請請吧

营业中

休息中

做嘢超慢，叫杯水叫咗四次先到，離晒大譜。初時坐出面，想坐入去，等咗好耐，跟住去厠所先發覺佢入面有位，只係唔夠人執枱。離晒大譜。不過個歌手真係好落力，唱得好好聽，絕不斯場，唔多休息。我見好多客捧佢場，如果唔係有佢，一早可以執。

一去到第一感覺好暗好黑！坐底適應後感覺周圍有比較OpenArea，又有自成一角Area，亦都有Bar枱Area，當然OpenArea可以最靠近Live Band位置！有2人枱，有4人枱，亦有梳化4至6人以上枱！坐左一陣見女主唱歌手已跟幾枱熟客打招呼，感覺好好！而女主唱樣貌都幾吸引的(純屬個人意見)！整體係一間非常值得推薦飲野嘅地方！

今日約咗個客7點半happy hour ,本來諗住去河內道嗰幾間酒吧，但係又好似冇乜新意咁。。。個客建議不如去K11 Hyatt Regency 3樓 chin chin bar。 好鍾意佢Bar table 後面嗰個中式酒櫃，我哋本來坐咗係Bar 枱，之後因為有live Band我哋就坐咗落去叫多咗杯Chile Chardonnay 白酒慢慢嘆！happy hour 仲要buy 1 get 1 freeeee !!!問過啲Staff 好似日日都有live band .. 不過我唔理咁多啦，享受今晚先算啦！

如果淨系睇個英文，仲以為系『錢錢吧』，知道叫『請請吧』後，又感到細路仔。到訪幾次，一次比一次早有人唱歌，不過想靜靜地傾下偈，不妨到室外坐。Happy hour 到九點，買一送一。叫杯紅酒，佢真係會倒半杯畀你，話曬都係酒店酒的質素確實有返咁上下，小吃如花生、蝦條，可以無限添食。

我知道尖沙咀有好多飲酒，不過我想坐得好少少，通常都會諗起請請吧！原因係個名字用有趣，容易記! 星期五930pm到，去請請吧，入面都坐滿人，好彩係吧枱嗰邊仲有位。 wine list有好多選擇，鍾意飲whisky嘅話，呢度有大量嘅口味。咁夜竟然有現場唱歌live band表演， 我見到有客人點歌聽tim。平時有啲人諗住去酒吧會覺得好嘈，但係我覺得請請吧嗰啲位坐得好舒服，佢嘅唱歌表演又唔會係好長時間，表演一段，休息一陣。我覺得係一個幾好安排，平衡到傾偈同relax嘅狀態。一杯酒連10%大概一百二十元左右。酒店飲嘢仲想點？我同朋友講蝦條好味……勁好笑……原來係卡樂B。

今晚與朋友二人飯後想喝一杯，但出餐廳又開始下毛毛細雨。本想行到天文台道的日本清吧，最後唯有打消念頭到K11酒店內了3樓的請請吧。我是第一次來這裡，一入去燈光比較昏暗，都快10點，仍然坐無虛席。幸好酒吧仍有二人位。看了wine menu,朋友說這裡是whisky bar, 所以酒款多，但如果想喝cocktail，就沒有太特別的款式。我最後揀了Sea Breeze,它非常易入口，果味幾重，cranberry juice 加 grapefruit jiuce平行返vodka 嘅酒味，但又唔會完全似哂果汁，我幾鐘意！而朋友就order咗 Margarita on rock, 我試咗一口(雖然經典，但我之前無飲過margarita),Tequila超重味，第一囗的印象沒有取得我的歡心，也証明了我一向麻麻Tequila嘅口味無變，但朋友就非常喜歡。坐了一會兒，徐徐音樂聲響起，原來這裡有Live band 演唱，女聲者音韻磁性悦耳，唱英文classic歌曲為主，也偶面有男樂師之半鹹淡廣東話唱［海濶天空］，之後更有人即席點唱！與朋友聽著歌閒聊一下，輕輕鬆鬆的星期四！

是日，跟朋友雪茄聚會，所以，要坐戶外地方，出外只有一道門，但看似有幾道門，指示不太清楚之餘，我一支箭行入去酒吧，竟然冇人理我，咁我係第一次嚟，唔太清楚點開門（有門鎖、門柄、推出拉入），是好正常，咁啲侍應見狀，好似有點對我側目，正常，如果係五星酒店嘅服務態度，係微笑協助客人，而唔係擺出一副不耐煩模樣，真是笑話～ 無錯，Happy Hour 時段，的確係幾抵飲（buy 1 get 1)、俾你揀嘅紅白酒素質也不錯，唔會因爲 happy hour，而俾啲垃圾酒你揀，不過，如此服務，我會行前少少去香記酒店，全個 wine list 都可以揀（有平有貴）、有服務、價錢也差不多、地方也更大，五星酒店，除了考量食品、飲料質素外，服務，也是取決她是否能達至五星。結論，未達標（五星）囉～

過去請請好幾次，happy hour 感覺唔錯，不只是有買一送一，而是這個時段通常是下班一族，放咗工飲杯野傾下計，唔會好嘈同未有life band唱歌。叫咗兩客煙肉魚柳卷，一共有六件，印象中每客$80左右。好味試過食完飯上請請，一係就冇位，一係就好嘈。life band大聲之餘仲有d熟女在life band前面果小小空位跳大媽舞，真係投降。

連日大雨，想找一個不用打傘的酒吧，請請吧算是好的選擇。K11商場內， Hyatt 酒店3/F。一班女侍應們服務都十分友善和有效率。除飲酒外，亦柯打了咖哩鮮蝦炒米粉，味道超好酒吧環境不太大，但座位舒服，桌上的小燈亦浪漫。唯一美中不足的，酒吧的歌首可能不是太熟悉所有歌曲。我問侍應小姐可否點唱，她說可以。我就點了一首至少16年前的舊歌(That's why you go away)。我見Waitress把點歌紙交給他，他和waitress談論一倫後就去了Break。 半小時後他回來，我等了他唱了他自己識的歌(沒有理會我的點唱)。 亦沒有交代他為什麼不唱。。。最後到我結賬走，都沒有唱。唯有自己聽Youtube....。我到過好多酒吧，歌手好多舊歌都識的。。。不過算吧，酒吧的waitress令我感覺是的。

是日晚上在尖東有點事,事前又黎請請吧RELAX一下來過請請吧就覺得呢度幾舒適,夠靜,又有LIVE BANDHAPPY HOUR(5-9)啤酒和紅酒買一送一,我呢杯係ERDINGER$85DRY飲酒明顯唔係我STYLE,所以叫左個鮮蝦春卷$90來送酒一客4條,炸得好脆,蝦肉實爽帶清清的蝦肉味,而且味道天然,調味很輕,沾埋個甜酸醬同食,減輕油膩感一絕如果蝦肉調味重多一點更佳,但呢度既春卷起碼貨真價實,無咩溝過野,同你去酒樓食既無得FIGHT

雖然晚上又是到BAR RESTAURANT但我選擇到HYATT放鬆心情先叫左杯erdinger draught(買1送1),70蚊加個辣雞翼90蚊draught就是不太苦,O岩哂我呢D根本唔飲酒的人重點是個小食,8隻,味道是有辣椒粉和一些香料味,感覺是中國的香料,更有些平時食串燒店雞翼的味道,很惹味,也不太咸!估不到有這種質素的小食,太霸氣了.環境也很好

舊時的九龍凱悅酒店有兩寶: 一家便是傳統法式典雅的Hugo's; 另一家便是西式得輕鬆的優皮士聚腳點Chin Chin。自從九龍凱悅清拆了之後, 很多人常常掛在口邊的就是這家Chin Chin Bar。他們都懷念那裡古典而又有新潮的沖擊效果。那天跟上經常在這裡"打躉"的朋友來這裡傾傾偈, 感受一下那些Good Old Days的感覺。入內時尚的設計中加上一些有西洋風味的中國風裝潢。一大個長吧枱, 就是為那些享受自由Chit Chat的人而設。生啤選擇基本是三款, 唯一特別是那個生啤形式的德國麥啤Erdinger。這個牌子的啤酒也是我的舊日回憶, 這裡有新鮮Tap頭的, 很不錯。不過要數特別的還是他們這裡有多種選擇的威士忌酒單。從蘇格蘭喃一麥芽四大地域, Highland, Lowland, Speyside, Islay, 以及偏門的Island地區都有。還有就是近年攀升價格的日本單一麥芽或混合式的威士忌都有, 當然少不了美國波本及田納西威士忌, 這些如蜂蜜一樣的效果, 是獨有的味道。無論如何, 還是要了一杯蘇格蘭Islay的威士忌, 其煤炭, 煙燻, 或如藥用棉花的獨特氣味, 為一眾

鐘意飲番杯既我，食完飯多少不免要去飲番杯酒精飲品，同朋友吐下苦水，分享下工作上既挑戰。最怕D酒吧嘈到耳都嗚嗚嗚，又怕D人吸煙整到自己成身臭。去個Hyatt請請吧，我把它加到TST飯後酒吧好去處了。不過好野自然爭崩頭，去到室內外都無位，留左電話，點知約30分鐘後餐廳係用133電話回電，加上自己震左機，搞到miss左幾次，再番上去睇，要再排過，前前後後等左近個半鐘先入到去坐室外座位。室外座位空間感較大，桌子之間保持一定的距離，私人空間唔會被騷擾。而且間中送黎微風，都幾舒服，之後被轉番入去室內坐，剛好有LIVE MUSIC。歌唱表演9點後每一小時一次，約45分鐘，之後有15分鐘break，可以點歌並點唱生日歌。室內SOFA座位、燈光、氣氛都好正，完全帶走了我工作一周後既疲憊。小食有旺旺小小酥同花生，兩者都唔脆，作為酒店BAR佐酒小食差D.我要了杯Brandy Alexander，以甜酒做base，入口creamy，Crème de cacao帶來微微朱古力味道，飲落囂似飲酒咁架，作為我既「飯後甜品」似乎係PERFECT CHOICE！

跟要好的舊同事吃完晚餐想繼續聊天, 來到這邊三個都是不太能喝酒的人, 所以點cocktails就好我喜歡這邊的佐酒小吃是pretzels! 平常也喜歡吃這個, 很好吃呢氣氛環境也很好呢, 比起外面的酒吧好很多, 不愛吵的女生們可來這裡喝一杯

我的人生, 就是離不開Happy Hour, Happy Hour跟Happy Hour~高興不高興, 生氣不生氣, 2人或8人... 總要來點酒精吧~ 腸胃不適的關係, 已休戰個多星期, 縱使不能喝太多酒精, 來點Cocktail總可以吧~可惜平常棉登徑的Happy Hour熱點進行裝修中, 又不想走太遠~因此來了Chin Chin Bar~ Outdoor位置景觀雖大廈林立, 但亦無損雅致心情~除了Nuts, 還有特別的烘乾麵包粒~Pina colada蘭姆酒不重, 椰子奶油的香+新鮮菠蘿的甜!! Berry Lemonade類似Raspberry沙冰... 但多了一點酸!!友人點名要了Hyatt馳名的大蝦春卷, 但她忘記了這是TST Hyatt, 不是她的ST Hyatt,當然就是換來了失望, 她說蝦不夠大!!! 我說, 已經很大隻了, 還想要多大?! 她回答, ST的真的很大隻!! 好, 有機會亦想試試看!! 看它能有多大~香辣雞翼賣相和味道也不錯!! 若是佐啤酒的, 更好!!