見見面 (亞皆老街) (已結業)

📍見見面 (亞皆老街)旺角亞皆老街33號美聯金融大廈1-2樓第一次幫襯呢間舖，好食喎。喜歡食辣的朋友更加啱食啊。舖頭算乾淨，座位都算好坐。青椒皮蛋($40-HKD)，甘香。燴炒土豆絲($62-HKD)，普普通通，無乜特別。香炸魚片頭，好味呀。泡椒魔芋($88-HKD)，叫了小辣，口感有點似粉皮，不錯。胡椒豬肚雞煲($288-HKD)，好惹味，好香口，個湯底亦好飲。四川擔擔麵($40-HKD)，叫了不辣，都算好味。辣子肥腸($118-HKD)，惹味。番茄蛋花湯($68-HKD)，好足料。四川回鍋肉($78-HKD)，炒得好惹味啊。總括來說，呢間食舖值得一試再試。

成日喺旺角行街經過都會見到呢間舖頭嘅招牌同埋廣告，今日終於有機會可以試吓呢間餐廳首先我哋嗌咗極少辣青椒魚同埋蔥爆羊肉首先青椒魚唔知係咪我哋叫咗極少辣嘅緣故味道非常清淡，冇嗰種青椒嘅香味，只有少少麻麻哋嘅味道，可能下次要叫小辣或者中辣先至比較有味道，所以建議大家如果想食辣少少或者有多啲味道嘅話，記得要叫小辣或者係中辣，極少辣係好似比較適合完全食唔到辣嘅朋友跟住蔥爆牛肉啊羊肉一上枱感覺有啲失望，第一賣相普通第二也無蔥爆羊肉嘅香味第三食落似係蠔油炒羊肉亦都比較鹹不太推介大家點蔥爆羊肉如果下次再嚟的話我會試佢哋嘅水煮牛肉或者酸菜魚，可能味道會更加豐富同出色

極度失望。首先，茶係凍既，叫左4道菜 爆椒田雞，暖既，無肉加唔辣，算啦！秋葵係老既。主菜酸菜魚。。。又係唔熱既，面仲要係有一片’鯨’左既油！唉。。。酸菜魚芽菜、薯粉原來要加另加，本身淨係得酸菜同魚。我哋1830星期日黎，無乜人都咁，多人真係食風。我哋叫左個蒸曼頭，等左30分鐘以上，追左2次，好晦氣話多人好多單，蒸緊，18:58落單，終於1931到，都係唔熱，煙到無。咁叫蒸緊。佢話多人，我地望只得4枱，真係halloween 真係比d食評扼左

今次屋企人叫我帶佢地去食川菜，呢間我以前係九龍城店食過唔錯，依家旺角都開左，仲方便，咁就一於黎食啦🔥佢呢度有分1樓係食川菜，2樓就打邊爐既，枱面又有紙巾同茶提供，唔錯，佢地係用QR code落單既，不過都有一本本既餐牌比客人睇👌🏻我地叫左個熗炒土豆絲（$62），川菜黎講都要叫呢個餸，佢整得都幾好食，同埋我覺得都算大碟😁我地仲叫左個大盤花菜（$88），佢有d芹菜，好多椰菜花，仲有d腩肉片，又幾豐富，加埋佢辣辣地炒得幾香，都幾好食👍🏻到時重點既酸菜桂花魚（$478），佢可以揀辣度既，我地要小辣就得啦，魚都可以揀生魚或者桂花魚，桂花魚會好食d，亦都冇令我失望，真係幾滑，個酸菜湯都好正，我地小辣岩岩好，撈埋飯食甚至成碗飲都好正🤩最後就係胡椒豬肚雞煲（$168），呢個雞煲好似打邊爐既開爐湯底咁成個爐比你煮住黎食，雞同豬肚既分量都多，味道都唔錯，用黎打邊爐可能仲正😆甜品就係like佢社交平台或者follow佢地社交平台就會送一碗冰粉比你，個冰粉都正架，好似啫喱咁，加佢面頭既糖漿，食完咁辣整碗冰粉岩岩好😋呢間川菜都值得黎，d野食又好食，中菜又岩長輩食，可以陪下屋企人又唔洗去酒樓，不過要佢地食得辣先好

🔥假日午市抵食川菜🌶見見面旺角有唔少四川菜餐廳，但唔係間間都抵食🤪呢間見見面意外地假日竟然都有午市套餐🥳而且勁大兜，份量都唔少🤩最欣賞佢個手機落單，可以揀好多唔同程度既辣，又可以揀食飯🍚／紅薯粉🍜／麵，就連每一樣野食都有好多款揀🤤📍酸菜魚片紅薯粉🍜🐟（$55）分別試左極少辣🌶同少辣🌶🌶，極少辣既話得少少辛辣味，香口得嚟又唔會辣到蓋過左酸菜味，可以話係岩岩好🤤。少辣既話其實已經有返咁上下辣度，食唔到辣又想過下癮建議都係揀返極少辣。雖然係午市套餐，但佢都有勁多塊魚片🐟，口感嫩滑😍紅薯粉好煙韌，同酸菜魚湯好夾，份量十足💯📍紅油藕片🌶（加$18）跟餐加配紅油藕片，藕片食落非常爽脆，配上紅油有麻香口感，過足口癮，不過食落都幾辣，食得辣先好叫🤣📍桂花冰粉（加$12）跟餐加桂花冰粉，食落口感似足平時啲啫喱🧊，不過帶有桂花香氣🌼，甜甜地可以解辣😚📍跟餐飲品跟餐免費送汽水，包括有可樂、零系可樂、雪碧、芬達、忌廉、雀巢檸檬茶🍋或者可以加錢轉其他野飲，今次就加6蚊試左椰奶🥥🥛

好多朋友試過都說很不錯的一家餐廳，名字也很特別，叫見見面，對呀，跟朋友要多點見見面！女孩子朋友跟我一樣，喜歡吃海鮮🦞，貝殼類，於是她點的全部殼類，搞到我原本想吃酸菜魚的，都沒叫，下次要去試一下酸菜魚，嘻嘻！兩隻大大的糕蟹🦀️，才$338，對，沒看錯，就是這麼便宜，蟹肉新鮮，最重要味道還可以喔！（🤭以後去這家必須點！）環境清雅舒適，女孩子朋友吃完還一直說下次還要再來，下次還要再來，嘻嘻😜！

上網搵食見到呢間舖頭都有午市火鍋，又唔貴，就踩上嚟試試佢。按地址嚟到樓下亞皆老街，搵嚟搵去都唔知邊度係入口，見其中一個𨋢口有看更就去問吓，點知俾佢鬧番轉頭，真倒楣。可能太多人問佢路啦，我明佢嘅躁動，但總之就係我無端端俾人省咗一鑊立立令，呢個味道並不好受。出返門口繼續搵，見隔籬座大廈有條樓梯，行上去睇吓又唔係。落返街再搵，已經冇路，惟有轉入上海街睇睇，行入半條街終於見到有一個完全冇標示、烏燈黑火、好窄嘅電梯大堂（小堂？）。入𨋢見2/3樓個掣都係寫住見見面，咁上2樓睇吓先。原來2樓只做套餐同小菜，火鍋要上3樓。都話佢指示唔清晰，好多人以為服務就係笑口噬噬講多謝唔該，其實令人容易搵到呢啲都係服務一部分，好似我咁未食已經俾佢玩到氹氹轉，體驗絕對差勁，唔係講多幾句多謝就可以抵消。上到3樓，差唔多兩點，伙記帶我坐低。望望周圍，前面一個男客，隔籬枱兩個講普通話嘅女仔，最後面一枱四個講普通話嘅後生仔女，除咗最左手邊遠處一枱四個姨姨係講廣東話，似乎呢度係普通話人嘅地盤。我叫咗個椰子雞湯，嚟到嚇一跳，認真大大大煲。煲好大，湯好多，但唔係特別香。佢啲雞分開另上，六、七舊左右。佢分手機落單同自助區。慣常做法，

麻辣鍋底很正宗，菜品豐富。收了加一但毫無服務可言！服務員全程在隔壁台自己吃飯，大聲喧嘩，十分吵鬧，完全不理會還有客人在用餐。整頓飯服務員一次也沒過來加湯底，煮到最後鍋都快乾了，沒提供紙巾，更別提加水了，水杯都沒給一個。最噁心是調料區和用餐區有很多飛蟲，飛蟲繞著牛肉盤子在那邊飛來飛去，趕都趕不走。調料區的芫荽蔥花蒜泥小米辣這些配料，基本都見底了，芫荽都蔫爛了，也不換新的。自助餐品區堆積不少雜物，影響食慾。沒有下一次！！！

鐘意食辣野既朋友一定要黎呢度試下😉午市套餐45起，仲有一罐飲品，可以試多幾款😬酸菜魚魚片好嫩而且吾腥，酸酸辣辣好開胃👏🏻水煮牛肉一啲都吾會硬，愈食愈辣🌶️涼麵加左好多青瓜，凍凍地都吾錯😉

呢間性價比好高，一至日下午茶之選價錢由$45 至$60左右重點午市免加一 環境坐得舒服💯暫時食過兩款菜式都好食今次叫咗📍鼓汁蒸加州鱸魚配飯好驚喜 魚既質地好滑 入味 完全無魚既猩味就送飯一流💯📍另外都有食過酸菜魚片可以選飯/薯粉本身鍾意食比酸嘅口味 一般去到餐廳會叫佢多酸不過依家唔需要本身酸菜魚嘅汁會偏酸 好正反而叫多酸就Over左⭕️個人會推介揀薯粉好食啲好索味都比較多食完好夠喉❤️一定要去試 重點推介平又好食

上個禮拜六去咗旺角「見見面」川菜餐廳，點咗啲非常好味嘅餸菜，仲有啲好味嘅飲品。我哋嗌咗啲酸菜魚同紅薯粉，真係好好味啊！魚肉爽口，酸菜醃得啱啱好，令到味蕾都好開心！紅薯粉都煮得啱啱好，唔會太腍太硬，啱啱好！除咗嗌酸菜魚，我哋仲嗌咗啲麻辣雞煲，味道真係好夠辣好夠香啊！啲雞肉都煮得好入味，同啲蔬菜一齊食都好開胃！仲有孜然羊肉，肉質鮮嫩，孜然味都好香，好滿足！不過，最令我印象深刻嘅係啲椰奶飲品，好好味，可以平衡一下辣味，啲椰味好濃郁，仲有啲奶味，令到我哋飲完再飲。總括而言，「見見面」川菜餐廳係一個好好嘅食肆，食物好味，真係值得一試！👍👍👍

朋友介紹一間寶藏餐廳✨有兩層樓！一樓火鍋放題，二樓川菜我們今天選擇吃川菜🤩水煮桂花魚超大一盆🤤麻辣鮮香！魚片嫩滑！入口即化一吃就愛上的味道！超過癮配菜🈶寬紅薯粉特別勁道！滑溜溜！好正蔥爆牛肉味濃肉嫩！還有一股淡淡的蔥香味！十分開胃，非常下飯，足足吃了一碗飯🤭熗炒蓮藕片又脆又嫩！簡直太爽口低脂又健康💯紅糖糍粑外酥內軟！口感Q彈桂花冰粉淡淡的桂花香味！口感絕絕子！炎熱的夏天來一碗冰粉最合適不過了

菜式揀咗四川風味嘅火鍋，好辣好香。不過最吸引我哋嘅係佢哋嘅肉類，有安格斯牛小排、特級牛板健、頂級牛梅花肉同埋特級封門柳，肉質都好鮮嫩，味道都好好。飲品方面就有啤酒、酒精飲品、汽水等等嘅選擇，滿足各種需要。整個用餐體驗好愉快，服務態度都好好，值得推介俾朋友一齊嚐下。The hot pot is a must-try, with its flavorful and spicy soup base that perfectly complements the fresh and high-quality ingredients. The restaurant also offers a range of dipping sauces that enhance the flavors of the hot pot even further.For beef lovers, the restaurant's premium beef dishes are a must-try. The Angus beef ribs are succulent and tender, while the top

係附近大型商場血拼完，撞正開餐時間，又唔一定要係場內搵地方。係佢附近原來都好多唔同餐廳，今晚友人又帶我試新店。一樓係食川式小菜，上二樓就係火鍋放題，自己對號入座。打開餐牌除咗有大路川菜菜式，仲有提供刺身生蠔川菜中冷盤選擇都唔少，友人提出想食紅油豬耳 ($48)，我又點會反對呢?!雖然係紅油，但只屬於微辣，每條豬耳大細厚度適中，咬落爽脆，加埋芝麻嘅香口感，好吃。見侍應擺好卡式氣爐，就知道胡椒豬肚鷄煲 (例牌/$168)跟住上枱。煮返滾起就可起動，煲內除咗有豬肚同鷄外，仲有胡椒，咸菜及蒜頭加味先飲啖湯，胡椒味唔算太濃，多飲亦唔會話太口渴; 鷄件斬得比較細件，豬肚煮得軟硬適中。全程有火慶住，食到最尾仍然保持熱辣度。京川菜中常見嘅蔥爆牛肉 ($88)，呢度當然有。蔥同牛肉嘅比例真係50/50，兩者都係主角。用濃味醬汁快炒，各自披上醬汁，兩者一齊食，用黎送飯確岩數。自從認識咗萵荀，每當係餐廳見到佢嘅蹤影都多數會叫嘅。呢客清炒萵荀絲($78)就咁清炒，落單時可以要求少油，實物又真係唔多油，入口有清脆感，亦食到清甜味道，難怪咁得我地歡心。不能忘掉甜品有紅糖糍粑 ($38)，一客有8條，呢個價錢相當抵

一向都好鍾意食辣嘢行完街都好夜想搵宵夜食位於旺角呢一間有兩層的#川菜放題及川菜館「 見見面 」 就啱晒我哋口味 重點係佢啲嘢食唔貴而且即叫即炒好有鑊氣我哋就偏愛食小菜小炒所以店員就安排我哋坐一樓嘅位置而二樓就係就係專門食火鍋我哋兩人就被安排坐寬敞的卡位位置❣⊰⊹════════════════⊹⊱💬 ✎ 食後感 ：✨❤️【 #香辣雞煲 】️兩個人食例牌半隻已經好滿足驟眼睇雞件份量都頗多而且每件多肉少骨肉質鮮嫩叫咗BB辣可以食得更滋味🧡【 #椒鹽蝦 】用原隻鮮蝦連殼落去烹調的椒鹽蝦椒鹽及蔥花粒粒滿佈而且蝦殼軟身一咬就甩爽口新鮮彈牙的蝦肉沾上椒鹽有口感之餘仲相當惹味💚【 #農家小炒肉 】即叫即炒嘅農家小炒肉遠處都聞到好香裏面五花腩肉嘅份量好多半肥瘦五層肉嘅口感配埋青椒一齊食有少少辣加埋碗白飯就一流啦💛【 #川辣炒米粉 】米粉炒得好乾身好入味每一條米粉都係金黃色的加上裏面嘅配菜非常豐富包括有蝦肉、洋蔥、蛋花及芽菜等令舌尖有多層次嘅享受🤍【 #椰奶 】最後配返罐椰子奶爽一爽喉嚨成餐飯就夠晒滿足啦