蠔站 (亮賢居)

营业中

休息中

今晚訂咗枱在大角嘴店食 平時多數都會在土瓜灣 今次介紹咗一些朋友去 因為多人土瓜灣店比較細所以來到這店 我一行八人,食物我一向覺得ok 又低食又新鮮 點知來到這間大角嘴店佢哋D態度同土瓜灣好大分別 我一坐低因為來過次數唔多 咁我就問吓 這個帶眼鏡的哥哥 我問他有什麼海鮮低食 他即時很大聲答我 (先生呢到冇特價海鮮wo⋯⋯） 當時我即刻打個突 心諗洗唔洗咁大聲呀 這個問題要咁大反應嗎？ 這店差不多半個埸都望住我哋 問題係我之前在土瓜灣店食真係時不時有特價野食 而且佢會介紹 .不過都算 之後態度極差⋯到差唔多食完大約8:45pm 佢竟然五分鐘尼收一隻碟 (系一隻)系人都知佢想點 明白嘅 疫情關係想做多些生意 之後我留意到後面起碼有三至四張大枱冇人嘅 而出面門口又冇人等枱 真係食到火都嚟最尾埋單五大三小朋友約三千元一肚火 真係唔明白點解oyster station 老板會請個咁嘅人 喂大佬 茶記都唔會啦 (我哋小朋友一直坐喺度冇周圍走）

叫咗黃金軟殼蟹長通粉！未食過咁細嘅pasta ，係一人迷你size 。Pizza 兩個人食都勉強可以嘅，最抵食係$10隻生蠔🦪 。冇draft beer得bottle 或者罐裝。如果想食得飽一定要叫每人一個main 再加啲頭盤同小食。人手不足，想叫嘢要等好耐先叫到人。

今晚既十蚊蠔係南非既Namibia, 見好多食評話麻麻地，但我覺得十蚊都算係咁，又唔太細隻，都抵食。同埋waiter好強調叫我地記得生熟分碟食，都幾貼心，service都唔係其他食評講到咁差😂😂不過可惜第二round既十蚊蠔就好差，半打都係苦，好明顯同第一round 有分別，好唔新鮮第一round食落都新鮮，size又適中。之後再有叫正價既蠔，產地係New zealand同日本，大隻過十蚊蠔好多，個人偏愛日本蠔，比較清甜少金屬味唔腥。叫左個軟殼蟹扁意粉同risotto, 意粉味道正常，炸軟殼蟹炸漿偏厚。個risotto離奇地淡味 (直頭無味)，同左餐廳反映，都好好態度話可以煮過比我，有認真處理，不過本身都飽飽地，所以就算了，唔想浪費食物。最後送左個焦糖燉蛋比我地補償，都幾好味

本身住附近，見佢晚餐都幾旺場，某日下午去睇緊餐牌時有個人喺門口話有7折，先入去食。本身係會員，食過其他分店都覺得ok，order左 truffle risotto 、冬蔭功海鮮意粉同兩隻$10蚊蠔。risotto個菇好酸，意粉果兩隻蝦係霉既，隻蠔就係十蚊質素囉，無咩特別。我坐門口角落頭位，一路食一路有幾隻蚊滋飛黎飛去，拍死一隻仲有兩隻係度飛⋯⋯都唔理得咁多，諗住平平地由佢啦，拿拿淋食完拿拿淋走好過啦。跟住埋單無比7折，問落先知門口果個唔係佢地員工係客黎。問佢咁可唔可以比返7折我地，我地都係聽佢講有7折先黎食，個經理話唔得，要openrice book位先做到7折，walkin無折，埋單果時亦都無問我係咪會員。如果佢比返個折留住個客，住咁近黎講都可以當落黎食個頹飯，可惜佢就唔識做囉⋯⋯咁既食物質素同衞生，老實講無折就唔會再黎食，想book位既大家都要三思，食返其他分店好過。

好多香港人都成個食家甘，有時要求高並不是問題，而係你想平又食到珍貴既野，人地都要出糧交租啦。呢間來過幾次，見佢又有分店，都算係保持質素，十蚊一隻蠔，來親都叫一打先架啦。 每次十蚊蠔都有唔同產地，今次既都係有鮮味，而且入口仲有少少海水味，整體都叫新鮮。 午餐時間來到仲有lunch set 叫，真心抵食，平時叫個意粉都要百幾蚊啦。lunch set 就只需58起，仲有牛扒次類，但要百三蚊左右。個餐湯係有用心煮既。👍

上次叫咗個蠔站至尊pizza加卡邦尼意粉合共三百幾蚊。個Pizza係凍嘅，冇錯係凍嘅！serve一個熱嘅Pizza究竟有何難度？Size非常細，對比起佢嘅價錢簡直係一啲都唔值。長方形六細塊，每塊應該兩啖可以食完。上邊嘅配料真係除咗茄汁之外幾乎乜嘢都搵唔到。堅硬嘅程度有如喺焗爐翻焗左三四次以上。求其喺超級市場買嘅任何一款冷凍Pizza都俾佢更加優秀。重點係收人哋差唔多兩舊幾水，俾啲咁嘅嘢出嚟究竟有冇良知？咁樣去呃啲顧客究竟天理何在？個意粉就好一般。勸大家如果有其他選擇根本就唔需要幫襯呢一間野。

亮賢居這間舖在大角咀千色店對面馬路，不是對大街的，還要轉彎才到，有啲難找。今日食午餐，碳燒肉眼伴虎蝦，加$120，6隻蠔，再加6隻$10蠔。頭盤係沙律，有啲橄欖，小番茄，沙律菜。好新鮮。湯，好香濃，幾好。但，麵包籃有點咖喱在頂。要小心衞生。$120(原價$218), 6隻蠔，2隻美國，2隻蘇格蘭，2隻法國蠔。上枱時，有介紹食用順序。生蠔好新鮮，好食。可以話是$20隻，扺食。下圖左邊是, $10的蠔，新鮮，味道都ok. 但，有1隻細得過份，是一層皮咁薄的蠔可以試試。但和圖右邊的$120, 6隻的比較，真係唔同。真係一分錢一分貨。碳燒肉眼伴虎蝦,牛扒要5成熟。5成熟的牛扒，好淋，唔會痴牙。虎蝦，烤得好燶。但食落無燶味，蝦肉爽口，好食。甜品是瑞士卷，真係可能是嘉頓的沒有影相，似下圖的樣。

黎到大角咀，就試下呢間蠔吧，當晚比較忙，入到去未有服務員即時招呼。 安排座位之後，睇menu揀咗當日精選生蠔$10蚊/1隻，2個人共叫咗打半，另外再叫左6隻其他生蠔，佢地開得好快手，唔使等好耐已經上到枱，介紹亦都好清晰，有建議食既次序，而生蠔質素都ok, 幾新鮮。另外叫咗薯條，炸得都唔錯，同埋魚扒伴扒翠玉瓜同甜甜地嘅蜜糖醬配忌廉椰菜花碎作為主食，感覺中規中矩唔算好特別，最後最貴嘅甜品係大大件Tiramisu伴雪糕，但服務員對雪糕種類唔太熟悉，開頭話可以1半雲呢拿加1半朱古力，黎到變咗雲呢拿，要搵經理先轉返2溝味道， Terimisu都唔算十分出色，雪糕都一般，而且份量太多，真係有啲膩，埋單時睇到張單計多咗錢，因為我地想經理幫我哋揀d蠔，經理揀嘅時候冇講清楚，幫我哋揀嘅蠔會收貴咗，最後都有減返錢畀我哋，整體用餐體驗都ok既，氣氛唔錯，有大screen播MV

呢間野我都幫襯咗好多次，每次埋單叫埋酒都要300蚊一個人頭啦，但都物有所值，啲蠔係新鮮既，唔會話10蚊就hea你，有時覺得120蚊就一打真係好抵，唔知其他人點諗啦。佢地分店都多既，尖沙咀青衣都有，雖然一般意粉要170蚊左右，但係啲蠔平咗俾你呀嘛，當拉返條數囉。 酒就一般人都叫白酒既，但原來佢啲紅酒都唔錯，288起一支，佢地有加一架，甘都係果句啦，十蚊一隻蠔呀。佢地服務都叫可以啦，可能因為一般人都係飲少少酒加食下蠔，整體都係開心既。

叫左半打生蠔🦪帶子味其實好鮮甜，師傅好好有已經界定左🦪一拮落去就成隻連帶子位食到😚非常欣賞！味道淡到濃為一下次序：1️⃣Pacific Rock $40-推介！light少少唔會好濃味，淡淡海水味🌊非常大隻肉身柔滑好滿足。淡味非常適合做第一款生蠔🦪2️⃣Nelia $40-店員推薦呢款，中規中矩，海水味鹹味較重，creamy！3️⃣Gillardeau $58-gillardeau一至都係生蠔🦪界之愛，Milky得黎食落Creamy！好肥美，食落好有層次感，海水🌊味都算重，食完成個口仲係好濃生蠔味😍黃金軟殼蟹扁意粉🦀️$158-軟殼蟹細細隻比較油膩少少，意粉🍝鹹鹹香香但就唔係好濃鹹蛋黃味道，淡淡地無咁heavy。配料有洋蔥🧅同三色椒絲，份量都好足夠。Riesling $68-叫左杯Riesling清甜送酒相當不錯🥂

＃孖寶倫倫十月星星淪漾篇2020蠔飲篇…睇下我d蠔棚👍🏻👍🏻👍🏻雖然八個人但係分成人枱同埋小童枱，三支白酒加9打蠔，其本上係又成人枱處理嘅😢其它就小童枱為主！好彩大家磑口味😍多謝咁多位專誠蠔情為淪漾慶祝生日！當晚人正酒靚蠔不停！都好似打破我嘅蠔情記錄， 雖然我地要1.5距離，仲4個4個一組，仍然無減歡樂🎉🎉🎉多謝親愛嘅每一位蠔客✨生蠔呢個價可以😍白酒都唔錯😁 其它食物ookk👀招呼都算過得去😅

因限聚令，唯有相約朋友於屋企飯聚！外賣咗 6款生蠔，由南非， 愛爾蘭， 塔斯曼尼亞，西班牙同2隻法國蠔，款款都好新鮮好好味！最緊要係包埋開蠔同醬汁，兼有寫埋食嘅次序同蠔名，好貼心啊！現在外賣蠔有 7.5折！

一直以來，同朋友想食生蠔。一定去呢間，無他，一個字「平」。$10 一隻生蠔🦪仲想點。 記得加杯 白酒配 生蠔。食左咁多次都無肚痛，乾淨衛生。久不久佢地都會轉下來源地既$10 生蠔。佢地既 pizza 都唔錯架，可以試下。

太過分喇 聽購票介紹呢間oyster station 長期有十蚊一隻蠔既優惠用埋Openrice訂座野飲食物仲有打折實在係價錢太相宜了原本以為十蚊啲質素都唔方好野點知我叫左一打先啦即叫即開 好新鮮我咩都唔落 係勁鮮甜 細細隻唔可以話好肥美但十蚊食到生蠔我心滿意足今次識呢隻係法國蠔 有淡淡海水味叫左杯微甜甜白酒 襯生蠔真係好開心介紹大家如果食生蠔叫杯微微甜既白酒 食之前食之後飲一啖嘩成個體驗係提升左一個層次☺️甜蠔好味左 杯酒又好飲左

見好耐冇去食生蠔突然諗起就去幫襯返Oyster Station。唔知道係因為未到季節定係因為最近晚市啱啱先開返，生蠔嘅質素真係一落千丈，曾經覺得好好食嘅燒乳豬都冇咁脆。好少食飯食到要直接抒發自己嘅感受，but we did it.