譚仔三哥米線 (珀御)

营业中

休息中

最近佢地就推出咗黑白辛椒式🌶️作為譚仔三哥嘅忠實愛好者我已經即刻試咗啦❤️1️⃣煳椒肉骨湯米線 $47 在譚仔三哥煳辣湯底嘅焦香辣醇之中注入胡椒肉骨茶獨有香味🤤一入口就有唔同嘅層次加上先以秘製佐料及黑胡椒醃製再慢火燉煮而成嘅上等帶骨豬扒香嫩嘅肉質同黑椒嘅辛辣真係令我無法抗拒🤤而香脆可口的金黃老油條就好索湯又脆又多汁實在太好食😋2️⃣清爽脆豬皮 (麻辣/芥辣口味) $19 條狀豬皮同雲耳拌埋秘製醬汁 多重爽脆口感食材香而不膩🤤 可以按個人口味選擇麻辣汁或芥辣汁辣度為五小辣 我自己就揀咗麻辣汁 彈牙嘅豬皮 加上好香嘅麻辣汁 令人忍唔住一條接一條😋3️⃣鳳梨乳酸梳打 $17 (加配價:$13) 以鳳梨汁及果味乳酸作基調 配搭清爽的梳打食到鳳梨嘅香濃 同時甜中帶酸的氣泡梳打帶來極爽的暢快感 解辣又開胃🥰溫馨提示大家 三款食物都係譚仔嘅期間限定大家真係要把握時機 唔好錯過大家快啲去譚仔三哥試吓 包你食過返尋味😋❤️

今日放假，去左譚仔三哥食野，叫碗麵加個小食加杯飲品，$60，價錢都算正正常常啦。先講譚仔三哥優勝既地方先，首先佢既小食多選擇，除左一般雞翼、白肉、皮蛋，仲有好多選擇。好似圖中嗰個就係口水三素，呢個小食D汁好好味少少辣好開胃，而三素就分別係雲耳、豆BOB、冬菇，價錢只係$19。再者，譚仔三哥既麻辣係比較麻咀，所以食落係過引好多。但不足既地方就係米線啦，譚仔三哥既米線係比較淋，不過好彩係唔會淋到糊口，唔算太差，但如果米線煙刃少少會好D。

一间唔食辣野都可以食到流晒汗，问D工人系唔系无开冷气，D工人唔敢答，唉。热到完全唔想吃。简直不知所谓，唔好话下次，以后经过都掉头走啊。夏天来的，冷气都唔开，无玩啦。

最近屋企樓下開左三哥平時都係食麻辣今次轉下口味食三哥酸辣先假期5點幾6點唔算太多人仲有好多位添豬肉我每次去係必點的最鐘意就係腐皮好索湯汁三哥酸辣仲可以選辣度我揀左10小辣入面仲有有酸菜酸酸辣辣好開胃食三哥一定要配凍飲今次叫左西柚醋好好飲呀甜甜酸酸好開胃好解辣好fresh添小食必點就係土匪雞翼簡直係無得輸次次食三哥都要叫👍🏻今次整體黎講係OK既👏🏻5⭐️為最高味道：⭐️⭐️⭐️推薦：⭐️⭐️⭐️回頭：⭐️⭐️⭐️下次再幫襯！

終於等到連鎖米線係呢區開新分店，今次仲要揀咗最新嘅物業珀御，眼見呢個商場起好成年都丟空，終於等到三哥出馬。今日放假即刻去試吓，門口有部拿飛機，入到去都幾大，都係自己搵位坐，可能係新開關係，完全冇乜服務，啲姐姐又唔熟手冇所謂今次叫左煳辣湯底配冬菇腩肉魚腐，個湯底就好好味，好香丶少少辣冬菇就唔夠諗，腩肉夠入味，魚腐好重魚味另一碗就係清湯雞肉米線，嗰啲雞肉好新鮮，好過平時佢兄弟譚仔。再加左兩個小食，分別有食譚仔必叫嘅土匪雞翼+蒜泥白肉，反而雞翼就比佢兄弟冇咁出色，但係個蒜泥白肉，切得好薄好好味以後就多個飯堂