蠔站 (諾士佛臺)

营业中

休息中

蠔站🦪🦪今個weekend同朋友去咗食蠔☺️個個一起身第一餐就係食蠔🤣🤣好幸福🥰🥰🥰每人食左一打🦪，$10隻真係幾扺！雖然比較細隻不過都新鮮☺️☺️🦪另外，我哋仲叫咗一個蟹肉牛油果沙律🥗、黑松露炒野菌、蠔站至尊薄餅、香蒜辣椒橄欖油扁意粉🍝。質素還好🥲本身諗住叫free flow wine，但係一定要成枱四個人都order..我哋有朋友飲得唔多，所以就放棄咗🥲如果多啲彈性就好了。最後想講服務真係差少少⋯其實之前去開其他分店服務都唔錯。但今日全場已經好少枱客，但係都好難叫到一個店員。最後嗰兩轉蠔🦪追左好多次先到⋯同埋店員完全冇親切嘅感覺⋯我會繼續幫襯佢哋嘅$10蠔，但就未必會再黎尖沙咀依間🥲

今日下午茶時間，我就同朋友嚟咗尖沙咀蠔站，呢度嘅生蠔真係冇得頂，又抵食又有鮮味。我哋除咗叫$10 1隻蠔，仲有叫是日空運 法國蠔set $218/6pcs食咗呢兩款蠔之後，我同閨蜜都覺得兩款都好好味。愛爾蘭生蠔優惠 $10 👍🏻細隻但係有鮮味我哋都瘋狂係咁叫 因為實在太抵。是日空運 法國蠔set $218/6pcs👍🏻👍🏻👍🏻好大隻 肉好豐滿 令我哋食完又再叫而且經openrice訂座 仲有七折優惠。🤩#極力推薦鍾意食生蠔嘅你哋❤️平價又抵食😋

服務態度差，無禮貌，好似趕住收工咁問佢要杯凍啡，佢一句話 無凍啡 就走左最基本既Iced Coffee 都無？唔好玩啦叫左個黑毛豬 餐牌又唔收塊豬 仲要生既 入面有少少血$278 蚊 唔值囉 唔會再黎炸魷魚 好麻麻地 有d淋 唔香 炸得唔好

Oyster Station分店多多，質素絕對有保證👍🏻襯朋友生日，一齊過嚟食好西🤤————————————————————————10蚊一隻！10蚊一隻！你無睇錯，真係10蚊一隻！前前後後叫左4打生蠔，好食到停唔到，好新鮮，好fresh! 海水味重（個人喜好）。真係好好食❤️❤️❤️❤️————————————————————————肉眼扒，5成熟。意外地，好好好好好食！肉質夠淋唔韌，肉味好濃，就算食肥膏位置都唔會太肥膩，係略嫌一上碟芥辣唔太夠，孤寒呀🤣🤣————————————————————————蜆肉意粉，呢個偏辣，鍾意食辣嘅朋友絕對可以一試，不過要留意番佢嘅份量，我諗佢都係要一個人食㗎咋🤫————————————————————————黑松露野菌pizza👍🏻👍🏻👍🏻呢個都好好食，食落口好creamy, 中間啲芝士完全唔會偷工減料，配合埋野菌嘅香，好食好食好食🤤————————————————————————炸薯條。正正常常啦，送酒就一流👍🏻👍🏻————————————————————————呢個炸雞翼就略嫌炸得太乾，而且冇乜味，靠點醬俾返啲味覺自己😂😂😂——————————————

朋友介紹這裏有$10生蠔，質素都不錯所以我們就來試一試。不知道優惠做到何時，所以出發前特意打電話再確認我們兩人先叫了半打生蠔試一試 看看會否中伏😂大小中規中矩，尚算新鮮，都算抵食好過食某d自助餐，每人一轉只取兩隻好瘦嘅生蠔於是我哋再叫多另外半打生蠔坐定定等食我哋還叫咗黑松露pizza和軟殼蟹意粉。二想不到的味道唔錯。Pizza好重黑松露味而且Pizza底又薄又趣，好啱我口味軟殼蟹意粉就成隻上，都算幾大隻，啖啖肉。炸得非常酥脆，非常易切，意粉好均勻咁有鹹蛋黃味，都好入味，但係成個意粉就比較油下次可以再來。

同朋友慶生，壽星想食蠔，咁就再次光臨蠔店！係，我哋唔係第一次光顧，返兜嘅原因係食物質素有保証，特價蠔($10隻)好抵食，員工亦會詳細解釋當日返咗咩蠔，任君選擇！環境光線柔和，適合同朋友把酒談歡！當日叫咗 : 蟹肉牛油果沙律($108)這個沙律非常清新，牛油果又唔會太熟，一pat pat 咁，加埋蟹肉 係上面，perfect match! 叫這個沙律係換醒舌尖味蕾，預備食蠔了！頭輪叫咗一打 $10隻蠔試吓水溫先，今日係 愛爾蘭 Carlingford，味道偏海水味，蠔身比較爽身，雖然蠔嘅 size 大細不一，但勝在夠新鮮！絕對係抵到爛！雖然想叫多一打，但肚子容量細，要留噃D空位比更正嘅蠔呢！第二輪蠔係係出面蠔吧自己揀嘅，始終唔係第一次食，其實自己已有心水，不過見到有新款蠔，所以今次試吓佢哋一共叫咗 18隻蠔，有日本新返嘅雪解 (size 頗大亦屬 creamy 品種，但味道唔算太濃，所以佢係排第一去食先) 今次亦試咗由 Dubai 新返嘅Dibba bay, 這個入口海水味非常濃，爽身，但餘韻帶有少少金屬味跟住係西班牙嘅 Arousa, 這個屬偏甜同 creamy 嘅品種，同之前嘅Di

好多朋友都介紹呢間餐廳，十蚊一隻生蠔價錢太吸引啦！終於同男朋友黎試試佢水準如何，餐廳環境都幾闊落，坐得舒服，亦都有幾部電視播下concert,mv, 幾好feel睇好多食評話侍應態度唔好我地都唔太感覺到呢樣野，不過收盤的確好快手，我地食完d生蠔，侍應即刻黎收冰盤不過可能係防止d冰咁快溶，都合理既講返野食，我地唔係太肚餓，諗住嗌住少少食住先。嗌左一打十蚊生蠔，水準參次，平均黎講冇鮮甜味，感覺可能唔太新鮮雖然價錢平，但質素黎講唔過關，始終一分錢一分貨另外仲嗌左經典辣肉腸pizza, 包底好薄，亦都好脆，食落直頭似餅乾我就覺得還好，一般般。不過男朋友就覺得太硬另外我地都覺得上菜時唔夠熱，好快成個pizza就凍左而凍左既pizza底更加硬總括而言，餐廳既gimmic 10蚊一隻生蠔的確會吸引客人幫襯，不過如果淨係黎試呢種生蠔應該會失望而回生蠔餐牌上有其他款式既生蠔，有興趣可以一試評分:環境 ⭐️⭐️⭐️⭐️⭐️味道 ⭐️⭐️⭐️⭐️舒適 ⭐️⭐️⭐️⭐️⭐️優閒 ⭐️⭐️⭐️⭐️⭐️回頭 ⭐️⭐️⭐️⭐️⭐️

啤酒薯條每次食都覺得好好味，同埋叫2客，太好味。如果沒限時，就更加好，因為7點食至8點半，7點45分同我地講last order, 8點就要幫我地埋單結帳。非常掃興。

訂左18:30 坐低左 由18:30 每10分鐘追你落單不停追 想飲陣野 食個小食都唔得1900 剛剛叫野食 就埋嚟話Lastorder我話你哋成個場都無人喎 做生意唔係咁做架係咪呀啲野嚟齊19:30 就放張單嚟叫我埋單其實你間野有酒飲有小食有蠔食唔俾人傾計要快食 你開快餐啦嬲到核爆 20:00 追我要走 一餐800 蚊既飯 食個半鐘 中間狂追落單狂追埋單成間野坐唔夠30%問佢無人可唔可以繼續 佢話Full Booking到我走都係無人坐其實咁既服務態度真係好有問題

我2：30訂左位，，無咩客，得2枱客，生蠔$120/6隻好食過$10隻既，，食左2set...服務都唔係傳說中甘差，可能唔忙就好D！兩個人食左6百幾，2set生蠔另加2隻$10既+虎蝦燴飯+肉眼扒+紅酒一杯，兩個人就飽晒啦

10$ 一隻蠔 雖然有時大隻有是細隻啲 但呢個價錢呢個質素絕對係超值 而且牛扒同豬手都唔錯 生蠔迷的我有時覺得蠔吧太貴 自助餐嘅質素有參差 呢間絕對係我首選另外意粉或者pizza嘅質素都唔差 軟殼蟹意粉同埋risotto 都好食 肥糯米我最鍾意食佢牛扒或者豬手隔離嘅配菜 就係一啲圓轆轆嘅小椰菜 出邊好少用呢種菜做配菜 咬落去質感都幾好 佢嘅薯蓉都地點方便 環境又唔太差 適合三五知己飲一杯傾吓計 有陣時仲可以有折。係OP卜位有陣時會有折或者有里數儲方便快捷

為左$10蠔而去。原本睇評價都話呢間服務態度一般，但係book位有85折，於是諗住照去啦。可能係我黑仔，個日嗌既$10蠔有啲腥同苦苦地，不過其他熟食還是不錯的。最後兩個人食左八百幾，結果職員冇俾到85折我地，我地又冇左回事。走左先記返起，翻翻去叫佢折返俾我，佢又死揸實張單唔俾我睇，一句唔好意思都冇。服務態度真係麻麻😓

老公生日搵咗間餐廳「蠔」一「蠔」佢！蟹肉牛油果沙律$88好多解肉，真材實料，味道ok10蚊隻生蠔，我毫不猶豫就叫左一打，果然係唔好有期望，得少少蠔味，好淡下，所以一round之後無enore😆不過總叫有食過！等咗15分鐘，終於食到即叫即焗的至尊薄餅$158有腸仔，火腿，芝士，蕃茄，黑橄欖。個皮好薄脆呀，都值得推介，不過可以便返少少！德國焗豬手配蜜糖芥茉醬$278超級脆，唔太鹹，好正！預早訂咗個心太軟，寫定生日快樂To老公！驚喜地有芒果片，寫字都好靚，不過心太軟就不太流心，味道一般!!用左OpenRice 訂座有85折，所以感覺好啲😅

朋友帶去慶生，聽講每日都有不同既蠔做優惠，$10一隻。當日係愛爾蘭蠔，比較creamy。我地total 叫左三打。其他食物，火腿，芒果蝦沙律，risotto 同carbonara 意粉都好好味。仲有最後甜品心太軟，都係好食！值得一讚係寫Happy Birthday 既員工寫得好靚，好似印上去咁。

分享食評之前， 想講一講是晚非常差既分餐體驗，我哋book咗五點半入座， 其實餐廳confirm booking嘅時候有講用餐時間係90分鐘， 咁其實我都明白， 畢竟weekend嘛。到我哋坐到六點半嘅時候，侍應有同我哋講喇last order。7點嘅時候同我哋講夠鐘要還返張枱， 不過其實當時舖頭有超過一半嘅枱係冇人坐， 我明白香港好多餐廳都會有用餐限時， 不過應該係當你餐廳好多客等緊位嘅時候用， 而唔係你餐廳仲有一大半嘅吉位，都仲去趕客唔知為乜。因為七點我哋未食曬，繼續坐到七點半。 中間侍應提過我哋兩次要還返張枱， 我都有好nice咁問返佢哋（ 其實隔離枱兩位女士都同我哋有同樣嘅問題），而家你哋有咁多吉枱，係咪有需要不停咁樣催。 係催到我一飲完啖水放低隻杯，五秒內佢即刻收走， 食完最後一隻蠔， 一放低隻叉佢又即刻收走 。完全係超級趕客，然後佢話因為嚟緊會有好多booking， 所以怕到時太急。 但係因為限聚令， 其實所有餐廳都閂十點，如果你間餐廳七點半都仲有大半座位冇人坐，我相信唔會八點鐘突然間有幾十人走入嚟趕你個last order。 如果你有好多人排隊我都會即刻還返張枱畀你， 不