裕滿人家

营业中

休息中

裕滿人家 - 有咩出名 ? 早茶 , 午市 , 晚飯小菜 ? 我都唔認為值得介紹囉 ( No comment , 不好不差果隻)別的店 , 我不敢說 ..... 這間 ? 我都幾熟悉架 ! 火鍋就一定最正啦 ! 明碼實價 , 唔加一 地下入去 , 問櫃位幾錢位 ? $70 , 上樓後火鍋任食 , 埋單落樓也是 $70 , 好正 !!!! ~~~~ 唔係間間做到 !有個口水阿姐識我 , 成日走埋來吹水 ...... 有時比佢煩死 ! (來得多而識的)講番火鍋料有咩正 ? 推介豬頸肉 ~ 滑 , 有口感 ! 牛肉片 - 食多幾碟 , 正 ! 蝦 - 要幾多有幾多 , 仲會跳的 ! 其他都唔記得啦 .... 仲之咩都要啦 ! 係 .... 忘了, 豬潤厚切 , 幾好味啊 !保證你飽飽的落樓梯出來 ..... 係 , 又唔記得講 , 野飲酸咩湯 , 竹蔗矛根精 .... 都係任飲 ! 食火鍋附近首選 , 因為這兒不是太旺的地方 .... 價錢真是很平 , 別的地方食唔到此價 , 至於近巴士站果間 (海 X ) 一定無這間甘好囉 .... 你唔信我這個街坊 , 可以信邊果 ?! 服務

下午茶食燒賣、春卷、粥、湯飯、蝦腸粉，xo炒蘿蔔糕、清菜及菜苗餃，竟然只係百幾蚊，仲有電視睇奧運，唔怪得知下午菜都爆哂!!燒賣---一般春卷---好粥---好，但豬潤過左火湯餃---有藥材味，唔鐘意蝦腸粉---okXo炒蘿蔔糕---最好食清菜---一般菜苗餃---唔得，過左火

同朋友3個專登揸車黎飲茶小聚.....由於呢度較偏僻...所以下午特價時間...都冇咩人等位....好快我地就有位喇......叫左6款點心.....都冇咩特別....只係....半價....夠平而矣......仲有.....想叫服務員....至少等15分鍾.....先至有一兩個起係你附近飄過.....整體黎講........一般般.....黎一次就夠喇

昨日同岳父一家人到呢度食晚飯(就我岳父一家人，如果唔係都唔會嚟d咁偏遠既地方)叫咗個套餐，野食不過不失，冇咩特別。可以一提既係個燒鵝，幾肥美幾好食不過d服務就差咗d，嗌咗侍應囉餐具，等咗十幾分鐘都冇嚟…叫白飯食又話d飯未蒸。叫芥蘭又話冇，改咗菜心，上枱時又話冇菜心，擅自同我哋改咗白菜仔=_=~~~除咗呢d，都冇咩特別嘞！

偶爾經過，看到＄７０任食火鍋，沒有加一，不計茶位，我們三個人埋單就是正正＄２１０！食物有花枝片，吊桶，蝦等等，很是超值。肥牛竟然有雪花，食落有牛味，真是意料之外。菜有金菇菜、秀珍菇，各種生菜白菜，任君選擇。最最估佢唔到的是，飲品如酸梅湯等是任飲的！

同區中, 非常抵食.單拼只需$12

食物質素已屬平平無奇，更令人失望透頂的是侍應奇差無比的服務態度。前晚去食晚飯，個位發緊夢既女侍應落錯單，明明叫左蒸魚變成鐵板燒魚已經算數啦，點知個位亞姐唔認唔特止，仲屈人攞出張紙話係個客自己寫個餸個number，試問有冇一間酒樓，叫餸要個客自己寫低個餸名落單而唔係侍應自己寫架，講都冇人信啦。最後好唔情願改左個「柯打」，點知等成半個幾鐘條魚影都唔見，催足三次冇人睬，被迫要取消左佢。成餐飯俾呢位亞姐激到飯都食唔落架啦，點知佢個經理仲冇品，對唔住都冇句，仲一邊埋單一邊單單打打，簡直就冇職業道德可言。佢哋知唔知咩係專業服務，正如劉華話哉「今時今日甘既服務態度點德架」。其實，呢種事係呢間酒樓已經唔係一次，因為區內酒樓數目唔多，好多時啲街坊諗住睜一隻眼閉一隻眼就算數，點知每下愈況，以後貼錢都唔會再幫襯架啦。

琴日同同飲茶,佢推介芋頭糕,竟然真係幾好食!因為呢度既芋頭糕好特別,原來係用芋絲一條條炸起,之後先煎成糕,於是食落口感勁,而且香脆無比,加上睇黎佢地既點心似即整,好正喎!仲有食左個炒陳村粉,好似河粉,只係形狀唔同,不過炒得較油!而一向食開既千層奶皇馬拉糕竟然差左,好失望呢!今次好似入左水,令佢淋左,味道都變得無咁好,得個甜字!嗚…本來好好味架!反而綠茶流沙包多左好多流沙,流晒出黎咁…水準真係唔太穩定…

好奇怪見到有評語話貴喎!其實算又好味又平環境又比同區其他茶樓好好多喎!我地十個人食lunch,叫到一枱都係,成二十五籠點心,再加一個套餐,食都食唔晒,打包左四盒,都只係二百幾蚊,即係每人二十幾喎!真係好平!不過平得黎竟然好味!其中有好多值得推介!最正係千層馬拉糕,無得頂,好鬆軟!又唔會太甜,蛋王有味道但唔會過多,有三四層薄薄的,真係食完會想再食,尤其係一上枱熱既時候仲正!一籠有三件,本來我地要兩籠,但人人話好食,再打孖上要左四籠!呢味係人人讚口不絕!另外有係綠茶流沙包,比拉糕遜色,但都幾有特色,本來見個包綠綠地色真係嚇鬼死!後來知道係我鐘意既綠茶味就即試,可惜等耐左唔熱,無咁好食,而令我有些失望係綠茶味太少,唔係好食得出,餡係奶皇,亦覺較少,多d同再”流沙”d會好好多,呢味有少少同個名有出入啦!都係一籠三件,值得一試!另一個唔錯係豬頸肉,用蜜糖整,一大碟好似好油咁,但原來大部份只係蜜糠而唔係油,本來個個女仔唔敢食,但後來有人試過好味,最後竟然左碟…仲有值得讚既地方係落左order之後上得好快,好多茶樓都做唔到呢點,但呢度做到,唔使客人久等,我覺得呢間真係唔錯!

喱間酒家D燒味勁好食呀~~~其他食物都唔錯,服務態度唔差~~D燒味師傅同廚師好用心呀!大家值得一試!!!

LUNCH都幾多人食架！但價錢比較貴LOR~~食物味道都唔錯。