譚仔三哥米線 (德福廣場2期)

营业中

休息中

行街行到肚餓，朋友話有小小病，想食清清地。甘就不如去食譚仔啦。。呢間我都係第一次泥食，裝修有別於其他既譚仔，仲有兩邊既卡位，有派飛。我地就坐左一入門口既二人卡位，開始睇下食乜好。原來譚仔都有地區性，係呢間貴2蚊左右。。。竹苼紅薯粉清湯：竹苼大概有6條左右，紅薯粉好好食，好qq，煙un,突然愛上了紅薯粉，原來都幾夾喎貢丸清湯米線🍜貢丸有6粒，湯同米線一樣係甘好食麻辣豬耳呢個跟米線加12蚊。份量都吾小咖，幾好食，值得一試譚仔真係百食不厭，不過好似越泥越貴。

都唔知食咩好～經過三哥見到有新嘢食就試下佢先係我中意食既麻辣喔～～同埋豬耳～麻辣豬耳。。um...服務超好～都食過好十幾間三哥，呢間分店喺人少少既時候，有两位員工居然同你講齊*歡迎光臨*四隻字。因為d 餐廳喺通常好夜無咩人既時候都唔想理你的幫襯。。頭盤係麻辣涼拌豬耳。主菜係hkd53 既大碗過橋米綫

叫咗幾次聽唔到 聽到仲慢慢行過嚟 叫野食又唔覆單 又唔應人 超冇禮貌！！！仲有我地坐4人位一人一邊 比佢叫坐埋一邊 問佢點解 佢就勁冇禮貌答我：一陣多人吖嘛 唔洗搭枱啊？最後埋單個個都好冇禮貌 想我地比$2 佢找續方便d都可以出聲架 一嚟就找咗$10比我 野都唔講 我諗住走啦 佢先話：喂！你未比$2我喎！總之就成間野d人服務態度勁差！唔會再去！

譚仔（三哥）唯一優勢係分店多，多到你會有錯覺以為香港啲湯米線就係咁嘅水準！作為連鎖店就應該確保水準一致，但好明顯你會發現每間分店啲味都唔係一樣。今晚嚟九龍灣分店，店面同其他分店唔一樣，枱與枱之間距離幾闊唔似其他分店咁背貼背 。但服務，食品質素就其他分店一樣咁差。今晚點咗麻辣牛肉米線（二小辣），湯底唔麻唔辣，但胡椒粉味超濃，好似倒咗成樽胡椒粉咁，除咗胡椒味外，基本上係冇味嘅！牛肉三四片急凍滑牛，雪味濃郁。湯底只有三條韮菜，兩片腐皮，好彩嘅算米線仲彈牙 店內規矩人多就要搭枱，但唔知點解阿姐就將枱號全部都寫23A，搞到乜嘢都擺過嚟，食緊米線又嚟一碗，亂到不得了但又冇禮貌 最後要真心講句，香港好在有你！如果唔係有你咁嘅質素，香港其他啲用心小店真係冇生存空間！

周圍都見到譚仔三哥 我真係好鍾意食佢哋嘅酸辣米線！ 到而家都仲未搵到一間有佢嘅水準嘅酸辣米線 既然食咗咁多年真係要寫下我對佢哋嘅感受! 其實佢幾款味我都試過， 我就最鍾意酸辣再加豬潤同埋炸醬 諗起而家都想即刻去食呀！ 佢哋嘅小食都唔錯，有土匪雞翼，蒜泥白肉，皮蛋！ 全部都係我最愛嘅食物！ 佢哋嘅豬潤整得啱啱好又唔會硬， 飲一啖酸辣湯跟住食一啖米線， 再品嚐埋佢入面嘅配菜:芽菜，酸菜，腐皮， 最緊要就係叫返一杯凍可樂或者凍檸檬茶！ 譚仔三哥真係冇得頂

sumptuous food items.tried their clear broth and Numbing sauce noodles, both good in quality and quantity.Liked sides also - cucumber in chilli sauce.

德福廣場終於開左三哥！以後唔洗再行去工業區嗰邊食la!!!哈哈哈！🤗從來冇試過加兩蚊食“三哥酸辣”，今次決定豪一次，叫左五小辣！但係冇乜驚喜，下次都係叫番普通酸辣或麻辣！配凍檸茶！

自問自己都鍾意食米線，知道附近新開咗間三哥，當然要去幫襯吓啦，新開張固然之夠靚夠新淨啦，雖然唔係好大間，但係環境真係算唔錯，啲裝修都好靚，食物係點呢？真係要試過先知，我去親食米線，多數都會叫過橋米線，貪佢乜嘢料都有，其實米線嘅份量，我覺得同普通嘅差唔多，只係啲配料多啲，叫咗個酸辣湯底小辣，味道都唔差，但係覺得佢嘅炸醬份量，就比較孤寒，同佢差唔多名嗰間，份量就多好多，但係佢嘅墨魚丸，就比較彈牙同有咬口，不過如果兩間相比，我都係鍾意另外嗰間，可能食慣咗啦！

《譚仔三哥》同《譚仔丸龜》一直以黎都係香港鬥得難分難解，直至《譚仔》出現左《丸龜》呢個後台，賴生先知道原來一碗米線可以值十億，咁我係咪都應該開番間賣米線既呢？不過佢地之所以由新界鬥到九龍再鬥出香港，都未分到勝負既原因其實好簡單。佢地2者之間有個好明顯既不同之處，一家專注於湯底著墨於米線，一家精於小食，所以都各有粉絲！ 如果想食米線，我地會去搵《三哥》，如果想食小食，我地會去搵《譚仔丸龜》至於一向鍾情於小店既賴生同屈小姐，偶爾都會去下D連鎖食店食既，米線就係其中之一啦！而今次賴生同屈小姐黎到既，係專注於湯底著墨於米線既《譚仔三哥》，正因如此，我地今次就由米線講起先1）雞肉竹笙煳辣薯粉：5⭐️5⭐️係比《三哥》既煳辣湯底既，一向都鍾意食米線既我地其實都食過不少知名既米線舖頭，但講到湯底，其實屬於連鎖店既《三哥》亦都係一個唔錯既選擇，至少佢係賴生同屈小姐既食之記憶入面佔據左一小角落既位置，最起碼我地記得食過有印象！煳辣湯底香辣有致，而出色既係在於佢既煳香！，呢個湯底一飲落去就湧出陣陣既香料味，同微妙既辣味細膩融洽，暖入喉嚨先品嚐到一點點既辣意，令人享受之餘，亦不會辣到毫無味覺，天氣凍食呢個湯，真