見見面 (已結業)

一直都好想係香港食烤魚，搬左黎九龍城，男朋友個客推介呢間，仲話味道好正宗。舖頭唔大，但個個都食烤魚，好吸引呢，我地點左烤鉗魚小辣，夫妻肺片，紅糖糍粑，紅油藕片烤鉗魚小辣，加左薯粉，條魚成個盤咁大，仲有好多配料，蓮藕，海帶，萵筍，蒟蒻，豆皮等等，我地仲加左個紅薯粉，滾起就得得啦，好正，香辣麻齊全，啲紅薯粉索晒啲汁，好似重慶酸辣粉咁！兩個人清晒夫妻肺片-比想像中大碟，牛展大大塊，仲帶牛肚，牛利，好惹味開胃紅糖糍粑-呢個係我地都好鍾意既甜品，煙煙un un,點啲紅糖漿， 少少甜外脆內軟，好香口，正紅油藕片-呢個入量都多呀，爽脆清甜，不錯。初初都有啲擔心，啲人好似講到好差咁，但而家用QR落單，又快又方便，而且樓面態度不錯，所以今餐都好滿意呢！

天氣開始熱特別想食辣，九龍城出名食泰國菜就全香港人都知，原來有間川菜都幾好食，價錢合理，唔敢講係咪正宗，不過就好啱我胃口青椒魚(山魚)(例牌$198)除咗山魚之外仲有桂花魚(+$80)，魚肉好滑，份量又多，大部分都冇咩骨，口感清香麻辣唔油膩，其他配料仲有萵筍同蒟蒻蒜泥白肉($68)五花腩好彈牙，鐘意多蒜仲可以要求加蒜，連埋青瓜片一齊食好清爽熗炒土豆絲($58)乾辣椒、花椒香味濃郁，土豆絲軟硬適中，爽脆有咬口麻辣牛肉($48)涼拌牛腱好清爽，麻辣開胃，送酒一流紅糖糍粑($38)雖然食到好飽，但都仲係好想食甜品，所以要咗外賣盒上方便拎走，店員好細心咁係外賣盒到開咗個口透氣，咁糍粑就唔會焗到淋晒，值得一讚糍粑外皮微脆，糯米軟綿煙韌，再加少少紅糖漿，口感甜甜哋好豐富

侍應係餐廳入面長期拉低口罩，戴左=無戴，最衰係打哈癡唔捂口！唔好話疫情期間，就算係非疫情間都接受唔到....食食下野有甲甴爬過再講水煮魚，得個油字，唔辣唔香，D香料無爆香過就落，魚有腥味無下次！

我吃見見麵不下十次，已習慣它水煮魚的辣度十分飄忽。試過叫中辣辣到食完要去廁所屙屎，又試過叫大辣完全覺得唔辣。今次就叫中辣水煮魚，個湯完全唔辣，只覺得很油，又唔香，魚肉仲帶點腥。另外，店員衛生情況惡劣。有個洗碗姐姐放啲湯殼入櫃，有兩個跌咗落地，佢就當無事發生放入櫃。另一個侍應經過，我同佢講有湯殼跌咗落地，但洗碗姐姐照放入櫃，個侍應竟然當冇事發生，理都唔理我哋。我當堂嚇咗一跳，估唔到佢哋衛生情況咁差！總括而言，今次水煮魚十分之差，而且啲侍應衛生都好差，以後都唔會再去。

之前試過酸魚，感覺唔錯，所以想試吓其粉麵，但扮麵供應時間只是中午，只可周末先可以試吓。今日叫咗肉沫酸辣粉及紅燒牛肉麵。酸辣粉叫了大辣。先來酸辣粉，紅色油淋淋的一碗粉，試了一口，唔夠辣。薯粉質地好稔，唔夠咬口。牛內麵，麵底稔，牛肉又薄又冇味。總括嚟講，好失望。下次還是選擇食魚吧！

晚上入去一人坐低 佢比張紙 叫了水煮魚面 佢問”叫一樣咋？叫一樣唔洗嘥咗我張紙啦” 態度非常之惡劣食物一般名過其實 永不回頭 好伏你想貼＄買難受就去 其實佢都唔full....

去哩間嗌外賣酸辣粉，當時堂食生意好，客人好多。店員同我講酸辣粉要等半個鐘，根住果店員又問左廚師之後直接同我講唔做wor！唔係等唔等即問題，係直接同我講唔做。我專登架車過來買外賣，結果唔賣俾我。真係再好食都唔會再幫襯啦。同埋哩間酸辣粉都唔係正宗酸辣粉，正宗酸辣粉都唔會落蒜頭架。我係因為住九龍城覺得哩間買近先來，因為生意好就唔做我生意，真係係香港第一次見。咁即態度，生意可以好到幾耐？以後唔會再幫襯啦。

今晚又路過這九龍城街角的四川餐館，人不多，終於有機會進去了。我們不是食得很辣的人，於是只點了一個小辣的水煮牛肉，及不辣的熗炒蓮藕。兩個菜都很好吃，牛肉沒"嗱"過，但還很嫩滑，證明師傅的廚藝"有料到"，我和港媽還討論了幾分鐘是否應該把這麻辣湯打包，回家後造個水煮什麼什麼！可以扣分的，就是花椒太碎，每口牛肉或大豆芽都沾了不少花椒碎，口感並不完美。蓮藕本來沒什麼好講，但其實師傅也做得很好，只用少許薑蒜料頭爆炒，很可口。很難得這小店衛生也很好，餐具、地面都很乾淨。這晚如果我不是開車，我肯定會點兩瓶啤酒火拼牛魔王！

每次經過都見到有幾枱人在食水煮魚，所以決定要試一試。今晚可能落雨，所以室外冇枱，亦可以坐室內。叫了酸菜魚，秋葵及白飯一碗，開心些呀！過了一陣，先嚟秋葵，份量不多，味道可以喇，再來主菜酸菜魚。名乎其實，大大碗份量足，味道好，微辣帶酸帶麻，魚肉滑。推介！至於碗白飯，我分別向三位姐姐要飯，佢哋都係冇動於終，最後我問你地係咪冇飯？佢哋先回答唔係，之後都要等多陣先有飯食。杯茶飲完又唔添，所以我覺得服務係差。

收工後宵夜喇喂～～ 又出九龍城搵食「見見面」比我更夜收工，晚上12:30來到，即叫個「水煮生魚」同「口水雞」。已經食過幾次，有時好早就賣完水煮生魚，今次好彩！水煮魚，我必定揀生魚，如果廚師刀工好，都唔會多骨，如果係即埸生割，會食到肉質較實較彈，喝埋一口湯汁，嘩，真係好過癮嫁！ 太辣的話，飲啖王老吉解辣，對我來說，呢種享受可以治療整日繁忙工作壓力的抑鬱情緒！ 口水雞，都夠味，有啫哩係肉質之間，一碟份量唔算多。呢間100分滿分，我覺得值85分嫁！天氣凍D可以試試，夏天來到九龍城，都係首選泰菜！

起初以為是麵店，入到去先知係食四川菜。附近好多車房，以為都唔會搵到好野食，結果亂打亂撞就入咗呢間四川菜館。入到去，發現入面好逼狹，感覺好大壓迫感，但係店鋪有酒飲同水煮魚食，感覺順返。上菜時聞起上黎，起經覺得好有似曾相識既味道，似係雲南聞過既川菜味道！食起上黎，見到辣椒數量非常澎湃，而且好足料，下面仲有好多薯粉，兩個人share一份絕對無問題。希望下次有機會食埋其他唔同既菜式，加油！

九龍城多數食泰國野, 打邊爐... 最近多左四川菜既野食.耐唔屎就會想食下辣野, 想刺激一下, 都會黎呢間夠地道的小店,多數幾次都坐街外, 鋪入面太窄太迫, 而且多數要搭台, 個人麻麻地鍾意搭台.------------------------------之前食過酸菜魚, 都好食, 見其他食家都有食評我就不多說了,今次食酸菜魚有驚喜, 因為係香港好難食到好味既水煮魚... 呢間我食到大陸味...食完無口渴的, 應該無加味精了.今次食既係桂花魚, 半條須要加$80蚊...加埋相片呢盤夠2-3人食,魚好滑好滑, 配有芽菜及寬薯粉, 可以加火鍋配料一齊煮(詳細可睇附圖的火鍋料).------------------------------回鍋肉, LIKE重口味既人士會十分喜愛, 不過好多油, 肉既份量好夠多, 看似好肥但食落去不太油膩.------------------------------花菜比想像中大盤, 炒得夠味, 不太辣, 2個人叫左3個餸, 呢個真係食唔哂.

九龍城而家多左好多小店，今次就試下間辣野～同表嫂係見見面到見下面小店細細，一眼睇得哂，坐滿大概三十個人到～店員都係國内人，有口音的。兩個人嗌左三野野加個白飯share酸辣土豆絲 味ok 個人覺得唔夠酸唔夠辣大盤菜花 有獲氣 意想不到好食喎酸菜魚熱辣辣 魚都幾滑 酸菜無沙 送飯一流我相信間餐廳主要客源都係附近酒店既自由行，因此餐廳環境被那些食客影響了。自由行於餐廳放聲交談，無餐桌禮儀，對侍應態度亦非常麻麻，因為店舖唔大，我覺得有點困擾

野食方面好辣好正，係正宗四川菜呀😍😍💕條魚最正，無聊係🌶️味/🍅味 都咁正！！(唔記得影🍅🐟)雞煲&田雞都好入味！其他小菜都有水準！！very good!! 有酒送辣菜簡直無得頂🌶️🌶️🌶️🌶️🌶️ 食吾到辣geh都可以要求少辣/唔辣👍🏻 間鋪唔算太大，但係我地一行8人都坐到一齊👍🏻服務滿分，好有禮貌，上菜速度好快。等我遲d再返黎食！！雖然九龍城有好多好耶食，但係好食嘅川菜真係好少，各位辣妹辣哥宜家有口福喇！💕

點左酸菜魚，味道好分量大，叫左小辣都好辣，因為有泡椒，如果唔食得辣嘅人就點Bb辣得了。另外點左涼拌蓮藕，魚都食嗮了，都仲未來，等左好耐，味道就好濃味。仲有一個重慶小麵，面比較勁道，味道有少少淡，叫左小辣但，都係有D辣總體比較適合內地人口味，師傅都係四川人，7點左右都爆嗮，坐左外面，餐廳裡面抽煙系統不夠好，所以選擇坐外面！