譚仔三哥米線 (德福廣場2期)

营业中

休息中

晏就一點左右嚟到餐廳，等左半個鐘先嚟到，但係我見到係優先處理外賣，比我地遲到嘅到快過我地攞到餐。同埋舉手向員工示意， 希望可以儘快跟進，但係員工見到我哋已經落過單完全無視左我哋！！！我知道繁忙時間會好忙，但起碼可以同我講聲。希望以後可以跟返個落單時間。

慶祝👧🏻生日，睇完戲同佢食嘅生日飯食譚仔唔少得蒜泥白肉，好多人都推薦食，不過兩個人食大嘅蒜泥白肉，多咗啲😅應該叫份細，服務態度一般般，舖頭環境比較細，兩個人搭枱係免不了，坐落有啲逼

Lunch time,去左譚仔三哥度食米線，叫左酸辣湯底五小辣，豆卜米線，叫細土匪雞翼，未試過酸辣湯底，五小辣程度尚接受到，土匪雞翼好耐無食，食番仍然好味。叫左少米線可減$1，但哩個午餐要$57，都算貴。

服務態度極差 ，落單亂禁黎 。落單之後等咗至少40几分鐘啲食物先上齊曬，係大概過咗半個鐘之後問員工，都冇人答，之後走咗去。隔離枱遲過我哋黎，但食物早我哋十幾分鐘就上咗。

今日3:00左右係德福搵野食，見到水牌有譚仔三哥於是就離左，唔熟九龍灣既路，都搵左一陣先搵到，原來要上6樓，好彩一入就有位👉🏻叫左個麻辣十小過橋米線 $562個人一齊食都食唔晒米線勁多，但肉唔多，感覺似離食白面，而且味精有點濃，個人覺得普普通通🤭

睇完戲九點幾搵野食幾間餐廳都last order 曬但三哥仲有野食叫左三哥酸辣十少過橋米線第一次食呢款原來甘好味比起普通酸辣多d 屠次難怪要加$2仲叫左皮旦+口水麻辣汁皮旦有少系糖心

今日和同事在LUNCH 出去睇野，睇完後就諗住買外賣返公司食，點知度度都排長龍俾錢，後來見到呢間唔使排隊就入去買個米線返公司食喇。我點了一個豬潤米線，再額外加左一個口水豬脷再叫左杯凍檸蜜添。咁打完票後就在門外等候，雖然唔使排隊買票，但都要足足等了十五分鐘外賣才到手，在隔離其他食店既話，雖然要排隊買飛，但最後應該都仲快過呢度可以拎到外賣，真失策！佢好在係湯還湯，米線還米線分開裝，如果唔係啲米線就腍晒了。米線就冇腍，豬潤有五塊左右，切得好薄，食落好鞋，佢應該煮得太耐，鞋到似沙紙。口水豬脷又係切得好薄，薄到完全食唔到豬脷既味道，只得辣味，口感似食雞腎咁硬，唔知以為食緊雞腎。凍檸蜜就中規中矩，冇咩特別，總括黎講，又要等咁耐，又唔係平，仲要質素咁差，應該冇下次了。

我都幾鐘意譚仔米線!佢地D小食都唔錯,有貢丸,牛丸,牛肉!全部都係我鐘意嘅食物,再品嚐埋入面嘅配菜:芽菜,腐皮。第一次品嘗小辣煳辣米線,最陰險嘅辣,有d唔慣,辣到流眼水。下次我都係叫10小辣/5小辣。我細個時好怕辣,而家我大個咗唔係好怕辣,能夠鼓起勇氣,嘗試小小辣。

以前吃三哥，總會叫酸辣湯底或是三哥酸辣湯底，但自從三點時段後，蕃茄湯底推出後，幾乎都是選擇這個湯底，今次選擇番茄湯底配以竹生及魚蛋米線。蕃茄湯底有辣與不辣可選，當中辣度可選不同程度，初試辣的朋友可由十小辣選起，湯底醒胃度個人覺得更勝酸辣湯底。土匪雞翼味道不算突出，沒有以前初試的驚艷，但熱度充足。

譚仔三哥again話說，星期一想食辣，揀錯煳辣，已失望透。但辣癮未消。趁今晚早放，可以一解思辣之愁。是次點了辛蒜燒茄子，牛肉麻辣大辣小米線。辛蒜燒茄子：上次見到人哋食話好辣，所以我都試。😔我只食到蒜味，食唔到辣啊。如果只係蒜茄子係好味既，無辣味就不要學人叫辛。牛肉麻辣大辣小米線：一上枱，望到唔係紅，我已經覺得有古怪。第一啖湯，唉，麻辣大辣，😭，都唔辣，係咪我有誤會。我食到中段都無咩心機食就走了。完全不用喝水。因為唔夠辣。

忽然好想食辣。當諗到譚仔要行好遠就灰了。Openrice見到德福二期六樓有。再者啲同學嘈到聽唔到miss講嘢。咁不如走吧。墨丸胡辣湯底米線大辣+ 麻辣涼拌汁豬脷第一次食煳辣湯底。有種胡椒粉味，又有孜然粉嗰種苦味。 嘴唇有種小麻痺既感覺，不過好快無。食到中段我覺得佢唔辣/唔夠辣，偏咸，開始用涼拌汁撈米線食。我嗌咗大辣，都無需飲水。失望程度好似屯門公路咁長。麻辣涼拌汁豬脷。好彩有個汁拯救我。可惜豬脷個質地好似腩肉。心諗，早知叫返皮蛋。呢個故事教訓我，唔好學人試新野。。

唸來唸去唔知食乜好 就唸住三哥啦 有排冇食了食左三分二未食完唸住飲啖水 即刻就有阿姐來收碗咯 唔知係咪見到我戴耳機 所以問都唔問直接拎走碗米線 行得幾快啊 我都未食完食三哥都有幾年啦 分店服務態度有好有差 但都系氣唔順咯

Lunch time,去左譚仔三哥食lunch!叫左炸醬麻辣米線，小食叫左細土匪雞翼，飲凍檸茶！米線一向都係我既至愛，叫左5小麻辣，唔係好辣。細土匪雞翼野味，不過而家食米線唔平，埋單要六十幾蚊！

奇怪地看到有食客最愛譚仔三哥米線我也對三哥獨特見解他的湯口味對土匪雞翼非常有性格賣相也精彩後來試著其20$ 一碟的尖椒皮蛋以前覺得貴不過數數其份量應該有兩個以上也很開心適應了⋯⋯現在租金貴百物也騰貴這裡晚餐，應該算好合宜三哥土匪偶爾神來之筆三隻22$厚重肥美滋味特別喜歡的人可以吃5 只5 只中翼賣30$老想數算究竟有多少隻皮蛋因為檔口都賣十元一隻川味皮蛋在三哥坐下來好好品嘗都是二十元-⋯⋯但分量很多呢⋯⋯

雖然我知道標題寫這樣，一定遭很多譚仔粉絲打，但個人口味真的太太太主觀了，我真的只愛譚仔三哥好不好！愛它原因只得一個，因為要吃我最愛吃的三哥酸辣湯底配魚蛋，三哥酸辣與普通酸辣真的是完全兩碼子的事！不知道如何形容，但三哥的就是比較香，層次比較多。而我媽一般都會點我的舊愛—煳辣湯底配薯粉，我覺得這個配搭最適合冬天的時候吃，吃了整個身體都暖暖的，很舒服～