譚仔三哥米線 (良景廣場)

营业中

休息中

每次過來食最開心的是d姐姐超好人 笑容好 服務好 好有愛啊 比佢地個讚 之前有試過辣度太過 佢地都好有耐心解釋 就算唔岩食 d姐姐充滿熱情 食過咁多間譚仔 新界 港島 九龍 屯門良景呢間係所有譚仔最好服務、最有耐心的

一個人無無聊聊唔知食乜周圍行 ，經過見到譚仔好耐冇食又唔使等位就入去食 ，之前好鍾意食譚仔 日日食先至頂到引，依家好耐冇食食番好似又唔覺得當初咁好味， 不過我最愛嘅豬肉 依然好味， 但係個湯底冇以前咁濃，三小辣都冇以前咁辣， 依家佢只係 久唔久可以食嘅級別

譚仔三哥米線一向是獨自用餐之選，餐廳多人的話我多數會外賣回家慢慢邊食邊睇電視三哥酸辣湯底和煳辣湯底都是個人覺得比較出色的。三哥酸辣湯底酸度和辣度都配合得岩岩好，補充番，我點的都是5小辣。。 辣度因應個人口味可選不同程度這次點了煳辣湯底，配菜選了腩肉和墨丸，轉了薯粉，有時唔想食米線，薯粉都係一個好配搭。煳辣湯底會有芽菜，韮菜，炸菜，應該係有炸菜所以湯底較濃，墨魚丸有4粒，份量都算適中，唔會太少，同價錢相對，一碗$50 內的米線，又唔會等得耐，真係好過食快餐店今次仲點左土匪雞翼，好香口，香料好重，適合較重口味的人，大份有5隻，小份有3隻，就算外賣左都仲熱辣辣，水準不錯諗唔到食咩，就去三哥啦

我實在太鐘意食米線，一個星期最少都食兩三次。今日又去左食三哥，最愛佢嘅麻辣湯底，出面係食唔到呢隻味。假期太多人的緣故，我就叫外賣。今次我叫左腩肉米線麻辣小辣，我基本上每次都係叫一個餸，感覺上兩個餸同一個餸嘅份量都係差唔多。腩肉份量多，今次d腩肉肥左d，但切得夠薄都好食。而湯底就比平時油，而且我每次食小辣嘅辣度都唔同，有時辣到似中辣，有時又覺得唔夠辣，今次就覺得似返小辣嘅辣度。呢間分店嘅姐姐基本上都好有禮貌。

湯底長期能夠保持味道，食材新鮮，美味可口，食過番尋味！ 唯獨可惜三哥分店不夠多，而且間間分店的做法始終有點分別，唯獨是良景這間分店是我覺得最好食的，百吃不厭。即使是清湯都一點不會覺得淡而無味呢！

今日黎到譚仔食米線 叫咗煳辣2小辣 估唔到胡椒味好足好香 個湯底夠哂辣度 正正 餸就叫咗雞肉 雞肉唔似譚仔咁碎哂 大大件嘅 都幾好食 另外仲叫咗蒜泥白肉 好香蒜頭味 但啲肉就認真薄過頭🙈 所以冇乜肉味 基本上唔太辣 得少少麻 但辣油好香 所以都可以試試

每一間譚仔米線舖，都會出現質素參差之別，而譚仔三哥給我的感覺，是更創新及味道更好的。這次去良景譚仔三哥，由開張至今長期都有大量食客，令我也有點好奇，難道這裡的米線很好吃﹖﹖平常專程讓我過來良景食的店鋪，只有祥景茶餐廳一間而已﹐這次，多了良景譚仔三哥，不到屯市的譚仔三哥，是特意來試這間。一入去好好彩地有張四人枱可以坐，完全不用等位。侍應落單時很仔細，落單後亦再確認order，態度認真。這次的等候時間稍耐了一點，米線先來，米線質感是很彈牙的，吃米線最希望吃到這種。米線質素不錯，接著要介紹的是小食，三哥的小食有一個特別之處，製作的麻辣汁都很惹味，喜歡麻辣的朋友一定也會喜歡吃這些小食﹗口水雞翼會切細條狀，能一口一口的吃，雞翼完全吸收了麻辣汁﹗蓮藕及雲耳都是$10一碟，作為一個餸兩人吃，份量剛剛好，滿足了吃的慾望同時不會太多又不會太貴。還有兩款辣度可以選﹗凍檸茶一貫譚仔作風，算是好飲，但細心之處是，小冰那一杯，真的少了很多冰，我有時在其他米線店叫小冰，還是一大杯冰的。

平時只食開譚仔，唔知譚仔三哥同譚仔有咩分別，於是今日就去左譚仔三哥試下。由於譚仔(三哥)既野食不嬲都平過好多其他餐廳，所以店舖幾乎都坐滿哂人，我等左大約一兩份鐘先有位,但係黎野食既速度奇快，加埋等位時間都唔洗5分鐘，一碗熱騰騰冒住白煙既腩肉米線就送左上黎。由於我不太喜愛辣，所以湯底要左清湯。首先碗米線既份量真係好多，完全滿足到我呢d大食既人既胃口XP湯底好正，有豬骨湯濃濃既香甜，熱辣辣飲落去真係一大享受!米線亦爽口彈牙,而且腩肉有好多舊，雖然略嫌硬左d,但係肥瘦都適中。總括而言，25蚊食到咁大碗好食既米線，點都抵啦!

今日行左食譚仔，叫左個胡辣牛丸火腿米線。先講下碗麵，個湯就幾好，好多胡椒既辣味，個麵都無咩問題，但係d火腿就好少又好細塊，唔知係唔係做唔住縮曬水。然後無計喇，叫多細既白肉食，個份量出到黎比想像中多，而d肉都幾好，好夠辣。最後都OK飽住走既。

在2014年2月13日，下班回到家裡，竟然不見了家人，又沒有留下今天的晚餐，只剩下我一個人，我不停駁打電話也沒有人接聽。於是，我不再等，便決定外出用餐去，本來今天這個嚴寒的天氣，回家後便留在家裡，不會外出的，可是這次不行。之後，我便選擇到家裡附近一間食店-「譚仔三哥米線（良景店）」晚餐，這是我的晚餐-酸菜炸醬酸辣扭紋薯粉，真的很美味。到了今天晚上，家裡依舊沒有人，我再一次選擇到家裡附近一間食店-「譚仔三哥米線（良景店）」，享用我的晚餐。而我今天的晚餐，依舊點了我上次第一次吃的晚餐-酸菜炸醬酸辣扭紋薯粉，因為真的很喜歡這裡的酸辣湯底，又不會太辣難進口，也不會太酸溜溜引起胃痛，我伴著酸菜和炸醬，還有扭紋薯粉和酸辣湯底一起吃，可以同一時間品嚐到4種味道，酸的辣的並不會像普通粉麵店的酸辣麵那樣，酸的被辣的味道蓋過了，這裡可以吃到我真正想吃的酸辣口味，不會被任何一款口味蓋過，真的很美味。不過，這次我多點了一碟─新彊香草雞翅膀(3件)，本店的雞翅膀有3款不同口味，本來打算每款口味點一件品嚐，但該店不允許，那我只好點這個新彊香草口味的雞翅膀，味道不錯，吃入口有點像椒監的味道，也很鬆脆可口，而這個新彊

見到屯門開左間三哥就入去試下啦其實三哥越來越多間佢既質素都一直差左我都冇咩期望咁又係既,小店開大間左質素係好難保持架啦叫左腩肉但係全部都係肥肉黎既.....好難食個米線冇咩口感好似放左好耐係度咁個湯冇咩味食到一半都已經唔想食我覺得價錢可能唔貴,但最重要係質素冇下次不得不提既係佢服務態度差到一個點我覺得就算幾好食都冇用,因為客人都唔想受氣

我本身喜歡食米線的，今次是第二次去食，相比第一次差的多了(第一次也是一般)我點了個清湯生菜肉片米線，生菜應該放了很久的，有點up味的感覺，葉頭黑了，肉片還可以，米線就真的不知是什麼特產，像食橡根的感覺，食了一半頂唔順了。還有另我最反感的是，用膠片做成的圓腳餐牌貼有一張紙，好似係損壞賠償，否則報警處理 我一路食一路擔心打鬼爛佢呀

這是在屯門良景新開的店舖。雖然大家也食過很多次，但....我還得向大家跟進一下食物監察。這次叫了腩肉麻辣少辣湯米線。麻辣很少，幾乎不覺。但...腩肉照樣是多的。另外叫了土匪雞翼和蒜泥白肉，吃過兩次，好味的，仍可保持(三哥)水準。不過雞翼好似比例上細隻了少少，even我叫(大)的，只是相對(小)的多兩隻而已。(但我記憶中其他店舖(三哥)開店時，雞翼是很肥美的。總體而言，這間良景譚仔是ok的。價錢大眾化。

本來唔想寫0既，但幫襯0左兩次，兩次都唔掂，堅係令人失望。第一次，去買，由於新店外加名牌效應，多人係預0左0既！見0的待應啊姐同0的客好光明正大咁講，2個0既客唔做住，OK，其實好多店都係咁，無位可以叫外賣0既0者，入去，叫外賣，點知個啊姐竟然問另一位啊姐:「外賣做唔做？」下？你唔好玩我啦！你忙還忙，如果唔做外賣0既就唔好寫可以外賣。之後黑臉完，好，隔0左3-4個字，拎得外賣走人。總店0的人仲多服務都無咁差啊！第二次，諗住人多早上去買服務應該好0的，叫0左人幫我幫返0黎。我叫0左腩肉小辣米線外加口水雞。買完，好啦一打開，口水雞點解變0左土匪雞0既？立即問買果條友啦當然，佢話待應同佢講無口水雞。下，我開門無耐去買，竟然話無？唔係一早預備好賣0既咩？定係外賣無口水雞呢？土匪雞，竟然唔脆0既…其實唔脆都算，外賣預0左…個麵先陰公，腩肉小辣，腩肉，一半都係肥膏，呢個當係運氣唔好0者，而且腩肉係有0的膏先好食0既！不過佢0的膏兔0左0的囉！但最接受唔到0既係…一打開個麵，奶白色仍然係奶白色，我個小辣去0左邊？老老實實我想食辣先叫譚仔，碗0野我食到一半因心情外加無咩味0既原因，倒0左！由於呢兩次0

先說說食物方面，我叫了一碗「腩片牛肉麻辣米線」。湯低味夠，不用過份地辣，味道亦夠鮮。腩片爽口不會肥膩。牛肉亦不會過份地老。基本上，食物方面，以這個價錢來說，份量和味道都算不錯。不過今次要說說的是服務方面。在年前，我曾經食過元朗的譚仔，他們的服務真是不敢恭維。想不到，良景這新開的店，仍然會繼承了一貫作風。例如，當我叫侍應落單時，她們竟然可視而不見。我想要杯水，竟然可以叫了三次都沒有人拿來，只懂敷衍了事。講真，如果沒有水提供可以說，要水要給錢亦可以提。但我最吃不了她們那種敷衍了事的態度！