譚仔三哥米線 (德福廣場2期)

营业中

休息中

仔三哥又有新嘢喎，作為三哥嘅粉絲點可以唔去試吓呀！咁就叫晒三個最新出嘅所有單品，話俾大家聽有咩特別😆~🍴三哥水煮湯老油條鴨血米線 五小辣 $42 (8/10)三哥水煮湯有5小辣至特辣選擇，咁就揀咗五小辣，因為唔係好食得辣🤣🤣值得一讚老油條另上，真係好細心，唔會比湯浸淋！湯底真係超級香濃，似我哋平時食水煮牛肉嗰種湯，真係唔可以睇小，五小辣都好辣，非常麻香，係辣油嗰種，辣到出汗，越食越辣，超級過癮！鴨血好嫩滑，仲有成四大舊，油條比較乾身，非常香脆。真心個湯鍾意食辣嘅話會好鍾意！🍴蒜香雞翼尖及蒜辣雞翼尖 $15 (7/10)雞翼尖煮得啱啱好，唔會太淋，雞皮都爽滑，蒜香係好濃蒜頭味，好香口，蒜辣嘅話就多咗辣椒油同辣椒，少少辣更加滋味！🍈鴛鴦哈蜜瓜爆珠梳打 $16 (加配價$12) (6.8/10)蜜瓜味超級香甜，似蜜瓜奶嗰種蜜瓜味！加上梳打好清爽，爆珠係爆開嘅口感好特別，個人覺得比較偏甜，螞蟻人一定好鍾意呀！ 🍅香醋芝士鮮原茄 $16 (7.5/10)蕃茄上面灑左啲芝士碎，加咗啲香醋，食落酸甜好開胃，食得出番茄新鮮嘅味道！特別稱讚蕃茄竟然剝咗蕃茄皮，超級細心！🍴油揚 $6 京白菜 $6 鵪鶉蛋

最近譚仔三哥又推出一系列新款食物 款款都特色吸引 等我豪氣地一次過試哂全部新款特色食物🤤三哥水煮湯老油條鴨血米線香滑可口既鴨血 一定要辣辣既湯底襯托 最特別加上老油條 油炸再浸辣湯既口感 半脆半軟都非常吸引 索盡湯汁中的香、麻、辛、辣，認真刺激和過癮 食唔到辣又想食鴨血？可以轉湯底食到鴨血唔洗擔心蒜香雞翼尖 蒜辣雞翼尖最鍾意雞翼尖慢慢損慢慢趙 特別鍾意蒜香味 蒜泥特別多特別香口 偏向刺激就要選擇蒜辣 辣度比水煮湯底還要辣 鍾意挑戰辣度一定要試鴛鴦哈蜜瓜爆珠梳打哈蜜瓜波子汽水味再加芒果爆珠 解渴解辣一流香醋芝士鮮原茄呢款蕃茄都係解辣神器 黑醋加芝士粉沾上原個蕃茄真係一種特別口味另外仲叫左一碗酸辣米線 再點新款餸：#油揚、 #京白菜 、 #鵪鶉蛋 菜既份量非常多 鵪鶉蛋份外美味 油揚帶出口感層次 有多個選擇真係正整體黎講全部新款菜式都非常滿意 特別深刻必試鴨血、老油條同油揚 一試必愛上 推薦大家試試📸 Credit to Instagram: @mroolong

今天的遭遇讓我哭笑不得，平時一個星期都會去這間吃上一兩次，兩三次的，經過今天我都不知道還應不應該去了⋯⋯ 事情是這樣的，我跟我老公點了兩份大的麻辣雞翅，一份雞肉墨丸麻辣3小辣米線，一瓶豆漿，靜等美味佳餚⋯⋯ 最喜歡吃的雞翅來到了我的眼前，看賣相沒有上個星期以及之前烤的那麼均勻，心裡想應該不影響味覺吧，結果，咬了一口，我真的是說不出的感覺，感覺怪怪的，好像有點臭，還是說那個肉不新鮮？結果就丟給我老公幫我吃了那一個，我問他怎麼樣，他說沒問題，不是吧？這都沒問題？然後我就去吃了他的那一份大麻辣雞翅還剩下四隻，吃了一個還算能吃下去，就是沒有以前那麼好吃了，連續吃了兩個以後，第三個，一咬下去絕對是臭的，我很肯定，我都沒吃直接吐出來了，還剩下一個不好吃，以為只是個別，這也就算了，我老公吃了我原先那一份，吃到最後一個的時候，也說是臭的，這是怎麼了？重來沒有發生過這樣的情況的。 結果我們就找來那個傳菜的大姐！！！他更過分，我說我們的雞翅是臭的，然後一看那兩個吃了吐出來的雞翅，盡然跟我說補回兩個雞翅給我？？？？那我說我這裡還有一個雞翅沒動過

阿囡呢期好like食三哥,今日要去九龍灣攞眼鏡,佢又話要食三哥我就食嚟食去都係麻辣3小辣,豬潤加炸醬,阿囡通常就蕃茄湯底木耳絲加魚蛋,我今日突然想食下皮蛋叫多個食下啦其實咁多間三哥我最鍾意嚟呢間,因為係我去過最乾淨同坐得冇咁迫,同埋佢呢間個3小辣味道唔會次次差好遠,星期六12點半去到諗住有排等,點知等都唔洗等,實在太好啦,入到去食到一半就開始要排隊

九龍灣德福廣場二期呢間三哥譚仔，無論外賣又好堂食又好都係長期好多人要等。入到黎呢間分店，佢哋嘅服務不是太好，服務員成日都當啲食客透明。我叫咗個米線，加腐皮，湯底要清湯$34，另外叫咗一碟蒜泥白肉（小）$26，同埋一碟雲耳麻辣涼拌汁$12。蒜泥白肉裏面啲蒜同埋辣油一齊放入個清湯底辣度適中又好味。今次值得一讚就係佢哋嘅米線應該係同之前唔同，米線比上次食口感進步咗米線好滑。雲耳麻辣涼拌汁試咁多次佢質素都好穩定。但服務質素真係要改善一下。

譚仔三哥又岀左新款今次同蠟筆小新合作湯米線變「新」炆米線😍今次新款組合岩晒鍾意食辣嘅人我就叫晒嚟試依家+$3仲有小新Memo紙換真係不能錯過呀🔸香辣回鍋肉蝦仁炆米線炆米線口感比同湯米線更出色，滑溜而柔韌，咬落有好彈牙嘅口感。平時湯米線係索入湯汁令米線香濃，而炆米線比湯更能掛上秘製醬汁及辛辣醬料，可自選辣度。不過侍應話本來呢個米線預設左5小辣，想辣d就可再加個辣度。如果唔太食得辣可要求走辣椒仔，會無咁辣。配料就有回鍋肉、蝦仁、香蔥、紅椒及紹菜。蝦仁彈牙爽口，回鍋肉用左腩肉，肥瘦適中，沾上秘製醬汁好香濃，完全無油膩感👍🏻最多仲可加配２款指定食材。如果鍾意薯粉，仲可以+$2轉炆薯粉。️🔸麻辣醬銀耳鹿茸菇銀耳口感非常爽脆、鹿茸菇厚大爽口😍兩款掛汁程度都好高👍🏼麻辣醬汁充滿麻香😍最驚喜竟然帶有粒粒肉碎嘅乍醬，沾滿秘製醬汁好惹味。🔸 露絲瑪莉蘋果梳打呢款蘋果梳打味道好清新，食辣米線飲就一流啦！加入左青檸、迷迭香做配搭，令到味道清甜帶微酸，仲散發出微微薄荷味道及玫瑰清香，解辣正！

OT完想食個快飯，又唔想太求其，咁3哥係一個選擇。估唔到8點幾都仲要等位，好彩都係等左within 3個字到就入得。味道一貫水準，雞翼上枱果陣仲係熱辣辣，OT後慰勞下自己係應該ge

聽到三哥出左新既螺酸湯底米線，作為三哥米線嘅忠實fans，梗係要即時要去試試啦。因為放工時間比較早，5點幾就到左九龍灣德福既譚仔三哥雲南米線，試一試依一個新湯底。作為一個好歡螺 螺獅粉既忠實fans，對螺湯底味道既熟悉程度真係好高，未入門口前已經聞到個種滿滿嘅臭味。(海螺片及豬皮螺酸米線|43元)三哥可以話還完左螺酸湯底既精粹，而且仲有好好味既螺片配搭，加上豬皮索左湯既濃味都係一絕，依個湯又可以成為我下次嘅必食湯底之一啦。食店評分味道 ⭐⭐⭐ ⭐環境⭐⭐⭐服務⭐⭐⭐衛生⭐⭐⭐抵食⭐⭐⭐⭐

其實對於連鎖餐廳，都唔會有期望，諗住快快食完算，完全當快餐咁食嘅心態，但係。。。係度真係食到嬲嬲豬態度極差：“唔該請問仲有幾張枱度呀？” “未到呀，等下啦！”依間分店有顯示器，見到佢唔係順住#嗌，先出聲問，都算啦，星期五晚大家都攰衛生問題嚴重：入去坐，張枱+餐牌+坐位痴立立，仲有食物碎碎，疫情下唔係都要消毒嫁咩？其間有去過其他分店，環境係乾淨嫁食物問題：芝脆豆腐餅，望落去好似嘔吐物，食落去唔脆，又油淋淋，2個人每人試一啖就唔食啦米線套餐，唔知係心理因素定係咩，餸非常少，都係同之前食過嘅經驗比較（2星期前係mk分店食過）冇左火腿同竹笙，店員話我地食左屈佢。。。因為之後有節目就懶得嘈落去土匪雞翼，上菜果陣跌左隻，佢話會補番隻，叫我地食住先，去度食完都唔見有。。。

今天下著大雨，大家都找一個不會受天氣影響的地方吃午飯，我猜於是超過一半於九龍灣工作的人都擠了在德福商場中等吃！“等”，這個下午真的等得太久，吃個譚仔都要等40分鐘，無天理！ 正正是這樣，就要食個新出品，“胡麻湯魚爽肚米線配芥末魚子鱈魚滑豆卜”。嗯，魚滑的確有些微芥末味，剛剛好，口感不但特別，加上那一丁點的10小辣實在惹味，而那魚爽肚（即魚扣），雖然細了一點，但仍很彈牙，這配搭很有心思。我還點了個跟餐的“蜜桃乳酸”，味道清爽，感覺很清新，這種鬱悶的下雨天，這飲品來得正及時。（又忘了拍照）

近期三哥經常推出唔同既期間限定款式配料同湯底，之前果D我都不太大興趣，今次呢個反而想試下～今日就隨便搵左德福呢間分店試，專登１２點就去到避開等位時間🙌🏻叫左個十小辣煳麻湯魚爽肚&芥末魚籽鱈魚滑豆卜少米線，等左大約１５分鐘～個湯底其實只係混合左兩款現有既湯底👉🏻煳辣同麻辣就好似好創新咁😂🙊我叫左十小所以唔算好辣，但其實我都唔太食得到"麻＂，感覺都係偏向似煳辣，不過尚算香同開胃惹味既～反而D餸無我預期咁好～雖然魚爽肚係爽口，但個人黎講覺得有D腥味。。。芥末魚籽鱈魚滑豆卜既鱈魚彈牙，豆卜本身就係索湯底係一樣唔錯既湯麵配料👍🏻但個芥末味已經完美地被湯底既味cover左，所以我係完全食唔出既。。。。總括黎講，一試便可，未試既我覺得可以唔駛專登試添😅😅

三哥水煮湯鴨血米線🥵你試咗未？今次試咗新出嘅鴨血米線😍水煮湯唔係好麻個種，辣得黎帶咸鮮味。我叫咗5小辣試試佢🌶食開三小嘅我覺得完全冇難度😌😌湯底比平時嘅麻辣湯底濃郁🤩 鴨血有5舊，食落入口即化💕入面仲加埋豆卜，索曬啲湯汁，真係超正🥰今次我仲加埋豬肉🥓自製埋水煮豬肉🤪食唔到辣但又想試鴨血嘅,可以自由選揀各種不同湯底🍜三哥不時都推出新口味，真係好令人期待。大家有興趣就快啲試下喇🥰

最近要補血，上網查一查，先知原來豬肉、鴨血呢類好高鐵質😆好啦， 就黎試下個鴨血米線通常都係鴨血配麻辣，我就試下佢個三哥水煮辣。最少都要五小辣，挑戰我極限🤪起初辣度我接受到，仲覺得好好飲，湯底都好有鴨血味，我仲用湯匙黎飲，不過就鹹左少少。之後d米線索哂d汁😂😂我辣到食唔到😩即係要叫杯凍奶茶解辣。講返食物，鴨血5小塊+3塊豆卜，我冇加單落其他配料，D餸睇落有d少，好快食哂，最後剩低一大碗辣米線😑建議大家都係加返多d配菜我地仲叫左個素菜卷食落好酥脆係燶左少少

鴨血嘅熱潮已經有一段時間，而家連三哥都加入戰團，咁一於去試下啦，睇張poster影到好似好好味咁，原來都係照騙🤣🤣❣️三哥鴨血米線（煳辣湯底）$39由於唔想食咁辣，所以揀左煳辣湯底，可惜碗米線上到枱，已經賣相不太好，米線好稔，熱度唔夠，但重點嘅鴨血又真係夠滑，豆卜吸晒啲湯汁，當打個和🌚❣️香烤素菜卷（重慶口水汁）$14一上枱淨係覺得好燶、好燶同好燶，我諗個師傅失左手，味道係唔差嘅，不過係好油的，唔建議嗌🥸👅好味度：6.5（10分滿分）味道真係唔係特別好食，感覺呢一次食嘅質素有啲差，所以呢次嘅新品真係試過一次就好啦🤭

譚仔三哥 緊有一間係左近 有時諗唔酊食咩咪食米線今次我食既係墨丸乍醬 ,墨丸就係墨丸 今次煮得OK,有D分店有時太趕未必煮咁熟乍醬就幾時食都咁野味番茄湯底我覺得係最好味,佢有成個蕃茄,酸酸甜甜咁 甜中帶酸，香甜醒胃，更可自選加辣 ,我今次就加左10小番茄湯底係最好味