蠔 & 紐西蘭刀貝蚌•蠔肉肥美，無任何腥味。•刀貝蚌爽口，鮮度夠，搭配少少🤏蒜蓉更提鮮。蟹皇大元貝 & 黃金翡翠螺•元貝搭配蟹黃，味道濃郁，但略嫌蒸煮時間稍長，肉質稍韌。•翡翠螺尚屬正常加拿大野生海虎蝦•蝦肉飽滿，鮮甜度高，蒸5分鐘岩岩好保持最佳口感。韓國釜山野生鰻魚•皮薄肉嫩，蒸後仍保持少許焦

香港很少有的天然野生及食咗feel 倒，有真正蟹味，蝦味，帶子的真正原味，尤其我的至愛（麵包蟹）雖然小肉，但真正是海鮮天然味精，在香港難求⋯⋯👍👍👍👍服務細心及有禮貌推介超正

今晚去食蒸海鮮，感覺真係超開心！前菜一上桌就令人期待——南非乾鮑配冬菇。乾鮑質感厚實，配搭爽滑的冬菇，口感豐富又開胃。太平洋饅頭蟹蟹膏濃郁，蟹肉鮮甜，帶點細膩的海水味，鮮味十足。野生琵琶龍蝦肉質結實彈牙，簡單蒸熟已經充分展現出原汁原味。大西洋野生青口肉質飽滿多汁，入口時帶點天然的海水鹹香。加拿大野生海虎蝦蝦身厚實，肉質彈牙，每一口都感受到鮮蝦的鮮甜。紐西蘭刀貝蚌口感爽脆，帶有濃郁的貝類香氣，愈嚼愈香。蟹黃大元貝鮮嫩的大元貝配上甘香濃郁的蟹黃，簡直是味蕾的享受。餐廳的貼心之處在於，每一款海鮮都由侍應負責掌握火候，蒸好後還會細心擺盤，確保每樣海鮮都在最佳狀態下上桌。最驚喜的是，蒸海鮮時的精華會滴落到下方的粥底裡。每一口粥都帶著濃郁的鮮香，味道鮮甜而層次豐富，實在難忘。

尊貴海鮮套餐包含多款優質海鮮，每款都極具鮮味，簡單蒸煮已經可以帶出天然甜味，完全唔需要額外調味。龍蝦肉質彈牙，蝦頭仲帶少少甘香，入口鮮甜濃郁；青仔蟹蟹膏豐富，膏香四溢，蟹肉嫩滑；九孔鮑魚煙韌有嚼勁，滷煮得相當入味。韓國珍珠蠔厚身飽滿，一啖爆汁，蠔味濃郁；野生海虎蝦爽口彈牙，每口都充滿海水鮮味；新西蘭刀貝蛤肉質細嫩，微微帶甜，味道層次豐富。海鮮食材非常新鮮，每一款都能夠食到其天然原味。環境乾淨企理，蒸煮過程有專人指導時間，確保最佳口感。整體體驗滿足度高，特別適合鐘意海鮮又想食得健康鮮味嘅朋友。

叫咗個尊貴海緣套餐/🦀野生膏仔蟹滿滿橙黃蟹膏 蟹肉飽滿.🦀太平洋饅頭蟹比較少見的季節類蟹肉不多 鮮味突出.🦐野生琵琶龍蝦龍蝦肉緊致彈軟還有些許鮮味龍蝦膏.⭐️秘製原隻南非乾鮑 厚身軟腍配冬菇.⭐️大西洋野生青口 多汁軟腍.🦐加拿大野生海虎蝦鮮紅大隻新鮮易脫殼 還內有蝦膏.🦪韓國斧山珍珠蠔超大隻 飽滿多汁蒸後仍然保留適量海水味 好吃.⭐️韓國蟹皇大元貝加上自家製蟹黃醬已清潔好和脫好殼元貝厚 配上鮮香蟹黃醬飽滿多汁 味道豐富.⭐️馬刀貝 新鮮多汁 有咬口.🥗有機疏菜籃.🐷豬骨粥底即使蒸了這麼多海鮮鹹度剛剛好加上蔥 菜脯 和芋粒 口感豐富.🍮最後還有甜甜中式糖水

突然好想食海鮮 今晚特登約左朋友仔嚟咗銅鑼灣呢間蟹仙食蒸海鮮 餐廳環境都好闊落 坐得幾舒服而且佢食完仲有粥底 期待期待秘製原隻南非鮑魚 食落好鮮味 爽口彈牙 韓國釜山鰻魚 同樣肉質好彈牙 啖啖肉嘅口感好開心呀～加拿大野生海虎蝦 呢個店員姐姐特別強調唔准點豉油就咁食 真係好鮮甜 而且大啖大啖肉 正蟹黃大元貝 首先飲啖湯 好鮮甜啊 再食元貝 又係啖啖肉嘅感覺啊釜山珍珠蠔輪到我最鍾意食嘅蠔 第一次食蒸蠔 原來別有一番風味西洋野生青口就咁望就已經知道新鮮 因為佢上枱時仲含住海草🤣🤣鮮甜得來有少少淡淡嘅海水味 野生琵琶龍蝦肉質厚實 而且蝦頭仲有蝦膏 味道鮮美海鮮粥底 粥底係由蒸海鮮生米開始煲 一路煲成粥到最後 吸收晒所有海鮮嘅精華 冰糖椰汁燉雪燕 超正 畫上完美嘅句號～～～美味指數 🌕🌕🌕🌕🌕室內環境🌕🌕🌕🌕🌖性價比 🌕🌕🌕🌕🌕📍蟹仙粉潮食館 (銅鑼灣)銅鑼灣謝斐道500號維安商業大廈2樓港鐵銅鑼灣站D4出口 步行約2分鐘

食海鮮一定係諗起銅鑼灣嘅，點解呢？因為銅鑼灣通常都會諗起蟹喺呢一樣嘢！海鮮蟹粉潮食館，除咗係一間海鮮直銷蒸氣石鍋嘅海鮮專門店之外！呢間餐廳所有嘅嘢都係即叫即蒸，務求俾你食到最新鮮嘅一面！呢度嘅蟹嘅種類仲有藻食綠膏蟹，同野生膏仔蟹，我哋嚟到呢度就一定係食佢既奄仔膏蟹啦！今次我哋嗌咗個專貴海鮮套餐、時令海鮮會因當日空運到香港為準！奄仔蟹韓國釜山鰻魚琵琶龍蝦台灣九孔鮑魚大西洋野生青口韓國釜山珍珠蠔紐西蘭刀背蚌有機蔬菜籃真係好想講奄仔蟹真係超多膏超鮮甜！釜山鰻魚唔算多骨魚肉好鮮甜！龍蝦同鮑魚就更加唔使講新鮮到爆！個人最鍾意就係佢嘅釜山珍珠蠔真係鮮甜飽滿！最後再拎呢個蒸氣鍋來做蒸氣海鮮粥真係超正入晒味道！之後再食返碗糖水真係正！另外套餐仲可以追加蟹同龍蝦都係二百幾蚊半隻！同場亦都可以加冰鎮原條加拿大象拔蚌大概兩斤！仲有野生黃腳瀨尿蝦同生猛海老虎斑都係$600唔需要！

完全不值，三個人食，落order時自選項目明明是點了澳洲龍蝦，最後嚟咗琵琶蝦，都算，另外揀了翡翠螺，無端端又變咗青口，生蠔是苦的，所有海鮮都唔新鮮，這樣價錢，簡直一文不值！！！

.#哈比四圍食 #銅鑼灣 #銅鑼灣美食 #蒸海鮮 收工攰到諗唔到食咩，又唔想返屋企叫外賣咁悶，就去食個海鮮餐，一個餐已經包哂好多款海鮮，又有專業幫你蒸扗你計時，真係可以坐定定放空一吓喺度等食😆我哋一坐底店員亼將餐具加扏消毒先，然後慢慢介紹兩款唔同嘅套戲，又會介紹今日有咩必點推介，我哋就order咗习鑽海鮮套餐，每位$768，包括有黃膏肉蟹、琵琶龍蝦、澳洲龍蝦、鮑魚、生蠔….每款海鮮都好新鮮而係店員店蒸得好好，唔會蒸過火，每款海鮮之間有足夠時間比我哋慢慢享用，唔會一次過蒸哂令到其他食物凍咗。店員仲話因呢間分店有兩層，上層係可以包房坐，仲可以唱K😆➡️ 蟹仙粉潮食館 (銅鑼灣)銅鑼灣謝斐道500號維安商業大廈2樓

我同老公都好鍾意食海鮮，但自己又要去街市買，又要洗，真係諗起都覺得麻煩，所以我哋就會出街食，今日我哋嚟咗蟹仙。呢度用咗蒸氣石鍋方法整熟海鮮，可以食到海鮮嘅原汁原味，我哋每人都叫咗尊貴海鮮套餐，性價比十分之高，每人只係需要$449 就可以食到唔同國家嘅海鮮，而且每樣海鮮都係好新鮮非常好味。仲可以追加其他海鮮，我哋都食得非常之滿足。我哋嘅海鮮有加拿大海蝦，韓國釜山珍珠蠔，蟹黃大元貝，台灣九孔鮑魚 黃金翡翠螺，大西洋野生青口，太平洋饅頭蟹，澳洲青年龍蝦，野生膏仔蟹。有機蔬菜籃就咁簡簡單單蒸熟嘅菜，帶有天然甜味。食晒海鮮之後我哋食咗海鮮粥底，粥底10分綿密，加上咁多種海鮮，味道真係超級無敵鮮甜。最後店員送上椰汁雪燕，味道甜甜地嘅滋潤。

海鮮蒸氣火鍋宜家好似越來越少啦，難得今次經過銅鑼灣見到呢間餐廳做緊五折優惠，一於就試下佢啦🤣一坐低職員就先同用蒸氣將啲餐具消毒咗一次，夠晒衛生👍🏻 佢亦都同我哋講啲海鮮係師傅每朝親自揀，保證最新，好有Heart！💓我揀既呢款套餐入面除咗Standard既鮑魚、青口、元貝、刀貝蚌、虎蝦同海蠔，仲可以自己揀琵琶、龍蝦、刀貝蚌同大元貝。而饅頭蟹或者鰻魚就好睇當日師傅揀咗邊款啦，今日就好好彩可以食到饅頭蟹🦀每款海鮮蒸既時間都唔同，每一次都會由職員幫我哋蒸同拆殼，食得好舒適🤤

我哋一行六人， 6:45到餐廳嘅時候得我哋一張枱，都知可能伏伏地。個職員介紹吓，有幾種套餐，我哋問佢有個自稱特價400幾蚊一位的海鮮套餐，佢極力唔推介，話係基本嘢。最終我哋揀咗個4300百幾蚊嘅六人套餐,有象拔蚌刺身同龍蝦。一嚟就出事啦，第一樣蒸蝦，個職員根本就未蒸熟，首先啲蝦個頭斷嘅，死蝦，我哋問職員：係咪熟㗎啦？佢話：熟㗎啦！我哋其中有兩隻基本上係透明嘅，俾佢睇，另一個職員先話幫我哋蒸返耐啲😂如果真係聽佢講應該成家都肚痾可能係佢怕唔熟嘅關係，鮑魚蒸得太耐， 十分韌！而佢推介嘅象拔蚌刺身亦都係細條的，食落亦唔鮮甜，另外蝦刺身大家睇相就會睇到個頭嘅顏色就已經知咩情況之後蟶子同埋貝殼類，龍蝦同蟹嗰啲係正常OK的，但係如果要人均$800食呢個套餐，有大把更好嘅選擇！

我同老公都超愛食海鮮，尤其甲殼類海鮮呢度用蒸氣石鍋作為烹調方法，唔需要添加太多調味，清蒸主打海鮮本身嘅鮮味!雖然清蒸係海鮮最好嘅烹調方法，但都好考驗D海鮮夠唔夠新鮮結論係我地當晚食過嘅海鮮都好出色好新鮮!! 完全被驚喜到!!我地嗌嘅係$449海鮮套餐，有A grade奄仔蟹﹑釜山鰻魚﹑澳洲龍蝦﹑台灣鮑魚﹑野生青口﹑加拿大虎蝦﹑韓國珍珠蠔﹑元貝﹑蟶子最尾仲有個海鮮粥底其中A grade奄仔蟹真係超級好食!!! 蟹肉好實正，又鮮香，蟹膏又軟滑又香濃，忍唔住encore多一隻……真係好出色唔係講笑另外野生青口來自大西洋，好有我地想當年喺紐西蘭出海即撈即煮即食嘅feel龍蝦都係好實肉彈牙又鮮甜! 估佢唔到全部海鮮都咁出色!