角打屋台 (已結業)

平時同男朋友都係喺銅鑼灣飲飲食食多，食到悶悶地諗住去大坑睇吓有乜食，之後上網搵到呢間日本居酒屋，環境好似唔錯，仲有好多好評，所以就專登去試一試，點知⋯⋯⋯真係10萬個失望⋯令我地第一次咁有恆心，一定要開個account 寫劣評。希望大家唔好再中伏。晚上7點左右，正值晚飯繁忙時間，我們一到達門口，見到環境確實幾似日本居酒屋，1秒都冇考慮就入去坐低。餐廳內只有一枱食客2個人，可見非常清幽！總共有三個職員，兩個在廚房內，一個女侍應。首先服務員不能說的服務態度差，因為他們跟本沒有提供任何服務。坐下就自己照顧自己，餐牌上其實食物選擇不算多，如果晚餐來的話，一定要order 大白飯。我們order 了三文魚、帆立貝刺生，海鰻、蝦天婦羅，龍蝦沙律，芥末燒蠔，牛之鍋加2杯生啤。帆立貝刺生可見職員刀法高明，感覺有點像一粒開4片，三文魚就不是很薄，但感覺不太新鮮，天婦羅以炸粉為主，口感很差，龍蝦沙律的份量，真的奇少，牛之鍋湯底極鹹，芥末燒蠔是全晚覺得味道不錯的唯一。結帳總數七百蚊左右。成個晚飯時間不足45分鐘，我哋就速速離開，出到門口男朋友就主動建議去食多碗雲吞麵或魚蛋粉。因為這一餐味道一般而份量更極為少

早幾日入咗大坑入面揾食行下行下見到有一間好隱蔽嘅日本餐廳我地兩個人見入面冇乜人，就行咗入去試下！ 嗰陣我地都仲未知原來呢一間餐廳叫做角打屋台入到去睇餐牌嘅時候，我哋叫咗一個角切魚生飯，同埋一個鰻魚飯 跟餐仲包前菜，麵豉湯，同埋一包韓式料理飲品！ 係有啲奇怪嘅😂😂😂日本料理餐廳飲韓式料理飲品？不過飲落都唔錯呀！呢度上菜嘅時候，係成個餐甘上既！所以你個主菜上嘅時候，會連湯，前菜同埋飲品一齊上 前菜方面呢，茄子就鹹咗D,蓮藕okay 幾脆幾爽！個人認為鰻魚飯咸左D原因係佢到倒得太多鰻魚汁落去！建議大家如果下次想食鰻魚飯嘅時候，不妨叫店員將鰻魚汁另上,咁樣就唔會令個飯太鹹，以致食到最尾嘅時候唔想食啦！而個魚生飯，就係普通魚生飯😅😅😅魚生唔可以話特別好食特别新鮮中中等等既質素！但係如果想喺午餐嘅時候，平平哋食個魚生飯，呢個都係一個好選擇黎嘅😀返到屋企打食評嘅時候，我就想openrice睇下呢間餐廳嘅資料！但係見到大家寫嘅食評全部都係晚餐， 所以就寫左呢一篇午餐嘅食評比大家參考下啦😉 總括嚟講呢間餐廳都可以去試下嘅價錢唔貴，而且午市嘅時候無咩人！所以想同朋友好好地咁傾下計，呢度都係一個幾好嘅選擇嚟

香港食店難做，鋪租貴，人工又貴，鍵盤戰士寫個食評，比個劣，更雪上加霜。所以冇咩必要，最多比ok，唔忍心比劣，因為可能就係你比一個劣，攪到人執粒但每一碟都咁難食，我又好難再鼓勵更多人去中伏。唔明點解，裝修有氣氛，服務又有禮貌的小店，可以整到每碟都below average雖然未至於要食左落口要吐返出黎，免強都吞到入口嘅刺身直頭係差過元綠嘅質素，我食三款刺身，海膽，火炙左口魚，吞拿魚他他，三款都係侍應推介話係即日返的，最新鮮的，但3款都中哂伏，最怕浪費食物的我，都真係食唔哂咁侍應話佢地最出名係天婦羅，食完刺身，諗住可能真係間餐廳主力做天婦羅，所以刺身咁差。都信下侍應，再叫天婦羅啦！唉，d油究竟幾耐冇換呀？希望店主睇到可以真正諗下點樣改善啦！

有個舊同事介紹食呢間日本野，佢話幾抵同唔算太多人，坐得幾舒服。於是放工就一於同個friend去試下! 間鋪係大坑一個都幾入嘅位置...都搵左陣...不過一見到間鋪，係真係幾有feel，幾有日本個d居酒屋嘅感覺入面嘅裝潢都好正，掛哂d日文食物牌係度，又有d 日本裝飾，燈籠啊...真係好有日本feel張餐紙都係手寫再影印，雖然冇食物圖，但我真心覺得好有style，i like it 佢地仲有extra既餐牌，不過就要直接同職員落單。一黎點番個刺身食下先~點左個三樣刺身都好鮮，好味之後就到呢個關東煮，食左兩舊先記得影相haha 我覺得呢個真係好味，好入味，正泡菜豚肉鍋，冇諗過泡菜同豚肉可以咁夾，最後所有泡菜，豚肉連湯都清晒wa呢個角打炸雞真係正，佢d炸粉啱啱好，件雞勁有肉，一咬個下d肉汁出晒黎! 一定要趁熱食最後到呢個燒牛柳同雜菇，燒左兩轉牛，第一轉係因為自己燒耐左，所以乾乾地。第二轉就燒左短d時間，有番多少少肉汁。其實個牛柳還好，但d肉唔算好嫩滑。不過如果我下次再黎，會試個牛肋肉，聞到隔離枱好似幾香其實大坑都真係幾多好野食，等我以後都多d黎大坑食先

早幾天經過時得知Mr. Wally會在星期日晚於餐廳表演。曾在旺角見過他表演覺得很有活力，所以都心思思想去。與男朋友商量後，把原本的計劃一改，將晚上騰出便立即訂位！場內座無虛席，幸好有訂位！首先要讚讚服務，雖然侍應們忙得不可開交，但仍然保持速度準確度及笑容，好難得！食物本身已不錯，加上歡樂的歌聲，整個氛圍變得和諧溫暖。因為太投入歌聲中，不是每樣食物都有拍照。。。首輪叫了枝豆、松葉蟹爪及啤酒。枝豆一碗18元，價位很好。松葉蟹爪甜。兩款小食加上味道較淡的沖繩生啤，很配。次輪點了間八刺身，一板海膽及燒薄豚。間八即鱆紅魚，較為淡味的魚，不過不失。海膽亦算中上，甜但沒有驚喜。燒薄豚超值，味道很好，沒記錯的話都只是88元，有9-10塊，下次再來會encore！燒肉時火燄很猛，試過噴到4、5寸高，大家小心點啊！尾輪是關東煮及天婦羅烏冬鍋！因為關東煮是我十級想食的，當侍應告知我售罄時，真的眼淚都要掉下。過了一會兒後，侍應竟然盤上一碗關東煮！！！原來是廚房特別做出來的，當即很感動啊！不過事後想了一想，還是算吧，開心就好！ 味道不錯。有時食關東煮並不是因為它的味道而是那一份感覺。忘了為天婦羅鍋拍照。。。有

因為Mr.Wally係度開小型音樂會而嘗試角打屋台。大約7：45到場，都接近fullhouse狀態，但都成功入席。一邊點菜一邊等音樂會開始。第一輪先點關東煮同天麩羅。蘿蔔非常入味，天麩羅南瓜同蕃薯都好新鮮，唔會炸過火。之後8：30左右音樂會開始，再點牛油粟米，蕃茄沙律，天麩羅蓮藕同紫蘇葉。都不錯。頭兩輪都有點チュハイ果酒，分別係蘋果同巨峰。都好好飲。之後店員再推介乳酸，係無介紹錯。係超熱鬧氣氛之下，視覺味覺同聽覺都有滿足享受。係值得支持嘅小店。因為全店滿席，出入單唔多唔少有些少甩漏。但店員都好熱情招呼同跟進。係非常值得讚賞。希望老闆會再攪呢類小型音樂會，支持一下有心音樂人

在一個月黑風高, 也很大雨的晚上 ..... 我和太座帶了一位金髮藍眼的外籍女性朋友 到這家位於 大坑 的 角打屋台, 吃一頓價廉物美的 Tempura 餐 ~還以為餐廳會有很多人, 然而當晚餐廳極為冷清, 心理覺得有點蕭條的感覺 ..... Menu 點單紙 ~火炙左口邊 $78 : 火炙過的左口魚邊, 質感油潤爽口, 油脂豐腴甘香, 以這個價錢來說是相當不錯 ~鮟康魚肝 : 質感粉嫩, 味道重魚的肝味, 外籍友人吃第一口時並不太習慣這種味道, 但第二啖就喜歡上了, 還要再加點 ~海鰻天婦羅 $32蚊/條 : 炸得夠薄夠脆口, 也不油膩, 肉質細緻, 鰻魚有鰻魚味 ~烏賊天婦羅 $18/件 : 炸得夠薄夠脆口, 肉質爽口彈牙, 味道鮮美 ~其實還點了很多各種各樣的天婦羅, 但是因為當時手機沒電, 沒有拍下圖來, 沒有圖我就不便評論了, 但總括來說這店的天婦羅是很好吃的, 性價比很高 ~本篇完 ~

雜誌上看到大坑開了一間屋台，這是類似日本居酒屋的地方，主要供應燒物、炸物，這裡的形式比較自助，所有客人需要自己倒水，點餐的方法是在餐牌紙上用紅筆圈出食物，我們在各項目上點了數款食物，值得一提的是燒物中的海膽毛蟹和各種天婦羅相對比較出色， 其他食物味道尚可，可能是平日的原故，沒有很爆場，我們可以慢慢食慢慢傾，這地方絶對是三伍知己飲酒吹水的好地方。

好耐冇食過餐咁伏，我同兩個朋友（其中一個仲要日本人）黎食晚餐，以為係有質素嘅餐廳，因為睇食評都多好評，點知出事。😰叫左好多野食（睇單，好多），樣樣都唔得，除左個墨魚天婦羅我覺得係好啲。真係要@咁」住個日本朋友唔好再order，否則更伏。有咩唔得：刺身沙律，啲刺身切到勁細，一人size好似定食本身付送嘅沙律，個container 會令你好難拎啲沙律，本身已經少仲要跌咁啲😡枝豆冇味，未食過熱嘅枝豆刺身又薄又冇味，我一月同三月先去完沖繩島及石垣島。我知唔可以同日本比但收得咁嘅價錢我情願去返連鎖店食個白飯一定唔係日本米，又林又冇味，茶餐廳啲白飯都好過佢，真係未食過冇飯香嘅白飯，收$25，真係一路食一路喊個燒帶子我地叫左每人一隻，$20一隻伍毫子size嘅scallop...what the....真係sip牙la 咩？仲有最嬲係啲帶子好輕易由個殻拎走，咩意思？即係個殻大成九都係reuse !!! 😤😩我知好多餐廳都好冇良心，會重用殻，但估唔到呢間睇落ok嘅居酒屋都係咁，唔好影衰日本啦唔該。我飲左杯乳酸梳打，冇乳酸味，似梳打水加啲甜味😞日本朋友杯beer 係好mini....佢都驚訝點解咁細杯，

I really don’t get the positive reviews for this restaurant: overall I found it below mediocre… maybe “relatively edible”? I do like the vibe of the place – don’t know how to describe it exactly, but think bright, colourful, roadside seafood-grill, with not a lot spent on interior design or decoration. I think they were trying to go for those late-night seafood chains in Tokyo – similar to Hamayaki Taisho around the corner or Flame in TST. The problem starts the minute you try to eat or drink an

We had a late Sunday dinner and the experience was really bad!! No notice on the food they did not have until I asked about it. And her response was "oh we do not have this tonight...." And no one let us know?!Ordered the grill fish and it was just sad... It was only 1/3 of the fish, looked like some leftover food... Also ordered the grill chicken, another disappointment! There were only 4 tiny pieces on the plate... Cost $68! Really?! Waitress looking depressed and chefs chatting together.Sashi

忽然好想念在福岡旅遊時，晚上去屋台大吃大喝的情況，昨晚剛好有港島返工的朋友相約，便帶他去大坑的「角打屋台」，嘗嘗香港的屋台美食。呢度雖唔同福岡那些用帳篷搭成的屋台般，但至少外表也用膠帳篷包著，內裏雖不像屋台般，食客包圍著open kitchen來排排坐，但總算帶出那種庶民feel。食物方面，去屋台第一要食的是關東煮（因為日本屋台常賣此物），也是屋台美食的基本也。而關東煮最重要的大根（蘿蔔）此店便做得很好，鮮甜無渣，索晒汁，叫多個玉子及魚餅，伴上帶甜的芥末，不俗。跟著吃浜燒，點了味噌燒蠔及帆立貝。此店的味噌汁帶點酸甜，蠔及帆立貝雖然不大隻，但夠新鮮，配上此汁燒來吃很開胃。跟著吃天婦羅，點了沙鑽魚、帆立貝、南瓜及蓮藕，師傅手勢不俗，炸漿夠晒薄，賣相同味道俱佳，尤愛沙鑽，肉質軟硬適中，夠鮮美！最後叫多個炸雞及炸蟹肉忌廉餅來送啤酒，稍嫌炸雞份量太少，不過蟹肉忌廉餅好creamy，熱呼呼的，很下酒。整體來說這裏並非只賣裝修，食物真的有水準，加上價錢合理，朋友吃得滿意也，應會令我再來。

呢日本來想食大坑OYSTER BAR嘅生蠔，點知店舖星期一休息，所以轉左黎呢間開張無耐嘅角打屋台之前睇飲食男女時，見佢店面裝潢都幾有日本FEEL，而且食物價錢又唔太貴，所以決定試一下！呢度ORDER食物只須自行於菜單上圈出想食的就OK～第一輪，我地ORDER左兩杯生啤（沖繩ORION及ASAHI各一），鮟肝魚肝，三款自選刺身（間八，真鯛，活赤貝），炙燒吞拿魚腦天鮟肝魚肝：份量比想像中要多，不過味道一般，當送酒菜吃還可以吧三款自選刺身：間八點配附上的PONZU來吃，酸酸的幾開胃；活赤貝分量比較少，得3塊，不過新鮮爽口；真鯛則比想像中麻麻，沒有魚鮮味炙燒吞拿魚腦天：被火輕輕燒過的吞拿魚腦天，魚油味十足，我和男朋友都很喜歡第二輪我們ORDER左呢度比較出名嘅關東煮和天婦羅兩樣都係逐串逐串咁計錢嘅～幾好食物質素OK，雖然唔算話好突出，但平民價錢食嘅野差不多啦。。如果輕輕想飲一杯都可以去嘅

某日聽到電台節目推介，星期六中午時份便與老公去大坑尋找角打屋台。去到有點失望，因為餐牌上食物只可以叫魚生類，而午市提供指定昼食，有18款可剔出6款，包飯及湯。食物放在6格碟上，味道只是一般，湯稍咸。服務態度不錯，失望是不能選主餐牌上食物！

非假日的大坑．靜 非假日的大坑夜晚．更靜 難得在轉角處看見光芒，劃破寂靜的夜街。 踏進〘 角打屋台 〙，已被內裏充滿東瀛的風格所吸引著， 使用的鐵檯是甚有日本當地屋台的感覺。所有裝潢都顯得十分微妙。既然以路邊攤的形式展現，讀過餐紙上的價格也算親民。麥麵豉青瓜 $ 22 一款地道的日式前菜，麥麵豉即是由小麥發酵的麵豉醬，混和麥粒麵豉與青瓜同吃，囗感上是青瓜的清爽又帶煙韌的麥粒，會散出較濃的麵豉味道效果。魷魚鹽辛 $ 28 作為傳統的日本前菜，魷魚鹽辛的確是下飯下酒的好伴侶；新鮮魷魚經過鹽、辣椒粉等醬漬，讓它自然發酵，製造出鹹鮮惹味的日本傳統飲食風味。角打蕃茄特飲 $ 48 蕃茄汁加梳打水，入口是有點鹹，通常蕃茄汁都是稠糊口感但混進梳打水便清爽起來，蕃茄味濃卻沒有草腥味。天婦羅 ( 逐件計錢，由 $ 12 - $ 88 不等 ) 喜歡在這兒吃天婦羅，一來是逐件計錢，價錢收得親民，二來是以相對的價錢卻可以吃到比普遍食肆炸得好的天婦羅，首先是不會油膩，吃下去是清爽的，炸衣的薄及脆能把食材完全覆蓋而讓食材能保存原味。 天婦羅有海鮮亦有蔬菜，個人喜愛吃這兒的 舞茸天婦羅 及 紫蘇葉天婦羅，海鰻天