影片
港铁九龙站 C1 出口, 港铁尖沙咀/尖東站 A1/ L5 出口, 港铁柯士甸站 F 出口
继续阅读
开饭介绍
由日本菜宗师西村弘美创立，以日本时令食材制作高级铁板烧料理。其日式装潢非常优雅，而吧台座位让你可边食边观赏师傅制作菜式，适合情侣或朋友前往，亦可招待商务客户。
继续阅读
营业时间
星期一至日
12:00 - 15:00
18:30 - 23:00
公众假期
12:00 - 15:00
18:30 - 23:00
公众假期前夕
12:00 - 15:00
18:30 - 23:00
以上资料只供参考，请与餐厅确认详情
雖然過了生日，但幸福地仍然有朋友和我慶生，真係小確幸。朋友選擇的餐廳是位於中港城的平台層。－步入餐廳，就係光猛整潔的壽司吧枱，而另－面有房間，兩邊放著四人枱，空間十分寬濶，加上適度的燈光，感覺舒適。魚生飯定食$250這魚生飯色彩繽紛，大部分以白身魚為主，還有赤身，帶子，蟹籽，甜蝦，玉子和海膽等。食材十分新鮮爽口，赤身柔軟；帶子幾厚身；而甜蝦雖然細細隻，但味道鮮美；海膽份量唔多，但滿有海膽味，而且係甜的，加上壽司飯唔會太酸或太凍，所以整體味道不錯。沙律菜十分清爽新鮮，有少少的胡麻醬；那迷你湯烏冬幾香滑，加上少少蔥花天婦羅碎，唔會太平淡無味；而那面鼓湯十分順喉，味道唔會太鹹。最後還有一小杯咖啡作結，是充滿日式風味的薄身咖啡，加埋奶，咖啡味比較mild, 是ok的.這－天真滿足！
继续阅读
中午點了一個set 餐，安排座吧枱，面對三個吧枱的深水埗不如的刺身師傅，他們互相吹水，夾雜少許粗口。影響我進食的意慾，食咁耐佢哋傾咁耐，彷彿深水埗的垃圾壽司店一樣。真不該！食物方面可以，不咸！員工安靜一點就可以，還有希望刺身師傅不要在吧枱位置玩手機啦！別忘記你是切魚生的！另外一個女職員的服務態度不錯，是帶位的，看到我喝茶差唔多喝完斟茶給我，最後送上一杯熱咖啡，這杯咖啡很好喝，全份set餐我喜歡這杯咖啡。
继续阅读
福村日本料理鐵板燒 【Overall 評分】食物質素：★★★★★☆環境感覺：★★★★★★服務質素：★★★★★☆衛生指數：★★★★★☆抵食指數：★★★★打卡指數：★★★☆回頭指數：★★★★★★🔜 以前未有Covid-19前，去親中港城就係要搭船去珠海Stock Take，估吾到近日得知，原來平台上暗藏左數間餐廳，其中一間就係由日本料理界宗師級的西村弘美所主理嘅日式鐵板燒料理「福村日本料理鐵板燒」，主打鐵板燒同Omakase。選址雖然偏門隱蔽，但多左一分恬靜感，係今時今日四周圍都充斥住人既情況下，可以係人少幽靜既環境下享用鐵板燒（$1600)，實在難得。────────────────────【前菜】。蟹肉豆腐：豆腐軟綿，蟹肉提鮮，蟹籽增添爆脆感。日本蕃茄：新鮮清爽感極高。北海道白粟米：粒粒飽滿多汁，糖度可以高達18度.【鐵板帶子配紫菜汁】。刺身級既厚肉帶子。兩層香煎至黃金色，肉質細嫩幼滑，呈9成熟。配上紫菜鹽香，更添風味.【立鱗金鯛】。連魚鱗都可入口既立鱗金鯛。鱗片挺身薄脆加上嫩滑無比嘅魚肉。雙重口感交織，再沾上魚汁提鮮增香.【鐵板龍蝦】。龍蝦肉吸入牛油及龍蝦膏嘅精華。肉質極為鮮嫩爽口又厚肉。入口滿滿是濃郁的龍蝦膏香。不要錯過龍蝦頭，仲有不少蝦膏喺入邊呢.【日式煮冬瓜】。冬瓜煮得好軟唸。加上肉碎嘅鹹香。襯托出冬瓜嘅清甜。【美國牛肉厚燒】。經鐵板燒後的牛肉，將牛肉嘅香氣完全解開。兩面煎至微脆，肉汁豐盈。有兩種食法。蘸少許岩鹽，牛香滿溢。或配合炸蒜片食，層次感更豐富.【𩶘魚奶湯】。以𩶘魚熬成嘅麵豉湯 。魚鮮味極之濃厚.【鐵板炒飯】。看似簡單的鐵板炒飯。卻是整個鐵板燒的靈魂。炒飯粒粒分明，加上點點蔥花及蛋花。鑊氣十足，忍不住一食再食.【甜品】。有自家製紅豆奶凍及日本蜜瓜。自家製的紅豆蓉加上北海道牛奶製成。紅豆嘅香甜加上濃而細滑嘅奶凍，好Perfect。最後，食上日本清甜多汁既蜜瓜作結
继续阅读
很喜歡吃Omakase, 因為既可以試到最時令的菜式，又可以近距離觀賞日本師傅的功架。最近同事大推這間位於中港城的鐵板燒，説Omakase非常值得嘗試，襯星期五就約朋友一齊去試試。 餐廳職員們十分好客，一去到便很熱情地帶我地去預訂的位置，又奉上熱毛巾，讓我地清潔和放鬆一下手部。我地坐在吧台，可以和日本師傅有很多互動。Omakase 的關係，師傅問了我地沒有食物敏感後便為我地發辦了，令人非常期待。 前菜有沖繩水雲、北海道白栗米和小女子核桃。店員建議我地先試沖繩水雲、再試北海道白栗米，最後才試小女子核桃。沖繩水雲酸酸的很開胃，北海道白栗米味道清甜，小女子核桃風味十足。 然後師傳為我地奉上獨眼龍生蠔，口感很肥美，很鮮味，食完後仍有海水味的餘韻。 剌身方面有牡丹蝦、鯛魚、拖羅和北寄貝，剌身擺盤很精緻，令人食指大動。 熟成鰹魚，味道比一般刺身味道更濃，有煙薰的味道，很喜歡。 銀鱈魚，師傳把銀鱈魚煮得剛剛好，魚很細滑，配上洋湯簡直把魚的鮮味完全帶出。 當我地仍陶醉在銀鱈魚的鮮味時，師傳突然向我地遞上了一個拖羅海膽手卷，好味停不了。 然後店員為我地奉上另一款鍋物，日式煮冬瓜，肥美的冬瓜肉配上肉醉一起煮，不知為何覺得好溫馨哈哈。 接著吃了鹽板牛柳粒，我地可以跟據自己喜歡的味道把牛柳粒放左鹽板上塗抹。 然後又吃了三款壽司，分別是石桓貝、喉黑、馬糞海膽和富山白蝦。每款都好好味，特別是喉黑，完全是入口照溶。 最後店員為我地預備了日本密瓜和奶凍作為甜品，密瓜超清甜，為我地這晚完美作結。這裡每一款菜式都超水準，遲些一定要再encore!
继续阅读
入面個大叔好恐怖上菜嘅時候會走到勁埋甚至會借啲意摸你手仔 而且冇閉路電視女生們要小心 鐵板燒都算幾好食另外而家疫情咁嚴重佢哋依間餐廳位置同位置之間冇做得好好嘅隔離同一張L字型嘅枱可以坐10個人希望可以改善一下另外廚師嘅態度可以好啲雖然戴住口罩但明顯睇到佢嘅眼神係唔係太好但食物就真心唔錯 美國薄燒牛燒得得啱啱好海鮮鐵板燒亦都唔差 隻海蝦簡直係出色另外個烏冬同埋炒飯亦都超好食價錢有少少貴不過依啲地區同埋呢個質素絕對係合理
继续阅读