譚仔三哥米線 (南天大廈)

营业中

休息中

每次買外賣大嘅蒜泥白肉就冇，細嘅蒜泥白肉就有，明明樓面話有，收銀都唔肯賣， 因為細嘅蒜泥白肉份量少好多，好賺啲，正奸商. 連續兩次都係咁，以後都唔幫襯佢。兩次都係同一個收銀。

最近過左黎附近做野，第一次食，係8號風球落波要返工，所以求其食，已經無客都等左好耐，諗住打風要返工，大家都無咩mood。。所以今日幫襯第二次，仆佢個乖，我由11點45等到12點05先有得食，個米線仲要硬過我條命最諷刺係對住個裝飾，拎住碗麵，有得睇，無得食。。等等下個阿姐問我叫左野食未，凍奶茶都到左，仲要問？碗米線黎左，又比錯隔離兩個學生，我問阿姐，阿姐仲要話唔係我。。阿姐，睇清楚枱號啦最後隔離枱兩個學生都等到要催。。講真，無咁多人做野就唔好開咁多外賣平台，好阻住返工返學既人囉。。奉勸: 好得閒先好去食

今次係我第二次幫襯譚仔三哥，第一次嘅經驗已經非常之差，但是隔已經有一段時間，而且非常趕時間而且十分肚餓，所以決定俾多次機會佢。我叫咗個下午茶小窩米線（酸辣湯底）加杯凍檸茶走甜，等咗15分鐘。我問阿姐：點解整個米線會整咁耐，佢居然答我其他人都等咗好耐。所以只有無奈繼續等。見到米線後，我正在奇怪點解只有啲零零碎碎的豬肉牛肉及兩片超細的豬潤就沒有其他了，我再看看圖片，他們應該有一些牛丸魚丸及墨丸，但係我撈極都唔見。所以，我又問嗰度啲阿姐，佢哋答我：「應該有你繼續撈下就有」，但我就話撈極都冇，佢哋先死死到氣叫廚房俾返三粒迷你丸俾我。如果佢佢啲米線好食我都冇咁嬲，但係實在好難食，我食咗兩啖就走咗！我發誓以後都唔會再幫襯佢！

譚仔三哥米線蕃茄湯底是我最愛的選擇。這種湯底味道鮮美，口感滑順，蕃茄味濃郁，吃起來非常舒適。配上細緻的米線，讓人回味無窮。這道菜色香味俱佳，讓我胃口大開。經過一家又一家的試吃比較，我認為譚仔米線蕃茄湯底是我嚐過最好吃的米線之一。無論是冬天還是夏天，這道湯底都能帶給我驚喜與滿足。

平日去譚仔三哥 米線大家就食得多「三哥乍醬飯」你又試過未？今次趁下午茶Me time時間品嘗譚仔三哥嘅全新口味😋我揀嘅D餐只需以$40超值價🤩就可以一次過嘆齊：三哥乍醬飯 + 雙餸迷你米線 + 熱飲♨️三哥首次推出嘅全新「三哥乍醬飯」白飯🍚份量十足面層舖上滿滿惹味香濃嘅獨門乍醬再加上大量酸甜爽口嘅酸菜令人胃口大開🤤 仲有助中和乍醬嘅濃味食起上嚟啖啖清爽 不油不膩 令人回味😋創新配搭 味道出奇地夾而下午茶餐嘅「迷你米線」就可以揀2款/3款指定配料；仲可選配清湯/麻辣湯底（麻辣湯底：可自選辣度）🌶️🌶️🌶️🌶️🌶️米線 ➕ 三哥乍醬飯分開品嚐嘅話就係雙重滋味😋我自己就鍾意將乍醬飯混入湯中一同品嘗化身成為湯飯白飯將湯底精華盡吸 仲顯得特別美味添就算天氣幾咁熱 都唔怕冇胃口啦🤤大家都不妨試一試創新食法😍三哥今次推出嘅一系列Me More下午茶餐價錢由$21起 夠曬超值又親民最重要係充滿彈性 提供超多組合任君選擇無論係輕食或重份量嘅要求都一應俱全主食選擇包括：白飯🍚、三哥乍醬飯、迷你米線，過小橋米線及2款全新三文治🥪另外仲提供可自選配料嘅全新小食咁多選擇 搞到我都心思思😍下次一定要再去試吓其他全新配搭😝

態度差 服務差 叫咗唔應人 望咗你一眼就算 幾個職員都係咁嗌咗個過橋 啲面少到勁誇張 反應咗都無用 一副理所當然 係咁架喇嘅樣 仲要串串供 仲未計係咁有烏蠅飛 胃口無曬仲要成肚氣 平時成日食譚仔 耐唔耐食下三哥 都覺得三哥好食過譚仔 但無諗到呢間可以做得咁鬼差 湯底仲要好一般Poor attitude, poor service, no response to people, even if they look at you, several staff members are like thisI crossed the bridge, the faces were too small to be exaggerated, it’s useless to react, it’s a matter of course, it’s like a fight, I have to make a confession, but I don’t think about it, there are flies flying, I don’t have an appetite, I’m goin

一向都有舖米線癮嘅我見到譚仔三哥推出咗全新口味期間限定產品唔洗飛✈️就即刻試下先!!🌶️三哥酸菜鯛魚米線 $51 米線一到就聞到勁惹味醒胃嘅酸香鮮辣 客家酸菜獨有嘅酸 x 辣香蘿蔔乾嘅香 x 小米泡椒嘅辣🌶️x 鯛魚片嘅鮮 四種不同食材完美融合 💫 （辣度🌶️：由5小辣起）我會建議大家先試一啖湯♨️ 即時品嘗到湯底嘅酸香 令人食指大動 之後再食辣蘿蔔 爽口香辣 夠曬開胃 最後將辣蘿蔔混入湯中再試一啖湯 湯底味道就會變得豐富濃厚😊 仲可以隨個人喜好💕搭配 1-3 款心水食材 調製最啱自己口味嘅酸菜魚組合 我今次就揀咗金菇 同三哥都推薦嘅魚片頭 果然係酸湯美味 搭配出雙重口感我仲試埋呢款最新小食 🐖香烤豬柳 $16 我點咗勁爆 3小辣🌶️ 🌶️ 🌶️（另可選原味或10小辣） 無骨豬柳啖啖肉 外層燒得焦香微辣🌶️ 內裏肉質嫩滑多汁 無半點油膩感 讚👍 咬落啖啖都帶孜然粉獨特香味 加上混入辣椒粉、多種香料及面層辣椒碎 絕對係色、香、味俱全 水準之作💯 伴碟脆辣椒花生🥜 口感香脆 整體味道香濃豐富多變又帶層次 辣得過癮 令人再三回味😋  鍾意食肉食辣嘅朋友 絕對唔能夠錯過🤩食完一輪味道濃厚嘅美食 梗係要飲返

最近試咗新品【三酸撈薯粉】微辣酸香惹味刺激又醒胃😍 真正為味蕾帶嚟新體驗三酸撈薯粉重點梗當然在於秘製「三酸汁」： 以老牌陳醋混合麻椒、鮮辣椒🌶️炮製而成，食落每啖都有濃厚酸香滋味，掛汁嘅紐紋薯粉，口感Q彈酸爽😋 再搭配埋全新配料芝麻脆辣椒同黑芝麻薄脆、爽口芽菜、花生等等， 每一啖都滿載層次、一試愛上😍 仲可以自由配搭2-4款心水💕食材 我今次就撈咗豬肉、墨丸同冬菇🤭 （辣度由10小辣起🌶 ）  今次仲試埋呢款小食 【 芝麻沙薑雞丁海蜇 】($22)  以秘製沙薑醬汁配嫩滑雞丁、 爽口青瓜🥒及爽脆海蜇（可辣、可唔辣！） 雞丁肉質細嫩、吸收咗秘製沙薑醬汁夠曬惹味開胃，配搭爽脆青瓜🥒以及海蜇獨有嘅Q彈，口感更豐富😋食完一大輪，梗係要飲返杯凍飲平衡吓 以加配價 $13 即歎🎖️皇牌特飲 🥭【 奶蓋芒果蒟蒻椰香金露 】（原價$17 ) 以新鮮芒果肉製成嘅泥露色澤金黃，果香濃郁、口感綿滑、味道清甜；加上清新椰汁🥥、Q彈煙韌芒果蒟蒻珠及面層芝士乳酪奶蓋，味道真係perfect match 配搭天衣無縫，即時解辣🌶️

天氣凍想食碗湯麵，所以去左外賣碗麵，點知要我係條街食風20分鐘。一碗普通的米線要20分鐘先出到餐，除非你超級得閒無野做，否則趕時間的人真係要好好考慮一下自己有沒有足夠的時間去等。講番碗米線，咪以為耐心地等左20分鐘，個廚師會特別用心去煮，令到碗米線特別好食，結果d米線明顯未煮夠時間就出餐（硬硬的），明明叫左墨丸就變左魚蛋，連個湯底的辣度都肯定低過我點的級數，唉！水準如此，想留住d客返轉頭再幫襯，真心難。

一碗麵等左十幾分鐘先上。隔離檯早過我落單，但碗麵同我差唔多時間上，佢等得仲耐… 真係佩服佢嘅耐性，一次都無催過…雖然我催左兩次，換黎嘅都只係敷衍嘅回應，完全無意欲幫我跟進⋯不過我知樓面員工可能都係「受害者」可能根本問題係請唔夠人手入黎寫食評見到之前都有個人寫話出餐慢原來真係咁伏，以後都唔會再食呢間分店。雖然我估我咁樣寫完都未必會有人睇到街坊街里都係會照去食不過其實唔急、唔趕時間、唔介意慢慢等係無所謂既留個言比大家參考下啦

2022年2月21日星期一，平日既中午，已經無乜堂食客人，外賣又唔多，職員手腳慢。一個外賣1pm落單，1：30pm先有，要30分鐘已經離譜，重要返到屋企發現一個餸都無比！