裕滿人家

营业中

休息中

放假一早，又係時候諗下早餐食咩好。最後，選擇去附近一間酒家，飲下茶，清下腸胃。入到去後，感覺環境幾舒服，人不算多，桌子之間的距離令人感覺不太壓迫，終於可以舒服地飲下茶，食下早點😎👍首先，叫了一壺水仙，杯葉份量較多，喝落後，感覺甘甘甜甜，幾令幾醒神。隨後便選點了幾樣點心，包括:五色拼盤，皮蛋瘦肉粥，鮮蝦腸粉，饅頭。皮蛋瘦肉粥，熱量適中，味道一般。可是粥較稀，皮蛋和瘦肉較少。鮮蝦腸較值得推介，原隻鮮蝦藏在腸粉內，十分誘人，腸粉口感滑口微彈。

看見樓下的廣告位寫著晚市優惠推介，有4款食物做特價推廣，每枱可以選擇一款，看見龍蝦特價，腳步就不由自主地往樓上走。晚市都座無虛席，大多數都是食火鍋。再看看餐牌，其他的食物可以說是拉高價錢來補優惠食物的差價，食物的選擇不多，可能晚市主要做火鍋生意。$78可以吃到芝士龍蝦伊麵真的是很正，份量都不少，3-4個人吃都足夠。龍蝦都不算細，肉質彈牙，芝士味比較淡，但是$78的價格絕對可以接受。蒜蓉蒸扇貝粒帶子都大大一粒，可惜蒜蓉味欠奉，粉絲也比較硬身，普通水準。脆皮燒鵝肉質比較老而鬆散，味道更是難吃，可以Skip。食物質素比之前光顧開的實在差很多，看來長時間都不會光顧了...

好耐冇飲茶 今日突然好想去飲個茶同媽媽出左去葵涌飲其實大部分點心同出面啲普通茶樓冇乜分別但係有幾個真係好正燒賣出面啲燒賣佢地得細細粒又乾涸涸但係佢啲燒賣好大粒仲要好大粒蝦係入面。灌湯餃一碗湯入面有好大好大好大隻餃，我哥哥話要吉穿哂隻餃連湯食先好食，我就照做，結果好快比我清哂因為太好味，餃入面啲冬菇粉絲等等同啲湯搞混左之後啲鮮甜味完全係一流。但有樣吾好係佢個小籠包太吾好味！正常我食既小龍包包住啲湯同肉，但係佢冇湯不特止仲要啲肉好散吾香！除左呢個我大至上都幾中意食

由上年起,媽媽o既永久居所送呢間o既雙黃白蓮蓉月餅,今年爸爸去拎餅劵返o黎,然後o黎呢間分店攞.到今(6-9-2014 Sat)朝,男友起身後開o黎食,佢切開後,蛋黃碎裂,係唔夠油吧.食落,真係唔夠油,乾爭爭又實,白蓮蓉味道又怪怪地,呢個真係比下去.同上年一樣, 呢篇食評唔計環境同服務,而衛生就只計盒月餅上年食評: http://www.openrice.com/restaurant/commentdetail.htm?commentid=2318983&tc=sr2&con=rvw

適逢佛誕假期，去葵涌探吓家人，兼去裕滿人家飲茶！ 呢度嘅點心已經冇分早、午或下午茶市, 全天候價錢都係一樣，只分星期一至六，同假日。但每日就另有特價炒粉麵、點心推出。乳鴿米線：$20.8(平曰$16.80)搞咩？ 記得早排嚟食，嗰半隻乳鴿嘅size都0K噃，但今次真係嚇親！？細隻到呀？好似未足月就要食佢咁！ 豉椒排骨炒河：$33(平日$28)排骨勁冇肉，河粉幾碎，但就夠獲氣嘅! 蝦餃皇：$14.80可以話呢度嘅強項，粒粒都好大，蝦肉仲好爽好彈牙，好正！ 我哋點完再點添！ 咸水角 $10.80 好好味！蒜蓉排骨 $12.80 好好味！山竹牛肉 $7.80 好味！雞飽仔 $10.80 好味！煎薄撑 $7.80 OK！南乳豬手 $11.80 差！茗茶$6位 早排見團購有任點任食點心，但有限制點心種類(仲冇蝦餃添)，連加一都要$50幾蚊。但我哋一行四人,今次只食咗總共$186，仲飽都飛起呀！

星期六朝早同媽咪兩個人去飲茶~唔使等位,不過有時可能要搭台~今次就唔使搭台一眼睇落去 ,9成都係老人家 ,我諗D年輕既都未起身 ,我真係乖次次黎哩度 ,都會叫鮮竹卷 ,因為媽咪鍾意食 ,我就麻麻,因為唔鍾意太多肉....而我呢 ,錐意食哩度的山竹牛肉同雞扎~哩度的山竹牛肉整的好入味,而且好彈牙~雞扎呢 ,最鍾意食入面的芋頭同面頭個塊腐皮....至於舊雞...老實講....真係好難食...好大陣雪藏味...完全無雞味但總的來說 ,都野食都OK....街坊價錢..咁既質素...唔好有太多要求~

幾年冇食過裕滿人家... 貪佢係和宜合道裝修係最靚o架啦... 點心拼盤--嘩!!! D蝦餃燒賣咁大粒嘅... 味道尚可啦... 干炒牛河--好大碟啫, 點食得晒... 好深色但又唔係好夠味... 上湯灼什箘勝瓜--都唔細碟喎... 味道清淡之選... 唔好期望好好食, 但絕對唔難食, 而且份量十足, 兩個人唔好學我地咁叫野食, 會食唔晒o架... 厠所都好乾淨... 工廠區嘅酒樓, 竟然仲靜過太古坊嘅酒樓, 實在奇...

今日一行4人去裕滿飲茶叫左幾個超值孖寶梅菜滑雞飯梅菜完條上, 好長雞件一d都feel唔到個滑字, 似一塊紙皮皮蛋瘦肉粥粥底好綿不過皮蛋瘦肉份量極少山竹牛肉球牛肉非常軟, 冇牛味內裡有很多馬蹄粒, 很爽口蠔皇叉燒包好迷你的三個在籠中, 醬多肉小蟹籽燒賣皇只係一堆食唔出豬肉味既肉球斗門鮮蝦餃唔知咩叫斗門入面都幾多蝦不過外皮超厚家鄉釀茄子算係最好味既一個點心茄子同魚肉煎得好香脆蜜味叉燒飯賣相色淡, 冇蜜味肉質好鞋

今日午膳在此,兩個人叫了:薄橕 - 煎得不濃又不油,幾好.齋腸粉 - 尚算軟滑.豉汁鳳爪 - 味道可以,但只得不足兩整隻的鳳爪,差少小!菲菜豬紅 - 大路貨,勉可接受.小籠包 - 中點計,將貨就價得三粒.饀無湯,不合格.茗茶$6位,加三中點,兩優惠點心,埋單連加一$80.正價時段,O.K.啦!食物質素覺得與三年前對比,有回落的感覺,而點心份量,有很多是將貨就價,這個有問題.雖未至於不合格,但與滿意程度仍有一段差距也!

每月公司慶生都會選呢間,貪佢平,上菜快,d點心又好味,同區有3樓酒樓,但價錢同質素,超過8個同事都buy呢間多d!最鐘意佢地有個蕃茄海鮮烏冬,湯底好味!加埋碟腐乳椒絲通菜98蚊,價錢合理!仲有半隻燒鴨配米線又係好抵,好大碟!點心方面,鐘意食佢地既炸野,因為熱辣辣,脆卜卜咁,好香口,服務方面佢地員工唔算多,一個大堂大約得4-5個人可以落單,有時要自己遞單入收銀處,不過普遍服務員都好好,幾禮貌,只係人手不足,但上菜呀姐都幾多,所以上菜好快!平均每人大約40蚊既飲茶,真係算抵了!去餐廳食都要30以上啦!

2010年3月19日 ( 1 ) 葵涌 ( 裕滿人家 - 1 ) 今天在裕滿人家選購了半斤叉燒加料，售價每斤48元，跟一般叉燒一樣也是沒鮮可言，味帶蜜甜，水準一般，味道卻比不上美心呢。

今日收到一盒月餅，個包裝都幾靚用紙盒都幾環保，睇真d….嘩！又係e間呀！既然都收左羅，都要試一下架….哈哈始終都係兩回次，製造月餅同佢哋嘅地獄廚房，應該唔會係同一人手製造卦….哈哈食左半個雙黃白蓮蓉月之後，原來月餅真係有分唔同級數同水準架！E盒就係屬於中偏向低級水準，或者可能重要低Ｄ添啦，就係因為佢哋選擇鹹蛋黃，就已經好明顯分別出絕對唔係一級貨色，因為兩個鹹蛋黃當中，就有一個都幾欠缺油潤架！（即係過乾）唉！失敗重有三個點樣處理好呢…..哈哈我食完就覺得….少食為妙啦…哈哈哈

裕滿人家媽媽生日，一行七人，媽媽最初想食韓國菜，之後又話不如食西餐，最後決定食中菜，一間位於葵涌石蔭邨附近的酒樓。裕滿人家本來選擇價值$548半圍嘅豐盛晚飯全包宴，因為媽媽覺得好似唔夠體面，所以選擇價錢貴d嘅$888半圍嘅龍蝦球文昌雞全包宴。諗住會好d啦！點不知…..今晚發生最好笑嘅對白，就係傳菜員話：「文昌雞半隻好難斬，所以我哋幫你改左炸子雞半隻。」我朋友話：唔通半隻文昌雞唔斬上架咩。乜炸子雞同文昌雞斬法唔同架咩？真係俾伙計吹脹！就係咁樣，間酒樓完全沒有預先通知之下，自作主張把文昌雞改為炸子雞。夾硬要我哋收貨！媽媽本來就係想試下佢哋嘅文昌雞！真係…..哈哈以上都只不過係一段小插曲咋！正式開始由頭到尾都令人難忘嘅「裕滿人家」上葵涌店「龍蝦球文昌雞全包宴」價值$888的精彩絕倫令人永不能忘嘅媽媽生日最失敗一餐。最搞笑就係當其時酒樓嘅電視機做緊咁至識食，真係好大對比！哈哈當中包括，高湯焗西沙龍蝦球伊麵底六福乳豬大拼盆富貴鮑螺花姿新什果海鮮卷紅燒竹笙雞絲生翅鯊魚骨湯花膠燴鮮菌清蒸海石斑一斤正宗海南文昌雞金莎海皇炒飯精彩甜品 環球鮮果及六罐汽水簡單d講由頭到尾都感覺到唔值$888 d咁嘅水準…

JUL 23, 2009 (LUNCH)唔知點解今日特別想食呢度嘅叉燒，於是就千里條條走嚟呢度買飯食！哇！ 11點幾條龍就排咗十幾人，諗一諗原來今日係初二，D生意人做尾牙呀！所以好多人嚟買燒肉同雞拜神囉！因為呢頭呢間最好食 la！終於排到我，買咗個叉鴨飯 $17蜜汁叉燒好腍，少肥多瘦我最鍾意，蜜汁甜甜的，熱呼呼，好好味！燒鴨流哂汁咁，超正！排咗咁耐，見到D燒腩真係好吸引，於是乎忍唔住買咗兩條骨燒腩返去一齊食！皮脆肉嫩就唔在講啦！D油仲起世咁流出嚟，一層肉一層油肥瘦分明嘅燒腩成為 $80個叔叔仲以為我係用嚟拜神，搭咗好大件豬腳、一大條豬脷，同幾片大大塊嘅紅腸俾我添，嘻嘻！我見到排前面嗰D問先有，同俾得好少好細件！真好彩！！差不多排到我的時候，有一段小插曲，好恐怖！親眼見到隔離座大廈爆屎渠 ，好得人驚，嚇到我跳咗上間舖頭入面，唔敢喺條街度排，怕怕！！！間酒樓真係多得佢唔少！

標榜唔收加一茶錢, 咁真係無茶比你飲,係得 竹蔗/酸梅湯 俾你飲, 咁都無所謂,兩個人我就叫左一楂竹蔗水, 唔係咁甜都幾足味,之後我都叫左 10蚊三支 ICE 清下熱氣 HEHE. 7點幾入到去都唔等位..上到去我睇到都係得三,四台係打邊爐,小菜都係十圍左右, 場面都幾冷清, 都無所謂起碼夠清淨,點了一個麻辣加清湯既鴛鴦湯底, 黎到一睇就變左 沙爹鴛鴦,追問之後原來無麻辣鴛鴦.. (開頭係個侍應生介紹麻辣可以配清湯的 一.一) 咁叫人換返個淨麻辣就算.. 但個侍應就不停講話我地係要沙爹鴛鴦..真係吹漲原本都唔想同人有咩爭拗, 既然仲要爭執係我地叫,於是我同女友都反擊講返晒叫湯底既過程, 有台客都望過黎睇下我地拗D咩..之後有個知客黎了解返情況, 我實際都唔想再拗D咩只係換過個鍋底就 OK 啦..佢都好配合地立即叫人換過就算.. (不過果個侍應仲好不滿咁.. )咁之後點菜.. 聽到隔離台已經話無魚皮.. 水餃又無餡又細隻..都好不滿似的.我覺得 88 蚊/位 既又唔會有咩大期望..食得飽都算..叫左好多野 有雞子 肥牛 四寶丸 脆鯇片 草鯇骨, 冬菇, 雞蛋, 西洋菜, 羊片, 鯪魚滑,