覓食家

营业中

休息中

平日既下午時段，入去食。呢間既雞髀餐好出名，所以聞名不如見面，特登搵日去一試究竟。揀左雞髀配薯餅、沙律加熱好立克，總共$46。下午茶既價錢來講，係元朗並唔算平。雞髀的確好大，個皮炸得薄脆，調味都岩岩好。但可惜佢個雞髀入面有d乾。薯餅沙律都一般。杯熱好立克好難飲，非常非常甜。個人覺得cp值唔係太高，只係普通茶餐廳質素。試過一次就夠，已經滿足左好奇心，就無意欲再食呢間。只能說：元朗有其他更好選擇。

話說今日有啲事要入元朗搞，我地梗係要周圍搵吓有咩好嘢食啦！睇番上次來元朗已經差唔多2年前😅食完正餐後，我地喺openrice search咗幾間想食嘅小食店，去咗一間串燒店等雞串嗰時，諗緊加唔加塊雞扒，有個哥哥聽到就同我地講呢間「覓食家」啲雞脾正啲。雖然路程要十幾分鐘，我地都決定去試試。去到啱啱過咗6點，限聚令下只可以外賣～比完錢等咗10分鐘就有得食！塊雞脾太大所以切開2塊先擺得入個袋 😂 $28真係抵到爛！！雞脾唔油膩不特只，一咬落去就feel到塊皮有幾脆！！！唔只係家鄉chicken嗰隻脆，係又薄又脆嗰隻！！直情好似食緊台灣嗰啲薄片豬肉乾咁！雞肉都算淋同多汁（不過雞皮嘅好食程度遠遠拋開雞肉😆）我地留咗半塊攞返屋企，1個鐘後焗返熱竟然同之前無分別，實在好食到太誇張了😭再來元朗一定encore！

終極良心小店推薦！平時都有食開呢間外賣，已經覺得都幾好食。今次第一次堂食⋯原來可以再好食多幾倍！店員話老闆好用心，每隻雞髀每日都會用水果去醃，所以雞肉先會咁滑；再加上即叫即炸，皮脆肉嫩！而且價錢相當合理，$46 已經可以飽到上心口 正呀💪🏻💪🏻另外推薦佢地嘅豬扒，同樣係超厚切，好多汁同夠入味。再另外，時菜！無錯，係時菜！雖然價錢係貴咗小小（$35），但佢唔知點解可以好甜，又唔似係加咗糖，係鮮甜。有興趣都可以一試。

過咗嚟元朗見下朋友，喺朋友推介之下，去咗覓食家食個lunch！一嚟到間舖已經見到好多人排隊，等位等咗大約20分鐘就有位😬山長水遠嚟到，其實都有啲肚餓，所以叫咗佢哋出名大大份嘅至識食雞髀煎蛋飯！❤️ 至識食雞髀煎蛋飯 $46一上枱真係哇一聲，無諗過係咁大份！😮 職員仲好細心咁話因為隻雞髀有啲細，所以比多隻我！😍 真係好貼心呀！我咁肚餓一定食得哂😂 個炸雞炸到外皮好香好卜卜脆，又唔會太油。雞肉非常juicy，唔係又柴又乾嗰種。雖然醃得唔算好入味，但啖啖肉佐飯一流，一口接一口滋味無窮！煎蛋煎到啱啱好，係完美嘅太陽蛋呀🍳好食度：⭐️⭐️⭐️⭐️ (4/5)餐廳推薦度：⭐️⭐️⭐️⭐️ (4/5)呢個價錢食到咁大份超飽嘅雞髀飯，簡直超值啦！cp值好高，依家諗返起都想再去食呀🤣

之前見佢好出名食炸雞肶，然後就同友人去試😋食過一次之後食過返尋味！因為疫情關係，我地等位都等左約20分鐘先有位個飯一來到完全比隻雞肶吸引左😍隻雞肶大過手掌🤩而且唔會炸過頭變焦。外皮整得又薄又脆，一切隻雞肶個陣咔嚓一聲好治癒🤪食得出唔似出面個d好厚炸皮，而且唔會太油膩，每一口都啖啖肉，仲有係即叫即炸熱辣辣❤️總括而言，隻雞肶係我食過頭三最好味的😋仲要好大隻不過我呢d地盤食量就覺得唔夠多飯同多汁，希望可以再多d~

以前係元朗返工成日會去食呢度嘅雞脾飯難得放假就入嚟元朗回味下，嗌左呢度嘅人氣菜式雞脾飯。呢度嘅脾有3款畀你揀，分別有炸脾、豉油脾、沙姜脾。炸脾依然係一貫成塊臉咁大隻，由於佢係焗好左先再炸，咬落會口係外脆內嫩好多汁，而且唔會有油膩嘅感覺，仲要熱辣辣真係好正。另外我自己鐘意再落啲孜然粉、辣粉，個味再出啲。由於佢個飯真係好巨型，所以我今次揀左沙律薯餅，冇咁heavy。薯餅炸得啱啱好，唔會話過火啡黑左，食完脾同薯餅，食返個沙律清新下，順便解下熱氣，食完好似冇咁邪惡。整體嚟講$46咁豐富都幾出色，不過要留意返，假日或者用餐時段要預啲時間排隊，因為都幾多人幫襯架，今次我就禮拜六2點半等左大約35分鐘。

🍗 大炸髀都算經典港式下午茶必備，好多餐廳都有做，但要食XXL炸脾真係要黎元朗小店💛 件炸脾有成個頭咁大😝😝胃口細d都食唔哂至識食雞髀煎蛋飯 ($46)即叫即炸，一上枱發現原來炸脾下仲有件炸腿肉😱😱 點解可以比咁多咁抵食嫁⁉️ 炸脾表皮香脆🤤 內裏仍然保持嫩滑，本身已經好夠味😗 但重口味嘅可選擇自己再落孜然粉/辣椒粉/淮鹽🧂🧂孜然羊肉粒飯 ($58)同樣抵食之選😂半肉粒比得好多，再加上洋蔥好惹味同孜然粉又夾，有羊味得黎又唔會太過騷🥚🥚仲有隻燶邊流心蛋，送飯一流👍🏼呢度真係啱哂d大胃王😂唔夠飯仲可以再加但細食嘅炸脾可以轉配沙律🥗 唔怕哂野———————————————————————可以 Like & Follow 埋我地其他Channel 😉 以便得到最新吃喝玩樂資訊💕

呢間係我成日食既元朗小店，價錢合理、份量大飽肚😋埋單$49（飯$46，凍飲$3）我試過飯、意粉、撈出前一丁。感覺都係飯正常啲，反而撈出前一丁望睇落好食，但食落一般（冇味而且煮耐左）炸雞髀就唔洗講，大份兼好食，咬落皮脆又有啲肉汁🥰如果你重口味啲，佢每枱都有孜然粉比你自己加。不過我覺得本身已經夠味👍平時我會配埋隻太陽蛋，蛋黃撈埋飯😍，但果兩舊青瓜唔知做緊咩🤨比幾條菜仲好，兩舊青瓜唔夠解膩。野飲就正常發揮，始終呢間店主打炸雞髀😄

今次黎到元朗，仲諗緊食乜，決定食炸脾！就黎左覓食家，舖仔細細但都坐得好舒服。員工都好nice🤓叫左個炸脾煎蛋飯，要䜴油汁，跟左杯凍奶茶。一黎到個炸脾好勁！又熱又香又脆！重點佢唔係好油！聽講話佢係先焗再炸！一入口好脆！真係好正，重要熱辣辣！隻煎蛋都好大，個邊又脆，唔會好濃。加埋豉油汁真係一流，成件事好夾！食左咁香口既野，再飲凍奶茶，又係一絶。個飯50蚊都唔洗，真係好高性價比，同埋隻炸脾好大隻，真係好正！

小弟由細到大都好大食,之前屋企人同我講話有間雞比飯雞比好大嘅餐廳,所以就膽粗粗去食下,多數小弟吖雞比飯會跟罐忌廉，雖然我個人認為覺得跟可樂應該係最gur，但係忌廉始終係我最鍾意飲嘅,我係跟洋葱汁，雞比飯跟太陽蛋，我第一次食嗰陣時佢比左兩隻煎太陽蛋俾我，jeng，雞比大隻得嚟啲肉係嫰ge，皮仲係脆架，證明佢係即叫即炸!!!到我第三次去食嘅時候,我見佢一隻雞比唔夠仲加多半舊雞比俾我,可能擔心個雞比唔夠大唔夠食，真心好人,同埋睇得出佢係有信譽ge,呢間野係出名買大機炸雞比而出名,如果啲客嫌唔夠大既話係可以要求加多d架，睇得出老細喺絕對唔會慳皮對待d客，有良心食肆必去呀!!!!!

外賣自取炸脾飯，炸脾另外袋住，所以返到去食都仲脆口，外脆肉嫩，加埋附送嘅孜然粉，似足串燒店嘅味道。黑椒汁唔會太鹹，加隻荷包蛋，係港式扒餐嘅味道。加兩塊青瓜，中和返熱氣。加埋杯凍奶茶$50，未算抵食，但價錢合理。

無論你係3歲定80歲，呢個巨型雞肶應該都可以俘虜到你嘅心至識食雞髀煎蛋飯$46由我買呢個飯到我真正放入口嘅時候，已經係相隔一個鐘。用光波爐heat返熱隻巨肶，雞皮仍然係好香脆，肉質嫩得嚟又keep到juicy，實在不能想像堂食會美味幾多倍大家可能覺得巨肶係唯一主角，但係喺我眼中隻煎蛋都唔係茄哩啡喺咁熱嘅天氣之下盒飯放左成個鐘，隻蛋依然可以係流心，而且佢嘅蛋味係特濃特香連埋凍飲好似係$50，食得過呀！

🐽 至識食雞髀煎蛋飯🍗 ($46)雞髀餐可以配 飯/意粉/沙律&薯餅/出前一丁 任君選擇🤪🤪價錢夠曬實惠💰超飽飽🥳勁大既雞髀😻真係有成隻手咁大 超級厚肉👅💦個皮炸得好脆 夠乾身😗個人最鐘意配佢個黑椒汁👻都幾辣下 好惹味🌶撈埋飯同蛋食🍚🍳勁yum✌🏻✨

話說陪完人去博愛醫院~下午茶時間返出來 ﹐就醒起一位網友推薦呢一度嘅巨髀， 喺元朗就梗係試下啦~唔算太難搵~不過都兜咗個圈，google map都好清晰搵到； 因為疫情關係~ 限制人數好彩去到啱啱有枱， 兩個人卡位坐好~望下餐牌， 其實主要都係兩個tone~ 就係巨型餐~鹵水/炸， 跟住就係炒粉麵飯~ 豬扒 雞扒羊肉， 比較特別係有烏頭~但我今日目標明確~叫咗個炸雞餐配丁麵， 丁麵都有得揀湯麵或者撈麵~正； 朋友叫咗羊肉炒飯， 想要汁嘅， 但係阿姐話同羊肉嘅味唔夾~ 無問題~調味料竟然有孜然粉辣椒粉淮鹽自己任加， 嚟到嘅份量就真係多到嚇死人， 先講朋友嘅炒飯， 一大碟堆高堆滿~ 大大嚿羊肉都有幾舊， 因為朋友好鍾意食孜然~ 所以一路食飯一路狂加孜然粉q 好滿足； 我嘅炸雞就真係隻叉擺咗上去望下~就知道佢有幾大隻，雖然佢都係界開咗嚟炸，但係依然非常厚肉~ 唯一缺點就係始終有少少肉鬆粉味 ,茶記嘅丁麵係多數都無可挑剔， 再加埋就燶邊蛋簡直係港式一大享受~ 好抵食嘅平均都係50蚊上下分量好大仲包嘢飲， 見到有張紙寫唔夠飯仲可以免費任加~唔浪費就得~ 抵到爛~正到爆

依間店平時咁多人排隊平日冇人排隊作為美食家的我當然9衝入來，叫咗佢個招牌炸比，本身諗住唔食熱氣野嘅我都食咗幾百啖，結果愛上左依間野，敬請大家千祈唔好過嚟食，因為會搞到又要排隊佢生意好咗又會開分店質素未必keep到。