譚仔三哥米線 (欣榮商場)

营业中

休息中

食譚仔download個app電話落單📱入面仲有優惠卷，有時有免費小食送，可惜優惠唔可以疊加使用。今次有張滿$45優惠卷，送皮蛋小食。今次呢間分店兩個唔同嘅湯底有啲鹹，食到好口渴😭💡Tips：同朋友一齊食可以分開落單，咁就可以送兩個小食😋😋下次order前記得睇睇app有冇優惠先啦

今日6:45去到無咩人，姐姐都好nice咁幫我地搵位坐低，我地3個人去食，姐姐好用心教我地點用電話落單，每部電話申請會員嗌3個餸就可以減$10，相等於free 2個餸比你咁制❤️我嗌左貢丸、豆卜、雞肉三哥酸辣湯底米線 🤔貢丸一般，豆卜我都係中意正方形個隻豆卜🤭剪開索湯啲，雞肉好好食！夠滑又大舊！湯底濃得泥唔會死咸👍🏻👍🏻送個幾塊腐皮都好好食！唔會煮太淋！個人覺得湯底入面有少許藥材成份😽好香😽記得自助落單攞優惠丫！！

作為譚仔三哥嘅真三粉，一定要試下新品！-✨三酸撈薯粉 （$45）✨有（另加 豬肉 墨丸）、（另加牛丸 腩肉）•自由配搭2-4款心水食材，辣度由10小辣起薯粉上面除左必加嘅2個餸之外仲會有啲秘製「三酸汁」，係用醋混合麻椒、辣椒而製成味道辣得黎酸酸，好開胃，同紐紋薯粉好夾，啖啖Q彈酸爽芝麻脆辣椒同黑芝麻薄脆為酸辣薯粉帶黎好多種層次！好值得一試❤️薯粉比較濃味，所以覺得配菜揀肉類會比較適合❤️推薦指數：✨✨✨✨-✨奶蓋芒果蒟蒻椰香金露($17)✨綿滑清甜又濃郁嘅芒果肉，配埋清新嘅椰汁、Q彈的芒果蒟蒻珠同香濃嘅芝士乳酪奶蓋，解辣之餘又好清新！忍唔住要一啖接一啖飲曬！推薦指數：✨✨✨✨✨-外賣番屋企食加餸就超正！一定要埋杯野飲！-譚仔三哥米線

特登試吓呢個 還你鴨血水煮湯老油條鴨血米線🍜平時食開3小辣 要轉口味，係要踏出一大步試新嘢😋➡️水煮湯老油條鴨血米線🍜真係好正，湯底超濃 麻辣味勁香鴨血滑溜溜 滲透了濃湯汁 都有4至5件完全滿足老油條浸落湯內才是皇道 味蕾升級另加餸 必叫皇牌墨魚丸完全可以下次再叫🙋🏻‍♀️➡️尖椒皮蛋真係每次都會叫既小食2至3人份量配合小辣香濃醬汁 簡直係絕配😋😋➡️皇牌土匪雞翼每次必食香味十足 大人小朋友都喜歡💕少少輕微🤏辣辛感 多種辛料味 雞肉煎得香口😋很惹味➡️香草雞翼真係不得了 滑肉香口😋不輸土匪雞翼 小朋友唔食得辣就岩晒🥰不會過分濃味 咸度適中煎至金黃食 完全剛剛好

今日天氣突然變得有d 凍, 想食暖嘢又想平平地, 譚仔三哥真係首選。每次食嘅嘢都一樣, 但又出奇地唔會覺得悶。🥢食材: 墨丸, 竹笙, 炸醬墨丸爽滑彈牙, 食落口唔會覺得好粉好假。竹笙清洗得唔算乾淨, 要改善。炸醬味道一如以往出色, 唔覺唔覺可以幫手解辣。🥢湯底: 麻辣🥢辣度: 10 小辣淡淡麻辣香, 10 小辣真係bb 班, 所以好易入口。🥢另外加配一人小食: 意川醋香雲耳酸酸甜甜好開胃, 雲耳亦都好爽口。整體食物中規中矩, 有時諗唔到食乜, 真係一個唔錯嘅選擇。

三哥又推出咗新口味米線「煳麻湯魚爽肚米線」，作為三哥fans梗係要去試試啦‼️🥢▫️由三哥獨創的「煳麻湯」湯底以「煳辣湯」和「麻辣湯」兩款特色湯底調配而成，雙辣交襲卻非常地合拍‼️▫️配料方面魚爽肚即魚鰾，三哥採用了較為薄身嘅品種，口感非常Q爽👅 而芥末魚籽鱈魚滑豆卜嘅整法同平時食開嘅魚肉釀豆腐相似‼️ 鱈魚滑內加入咗芥辣油，有wasabi嘅香味但唔會攻鼻，好創新嘅配搭‼️👏🏻 無雞不歡嘅我仲加咗雞肉tim呀‼️🤭 一大碗夠晒豐富😗

New try!! 😍😍😍😍試新野✨🤩期間限定：芥末魚籽雪魚滑豆腐卜有新野梗係試下啦！加$3 就可以試下！芥末味都幾出喎！都刺激嫁喎！搞到我食食下都有啲感動我覺得呢個配搭都唔錯！幾有新鮮感希望之後都仲有呢個餸☺️

譚仔同三哥最大嘅話題除咗近日聽講想上市之外就係到底譚仔定三哥好食D本身我就係三哥多年忠實擁躉佢嘅湯底比較合我心意而且墨丸好彈牙所以十次有九次都一定會嗌墨丸平日都係堂食多今日諗住試下外賣叫左雞肉墨丸薯粉五小辣走韭菜芽菜薯粉係分開上所以番到屋企都未淋辣味依舊水準雞肉同4粒墨丸料黎講足夠個人喜好薯粉多過米粉同三哥辣湯好夾不過最愛嘅墨丸無以前咁彈牙細粒左又口感較粉已經無左過往三哥嘅特色墨丸算係三哥最受歡迎餸菜之一希望可以去番以前嘅口感不過整體除咗墨丸之外其他方面都保持番過往水準希望如果真係上到市味道都唔好有變啦

一直都好好奇點解土瓜灣區無譚仔，直至最近終於有間開左系附近，可能系新開加上疫情嘅關係，枱與枱之間都寛濶，整體環境都乾淨企理。譚仔個名就聽得耐，但真正食過嘅次數吾多，今日點左個大大碗蕃茄湯底過橋米線，貪佢咩餸都有，一次過可以試晒，不過原來米線吾多夠，2個人share好似有點勉強，大食啲都吾夠飽，因為老公吾食辣，留返下次再試佢個招牌麻辣湯底麻辣雞翼諗住系招牌菜一定吾會差，結果非常失望，第一 : 吾夠乾身，第二 : 吾夠入味希望下次再試嘅時間有所改善。Ps, 提外話，亞姐把聲真系好刺耳囉

平時比較少食譚仔，朋友提議就去食喇。依家promotion 外賣自取，選三餸或以上過橋米線 可以加$2 或$4 有埋小食+飲品，感覺超級抵！呢日唔太想食咁重口味，食過元朗譚仔三哥非常好味，就毫不猶豫揀咗清湯底，朋友就麻辣湯底3小辣，揀埋小食飲品搞掂！全部相食左先記得影 未食過呢間堂食既清湯底，外賣個清湯底係無咩味，真係不可一不可再，食過最好味既三哥清湯底係用腐竹熬出嚟（外賣），呢個完全無腐竹。朋友既麻辣湯底就反映話幾好食。不過佢既乍醬係外賣必點，好味，重點係勁多，呢個杯既一半。皮蛋同雲耳就正常，幾好食！以優惠價$2 / $4 完全物超所值！

最近我們樓下有間新開三哥譚仔米線，之前派了單張俾老公寫住15:00後買二送一，所以我就叫老公放工買外賣回家食，外賣盒原來係分層隔開送湯及米線👍👍，今次我食糊辣5小辣+腩肉+魚腐+炸醬，老公就食糊辣3小辣+腩肉+豆卜+腐皮，糊辣湯底好特別係孜然粉炒香的，像羊肉串個種特別調味，炸醬好惹味，食到尾倒緊d湯，拿米線撈炸醬係好好食😍!魚腐像浸左湯的炸豆腐，好好食冇腥味!最後，個大的土匪雞翼有5隻係好香孜然粉味，幾好食!❤（下一次我會食10小辣，老公話下一次食2小辣🤔）平均100元又不貴播!😄😄😄