謝謝儂 (V City) (已結業)

今日慶祝我生日，家姐由沙田特登嚟到屯門話想食上海菜，所以就揀咗喺V city謝謝謝儂。一打去間餐廳訂位，店員好好即刻幫我地預留咗位置。一行8人坐得都幾舒服。因為有小朋友，嗰度都有幾多野啱小朋友食，呢煎餃子炸春卷，小朋友都食得好開心。其實依間上海菜我都幫襯過幾次，貪佢方便搵位。至於食物質素方便就只能夠用不過不失來形容。但係家庭聚會都算係一個唔錯嘅選擇。我哋一行八人埋單大約$1000，食上海菜來講平均$100都算係唔錯㗎。

十年都唔去一次屯門嘅我 今日咁啱要同親戚黎屯門有啲野做 搞掂之後就求其搵間餐廳醫肚 見上海菜大家都啱食就黎左謝謝儂酸辣湯我地叫左例牌 即係一鍋 份量都幾多 夠我地6個人每人一碗 酸味同辣味好平衡 亦都幾足料 呢個係第一道上嘅菜式 水準唔錯 冇諗過成餐飯最好味就係佢😆小籠包皮唔算薄 入面有少量湯汁 我覺得小籠包係上海菜嘅代表之一 所以自然期望都會比較高 呢間就做得麻麻地啦謝謝儂炒飯炒得幾乾身同粒粒分明 入面有菜芯 蝦 鴨肉 食落尚算香口又唔會太油酸菜魚魚嘅份量唔算多 有部份係煎香左嘅 下面有好多幼身紅薯粉墊底 味道方面 好清淡 又唔酸又唔辣😟 如果唔食得辣或者追求淡口味嘅可以嗌黎食下仲有幾樣冇影到相嘅分別係：上海粗炒份量幾足 麵夠粗身幾有咬口 入面有菜 肉絲 香菇絲 炒得幾有鑊氣紅油抄手雲呑皮好滑溜 紅油幾香配埋甜甜地嘅汁 辣味好溫和 配埋蔥花同炸蒜食更香口豆沙鍋餅比之前食過嘅厚身 豆沙比例相對少 不過就冇咁甜 餅上面有少少椰絲 幾特別 不過我本身唔鍾意食椰絲 同行親戚話幾香

1⃣️開胃豬手粒 🐷 $68正常份量，我地一行3人，每人食到3-4粒。味道酸甜（但可以再酸D）2⃣️酸菜煮桂花魚🐟 $188👍🏻👍🏻👍🏻魚肉多，酸菜多，夠味！重點夠熱！入面仲有適量紅薯粉，每次泥食都必點既一個餸。3⃣️黑醋排骨 🍖 $78肉質爽口，酸酸甜甜，唔錯唔錯👍🏻配飯食一流4⃣️上海炒年糕 $78不過不失，夠大份 。但試過一次就夠，為咗填飽肚先叫🤣記得趁熱食，凍左會變硬5⃣️爆汁煎小包4粒 $42（食左一粒先記得影相）冇想像中咁爆汁，正正常常，同出面既差唔多。P.S 茗茶每位$15 &服務費+1。 用匯豐信用卡有9折優惠👍🏻

從來都無試過難食到要寫食評… 今次係第一次。安格斯牛肉可以醃到冇晒牛味、小炒全部油到食唔落口。宮保雞丁相片是用腰果、上碟變左用花生炒。同樣唔好食。😒點心可能好啲。不過應該都不會有下次.

一家三口去食晚飯，見無人都驚驚地，但因肚餓不以為意，叫左以下菜1.酸辣湯 - 味唔錯，不過估計係雪到變啫喱煲番溶果啲，因為好多未溶哂既啫喱喺湯到沙窩雲吞雞 - 好普通，但已經係最正常果味蒜泥白肉 - 個心仲係雪嚟，未完全解凍，而且完全無味松子炒飯 - 淡如白飯，飯偏濕同爛蔥爆羊肉 - 唔知係咪加錯味，係甜既，完全無鑊氣韭菜鱔糊 - 一落單後1分鐘拎出嚟，好明顯一早炒好翻兜，完全唔熱而且無味落單之後問侍應問題，佢完全唔答調頭走，而且全程無反應2022劣食第一位

食物無問題 係態度超差埋單畀卡就指我行到最入嘅收銀 嘟左卡問收銀個呀嬸得未 2次，得唔到任何回應 想掉頭走 但諗起要泊車優惠問攞單語氣好差咁話 想畀單你又掉頭走 我話你唔畀我咪走之後個更年期呀嬸就好燥好大聲咁話 未印好點畀你呀？！ 好似老奉要受佢氣 如果唔介意受氣呢間係可以食嘅食物，係夠飽，味道中規中矩。之後我睇返呢度嘅食評，都見到幾個話服務態度好差。 v city 其實大部份食肆係好食嘅，服務態度又好好多。我真係唔會再揀呢間。

臨時約會就要隨機搵嘢食啦🤣不過驚喜就是咁樣產生了飯點預左周圍都要排隊點知呢間竟然唔使約都可以即刻入座一開始擔心中伏不過試過之後都覺得可以接受😎🍆肉末茄段茄肉厚實 面上鋪住滿滿的肉末原本單食茄子會無咩味 但夾埋就啱唔啱好一口一個😂 差d搶食到打交🐟酸菜煮桂花魚賣相不錯 配料也十足除左普遍的魚片 這裏連魚骨也會煎香一起住酸菜味吃下去甜甜的 有別於一般的酸菜🫘黃金四季豆本身唔係太鍾意食四季豆但呢度炒得乾身加上滿滿的鹹蛋黃醬十分惹味 配飯一流👍🏻🍞謝謝儂小籠包整體皮薄餡靚湯汁多就算凍左少少再夾都唔會穿左漏湯值得試下

紅燒獅子頭配絲苗白飯👍🏻💕白飯煮得啱啱好啦，有淡淡飯香。唔會太硬/軟身，算有口感。見隔離枱食唔晒都要打包啲飯飯返家。材料都多元化，有筍，劈開一半嘅小棠菜，鮮菇同獅子頭☺️兩舊大嘅獅子頭,圓碌碌，送飯一流。小冬菇都有口感同鮮味好食。啲荀就有啲喳，最敗筆係伴碟既嗰啲小棠菜真係又黃又唔爽口，好倒胃口🥹個芡汁都唔會話好濃，最鹹係粒獅子頭🤣💕以前都試過佢啲鱔糊啊/雞煨麵/菜肉雲吞等菜式。睇覺得佢係要少少功夫嘅菜色比較好食～

來過此店不只一次，興心寫個食評如下。星期六來這裡要醒目，最遲十二點頭還不用等位，店內有很多卡位，適合喜私密者。跟內子兩人不吃過多了，只叫了安格斯牛肉粗炒($88)及鎮江骨(小吃$68)，先來的鎮江骨用小碗盛戴，也有接近二十小塊的，味道甜酸及易吃，只因為是小吃所以放涼賣的，但仍是我們食肉獸的所愛，粗炒冒煙來得熱焫焫，囗味剛好不太鹹，上海粗麵帶應有的嚼勁也滑，最重要仲係有很多大塊的安格斯牛肉，食落肉味濃但可惜有點"鞋"，較欣慰的這是因為没用上鬆肉粉或梳打粉等化學成分，喜辣者記得叫姐姐給予豆瓣醬伴食一流，整餐九成飽連茶錢小費才一百八十多算是中產商場的平民價了。在下認為醫肚除了充饑也須揀優質真材實料的吃，而此店就正正滿足到這重點了。

大熱天時，提不起勁煮飯，繼續幫助香港經濟復甦。在VCITY2樓群雄中，大多是日式和西餐，只得這一間比較啱媽咪口味。今晚選址< 謝謝儂>。一坐下，冷氣飄揚，爽，最怕一邊吃一邊抹汗。看過餐牌，菜式不算多，點了幾個小菜淺嚐一下。豉油皇蝦，蝦質素一般，不太新鮮。上海炒年糕，不會太多醬汁，年糕 熱辣辣又夠淋，好味。招牌小籠包，豬肉餡料簡單，配香醋已經好味。黃金炒飯，是咸蛋和蝦炒飯。炒飯夠乾身，又很配合咸蛋的香口💋👍。❤️蒜蓉津白，紹菜味甜，簡單味美。🐟炸小黃魚，無魚不歡的媽媽，獨自享受這尾魚，小黃魚炸得香脆肉嫩，新鮮💋。初嚐了這幾款，感覺這間謝謝儂的菜式都是用料簡單，菜式味道平實好味。有時侯，最簡單材料最簡單煮法就是簡單好味。💋

昨天晚上與太太約六時半都v city的謝謝儂食飯,當我進行檢測的時候大門口站著兩位女侍應一位沒有著制服的肥小姐完全沒有理會我們,他們不停在聊天我們自己走進去自己找座位,所有服務員都是在聊天沒有著客人,如此管理餐廳怎樣成功呢,叫了個酸菜魚炸骨頭多過魚柳,分量及味道都達不到水平,

平日的lunch time來到vcity覓食，人流不算太多，walk in都有位🙊我同A先生各點了一份lunch set，價錢不貴，有一款麵加一款小食😆環境好闊落，兩個人食都安排左大大張卡位俾我哋😂·1️⃣謝謝儂擔擔麵+謝謝儂小籠包4隻($63)擔擔麵份量好多，但湯底不算太濃郁，令拉麵不夠入味🙈小籠包夾起無穿皮，包住熱辣辣湯汁，略嫌皮有少少厚😂·2️⃣野生椒牛肉拌麵+京蔥五香牛肉包3隻($63)拌麵份量同樣大大份，味道不會太辣，牛肉口感不錯，不會太鞋太韌😂牛肉包好軟熟，餡料幾香😌·整體黎講味道唔算太差，呢個價錢真係好抵食，仲可以加$6叫一杯豆漿，如果女仔細食嘅話，仲可以兩個人share一個餐再另外加碟小食都ok😂

今日行程好趕，所以要快快手食lunch。Vcity入面間間都係貴價野食，冇乜時間享受就唔想浪費啲錢，所以格完價就揀左呢間「謝謝儂」。因為我得一人，基本上唔洗等位，禁飛就可以直接入去。位置略為逼，個袋都冇乜位放。我叫左一碗手工餛飩麵（$53）。麵條係幼麵，好滑同好彈牙，可以一啖接一啖都唔厭。餛飩都幾大粒，幾有誠意，内餡有豬肉、白菜同蔥，白菜好新鮮爽口。湯底略為淡，我問姐姐拎辣椒油，不過呢到得豆瓣醬，甜味為主，少少辣，好過冇味。呢度上菜5分鐘都唔洗，下次快食可揀呢間！不過收費比我想像中多，除左餐點嘅錢，加埋$5茗茶費之後再有加一，食之前要有心理準備。

之前去千島湖行山之前係呢到醫醫肚先！叫左酸菜魚，份量都幾大，而且魚冇骨，真係岩曬我呢D懶人！另外一份紅油抄手都唔錯，外皮好薄，餡料都幾好味同埋大份。推薦！裝修都比較新，服務都OK

呢間餐廳嘅環境舒適，枱與枱之間有充足的空間。午市套餐分為兩種，分別為小菜套餐同麵店套餐。這次點了菜肉雲吞麵加春卷。麵有4隻大雲吞，餡料啖啖肉，但菜的比例很少，所以食落有點膩。而湯底則清而冇味，較為失望。侍應通知餐牌的紫甘藍肉絲春卷改成了蝦春卷。春卷脆口，乾身而不油膩，蝦食落去也彈牙有鮮味，有驚喜。呢個套餐望落唔算大份，但食完都好飽肚。之前都有幫襯過呢間餐廳，感覺食物的水準穩定，不過不失，算是一間穩打穩紮，不會怎麼出錯的餐廳。