譚仔三哥米線 (得寶商場)

营业中

休息中

叫咗4碗唔同湯唔同餸既米線，4換啲湯同餸調轉晒！明明張單入啱，都可以全部錯晒，離晒譜！最慘系大家食既辣度都唔同，得1換可以自己換返啱嘅餸食..... 啲湯同炸醬又整得難食

大家都知食咩架啦都唔需要多講，不過今日就係講下佢個menu, 因為我相信好多人去到都係叫來叫去都係52蚊果碗，好似好抵食而且唔洗諗甘多，全部野煮埋一碗就食，所以今次我會講下散叫可能仲可以集中食到自己想食既野。首先有兩份餐牌啦有份就係今期推介啦一般人可能會被個價錢吸引咗先，三十九蚊有甘多野，咪住先，仲要加錢先可能有你想食既野架今日我就叫咗32蚊一餸，再加6蚊墨魚丸，再加22蚊土匪雞翼，又加9蚊凍菜蜜。甘就69蚊落樓。

見呢排三哥出左個撈薯粉，天氣熱熱地就試下啦，價錢唔算平因為冇其他餸嘅，抱住試下心態都想食，等左10分鐘左右拎得，家人返黎等一句就話好輕，我諗走左湯所以係咁啫，點知打開睇先知中招，講左其他先，配料有豬耳，青瓜絲，木耳，同脆脆(類似食粥果隻)，加左落去拌勻就可以食，我食小辣，家人要3小，兩個都覺得比湯麵辣，可能多辣油，豬耳都爽口，木耳冇乜特別，青瓜絲太少撈埋唔見哂，脆脆有啲甜不過好快淋哂，唔想佢淋就唔好放落去撈，另外叫左件椒鹽豬小件，味到有啲似麥當x板燒雞腿包塊雞腿，都幾淋身同好味，話咁快就食完，如果唔係因為辣，可能唔洗5分鐘食哂，辣就可以拖到一倍時間，食湯麵份量係正常架，但呢個撈薯粉真係食陣風，我都唔夠何況係家人呢，最後我地要另外搵野食，真係未試過呀

譚仔新出咗個酸辣撈薯粉，$39 ，即刻落去試一試！點知！非常失望！首先其實對於薯粉本人係鐘意粗薯粉，譚仔用嘅呢扭計紋薯粉呢比較冇口感，不過個圖片上面一早寫明，所以我並唔係因為咁樣而扣分材料方面本身內置左有豬耳雲耳薄脆青瓜絲，算係咁，份量都合理最大問題係出於個汁，太重味真係比太多了，一入口重口味到傻咗，又咸又酸，食咗半個已經唔想食。呢個汁用來做小食係冇問題，但係如果用作主食，就太heavy了最後，下次都係食返平時嗰啲，我依然咁愛三哥❤️

每個月總有幾日會掛住譚仔，今日行過得寶商場見到呢間新裝修嘅譚仔，又忍唔住食一次！新裝修後感覺更開揚，添置咗幾張卡位，坐得舒服。我嘅至愛係豬膶酸菜配中麻辣湯底，譚仔嘅豬膶真係無得頂，以前我唔食豬膶ga，係譚仔改變咗我!但唔知係咪被收購之後煮法同調味都有作出調整呢，最近幾次食都覺得湯底唔同咗，首先係見到個湯無以前咁多紅油，味精感亦無以前咁強烈，食落無咁搶口，而家係辣得嚟感覺無咁重口味，食完之後唔會一直要飲水，都係一個好嘅改變呀！

今日叫左3碗兩餸米線（1.雞肉、魚腐、米線、麻辣3小辣、2.雞肉、竹笙、米線、麻辣3小辣、3.豆卜、墨丸、米線、麻辣3小辣）、細土匪、拍青瓜、外賣原本兩餸雞肉份量都已經少、今次打開睇兩碗米線撈來撈去得D雞肉肉碎、雞肉份量超少、兩碗米線的雞肉加埋都冇平時一碗雞肉的份量、呢間係我食過咁多間三哥或者譚仔雞肉份量最少的一間。得寶三哥我平時都有堂食或者外賣、今次外賣D雞肉的份量實在太少了、下次會考慮轉食其他。另外一個膠袋裝3杯野飲、送到來灑曬、剩半杯。

最近見譚仔推出了新小食，所以今晚諗唔到晚餐決定不如去試一試點左兩份餐，三份小吃，一杯飲料魚片頭蕃茄湯米線- 蕃茄湯底非常適合唔食辣既朋友。而且味道又唔會好似清湯咁咸。呢個湯底有好濃郁蕃茄味，微酸，好開胃好香濃。而米線就一如既往好滑同彈牙，口感非常好雞肉貢丸麻辣湯米線（4小辣）-三哥既麻辣湯底真係好出色，天氣凍冰冰食返一碗，飲啖辣湯真係即刻暖番晒！而且個麻辣仲會留係口腔到非常香，但又唔會麻到你味覺好辛苦，的確出色烤四季豆配乍醬-賣相黎到只係一般般，但食落有驚喜。雖然食唔到燒烤既香烤味，但係四季豆亦有調味，唔係淡茂茂，連埋乍醬一齊食好夾雞翼/蒜泥白肉一如往常味道唔差，好食凍檸蜜今晚唔知發生咩事，杯野勁難飲！有苦澀味，好怪！完全飲唔到，放棄左。希望唔會再有呢d情況，我都估唔到成餐飯出事在於杯檸蜜到

相信差唔多全部香港人都有食過三哥譚仔雲南米線冇食一排，都忍唔住要再嚟食，因為嗰種味道係令人難以抗拒嘅我同男朋友兩個人叫咗個過橋米線，啲餸嘅份量真係唔少，款式都好多，揀咗酸辣，質素保持水準，最鍾意竹笙同埋豆卜，吸晒啲湯汁今次叫咗佢嘅$12小食，揀咗雲耳，佢嘅自家製醬汁——意川醋香汁，令到成個小食加咗分，酸酸甜甜得來好開胃，令人好有新鮮感當然唔少得要食土匪雞翼啦，不過今次個雞翼比較細隻，熱辣辣咁樣食唔錯最後加咗杯凍檸茶，食完好滿足

前排離開咗香港一段時間，返到嚟香港，第一時間當然係食返香港人嘅最愛，譚仔米線啦！返到嚟發現餐牌多咗樣新產品！就係豬肚米線！仲有兩杯新嘅特飲，反正之前一直都係食開蕃茄湯，所以就決地今次試吓新野。黎都之後係有少少圖文不符，要自己俾心機先係米線下邊搵到幾塊豬肚，不過份量都還可以。但至於味道，豬肚識落比較韌，完全比唔上外婆整嘅豬肚，可能食開外婆嘅高質豬肚，所以呢個對比之下真係差咗啲。至於煳辣湯底，其實我今次都係第一次試，係有驚喜嘅，飲落幾惹味幾香，有時食閹咗番茄湯都可以叫你試吓。而呢杯西柚特飲都幾唔錯，酸酸甜甜好解辣好開胃，夏天飲都好岩！

住九龍灣的我成日食譚仔，好少過德寶食三哥，今晚黎到就食下三哥獨有蕃茄湯同佢個新小食，腐皮卷啦！蕃茄湯要加$2但都好值得，茄蓉滿滿，我叫左竹笙！索晒啲湯好正！麵底有咬口，廚師真功夫！魚腐好味呀！以我印象記得，譚仔既魚腐係魚蛋質地，三哥先係正宗順德果隻既質地。👍🏻👍🏻腐皮卷就係辣既，揀左口水味會冇咁辣，但唔食得辣都係唔好亂試。入面好林，冇乜口感，基本上辣味只來自面頭既醬，所以鐘意食辣同唔鐘意食辣都未必岩食😂

好耐冇食米線今日特登過嚟食過橋米線聽日過嚟見面就安排我哋入座見佢哋都幾忙下，我仲叫佢俾杯水我，店員嘅態度都幾好，明明好忙都吾會有燥底既感覺，嘢食上菜速度都算快。因為真係好肚餓，不過平時會點一人一個米線，但今日歌個女仔，點解過橋米線就多啲餸兩個女仔食都好夠，同埋佢個份量好多，米線永遠都食唔晒，再點埋個檸檬茶佢嘅檸檬茶茶味好夠，在點啊個皮蛋，小小麻辣醬汁撈埋個米線一齊食好惹味，太耐冇食過譚仔三哥啦，掛住佢呢度嘅土匪雞翼，估唔到呢跟三哥嘢食嘅水準保持得幾好，

難得經過三哥譚仔買個外賣返屋企，酸菜雞肉牛肉清湯米線，阿姐收我$38，覺得平左，問清楚原來少+牛肉，補番錢total$45。翻到屋企先發現只有雞肉牛肉，我酸菜呢……sad

我有舖癮，成日都好想食三哥米線🍜好開心屋企樓下就有間三哥，方便就腳😌😌基本上每次嗌嘅都一樣🤣腩肉豆卜十小辣🤔我覺得每次嘅辣度都唔一樣😖今次辣度偏辣左小小😞不過都接受到豆卜索曬啲湯，一咬落去，成口都係湯😋米線硬度都剛剛好，可惜我今次忘記左走九菜☹️每次食譚仔都唔會叫嘢飲，因為我最鍾意飲佢碗湯😂

譚仔，相信一直係唔少人心中既美食，而我都唔例外。平時食開辣野既我，今次亦向譚仔招手，試下佢個小辣。墨丸麻辣話咁快就送到上枱，未食已經聞到陣麻辣味，成個人精神晒，唔講咁多即刻飲返口湯先，第一次食中辣，但原來冇我想像中咁辣，而墨丸亦理所當然地保持水準，話咁快就食完，心諗其實下次可以試下大辣添啊喂。

譚仔雲南米線，簡稱譚仔，為香港一間米線連鎖食店。不過現在分為「譚仔雲南米線」及「譚仔三哥米線」。基於對食米線有一份執著，加上見今日想食雞翼，所以襯中午放飯時間，到附近嘅「譚仔雲南米線」進食米線。 既然講了想食雞翼，就點選了土匪雞翼。沒想到3隻雞中翼都要接近25蚊才食到。其次就點選了墨丸米線。再加以選擇酸辣湯底。不過今日不想堂食，就點選了外賣。始終中午時段，堂食會好逼，難以享受美食。先講土匪雞翼，芝麻味夠香，土匪嘅調味亦濃郁。而且又不油膩。再者墨丸米線嘅外賣包裝真的不錯，想不到外賣會湯及米線以同一個碗，但內裡用膠兜乘戴米線，從而分開米線同湯底，以防米線被浸到發脹或過「冧」。先品嚐頭啖湯，酸酸辣辣，開胃醒神，最適合夏天進食。墨丸就沒有多餘嘅粉味，亦彈牙。墨丸配搭米線，真的一流。