西川風味餐廳

营业中

休息中

西川雞煲，小弟每次約fd食飯，都離不開呢個選擇。出晒名正。。。就算小弟平日去食，都發現無悶場，所以穩陣d咪打個電話預訂。星期六日一定吾可以吾打電話約呀!雞煲就一定多人食先好，叫多幾碟。我地每次計埋都吾過200蚊(每人)所以係扺食架!而且每次都吾限你時，吾似出面!老闆娘又傾得，你早走，問你做乜咁早添至於個雞煲，每次我地都叫bb辣，因為就翻大家辣味接受程度，bb夠野味架啦。餸個方面，肥牛，豚肉，韭菜餃，獨家響鈴，皮蛋，都係例牌必叫。飲品方面，大檸檬茶無得輸! 好味

麻辣雞煲這種惹味火鍋，曾幾何時在香港開到成行成市，現在還做得住的應該不會太差？前幾天跟朋友們收工就試這間。交通不方便，要由黃大仙站坐小巴37M上，下次再來，還是幾個人夾的士好了。睇舊食評2012年就有了，期間只有16個好評，沒有劣評，平均每年只有2個好評的火鍋店，是怎樣維持下去呢？不奇怪，反而這樣看得出店舖一直有食客支持，食評也是真實的！言歸正傳，雞煲好食，湯濃雞鮮，$208全隻夠4人吃了！不過一定要先吃雞，不然老了不好吃，加湯之後也不覺得味淡。配料方面，響鈴是即叫即炸，不過我沒有拍照，肥牛脂肪紋路不錯，不貴，性價比高。由於舖面面積小，所以叫侍應姐姐有求必應，服務幾好。絕對值得再來！不過不用我等位就好了

今天約咗多年冇見同學吃雞煲，餐廳雖然冇乜裝修，但食物ok,服務就真係麻麻地。首先吃咗個雞煲先，雞很入味及滑，個汁夠濃味。其他打邊爐食品亦夠新鮮，半份已經很多，價錢亦合理。

凍凍地，最啱就係約埋三五知己食住雞煲吹水，雖然好麻甩，但好爽。唔食得辣嘅朋友可以放心嗌BB辣，食得安心又keep到有雞煲嘅風味。雞煲好足香料，如莞茜、紫洋蔥等，夠哂惹味。雞件嘅size亦剛剛好，而且好滑。整體雞煲唔會好油膩，正食完雞煲，例牌嗌左肥牛，生菜，紅薯粉，炸響聆。材料亦好新鮮。題外話，其實雞煲都可以takeaway，只要帶你屋企嘅煲落黎買，就可以架喇。我有機會都會試下咁買。

天氣凍，夜晚諗住同阿媽食煲仔飯，點知阿媽主動提議食返上年間羊腩煲。阿媽叫到當然去！6:00到已經有人坐底左，半個鐘左右已經聽見要等到8點先可能有位，好彩我地黎得早！羊腩煲肯定跟個生菜，都唔細籃，兩個人夠哂了。主角羊腩煲到了！除左羊腩仲有荀，馬蹄，冬菇同枝竹。啲料好多，呢煲野起碼要3個人先食得哂。羊肉好淋好入味，一啲騷味都無同埋都好多枝竹，大家唔洗搶。另外叫左杯大檸茶，好大杯，不少於500ml，夠哂飲！

正宗重慶雞煲火鍋， 先吃雞後加湯作為火鍋， 味道極似中國四川吃到的香味，全靠香料支持味道，帶有獨特香味，沒有用上味精感覺！ 用料新鮮，環境還算整潔，响鈴也是必食推介肥牛鮮滑， 墨魚滑， 鮮蝦滑， 全部新鮮又滑嘟嘟， 美味極了， 胡椒豬肚包雞湯底也是非常美味， 味道濃郁芳香， 大家記得先飲湯底， 味道十足，用料十足， 行到毓華里已經聞到香味， 就在麥當勞後面後門對面， 方便易找， 門口更有多個咪錶停車位， 方便泊車， 絕對是一個揾食的好地方。

又係時候要去下西川啦....！只要想打邊邊，必去西川。今次推介胡椒豬肚雞，雞雞滑滑、牛牛新鮮，配上大號裝檸樂，Free style再現。一鍋足夠一家大細，三五知己，足料湯底是此店的品質保證

同朋友諗住近近地試下去食 首先整份雞煲先，趁佢一滾起就落埋芥菜，莞茜同埋洋蔥落去，嘩簡直香噴噴呀，本身雞煲既香辣再配埋配料既清香，未食已經流晒口水。雞肉調味後食得出帶點點辣，加上莞茜同洋蔥既香味食落就更加惹味，越食越想食。雞件有點脂肪，令雞肉口感更軟更滑，點埋尋底既醬汁，因為較濃味，食落更滋味 第一次食呢間 個雞煲有驚喜 另外叫左份手切肥牛 牛味夠 肥牛色澤鮮豔，脂肪比例適中，味道還帶點雞煲汁味，令肥牛除左有牛味仲有雞味添。

前幾排聽朋友介紹慈雲山有間雞煲好好食 跟住尼幾日就同朋友去試下 雞煲好入味夠辣 材料又夠新鮮 價錢合理唔會太貴 我地叫左個小辣既雞煲 好惹味 服務都好好 雞煲10分鐘左右送上枱 侍應時不時都會過黎幫我地睇下熟唔熟 態度抵贊隻雞既嫩滑又香口，應該係事前功夫做得足，炒過一輪才放入煲，同時小辣拿捏得岩岩好，嘅刺激到味蕾，又唔會食到滿頭大汗，岩曬我啲唔食得辣又愛辣嘅麻煩友😂😂

朋友食完介紹，見D相唔錯，即刻臨時約左6個朋友一齊試。因為其中一個fd唔食得辣，所以只點左小辣雞煲，最後先落牛肉，蝦丸及菜，食物質素同味道不錯哦。，🙅不過位坐有D迫，同唔食辣嘅人就唔多抵la~ 0

今次係第二次黎食，第一次食完後，已向朋友極度推介這店，朋友食完也讚好。這晚共8位家人一起食，用兩個鍋，由於是長枱關係，變相分開兩邊各有各食，較難傾計。坐下後，先來雞煲，中辣，另一個清湯戈，蔬菜很新鮮。 配料方面叫了手切肥牛頸脊、黑毛豬肉。豬肉其實都不錯，但冇任何驚喜，牛肉非常正，雪花好靚，個雞煲真係好得，越煲越野味！最後加埋響鈴及菜蔬，真係唔捨得啲汁，非常豐富的一頓晚餐。喜歡這店街坊價，不收茶介和加一！

年初五約咗啲朋友食餐飯，附近食開嗰間未開市，行過隔離見到呢間，聞到啲雞煲味幾香，就貢咗入去。我地點咗個雞煲同十多款配料，個雞煲嚟到香氣撲鼻，立即動筷食呀~~食到中段，係口喥有粒嘢，我諗住係啲香料就吐咗出嚟，望真啲😳原來係小強囉~~我當堂面都青埋，即刻叫人嚟換咗煲嘢去。成件事雖然好糟，但係都要讚一讚兩位侍應姐姐，立即知錯改錯又應錯，不單止連聲道歉，仲主動做個折比我地，正面去處理件事。希望日後會有改善！

早兩日去慈雲山探朋友佢話帶我去食個好味雞煲去到時原來係西川風味餐廳其實我係佢其他分店食過,但我朋友話呢間總店D味道有唔同咁我地叫個招牌雞煲中辣安格斯肥牛,手打蝦丸,菜肉餃,海蝦,炸響鈴等等!主菜未到之前我朋友叫咗個辣酒東風螺佢話好正!只有呢間有得食,我先食一個D螺肉吸哂D辣汁好入味又夠辣越食就越想食,個雞煲嚟到試一啖D汁係濃D野味D不過我覺得同其他分店分別不太大一樣咁好味,其實我覺得佢地D火鍋料好新鮮好正架!例如安格斯肥牛好有油花分布得好平均,手打蝦丸好彈牙和重蝦味,菜肉餃D菜餡清爽鮮甜,海蝦都好新鮮大隻，個響鈴又脆,整體而言D食物都高分和滿意!

呢排冇咩胃口突然好想食D酸辣嘢!係慈雲山食酸辣自然係去西川望兩望張海報比到我靈感,我就叫咗酸菜魚一開始基本煲內的食物已經食得,咁當然要先食個主角魚先啦D魚片剛剛熟好滑好鮮味配上酸菜好醒胃真想叫碗白飯嚟食,因之前點了些火鍋食材怕食唔哂所以放棄咗叫飯呢個諗頭我地叫咗肥牛,豬大腸,手打墨魚,丸秀珍菇和薯粉呢到D食材比較大碟肥牛就肥瘦適中有油花豬大腸有咬口入味墨丸彈牙爽口秀珍菇配酸菜好夾個薯粉吸晒D湯汁醒神開胃!非常滿足!

唉，英文retake 要夜晚上堂，咁岩有fd又要retake 但唔同班，約埋一齊食晚飯，但係放學都成8，9 點，跟住個fd住慈雲山話有間雞煲好食就去左食，之後就搭小巴落九龍塘返屋企。食物方面：唔係任飲任食，d湯汁好多而且係足料濃郁兼香噴噴辣味、可以叫碗白飯撈汁食，雞煲d肉索哂d汁夠哂味又刺激，不過堅辣同出面果d雞煲唔同，所以第一次都係小辣穩陣環境方面：間鋪唔大間，但人流唔算多都精神既，不過就無咩服務招呼，都好唔阻我地傾計