蠔站 (亮賢居)

营业中

休息中

今日放假所以想食個生蠔，去咗一直都好滿意嘅Oyster Station。見到與推介全日7折，就叫大家一齊去食個半brunch。生蠔做緊特價，午餐選擇唔多，大概六七款嘅選擇，最後揀咗韓國，非洲，蘇格蘭，頭兩種都好好痛，味道都麻麻地，最突出嚟會係蘇格蘭呢隻，不過全部都唔記得叫做咩名。呢個煙三文魚小杯沙律，係餐嘅前菜，達標準。個蟹餅係À la cart，蟹肉非常多，收得你咁嘅錢俾返咁多嘢你。亦有沙律伴碟，菜嘅質素算係高，唔係求其俾啲綠色野你。因為想食啲肥仔野，所以加咗呢個鵝肝。照舊唔會失望，一直想講嘅係希望佢嗰塊鵝肝可以大塊啲。😏烤雞凱撒沙律，雞肉唔乾帶肉汁，絕對讚。沙律既菜依舊新鮮，個sauce 同芝士都好平均，如果個crouton 可以再入味少少就完美。Lee 個蒜片大蝦寬麵意粉係lunch set，賣相唔係太吸引不過味道有驚喜。蝦大隻係爽口急凍既，蝦殼已被處理好。個麵彈牙剛好，加上蒜香，本人喜歡辣加Tabasco，一流。牛排好似係rum，唔記得左，不過可以再厚身少少。叫medium rare ，出來時色水可以，只係牛排不是最好既rum 部位，帶根。個鮑魚點綴有點兒多左，不如放幾條asp

與友人想食蠔 就搵下邊度生蠔抵食啦 發現蠔站大角咀分店做緊正價7折 好吸引 就決定當晚去食 點知full booking sad 所以唯有再揀日再戰啦😌店舖一眼睇晒 得幾十位 都有一兩張大枱位置 所以要食記住book 定安全啲一坐低店員就推薦 是日精選蠔$10/隻《南非蠔》咁就先黎半打試試佢啦😍個樣已經係好肥美 海水味唔重 食落鮮甜 食完仲有回甘既味道 唔錯 $10隻都有咁既質素 要即刻encore黎多一打😋其實想再食多啲 但都想試下其他野 所以留待下次再食吧《法式煎鵝肝》賣相唔錯 分成兩舊 大啖啲都可以一啖一舊 方便食用 入口稍微融化 煎香味較濃 可惜以$158黎講 性價比低飲品方面《白桃&荔枝乳酸梳打》正常味道 甜度適中 兩者比較下 荔枝味較佳《炭燒澳洲羊架》切成4舊 舊舊都算厚 啖啖肉 仲有4種調味 鹽 燒汁 黃芥辣 甜酸醬？ 當中羊架點鹽更能將羊味更出 更好吃 仲有啲燒瓜薯仔做配菜18隻$10生蠔 再加正價7折後 $600/2位 不過不失 下次會再黎主攻生蠔 諗起都想再食😍

前一早經食飯網網上預定左第二日嘅dinner，而且網上訂仲有7折添呀， 好抵。係太子港鐵站行過去大約10-15分鐘左右啦，都幾格zip。因為訂左檯，所以已經預留左檯俾我地。首先我地order左seafood platter ($428)有8隻$38蚊款嘅生蠔, 2隻加拿大翡翠螺, 2隻日本甜蝦刺身, 1隻扇貝同赤貝刺身因為我鐘意食法國蠔,所以要每隻另加$20轉法國蠔, 轉左6隻, 其餘2隻就轉左南非蠔, 都要加每隻$10法國蠔真係超越好味, 食完口有回甘, 好鮮甜, 非常值得轉。其他刺身較為普遍。日本原板海膽刺身($238)冇苦味，份量都好多。後再追加$10一隻特價蠔（愛爾蘭產），叫左半打。食完法國蠔再食愛爾蘭蠔就發現有方別。愛爾蘭蠔好咸，比較細隻，冇乜肉地，鮮味都有嘅，但對比下就普遍左d。黃金軟殼蟹天使麵($148)好正d咸蛋黃，黃金蝦就食得多，未試過黃金軟殼蟹。澳洲羊架($298)medium, 有4件, 有唔同醬汁, 包括薄荷醬, 芥末醬, 燒烤醬同海鹽。海鹽真係有驚喜，唔太咸反而吊出羊架嘅鮮味。因係網上openrice訂座,所以全單有7折, 即1千左右埋單。有7折真係好抵，下次

嘻嘻🤭上網睇佢地又有新搞作，身份證號碼加生日有「1」「9」就有Discount，岩岩好朋友計過可以有7折，而且逢星期二有著數，即刻openrice訂位先。點知～原來openrice訂位一樣有7折😂唔使對身分證。星期二會有$199/8隻唔同地區生蠔，當中包括Gillardeau，仲跟埋一杯紅/白酒添，雖然佢加一係用原價計，即係$240/8隻，但都好抵呀😍一樣佢地會放到靚一靚，講我地知由邊隻開始食，邊度最清，邊隻開始濃味，邊隻係咩國家，口感味道會係點。一路聽已經一路流梗口水，到食落口個下，發覺同佢講嘅一樣，🤤🤤🤤好正。佢地啲蠔好新鮮，啲味好突出而且我鍾意佢起晒啲肉出黎，食起上黎方便好多。另外都叫左10蚊蠔，今次係法國嘅，細細隻，少少海水咸味，蠔味都好夠，我鍾意👍🏻👍🏻今次試埋個Ham with melon，但用黎傾計送酒都唔錯。依個我每次都會叫，鍾意佢夠香夠脆，個個朋友食完都話正👍🏻👍🏻👍🏻平時次次都會食扒，今次試下豬手。啲皮的確好脆，夠香口，肉質唔會炸到好乾，雖然我自己比較鐘意食軟淋淋嘅豬皮多啲，但朋友食野飲酒的話，依個都係唔錯嘅選擇👍🏻另外值得提下佢個醬：蜜糖芥末子醬，好似有少少花香味

中午一行12人去食午餐，已book枱，到場好快就可以入，餐廳有高低枱，有唔同選擇，可能人數太多需要少少時間搬枱。我地叫左幾個set，食物價錢性價比都非常之高，都係$60-100一個set。當然叫左oyster station 重頭戲，10蚊一隻生蠔，特價生蠔話出由師傅選定當天較靚既生蠔供給客人，蠔唔算細隻，有鮮味，岩曬鍾意食蠔既人，我地總共叫左5打 60隻，開蠔時間唔需要等太耐，好快已經有得食。宜家有時都會同朋友去食晚餐，夜晚會有人龍，最好早D到或訂定位。

為了就近午餐後約了朋友在奧海城做運動，因為老公有要求要「食好嘢」，不想去啲連鎖餐廳食，於是我在 Openrice 搜尋附近的食肆，發現了這間小店。餐廳的面積頗大，兩邊的電視在播放 80年代歐西流行曲的 MTV，頗懷舊 員工很細心解釋餐牌和優惠，我們除了點了兩份午餐外，還加了$120 半打蠔，共3款，店員先問我們喜歡那種口感才安排的 (我們較喜歡爽身和有口水味)。送上來時，店員還仔細地介紹這3款不同的蠔及食它們的次序。後來看見餐牌寫有$10一隻蠔，店員說是指定款式，我們又叫了4隻，不錯很鮮甜。餐飲轉了兩杯啤酒，埋單 $300 有找。蠔新鮮、意食物美味、服務好。可以再去

呢日去朋友屋企打牌 諗住話朋友屋企近大角咀 大家又係生蠔發燒友 之前試過將軍澳嘅分店覺得啲生蠔都幾新鮮 所以就決定試吓大角咀呢間分店啦🤭首先我哋到嗰陣時係晏晝四點幾 鋪頭無人 場有兩個女待應 服務態度好差 好似我地係不速之客咁！叫左個天使麵 洋蔥切得細細粒唔係好覺 但幾香 味道幾creamy又唔係太鹹 overall係唔錯但重點黎啦！ ！ ！我同朋友分兩輪一齊叫左兩輪一共15隻10蚊生蠔2分鐘都無9隻已經上左枱..味道麻麻一啲都唔新鮮之後諗返起真係有可能係啲蠔一早已經開定

一行4人豪食蠔，為左食蠔而黎，蠔既種類都幾多，職員對蠔既講解都好專業，但蠔真係偏咸同冇咩蠔味食到反而特價蠔既蠔味仲濃啲...環境唔錯都幾舒適係音樂真係偏大聲....傾計飲酒都係唔錯既選擇...係講野要大聲少少先聽到...熟食做得唔錯龍蝦🦞意粉做得好味廚師唔記得比番個龍蝦肉我地🤣錯左唔緊要，佢地都好好馬上補返俾我地...仲配左薯菜好好味野飲稍為淡左啲，如果鍾意三五知己飲下白酒食下生蠔呢一間唔錯！價錢都適中唔算貴

小弟向來都中意食生蠔 經朋友介紹過黎食話做緊優惠十蚊一隻 起初聽落都驚驚地 俾咩蠔我食架半信半疑之下 都係去左試幾個朋友叫咗 薯條 生蠔 焗蠔 豬手 牛排 炒雜菇 意粉首先薯條 真係唔錯 雖然係幼身薯條 但冇M記果陣粉味 依然食到有薯蓉 而且非常脆身 跟住生蠔 雖然唔算好大隻 但睇得出非常新鮮 因為 佢 仲 識 郁（篤佢條邊會少少縮）！真係好少食到呢隻鮮度嘅蠔 當堂放心晒 ireland嘅蠔 真係冇食過 食落非常舒服 平易近人 連平時唔多食蠔嘅朋友都追住黎食！ 十蚊隻絕對抵食！牛排 油香好足 條邊煎到有少少焦脆 入口有少少化開嘅感覺 好嫩滑 有驚喜豬手 好食過好多德國餐廳 個皮就一定冇廣東燒肉咁脆 唔算好硬己經收貨 但肉質嫩滑 有烤焗香 配蜜糖汁 好食有驚喜炒菇 正常 不過不失意粉 欲嫌淡口 可能之前肉類太濃味 真係比咗下去 總結 生蠔 超性價比表現 薯條 豬手 牛排 有驚喜 對得住個價錢有突己收編入飯堂列表😂

呢間餐廳有好多分店架，不過我都只係幫襯開大角咀既哩間每次吸引我黎嘅都係因為$10 一隻蠔呀嗌足一打都唔過份呀好抵食呀媽咪呢度幾好好似係嚟自法國，唔多記得😆😆😆不過肉質肥美，好新鮮，係好食既蠔，原本想開支白酒飲，不過怕飲唔晒，最後淨係嗌咗杯啤酒🍻然後我哋再嗌左個五成熟rib eye 🥩 🤩🤩🤩🤩大廚有水準，五成熟就真係五成熟😋😋😋塊steaks 算係厚身，而且keep到啲肉汁，係好食既

平日12點幾，環境算靜都幾啱一個人，或一班朋友嚟食飯嘅好地方上菜時間好快，12點落咗order， 5分鐘後已經有湯同麵包，10分鐘內主餐已上檯，服務算唔錯，staff 都夠細心加$10另配的即磨咖啡都不差

話説曾經係因為10蚊蠔而去試下呢間餐廳，講真聽到10蚊果下其實無乜期望。吖~點知食過之後呢間餐廳就變左週年晚餐既落腳點。熱烈推薦大家去點隻豬手試下！本身都怕好油好多肥膏，但食落勁脆勁香口，配搭蜜糖茄汁芥辣醬，適合調教個人口味。個有個10蚊蠔，店長每日會有唔同產地既蠔做10蚊推廣，大就唔算好大隻但過下口癮都ok既，唔想只食推廣蠔都有其他選擇，不過價錢就唔同。仲有佢個黑松露炒野菌同埋個薯條都係必食之選(+錢有埋黑松露粉)👍🏻👍🏻👍🏻

到這店那天 是我與老公3週年紀念這一間餐廳 絕對值得試令我們有美好的晚上我們點左：1) 蠔. 海鮮刺身併盤蠔是新鮮既 店員介紹的日本蠔令我意想不到的清甜另外西班牙蠔. 大隻有有濃郁海水味絕對要試但刺身類一般. 不過不失2) 巴馬火腿伴哈密瓜火腿我食過很多間 都是一般般但呢間的火腿有油份且很香 配上的哈密瓜是清甜的 配上火腿 很夾依佢個價錢 這個質量不錯3) 卡邦尼意粉其實這個意粉整得難食很難的呢間餐廳整得當然不難食 我要讚佢個醬 好食但唔heavy 不會方間有d煮到好creamy唔會意粉似住哂分唔開甘4) 心太軟普通啦 這個甜品都好難整到難食既味道一般 沒有太意外當日 我們自己帶左枝酒原本是要開瓶費$120但個staff見到我地是週年紀念就免左我地開瓶費這個舉動真的很感動看到他對客人既誠意

星期三的晚上，駕車到大角咀，吃晚飯。來了一間好吧。先來一打法國生蠔，之後點了一個凱撒沙律及意大利燴飯。。。四隻生蠔，是我喜歡吃的。带甜及海水味的一種，生蠔不算太大隻，是一口生蠔。。。原本是叫香芒牛油果大蝦沙律的，但由於售罄了，所以轉叫凱撒煙三文魚沙律。。。還有大啡菇意大利燴飯。。。這是我最喜歡的一個飯。香濃的燴飯十分有口感。。。之前已到他們的分店，吃了，但知道總點，的服務及，有關，食材的，質素比較高。真是值得一試。。。比傳說中好。。。雖然交通不是太便利，但駕車來，也不太難找。。。不過吃飯時間要早點來，泊車，因為街錶雖然多，但也拍滿了很多車子。。。。

晚餐在大角咀oyster station食呢間分店向來少人坐得舒服😌環境都算唔錯但略嫌音樂大聲咗啲 如果可以較細返少少就更方便大家傾計🙂🙂🙂🙂香草燒春雞🐔🐔🐔伴碟整得好靚 蕃茄仔係好高質 好甜的🍅🍅🍅春雞燒得好嫩滑味道唔錯👍🏻👍🏻👍🏻👍🏻👍🏻烤鱈魚😾😾略微有少少嫌佢僅僅熟🙏🏻如果烤多少少時間會更好🙀🙀