西少爺

营业中

休息中

今年做左長沙灣街坊 長沙灣出哂名多食肆 我同屋企人都好鍾意周圍食唔同既餐廳 今次就揀左呢到試下食晚餐 我地叫左「酸菜魚」、「辣子雞」、「血旺肥腸煲」呢三道小菜 佢地既味道 好有港式川菜既風味👍🏻「酸菜魚」-我地叫左小辣 酸辣唔會好辣 麻味唔濃 魚肉好爽嫩 份量都幾大碟 足夠兩人份量👍🏻「血旺肥腸煲」-上菜時新鮮滾熱辣 肥腸好彈牙脆嫩 豬血完全吸收哂湯既精華 湯汁好濃郁 呢個餸拎黎撈飯一流❤️「辣子雞」-雞肉炸得剛剛好 唔會太乾身 每一口都帶花椒香味 帶少少麻辣 而且都有好多雞肉 好味👍🏻餐廳整體食物份量都偏大碟 座位有卡位有圓檯 如果一家人黎食飯都可以坐得舒服 服務質素唔錯 可以再食👍🏻

外賣叫左油潑麵，酸辣雞雜，台山黃鱔飯，炒娃娃菜。一般食得呢d菜式都預左又油又咸，但呢間真係唔油唔咸，份量夠，味道細緻。油潑麵麻油勁香，麵外賣黎到都彈牙。酸辣雞雜夠鑊氣，d酸豆角同青椒仔爆得好香，酸豆角又唔太咸，雞雜切得夠細又脆口，好惹味停唔到口。炒娃娃菜真係正宗大陸炒菜，係落豆豉落味，唔係港式清炒嘅，夠鑊氣好食，健唔健康就是但啦😆最勁係個黃鱔燘飯，好乾身，米彈牙，調味夠又唔死咸，薑粒同少少咸魚香，幾乎有一煲咁多但都食曬完勝好多賣到3位數嘅黃鱔飯。一定會encore,下次試下其他野,但都一定要再叫黃鱔飯。

佢係伏到一個唔寫食評嘅人都要走上嚟提醒大家唔好中伏。我剩係叫咗個咕嚕蝦球，個蝦球賣相睇落已經唔似蝦球，似魚柳，仲以為俾錯咗。咁我食啦，一咬落去完全唔似蝦，剩係食到啲粉。拆開一睇，完來用成尺厚嘅粉包住隻蝦毛仔。似食粉多過食蝦，你無包啲粉都無咁嬲，包住啲粉睇落好大隻，完全係想呃人。細隻都算，啲蝦又乾又硬，似急凍蝦毛，仲要擺咗幾個月果隻，好難食。仲要收得唔平，百幾蚊。奉勸各位，無咩事唔好入呢間餐廳食飯。

今日路過此地又發現有店舖新開張，雖然主力賣外省菜不過又有下午茶供應，價錢便宜，28元已有交易，38元更可以吃到港人喜歡的乾炒牛河，楊州炒飯，星州炒米，還包一杯飲品。我選了楊州炒飯，上檯大大碟，份量多。飯炒得粒粒分明，油光滿滿但不膩，飯內有蝦仁、蛋絲、肉絲、生菜絲。味道不過鹹，飯熱呼呼有鑊氣。餐飲要熱阿華田，正常味道。下午茶餐價錢平但質素不差。檯上放有店家自製的辣菜脯供客人任吃，我看到很多辣椒籽沾在菜脯上，應該十分辣，由於我吃不了辣所以沒膽量嚐試，喜愛辣的客人就不要錯過。今日路過此地又發現有店舖新開張，雖然主力賣外省菜不過又有港式下午茶供應，價錢便宜，38元不收加一，已經可以食到港人喜歡的乾炒牛河，楊州炒飯，星州炒米，還包一杯飲品。我選了楊州炒飯，上檯大大碟，份量多。飯炒得粒粒分明，油光滿滿但不膩，飯內有蝦仁、蛋絲、肉絲、生菜絲。味道不過鹹，飯熱呼呼有鑊氣。餐飲要熱阿華田，正常味道。檯上放有店家自製的辣菜脯供客人任吃，我看到很多辣椒籽沾在菜脯上，應該十分辣，由於我吃不了辣所以沒膽量嚐試，喜愛辣的客人就不要錯過。

樓下新開鋪頭，放假同屋企人黎左試下！叫左biangbiang面試下，係大陸見得多，香港好少見到有餐廳有，可能我地叫左微辣（屋企人食唔到太辣），所以唔係好夠味，面嘅質感偏淋身少少，掛汁係一流，下次叫辣少少試下！魚皮爽口，大件厚身👍🏻酸菜魚飯，魚肉唔會散，嫩滑夠味，有芽菜同娃娃菜打底梅子甜酸骨，估唔到可以做到掛汁效果，都幾唔錯，值得嘗試特色醬骨，大大件夠淋身，不過個人唔係好中意食肉，就覺得一般，食完都幾膩下！啫啫生腸煲我中意，滾熱辣甘上檯，生腸夠爽口紅糖糍粑都唔錯，外脆內軟，有黃豆粉同紅糖可以選擇 總體都算唔差，味道可以，價錢都唔算好貴，會有下次！