西樹泡芙 (尖沙咀站)

营业中

休息中

呢幾日路過尖沙咀地鐵站看見西樹泡芙分店，被它琳琅滿目的泡芙所吸引，各式各樣的口味任君選擇～我正猶豫緊買邊一款的時候，店員介紹店舖剛好推出新產品，名為黃金滿屋，還有限時優惠，只要購買黃金滿屋一件，即可加$20換領其他口味的泡芙。<黃金滿屋> $33泡芙質地挺身，內裏充滿奶皇醬內餡，表面鋪上滿滿的肉鬆。入口奶皇餡隨即爆漿，甜甜的味道好像在吃奶黃包，加上鹹香肉鬆後整個是鹹甜鹹甜的，是很少在泡芙中吃到的口味～個人認為是一款適合新年的產品呢

今日放工路經尖沙咀 買個飯後甜品畀屋企人食泡芙專門店有好多種唔同款嘅泡芙 除咗最claasi嘅得cream喺中間嘅泡芙 呢度亦有乳酪泡芙 布甸泡芙等等 賣相非常精緻芒果乳酪 面頭有好幾粒大大粒嘅鮮芒果肉 中間係酸酸甜甜嘅乳酪吉士醬 啱曬鍾意食甜品又唔想食太甜嘅朋友 食落一啲都唔膩 自己一個人食完一個都絕對無問題士多啤梨乳酪 味道同上面嘅芒果乳酪泡芙差唔多 只不過係面頭轉咗配士多啤梨肉Oreo 中間夾左由Oreo打成嘅Cream 仲夾住一塊Oreo曲奇 食落都有啲似麥旋風 泡芙亦鬆脆有蛋香味

返工太累，放工要慰勞下自己。係尖沙咀站見到香噴噴嘅泡芙就即刻買左！朱古力三重奏泡芙 $29聞到濃濃朱古力嘅香氣，一咬落去，外脆內軟嘅泡芙結合朱古力忌廉同朱古力醬，入口即溶，朱古力嘅香濃味道瞬間爆發，真係朱古力愛好者唔容錯過嘅好味道。濃朱古力布甸泡芙 $29鍾意食朱古力嘅我又點會錯過另一個朱古力泡芙。呢款泡芙唔單止有鬆軟爽口嘅外層，仲有濃郁嘅朱古力布甸。一口咬落，朱古力嘅香濃同布甸嘅滑順交織喺一齊，味道豐富，感覺非常滿足。芒果乳酪泡芙 $32另外都買左個水果系列，呢款泡芙以新鮮芒果同滑順嘅乳酪為主，清新嘅芒果香氣迅速彌漫口中，搭配柔滑嘅乳酪，簡直係一場清新爽口嘅饗宴。如果你係芒果迷，呢款絕對係必試之選。

每次經過尖沙咀地鐵站，都會俾呢間泡芙店吸引住，店內有好多唔同口味嘅泡芙，好colorful ，賣相亦都好吸引。好多次都會忍唔住買幾個嚟食😋今日又揀左3個唔同嘅口味🍰榛子 TIRAMISU- Tiramisu有淡淡嘅咖啡，又吾會太甜，D cream又夠滑🧈白桃吉士- 白桃好清香，係我嘅致愛🍓士多啤梨乳酪- 士多啤梨份量好夠，乳酪勁滑，推介而且全店嘅泡芙都係新鮮製作，每件外層都好香脆，款式又夠多，真係下午茶最好嘅小食之一!😚

西樹泡芙有多間不同分店，其實每一次路過都會想買返一個泡芙食，因為泡芙口味又多，而且每一款都好好味，大人小朋友都會喜歡。今日行經尖沙咀地鐵站內的商店，又被這間的泡芙吸引了。忍唔住又買了三款泡芙。店員會好細心把泡芙放到外賣盒內，而且還會附送冰包，所以可以保冷不用擔心。今次選了芒果乳酪味，呢款是我的至愛，大大粒又香又甜的芒果粒粒，配上了芒果味的乳酪，濃濃的芒果香氣，芒果迷必食呢。泡芙外皮做得又脆身，口感好好。另一款是朱古力三重奏，濃郁的朱古力，試問又點可抵擋，泡芙都是朱古力口味，中間有滿滿的朱古力cream,又香又濃，仲有一些朱古力粒，多重口感，滋味絕頂。抹茶紅豆布丁泡芙，抹茶跟紅豆一向都超夾，綿綿的紅豆粒配上了抹茶布丁，布丁超濃抹茶味，質感好正，一啖紅豆一啖抹茶，再配埋外皮脆脆的泡芙。這款口味我都相當之喜歡，好有特色，好好味。下次路過又可以再買其他口味試下。

超人氣泡芙店💗散水餅都一流！呢間周圍都有分店！終於買左三款口味番去試下！個個都漲卜卜，勁大個！🥭芒果乳酪MANGO YOGHURT芒果食落都好甜！超開胃😛🍓士多啤梨乳酪STRAWBERRY YOGHURT食落勁新鮮！酸酸甜甜！🍫朱古力三重奏TRIPLE CHOCOLATE 超濃郁朱古力😚配埋朱古力忌廉好滑身！📍 西樹泡芙 (尖沙咀)尖沙咀港鐵尖沙咀站2號舖#尖沙咀美食 #泡芙 #甜品 #尖沙咀外賣 #尖沙咀甜品 #泡芙控

好多港鐵站都有呢間泡芙店經過尖沙咀出閘聞到香噴噴，口痕買幾個做下午茶咁多年來都保持水準紙盒手抽包裝仲好貼心裡邊仲有保溫包拎到返屋企食都依然冰涼好多種口味選擇真係樣樣都想試今次就揀三款鮮果口味✨芒果乳酪舖滿新鮮芒果肉加上酸酸甜甜嘅乳酪口感酥脆✨士多啤梨乳酪冬季嘅士多啤梨 特別大粒鮮甜配上酥脆嘅外皮，入口即化融合了香甜嘅士多啤梨帶出清爽且濃郁的口感享受✨白桃吉士柔軟綿密的泡芙內餡白桃清甜多汁配上泡芙嘅蓬鬆感令人一啖接一啖，食唔停口

今晚朋友嚟屋企玩，完全唔記得準備。諗起放工可以快快係港鐵站買甜品招呼朋友，就㨂咗西樹泡芙，一人一個簡單又好味。買咗最鐘意的士多啤利乳酪同芒果乳酪味，仲買了曲奇系的楱子tiramisu, 職員仲好細心加了乾冰保鮮。士多啤利乳酪同芒果乳酪味真係首選，一直都好鐘意，水果同乳酪真係好夾，甜中帶少少酸，非常清新。而楱子tiramisu感覺比較厚身，榛子咖啡味嘅cream加上曲奇皮嘅泡芙，配上手指餅，口感豐富，同乳酪味的感覺完全不同。

人氣泡芙店 「西樹泡芙 」已經在香港開業多年，泡芙一直好評如潮，皆因口味眾多，每個泡芙都大大個，價錢超級抵食，重點就係有多間分店，想食梗有一間喺左近，每逢經過尖沙咀地鐵站一諗起想食泡芙就即刻會買返幾件返屋企食😋🍵▪️紅豆抹茶布丁 RED BEAN MATCHA PUDDING泡芙外皮絕對唔會令你失望，一定係香脆可口，這個配搭好特別，濃濃香滑嘅抹茶布丁，配上面滑嘅紅豆蓉和新鮮忌廉，最後灑上抹茶粉，冰川日本風味🍫▪️榛子 HAZELNUT TIRAMISU朱古力嘅泡芙皮，味道香濃充滿朱古力香，香滑又唔甜嘅Tiramisu 忌廉，再灑上榛子碎，口感滿滿，仲有一塊脆餅，可以沾上忌廉一齊食，滋味無窮🍑▪️白桃吉士WHITE PEACH CUSTARD清新嘅口味，泡芙面放上香滑忌廉和吉士，配合新鮮又清甜嘅白桃，再灑上香桃粉，味道香甜充滿白桃香

一向我都很喜歡吃泡芙，每次經過見到這麼多款式都好想試。今次我叫了士多啤梨乳酪泡芙、朱古力三重奏泡芙、北海道牛奶泡芙 。🍓士多啤梨乳酪泡芙泡芙裏包住甜甜的士多啤梨，挺新鮮，加上忌廉，賣相都不錯！👍🏻🍫朱古力三重奏 我本身是朱古力控，所以必選這款。香濃朱古力，灑上花生碎朱古力醬，好有口感！🥛北海道牛奶泡芙 香濃北海道牛奶忌廉，每一啖都非常濃郁，雖然沒有其餘兩款重味道，但淡淡的都很好味！下次再試吓其他款式先！😋

嘩，真係一試難忘！呢次食咗西式甜品，味道好夠晒香濃，每款泡芙都係一個小小嘅驚喜包裹。首先，佢哋嘅招牌朱古力泡芙，朱古力慕斯rich到爆，啖啖都係濃郁嘅朱古力味，嘴裏一嚼，簡直係幸福感爆燈💡，口感滑潤得嚟一啲都唔膩口。然後，士多啤梨乳酪泡芙，入面嘅夾心果然酸酸哋，士多啤梨嘅清新好似夏天既涼風， 舒服得滯，不過泡芙殼就硬咗啲，有啲抵食，但又唔會話好得過去。另一個芒果乳酪泡芙都一樣，芒果嘅香甜同乳酪嘅酸味撞埋一齊，係咁熱哀嘅下午真係解渴撩神🌞，泡芙質感就算唔算最正宗，但總算算係過得去。總括黎講，呢個系列輕食甜品多個選擇，差唔多每個口味都有人鍾意，除咗少少硬身嘅泡芙殼之外，整體還是相當唔錯嘅。下次有機會都會再光顧，都值得推介比其他食客試吓！🍰🎈

每次經過尖沙咀地鐵站嘅西樹泡芙都聞到好香濃嘅泡芙味🧑🏻‍🍳行過總係會忍唔住買返一兩件😆今日收工經過見到超多人排隊，咁啱聖誕節出咗兩款特別版🎄等我又買返幾件返屋企食先💗🔹朱古力三重奏泡芙 朱古力迷必試呢款三重奏泡芙，朱古力脆皮泡芙外層酥脆🍫夾住香甜朱古力吉士➕ 朱古力醬，三重享受，鬆脆飽滿又香醇，正😋😎🔹士多啤梨乳酪泡芙金黃色泡芙包住大大粒士多啤梨🍓賣相超吸引🤩底層有幼滑乳酪，清新香甜，難怪成為人氣之最💖🔹榛子聖誕老人好可愛嘅聖誕老人造型🎅🏻以香滑榛子忌廉🌰配搭新鮮士多啤梨🍓➕藍莓🫐聖誕限定款式充滿節日氣氛🎶俘虜一眾大小朋友嘅心 🎄#chezchoux #西樹泡芙 #泡芙 #聖誕節2023 #Christmas2023 #hkdessert #hkig

基本上每一日返工都會經過呢間泡芙店, 因為佢地係多個唔同既鐵路站都有店舖, 亦都會比佢地牛油既飄香所吸引到, 所以成日都會停低去望下佢地款式七彩繽紛既泡芙, 今日就忍唔住帶左幾個返屋企😆1/ 芒果乳酪泡芙🍰 $32酥脆牛油味香既外殼夾住creamy既芒果乳酪入口溶化, 而芒果仲依然好甜😋2/ Oreo 脆脆泡芙🍰 $29經典既口味但就永遠都咁岩食! 曲奇味道超香口, 朱古力味Oreo餅加奶油真係冇得輸😋3/ 開心果泡芙🍰 $36期間限定口味! 滿滿既creamy同樣滿滿既開心果香味同時亦有堅果既味道👍🏾呢個聖誕要試埋佢地既聖誕節限定款式先😆

早幾日出完街返屋企經過西樹泡芙見到出左聖誕系列🎄真係好靚啊✨有榛子聖誕老人🎅🏼開心果聖誕樹🎄一於帶晒返屋企喇🎉✨🎅🏼榛子聖誕老人 超可愛聖誕老人造型🎅🏼底部係香滑榛子忌廉🌰仲有新鮮藍莓🫐加埋朱古力裝飾🍫真係會唔捨得食🥹聖誕老人由士多啤梨加忌廉💕朱古力醬點埋眼睛👀入口即化😋榛子迷必買‼️✨🎄開心果聖誕樹好吸睛嘅造型🥰派對必買💚好香好濃嘅開心果忌廉🟢媽媽可以一口氣清晒😂忌廉擠成聖誕節造型🎄加埋裝飾糖粉✨✨🍓士多啤梨泡芙新鮮嘅士多啤梨布滿成個泡芙🫧酸酸甜甜嘅乳酪忌廉🧀一口咬落好清新😚士多啤梨又甜又多汁😉咁正😋你哋都快啲買嚟開party 同朋友分享喇🥳

同朋友去九龍公園行吓，想買啲輕小食點綴下，咁啱見到尖沙咀港鐵站有間泡芙專門店，見賣相好靚，買咗幾個。店舖細細，已自設工場，食材保持新鮮，見住不同口味泡芙新鮮出爐，真係好想食一口，而且包裝仲好精美添。芒果乳酪泡芙乳酪做餡，減少罪惡感，芒果好新鮮，有三大嚿好Juice。榛子Tiramisu泡芙最好味係塊餅仔，個cream榛子味濃，加上朱古力脆脆泡芙外皮，完美的配搭。朱古力三重奏泡芙外皮同樣是朱古力脆脆泡芙，第一層cream有灑上花生碎朱古力醬，第二層是濃濃的朱古力cream，朱古力控必食推介。