34
0
2
筛选食记
简介
文章
食记评分
庆祝纪念
用餐时段
特别条件
等级1
1
0
好有❤️嘅餐廳
2017-09-22 1606 浏览
今日突然想食生蠔，大埔其實無選擇，上網睇過呢間蠔王新開，所以即管嚟試吓，坐低同老闆傾吓發現原來係前身Jingle’s蠔吧嘅老闆再開返，唔怪得啲裝修似曾相識啦！因為太想食蠔，所以一坐低就order咗個生蠔拼盤，$398有5款唔同嘅生蠔共10隻，仲要係夠哂新鮮甜美，絕對超值！食完生蠔，我地叫咗老闆推介嘅蒜蓉包同鵝肝，蒜蓉包特別之處係真係有個焗蒜頭比你食，焗完後嘅蒜頭好香好好食，蒜蓉包香脆但唔會油膩，加埋粒蒜頭喺面一齊食，真係別有一番風味！連我平時唔係好食蒜蓉包嘅都同老公平分咗成碟！(咁啱今日又好肚餓)之後係我至愛之一香煎鵝肝，佰幾蚊有兩片真係唔貴，煎得外脆內軟，油份夠、香而不膩，如果個肚擺得落，真係好想食多碟今日食量驚人，可能樣樣嘢都好食所以唔知飽我地仲叫咗個Set dinner，二佰幾蚊有兩隻生蠔、蟹肉龍蝦湯、10oz肉眼扒、餐飲，真係抵到暈！最重要係，質素一流！尤其個龍蝦湯，老闆仲好細心咁幫我地一分為二，分兩碗上，等我地兩個都可以試到！果然係店主推介，Yum Yum！最後，老闆再推介我地試餐廳嘅鎮店甜品～薑味雪糕！其實本來已經好飽，不過老闆誠意推介，個名聽落又幾得意，一於又試一份！老闆
更多
今日突然想食生蠔，大埔其實無選擇，上網睇過呢間蠔王新開，所以即管嚟試吓，坐低同老闆傾吓發現原來係前身Jingle’s蠔吧嘅老闆再開返，唔怪得啲裝修似曾相識啦！

因為太想食蠔，所以一坐低就order咗個生蠔拼盤，$398有5款唔同嘅生蠔共10隻，仲要係夠哂新鮮甜美，絕對超值！


食完生蠔，我地叫咗老闆推介嘅蒜蓉包同鵝肝，蒜蓉包特別之處係真係有個焗蒜頭比你食，焗完後嘅蒜頭好香好好食，蒜蓉包香脆但唔會油膩，加埋粒蒜頭喺面一齊食，真係別有一番風味！連我平時唔係好食蒜蓉包嘅都同老公平分咗成碟！(咁啱今日又好肚餓)


之後係我至愛之一香煎鵝肝，佰幾蚊有兩片真係唔貴，煎得外脆內軟，油份夠、香而不膩，如果個肚擺得落，真係好想食多碟


今日食量驚人，可能樣樣嘢都好食所以唔知飽
我地仲叫咗個Set dinner，二佰幾蚊有兩隻生蠔、蟹肉龍蝦湯、10oz肉眼扒、餐飲，真係抵到暈！最重要係，質素一流！
尤其個龍蝦湯，老闆仲好細心咁幫我地一分為二，分兩碗上，等我地兩個都可以試到！果然係店主推介，Yum Yum！


最後，老闆再推介我地試餐廳嘅鎮店甜品～薑味雪糕！其實本來已經好飽，不過老闆誠意推介，個名聽落又幾得意，一於又試一份！老闆又細心地幫我地分開兩份！一食落口，果然有驚喜，真係好夠薑
好似食梗薑糖咁，食落口凍冰冰但去到喉嚨時就開始有啲辣味，感覺好得意，好好味！


本來諗住普通食個晚飯，卻意想不到食到一餐咁豐富咁好食嘅晚餐！最重要係，老闆全程好有heart
嘅體貼招待！。。。老闆話新開無乜人知，叫食客幫手宣傳吓。。。食完後真心覺得值得推介！
所以決定將本人嘅第一次食評送比Oyster King！
生蠔拼盤
$398
55 浏览
1 赞好
0 留言
127 浏览
1 赞好
0 留言
蒜蓉包
65 浏览
1 赞好
0 留言
煎鵝肝
68 浏览
1 赞好
0 留言
晚餐10oz肉眼扒
39 浏览
1 赞好
0 留言
鎮店甜品～薑味雪糕
39 浏览
1 赞好
0 留言
40 浏览
1 赞好
0 留言
(以上食记乃用户个人意见 , 并不代表OpenRice之观点。)
  • 推介
    已推介
  • 检举
2 已推介
    张贴
    评分
    味道
    环境
    服务
    卫生
    抵食
    用餐日期
    2017-09-21
    用餐途径
    堂食
    人均消费
    $500 (晚餐)
    推介美食
    生蠔拼盤
    $ 398
    蒜蓉包
    煎鵝肝
    • 蟹肉龍蝦湯
    • 薑味雪糕
    • 生蠔