街坊Cafe (已結業)

收工約同事去旺角shopping, 兼且試左間新餐廳. 呢度 7點已經差吾多full 晒, 應該幾好, 哈哈.間Café 個裝修都幾特別, 牆上面畫滿香港風情畫, OK好feel.地方細細但吾算逼, 坐得都算舒服.雖然 full, 但係D waiter 同waitress 好醒目, 快手快腳又有禮貌, nice~今餐我地2個share 左一個餐同叫左d小食, 每樣份量吾細, 好夠食呀.跟餐龍蝦湯同碗仔翅同價, 我地當場揀左龍蝦湯啦. 個湯好濃味, 幾似係歐洲飲果種味.小食上先, 吉列蟹肉忌廉薯餅同埋芝士牛油焗蠔.芝士牛油焗蠔真係好好味.D蠔好大隻, OK多芝士, 焗完都仲好 juicy, 調味啱啱好~蟹肉薯餅好夠脆, 一D都吾油, 伴碟既 green salad 配芝麻醬好得~到主菜 --- 鐵板美國黑毛豬件豬扒超勁厚, 燒到焦焦地, 望到都流口水啦~豬扒醃過, 吾落汁都好夠味.最驚喜係舊超甜粟, 真係好好好好甜呀~跟餐個齋啡好得, 讚!點解2口個人share一個餐? 因為要留肚食甜品嘛 --- 朱古力心太軟伴雪糕真係超超超超超好味, 賣相又靚, 無得輸.朱古力雪糕吾係太甜, 夠硬又夠

星期六出去旺角買模型噴油，再去信和中心又有啲收穫，帶著興奮嘅心情去食下午茶。去到位於通菜街的街坊cafe。餐牌第一版有港式全日早餐，已經非常有趣。下午茶有三文治，亦有各式甜品。先吃一個飽肚的蜜糖芥末三文魚豬仔包。硬豬仔包是兒時最愛，配合大大塊煙三文魚及適量蜜糖芥末，非常惹味；與其用刀叉慢慢切，用紙巾包著，拿在手中整個進食，才更暢快。旁邊配以格薯，新鮮炸起 非常脆口；若需茄汁，可請侍應送來。再加些以日式芝麻醬調味的沙律，吃點蔬菜更加健康。還叫了甜品士多啤梨荷蘭班戟配雪糕。餐牌上寫需等待30分鐘，所以點餐叫豬仔包的時候，已經一併點了甜品。雞蛋和牛奶香味吸引，口感軟綿，邊位有輕輕的香脆。士多啤梨甜中帶酸，更加開胃。飲品點了一杯熱咖啡，牛奶份量按個人口味自行添加。甘香的咖啡為這餐畫上完美句號。

晚上和朋友到旺角，這裏基本上滿座的街坊Cafe，看見這裏很多人都點了扒餐， 便點鐵板燒套餐。和朋友各自叫了一個A1 和A2 的鐵板餐。鐵板燒美國穀飼牛肉肉眼， 和穀飼西冷。 首先來了個龍蝦湯，龍蝦湯超濃郁，上面還有一層cream, 看上去令人食指大動，還有，餐具很可愛，帶有小小美國風。小食叫了個德國腸拼盤， 有很多腸仔， 份量很大。腸仔實正。吃得出質素不錯。再來黑松露雜菌雜菜，加蒜蓉炒很香口。菇類簡直是我大愛，難八是廚師煮得入味，還保持到水份，份量蠻大。 等到最後終於來了個半成熟的肉眼扒和西冷扒。果然無令我失望 大塊，肉質嫩。本人較起歡肉眼，脂肪感覺較多。餐飲我們叫了2杯熱奶茶， 香港地道式奶茶。值1提是牆身的壁畫，很可愛色彩丰富，為餐廳帶來了特色，也是重要的打卡位。以價位及環境來說，蠻不錯。

在openrice先book位可以享有單點正價五折優惠，我們訂了12:30的檯，剛入坐不是很多人，但馬上就進來一大批學生，也有很多夫妻或朋友等來用餐，整個餐廳大概也有6~7成滿，lunch沒有full,所以和朋友很悠閒的聊天到3pm才離開。正餐部分點了明太子溫泉蛋意粉和墨魚帶子河粉，都蠻好食的，明太子不會太膩，帶子河粉味道都ok，不過河粉本身有點軟，吃完滿口黑也是挺尷尬的XD飲品部分點了中規中矩的熱檸茶，還有一杯烏龍拿鐵，咖啡很苦，感覺豆子不新鮮，沒有咖啡香味，下次有再拜訪還是點奶茶等等比較安全。甜點部份點了荷蘭草莓pancake，吃的到蛋香味，草莓也很甜，推薦到街坊吃甜點~五折優惠加上服務費兩人$188都算ok，下次考慮會上Klook買卷試試。

旺角好多餐廳，今日下午茶就去左女人街既小餐廳食。墨魚汁蟹籽帶子河粉 （通常呢個組合都係配意粉，但係呢度就配河粉，好有特色。河粉滑滑、闊闊的，特別掛汁。蟹籽配埋河粉食會有咬口，唔會𣺉pat pat。帶子都大粒無overcook)豬扒包餐 （唔係完塊上，但食起黎比較方便，味道ok, 薯格新鮮炸起）綠茶雪糕配港式雞蛋仔 （料都算多，雪糕唔夠綠茶味，下面仲有綿花糖，上面有少量吉士醬同鮮果。雞蛋仔不過不失）熱朱古力大大杯，味道ok

星期六唔洗等太奈就有位，坐低叫了$298加一既二人晚餐價錢中規中矩平時食飯都係配湯，呢間好特別地係配碗仔翅而碗仔翅入面竟然有一件鮑魚同一件海參但味道一般。主食方面加$40轉了鐵板黑毛豬連薯蓉就唔係太吸引，不值一試～反而另一主菜既龍蝦海鮮飯🦞既賣相唔差，份量亦相當多～可惜都係雪藏海鮮，所以味道唔會好鮮甜濃味反而甜品吉士雞蛋仔配雪糕幾好味足料非空心雞蛋仔，仲連綿花糖同爆谷，真係甜到漏飲品d名好搞笑另類，例如叫做「戀愛大過天」，「都是我的錯」，但飲落就冇咩特別😂😂整體黎講，賣相不錯，份量大，食完會超飽飽但質素就一般

食物一般！ 溫泉蛋明太子意粉太鹹有腥味！ 食物質素其次， 肥仔侍應服務態度差到冇影， 叫一個西冷扒， 佢答我(number)， 只係一個單字 ，原來要我畀食物編號佢落單 ， 我諗除咗佢自己先知道自己講乜嘢！ 個菜牌又矇又花又細又唔清楚 間餐廳黑蚊蚊！ 叫我點睇， 跟住問我西冷扒要幾多成熟， 我話要四成熟 佢答(357) 真係畀佢吹脹！ 到埋單我畀信用卡！ 佢答我 唔收信用卡 (現金支付寶)！！！ 多一個字都冇 ， 全程講單字 ，唔該多謝麻煩你由頭到尾全程一個字都冇講過！ 以後都唔會再幫襯 好谷氣

今日同朋友訂左枱夜晚7點鐘4個人、利申冇使用任何優惠、叫左4份牛扒餐、跟餐薯蓉變壞左、我向一個女仔staff反映、佢拎左一啖薯蓉入廚房、兩分鐘左右、佢拎住薯蓉返黎覆我話係有小小變壞左。但其實果陣酸臭味係好明顯既、絕對吾係小小變左咁簡單、而我亦見到廚房依舊繼續出薯蓉、咁我善意提醒佢地變壞左就吾好再跟餐出啦。而女staff冇回應我就行開左。不過離譜既係隔左一陣、女staff再行埋黎講個薯蓉係廚師調左味既、講一啲咁無棱兩可既野係咪想吾承認個薯蓉變質呢？明明頭先認左首先做任何一個行業，誠信係好重要。而飲食業基本就係做好食品安全檢查、爆場吾可以作為藉口、當有客人反映食品有問題、員工亦承認食品變壞之後、廚房仍然出售變壞既食品、員工更試圖掩飾事件、可想而知此食店係幾咁馬虎、黑心。其他食物質素如何？朋友表示牛扒好薄、好大舊肥膏、生熟程度掌控差（叫5成變9成）。公道啲講、十隻手指都有長短啦、扒都係一樣既...店家寫明8安士、冇講吾計肥膏喎......只可以話佢cp值極低，再加上對食品變質事情既應對、可以比-100分希望大家吾好中伏了

同同事們食飯 每位99+28塊牛朳唔明白點解可以咁差到咁塊牛朳冇牛味 又薄 再加上 四位同事齊齊落order三位同事到餐齊其餘個位可以等到所有人食晒 落埋野飲佢個餐先黎仲要個薯溶係「叔」既 太過份 千其吾好試！好希望大家知道呢間野既真面目問個女仕應佢竟然話係呀叔咖咁點解叔左仲要比人食。。。。。。知道叔左一啲表示都冇。。。。。。一句吾好意思都冇。。。。。。。係乜野態度？？？？？其實甚少會投訴 但真係不得不投訴。。。。。。。

旺角逛街行到肚餓就去通菜搵食，因為想食牛扒就選了街坊cafe。餐廳內牆壁滿是色彩繽紛油畫，內容充滿香港特色。鐵板燒美國穀飼肉眼扒我地點了五成熟，一上枱即刻倒啲黑椒燒汁落去，喳一聲然後冒出濃煙香味，食鐵板扒餐就係呢下最正。肉眼扒有8安士，牛味濃，肉質有咬口但不會韌。如果怕牛扒在鐵板上會過熟，建議下單時點生啲或者下汁後立即夾起牛扒涼一涼，避免over cooked。龍蝦湯/碗仔翅我哋升級左鐵板扒餐，可以點一款湯同埋一杯飲品。我哋選了龍蝦湯和碗仔翅一碗。龍蝦湯蝦味香濃， 稠度剛好，有少許忌廉令湯身比較順口。碗仔翅亦十分足料，友人說好味，估唔到鐵板扒餐都可以食到碗仔翅，幾特別。黑松露雜菌雜菜小煲食這樣大塊扒，當然要食多啲蔬菜啦。呢個雜菜煲主要有椰菜、翠玉瓜、西蘭花同埋雜菌。因用黑松露醬炒的關係，上枱已經聞到好香松露味，而且應該有用牛油，啲菜炒得好香有鑊氣。吉列蟹肉忌廉薯餅呢個小食好香口，吉列炸粉好脆，裏面啲餡亦唔會好膩，忌廉薯餅好creamy。另外，有少許芝麻醬沙律伴碟，配薯餅食可以減少油膩感。飲品方面，我哋就簡單點了凍檸茶。

前幾日約左班fd 食飯，見呢間野係openrice book 有折扣就去馬啦。 我地雖然遲左少少，但職員都好好咁帶我地去坐，然後好清楚擺左兩set menu 一份有折 另一份冇。本身諗住難得有折就叫有折本menu，但感覺上都冇佢另一本既套餐抵食，咁所以我地都叫返啲套餐🙈我叫左個美式鐵版穀飼西冷（$99） +龍蝦湯同奶茶（$28）個西冷其實有啲失望，叫左5成熟但好明顯overcooked！然後睇相都見到好多肥膏，雖然煎得幾好睇，但係食落去好難咬，不過價錢的確唔錯既

今天約咗媽媽去旺角女人街購物 到了7點多的時候就腍起要醫肚了，這陣子都是經常食打邊爐，我跟媽媽說，好耐沒有鋸扒了，經過通菜街1號（街坊cafe）門口的餐牌好大好吸引，有好多牛排的選擇及其它的美食，我哋望住對方即時說，咁當然要入去試下啦！餐湯係龍蝦湯，好香龍蝦味。 鐵板燒美國穀飼西冷，肉質緊緻肉味香濃，配上黑椒醬汁更加香味豐富。鐵板燒美國穀飼肉眼$98叫了5成熟，肉眼的肉質較西冷更加鬆化軟腍，油花豐富，更加惹味。

一個人行開果邊，求其揾一間入去食午餐，已經是下午1時半，入到去，可能我只叫set lunch，即被黑面、等左好耐先黎個餐，勁難食！個餐一到，即叫杯餐熱飲，但食完好耐，杯熱飲都唔出，好禮貌地查問，個肥仔侍應黑晒面話整緊，但佢無去追。我望入去茶水部根本裏面個女仔無野做，再等左10分鐘，忍唔住問另一個，另一個又係黑面，但都幫我去茶水追，睇住茶水先開始冲，感覺佢地係刻意趕我地呢d一人客，d食物又差，加埋一，70元左右，被歧視，永不再去。

平時行旺角，通常都係喺D商場或者大街嘅餐廳食飯不過見到呢間幾得意嘅餐廳，叫街坊café,有興趣睇下佢做嘅食物有幾街坊同貼地，所以入左走試下入面裝修幾得意，真係幾有香港特式餐牌好多選擇，有D花多眼亂，店員推介呢個menu俾我地，因為係佢地最近新推出嘅餐牌睇落幾抵食，唔太貴嘅價錢就有得食鐵板肉扒除左新嘅menu之外，仲有D二人餐可以揀，見到仲有極上海鮮食，好似好正咁最後叫左個小食+主菜+甜品呢個係水牛城脆香雞翼開頭見到咁多汁有D怕，因為我唔太鐘意好多汁醬嘅食物，但唔知係咪呢個醬酸酸辣辣咁幾開胃，咁樣配搭又出奇地夾，所以我幾鐘意食呢個係燒美國穀飼豬斧頭扒就咁睇都覺得好厚身，食落有少少肉嘅鮮甜味，鐘意食咸D就可以用佢俾嘅醬汁點嚟食呢個係Tiramisu吉士法國西多士伴雪糕因為係即刻整，所以要等左陣先有得食個西多士嚟到係熱熱地，食落有D脆，配埋雪糕同少少棉花糖，甜甜地又好味整體食物都幾有香港特色，如果下次有朋友喺其他地方番嚟都可以帶佢試下

今日出咗旺角辦年貨，買嘢之前梗係要填飽個肚，去OpenRice睇到呢間餐廳咁多笑樣，一於試一試先。即使已經兩點幾都依然好多人。餐廳午餐有set lunch同埋扒餐揀，我同朋友仔一人揀咗一樣share食。揀左燒紐西蘭羊架伴倫巴第火腿扒，店員表示冇晒火腿扒，所以轉晒做全羊架。另外加咗$28轉做set，有龍蝦湯加餐飲。龍蝦湯非常濃味，唔錯。羊架總共有三件，全部都大大件，再配埋粟米筒薯蓉。羊架煮到岩岩好，一d都唔韌亦唔蘇，肥瘦均勻。Set lunch選擇眾多，我地揀左松葉蟹腳蟹肉意粉，配埋碗仔翅同埋餐飲。碗仔翅10分足料。蟹腳啖啖肉，而且鮮味十足，意粉亦十分出色，好creamy，好好味。凍檸茶及凍咖啡餐廳裝潢幾有特色，價錢亦親民，都係一個唔錯ge選擇。