蠔站 (樂富廣場) (已結業)

早前老公在社交網參與抽獎，獲得了Oyster Station的7折優惠券。他突然想起這優惠的到期日就是9月底，所以就帶我來食蠔啊！而這項優惠，只適用於主餐牌。樂富分店的Oyster Station並不在商場內，而是在街巿入口附近，位置都容易找到。逢星期二及三晚六時後堂食，生蠔拼盤有半價優惠，$199就有8款生蠔，並送餐酒一杯，我們點了兩set。老公再另外追加10隻愛爾蘭Dooriel Creek 生蠔。除了生蠔，還叫了頭盤﹑小食及意粉啊！生蠔拼盤，有來自不同產地的8款生蠔。店員已將生蠔由淡味至濃味擺放好，順時針的吃，最先的是日本室津蠔，愛爾蘭石蠔 (Irish Premium)，蘇格蘭活石蠔，南非Saldanha Bay生蠔，荷蘭珍珠蠔 (Zeeland Pearl)，澳洲塔斯曼尼亞蠔，西班牙Arousa蠔，最後就是法國Gillardeau！食盡各種口感，有爽口帶海水味的蠔，有creamy飽滿的，環遊蠔世界一趟！滿足度頗高後來追加的愛爾蘭Dooriel Creek 生蠔，$10/隻，質素即時被比下去！之前在另一家分店吃時，覺得都算抵吃，但嚐過質素較好的蠔後，就會覺得這款蠔的金屬味稍重，

幫襯過大角咀，荃灣及樂富分店大角咀及荃灣分店員工非常友善，今次樂富分店出事當日客人係多但服務性行業禮貌係最基本個位男性員工勁無禮貌，悔氣到一個點，咁唔高興絕對可以另謀高就食物質素係好既，不過對住咁既職員好掃興

黎到樂富做完義工梗係要chill下獎勵自己啦😜黎到蠔站門口見到張poster😳衝擊左我既味覺同視覺🤯生蠔$10/隻！！！有冇咁抵呀！即刻拉住男朋友入去試下先😍 鋪頭入面係酒吧形式經營，Chilling(超型)既吧枱上掛滿左林林總總既酒杯，有唔同年份既紅酒白酒！仲有一個美味專區分類唔同品種既角落生蠔🤤🤤齋望都已經肚仔打鼓啦！坐低即刻order一打生蠔再加個黃金軟穀蟹扁意粉先😋 生蠔$10隻真係好抵好抵！店員係上菜既時候為我地介紹生蠔係來自南非既生蠔，目測睇落隻隻大細均勻，而且食落肉質肥美🤤有淡淡既海水味，點上茄汁同檸檬汁🤯生蠔既鮮味引晒出黎🥰仿似置身於海洋之中，跟小魚仙在水中唱歌共舞💃🎤under the sea🎵under the sea💃🤣🤣唔經唔覺一打12隻既生蠔比我地秒速清空，哩個時候軟穀蟹扁意粉游到我地面前啦😳估唔到既係軟穀蟹都幾大隻幾厚肉，而且岩岩炸出黎熱辣辣又啖啖肉🤤加上咸蛋黃既甘香可口簡直係延續左岩岩既海洋之旅😳扁意粉偏有口感，令味覺增加一個層次😌👏簡直係Chill級高質享受！最後我地意猶未盡叫多半打生蠔享受一個Chill級“蠔”華既Dinner🤤估唔到樂富有間CP值咁高

這間性價比高的蠔吧，位於樂富街市門口位置，交通非常方便，位於樂富站附近，我哋晚上去食晚餐，沒有訂位，都唔需要等位，餐廳環境舒適，服務員水準很好很有禮貌，價格不貴，食物質素很高，已經食過幾次了。牛扒好味唔係鞋口有牛肉味，生蠔非常新鮮，生蠔質素很高，食完一盤再食一盤 ，停唔到口，嗰度D生蠔豐儉由人，每隻由$10到幾十蚊 都有，我極力推介法國Gillardeau ，無得輸Size適中、海水味恰到好處、非常鮮甜、口感爽滑。呢間餐廳值得去完再去！

經常經過呢間舖頭，今晚心血來潮好想食生蠔，咁就嚟咗試下。今晚叫咗幾樣嘢：1. 特價生蠔 3打2. 西冷牛扒1塊3. 卡邦尼扁意粉1碟4. 德國啤酒1杯(除咗生蠔外，其他埋單8折。)$10/隻生蠔，係細細隻既，不過估唔到有鮮味，又有生蠔味道。(有d酒店buffet相同size既生蠔都無咁好味道。)成$300+ 既一塊西冷牛扒，咁既價錢，size算細塊，仲要係多筋，因為份牛扒貴，切開10件，要成$30一件，所以我將D肉汁啜晒，食盡D肉而吐返嚿筋出嚟.... 張相係肉酸D....  牛扒貴價，唔係應該肉質/部位/大細，都應該係好既咩? 牛扒多筋，肉質可以，咁去食D平價就得啦，做乜要食咁貴。(真心比較，宜家傢俬入面碟$7x蚊既牛扒好食過佢，牛肉味濃過佢。)覺得被搵笨。卡邦尼扁意粉好味，一隻生蛋打在中央，撈均佢好好食。埋單$8XX (8折咗)，有點貴喔。如唔食牛扒，食意大利飯/意粉會D。

同事無介紹錯，果然好好味，生蠔比起酒店更新鮮好味，除咗蠔之外，pizza也好正，即order即製，夠熱夠薄脆，推薦，另外熟蠔冇5種煮法⋯⋯叫套餐方法可試齊咁多味道，食完里次，下次一定再來。

今次特登為食蠔而專程去呢間餐廳先發現餐牌上的蠔並沒有供應只有$10蠔及小量$58蠔一隻的其他欠奉，既然來到為有照食再加個扒餐就算十元蠔以價格計的確抵食夠厚身$58法國蠔有小許失望如果開蠔清潔方面留意一點更好整體來講會再來

暑期班放學係去了樂富剪頭髮，跟住就要搵地方醫肚。記得之前有間食蠔的西餐都好好食，就帶埋小朋友去食lunch啦！我哋行咗去樂富廣場嘅蠔站，Lunch幾十至百多蚊一份，有五個套餐選擇，都幾抵食。中午仲可以$120叫半打蠔。不過我哋怕肚痛，所以都冇叫到。見到隔離枱個個都嗌，好似好正咁😋好喜歡忌廉海鮮意粉個忌廉汁，食得出有唔同嘅香料煮成，海鮮也是用新鮮用料，不是雪藏海鮮。雜扒嘅用料都唔錯，我哋揀咗豬扒，幾淋身。個薯蓉淡淡地，好適合小朋友食用。

有喜歡生蠔的朋友嗎?🙋🏻‍♀️我是其中一位喜歡生蠔的人呢!間中都會心思思好想食╴所以這天到了Oyster station 🦪當然要食生蠔呀!🥳-原來這樣仲有特價，$10一隻的生蠔，所以立即點了一打12隻一試呢!💡🪄是來自南非 Namibia 的生蠔💃食落海水味柔和，群邊有一點微爽💖而生蠔的肉身都幾creamy, 味道甘甜💜這價錢真係好抵食呢! 好值得一點來試呀!-另外，也點了蟹肉牛油果沙律🥑🥗好清新的選擇，特別我也是牛油果🥑控呢!配上小蕃茄同蟹肉，好清新開胃同好有營養呢!一定要點呀!🍅🍒-當然也要點一個主食，希望可以來一點小清新的🥦🥬🥒所以點了香蒜辣椒欖油扁意粉🍝是有一點辣的，如果食唔到辣的朋友要留意呀!意粉食落係比較乾身，帶有濃濃的蒜味🧄簡單好食!當然如果唔食得落辣的朋友，可以叫唔辣呢!🌶-鍾意食生蠔或西餐的朋友可以留意呢!😍📍Oyster station：樂富聯合道198號樂富廣場街市地下401-402號舖

生蠔係一個會令人著迷嘅食物，遇著糧尾又想食蠔，Oyster Station幫到你～一打十二隻蠔都係$120咋，仲要係時令嫁，佢知道邊款靚先入，今次食到嘅係Ireland嘅Harty. 一來唔會好咸海水味，十分鮮甜，好多隻都脹卜卜，叫左打半都係$180,過足口癮！ 就咁食蠔咁dry,都叫左個沙律同小點綴吓～香芒牛油果大蝦沙律 $108芒果粒粒大粒，新鮮結實又夠香口，牛油果和新鮮沙律菜一齊食原來係咁夾，牛油果好creamy加少少胡椒同鹽一齊食，提升美味感！大蝦肉厚，爽口👍炸啤酒味薯條 $58雖然無咩炸啤酒味，但鍾意佢薯件夠粗夠大條，邊食生蠔連粗薯條食好過癮！

好耐冇食蠔，好掛住蠔味😋😋呢日特登約了個一樣鍾意食蠔的朋友去樂富食蠔🦪🦪呢間其實都食過幾次，每次都必叫蠔，$10隻真是好抵食😋朋友是會員，主食有折，蠔就無（不過本身$10都好抵😆）其實我哋本身是打算主要食蠔🤣不過最後決定都是叫d熟食，有暖野落肚好似好點甘（東方人思想🤣🤣🤣）呢次食的蠔比較瘦😗食過幾次，平時肥美點，平均食過來講都價平值貨價，下次會再來食😆呢個鹹豬手連骨上。量好足！而且好好食！外脆內軟！😋😋😋😋燒得好完美🥰下次來會想再叫🥰唔係講食，兩個女仔食完一打蠔，再食呢個鹹豬手真是飽到嘔🤣🤣🤣本身想食左一打蠔再食鹹豬手暖下胃再食蠔，不過無諗過呢次鹹豬手吸引過蠔～～而且食完鹹豬手都再食5落其他嘢😂（平時絕不細食）

帶朋友第一次黎蠔站，因本身鐘意食蠔，加上10蚊一隻蠔真係好抵食，我地叫左個火腿哈密瓜前菜(呢個比較普通)，牛扒做主菜(味道好熟道7成剛好) 同埋1打蠔(略為細隻但算鮮甜)，加埋杯野飲都係每人二百幾蚊落樓，味道整體好好，抵食，一定會再幫襯。

今晚遇到一位非常資深而又熱誠的staff 唐唐，他好詳細介紹每種食物，特別推介優惠食物，令我們感到非常滿意而又好開心。他本來是長注於大角嘴分店，由於樂富分店有同事請了病假，所以有緣見到他。他非常風趣幽默，又有heart 及很耐心講解各分店的特色及各款美食。本人自備生日蛋糕，他們沒有收切餅費，更非常樂意替你準備蛋糕，碟等等，也很專業為我們一家人影相📸️，真係要俾多幾百個LIKE你呀！果然係哥哥最愛的人😆！

/HEY YO❤️今次嚟一個超級簡單嘅食評分享大家都知之前嘅情人節冇得食晚市所以好多地方嘅buffet/lunch都爆滿🥲最後就去最近我屋企嘅Oyster Station一來可以滿足我食生蠔嘅願望 二來就係有情人節套餐❤️如果食過嘅人都知佢嘅蠔只係$10隻所以我哋就要咗一打啦🦪🦪🦪🦪🦪🦪雖然只係細細隻 但係我覺得佢幾蠔味都鮮甜👍🏻情人節套餐 都只係需要二百幾蚊就有龍蝦同埋碳燒牛扒食兩款食物質素比我想像中係好好多 好食㗎❤️而且個餐係包埋前菜、湯、飲品、甜品 超級抵食💗如果驚唔夠飽嘅話就可以叫多個意粉我哋就要左卡邦尼意粉 熱辣辣 幾Creamy😋-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

想平平哋又想食生蠔..呢度最平$10一隻有交易..今日生蠔癮起所以決定就去食下..除咗食生蠔之餘我哋仲叫咗翡翠螺赤貝等等..呢款係愛爾蘭生蠔...海水味淡少少但肉質尚算creamy...沒有金屬味炸軟殼蟹扁意粉..隻蟹炸得唔係好夠脆..意粉冇乜汁...有小小Dry.....另外再叫咗份牛扒...賣相幾好但係食落冇肉汁...可能太耐冇黎食過..感覺佢嘅熟食比以前退步咗...食生蠔飲下酒可能會比較合適啲