譚仔三哥米線 (得寶商場)

营业中

休息中

今日放假去左食三哥譚仔，lunch時間人流都唔算多，亦唔需要拎飛，可能位置上有關係，諗起返工地點排親都十幾分鐘，仲要迫迫地。三哥d姐姐好親切呀，好主動咁幫手落單，上菜又快。今次叫左2個餸配三哥酸辣湯底4小辣，少米線，上到黎好大兜呀，不過望落去有d油。叫左雞肉同魚腐，雞肉大大件，啖啖肉，好味魚腐外實內軟，索晒d湯汁，唔似出面果d軟到好似腐皮咁。雖然少左米線，但都好多，最尾食唔晒添。另外加左個雲耳，優惠價$12，可以揀中口味同重口味。雲耳好入味好爽，抵食。

很多女士都鍾意食米線, 可能貪佢方便, 快捷, 好似可以食得清清地, 不會太油膩！！其實依家很多食店都可以食到米線, 但要食到好食嘅米線吾易！！我本身就最鍾意食譚仔三哥嘅米線, 真係超煙靭, Q彈！！所以我想食米線時, 一定去三哥食！！今日去到九龍灣得寶花園, 見食客不多, 便揾位坐低食！！呢排想食得清淡D, 叫左竹笙加魚腐清湯米線, 竹笙薄切, 好爽口, 覺得健康保身, 魚腐淋得嚟帶滑, 有魚味！！最後都係忍吾住加多個湖南土匪雞翼, 落左孜然粉, 辣辣地, 好惹味!!

我同我老婆都有種三哥米線癮，只要一有機會就會食。今日外勤去到牛頭角德寶花園附近，順理成章午餐又係三哥。今日想食酸酸地，所以叫咗三哥酸辣湯底另外配上木耳和貢丸。三哥酸辣湯底係獨有的湯底，雖然不設辣度選擇但味道偏酸多過辣，所以即使唔太食辣嘅朋友都可以試一試。比較失色係貢丸比較腍冇乜咬口，但幸好木耳，米線同湯底依然保持一貫水準。另外連一杯免費的凍贈飲，所以35元結賬，真系抵到不得了。咁嘅價錢出去茶餐廳分分鐘食唔飽。就系因為平靚正，所以我一直都好熱烈支持三哥。

瞓到"黃朝八晏"，諗唔到食乜只係想食辣，咁啱要去淘大就先食個三哥做late lunch。從來我只會食酸辣或十小。今日唔知哪來的自信，竟然想挑戰一下五小（本人喜歡吃辣但又不太會吃辣）叫了一碟中囗味的雲耳作前菜（秒速食完先記得影相每次必叫，雲耳有益又好美，個汁食到人好開胃）叫左個雜錦乜都有五小米線滿足我今日乜都想食ga心理。𠵱，原來五小一啲都冇攻擊性！！！完完全全可以handle到，但係冇乜麻同辣...好似退步左...個乍醬少得過份!由以前佔滿滿半碟到依家連一湯匙ga份量都冇！不能接受

Want to have something light and inexpensive So I find brother 3a hot big soup noodles 30$I have chosen the beef 1 food type29$Adding 1 to change the pepper spicy soup Which is good enough Some Kau Vegetables 🥒 Fried vegetables that is spicy and salty brother 3 taste really delicious 😋 Not too hot The soup is strong and tasty very fair and fast dinner downtown

有日夜左收工，諗住求求其其又一餐，就去左附近的譚仔食米線。如常叫左個10小辣，3酸魚丸雞肉米線。食物是無問題的，正常一樣。但係呢度d座位真係唔係好人道，一張細圓桌要坐6個人。。。咁啱唔好彩坐左幾個有返咁上下身位的男人隔離，迫到要挨在隔離兩個唔識的人身上。。。真係大家都覺得難頂。。。。之後同店員講想轉枱，因為見隔離有張4人枱冇人坐。之後佢死都唔肯俾我同老公換，話因為是4人枱。。。。 講左好耐，話搭枱咪得。。。先有得轉，真係唔明咩野道理黎。。。個店員阿姐態度好惡。。。。轉左4人枱，又話唔俾我同老公打對面咁坐，一定要坐單邊。。。好，由佢。到d野食到左，發覺張枱真係細得離譜，對面坐左2位，4人的米線會碗貼碗咁，我食米線唔少心彈左d湯落人地果碗度。。。。勁唔好意思。。。我覺得真係迫得唔太人道。。。ps. 點左蒜泥白肉，好薄，真係幾好食的！食物質素是ok, 但服務和環境真是有點過份。。

只要朋友都同樣有鋪譚仔癮, 這樣這位朋友一定話見就見因為每日都要食飯, 食個譚仔又唔阻你好多時間而且緊有一間係附近九龍灣人約坪石邨人到德寶譚仔食個早餐十一點幾, 還未坐滿, 搵位都特別較鬆顧客較少自然人手短缺, 叫極都未有人落單, 收銀要走來走去幸好, 出餐時間正常牛肉煳辣小鍋米線 (走韮芽)牛肉鬆軟, 有嚼口米線軟硬適中湯底藥味濃, 少少麻辣味土匪雞翼非常細隻, 味道正常, 很香孜然及芝麻味跟餐熱菜蜜, 但原來朋友的凍檸蜜也是加$7那樣看來凍飲比較化算啊我們用餐後, 開始多人要等位了

譚仔三哥先係正版原創，係人都知， 正版自然都好味啲～ 所以作為米線控既我，我次次都盡可能選三哥！ 我呢個星期食左三餐米線真係好誇張～ 不過，都唔好話wo~ 一個人既時候通常都真係好自然想食米線架～ 今晚叫 雞肉、酸菜、炸醬 大辣米線～ 唔叫勁辣原因係勁辣太重香料味，帶苦～ 唔鐘意食果陣苦味～米線軟硬岩岩好， 而且真係好多，我食唔曬丫～我次次都必叫雞肉， 佢地雞肉係薄切，但唔會鞋～ 個人唔太鍾意佢呢隻得梗既咸酸菜， 但次次都會叫～ 因為 酸辣湯，無得我選辣度， 所以我次次都會叫薪酸菜， 我我可以食到麻辣食到酸～ 令自己成餐都更開胃～識食一定係一啖炸醬一啖米線～～ 不過我覺得而家啲炸醬偏咸～ 7-8年前既炸醬係咸中帶啲甜～ 而家只食到咸味。加12蚊有個酸醋木耳～ 多食木耳對身體好～ 木耳份量少左啲～ 但味道都幾好，唔太咸少少酸，如佢餐牌所說，輕量級口味～ 而木耳既亦爽口～

其實譚仔最初最出名是手打拉麵! 很懷念當年在長沙灣的元祖店還能見到三哥打麵條,一碗大到吃不完的時光。十幾年後, 三哥譚仔已經是有幾十間分店的連鎖店, 而且亦是一間米線專門店。這麽多年, 就是好像中了毒, 一兩個月總是要到譚仔食米線。有一個時期, 每間譚仔的質素都很參差, 有些湯底較得較好, 但又些有把米線會煮糊了。而得寶這間分店的所有食物水準都正常。這天心血來潮, 點了這兒獨有的煳辣湯底米線。煳辣米線比平時愛點的酸辣多了點麻辣香, 湯底亦較濃, 配米線吃是很夾味的。兩餸我就揀了雞肉和魚腐, 今次的雞肉也煮得幾滑, 反而魚腐有點驚喜, 不會有腥味外, 吸了湯就更好吃。土匪雞翼是這麽多年也必點的小吃。今次的雞翼頗大隻, 烤得不會太乾身。不過好像少了點辣香,  減了點惹味感。$12 一份的拍青瓜,  份量其實是一人份。辣味是調得不錯, 青瓜亦很爽口, 可惜不太入味, 辣汁只停留在青瓜表面, 有少少失望。百物騰貴, 幾年前兩個人還是一百元已經可以在譚仔吃得很飽, 但現在埋單卻要近$120了。

譚仔既外賣好方便！只要10分鐘前打左電話去到就有得馬上拎走。今次叫左雞肉5小米林d(其實係邊個發明可以叫米林d架呢？好似茶餐廳個d檸水少甜咁有親切感！) 有人話佢淥到d雞肉無哂味，但其實就係因爲佢咁整，我覺得個雞肉好有咬口！腐皮韭芽簡直就係精粹，令成個口感林又有爽又有！5小辣係我食得最舒服既辣到，唔使抹汗。其實都明知有味精，但真係忍唔住

香港除了菜餐廳, 好多分店架譚仔都係代表作, 每隔一排又想會一會佢架湯。2個人叫了個乜都有架麵SHARE,其實我最LIKE個肉醬同酸菜, 而其他料都好多, 丸類, 豬雞肉等,食料都食飽啦。麻辣湯依舊濃味,喜歡那強烈的味道及隨後的口渴感。大熱天加杯凍飲先

自從幾年前一嘗譚仔風味之後, 由於香港多區都有譚仔分店, 因此間中想吃米線的時侯, 無論走到哪一區都會考慮以譚仔作為午餐或晚餐。一向不懂得譚仔與譚仔三哥的分別, 多數只吃譚仔雲南米線的我, 只有試過兩次吃紅色招牌的譚仔三哥, 其實有部分黃色招牌的譚仔都是三哥的, 不過多數近年開設的譚仔三哥分店都改為紅色, 而其設計主要是想突顯出紅色代表辣的意思。  如果大家有向譚仔的背景尋根的話, 應該會知道譚仔三哥, 是三哥與六弟一同打拼回來的, 後來因為三哥仁慈接濟四哥, 但四哥恩將仇報 連同其他所謂親友背叛三哥, 最後令三哥與六弟經過時間洗禮另起爐灶改名為譚仔三哥。至於現在的譚仔雲南米線我就不清楚是否由四哥掌控, 不過其實我個人一向喜歡吃黃色招牌的譚仔多一點。  昨晚跟男朋友下班後就到了得寶商場的譚仔吃晚餐, 印象中是這一、兩年才開業的, 由於得寶近年改革, 引入了不少新的食店, 因此在繁忙時間譚仔門外都有不少人等位。我和男朋友大概8點到, 在門外自助取票機先取票, 我們二人要等3張檯, 大概等了15分鐘, 由於此分店面積比較細, 因此搭檯是必定的。 題外話, 其實是我第一次吃譚仔看見自動取票機

平凡嘅星期日，兩個人去食三哥做lunch始終係繁忙時間，少不免要等下嘅btw，一開果陣佢個門口係對街架，後尾夏天果陣就改左用商場果個出入口啦，唔使食廢氣又可以涼住冷氣等食開三哥嘅都知道，食米線係揀辣同料者我就食開炸醬，想食冇咁淡就要酸辣（第一次食就已經番唔到轉頭，又酸又辣嘅感覺仲正過麻辣）神奇地今次碗酸辣睇落清左啲，但係都聞到酸味嘅米線食入口，酸味會多過辣味，但係會感受到辣的力量，正正係呢種味道吸引我，明明係食辣但係唔係一味得辣至於炸醬係我叫開叫慣果味，開頭覺得炸醬可以幫手止辣（起碼感覺上冇咁辛苦）不過宜家都食慣酸辣，由一開始會流鼻水到宜家冇乜野，炸醬變左做賣飛佛啦呀媽就食三哥酸辣，其實佢就食開麻辣嘅（幾辣就唔講啦），不過三哥酸辣就大約係酸辣同麻辣嘅中間，個人之前食過覺得都唔差，只係食果個話冇下次（事實上比我都未必再食，不過我係因為酸辣太吸引）其實土匪雞翼都好食，不過今次唔想食太多所以冇叫小食加埋杯凍檸茶，就食左個飽肚嘅lunch啦（事實上米線真係性價比高）

翻滾吧肚子， 痾到要看醫生! 朋友說前幾日新聞話員工係屎蓋上切菜，看來完不注重衛生，怪不得我中招。麻辣米線米線多，喝湯都好濃好重味精。本身加了芽菜同腐皮，我就加了肉醬啦，肉醬都幾大碗，同湯麵分開上。點了一人份蓮藕片，但完全係生藕片個汁好似5香肉丁罐頭陣味，偏油食時沉在湯中過一過油。埋單時我比散銀，員工竟話不接受豪子，其實只是2個5豪其他是紙幣，但不接受法定貨幣是犯法，我告訴他們這是犯法，佢仲話公司規定，乜公司規定可以大過法律，真厲害。叫我比大紙，我得張500蚊， 我問返我做客人都唔想收你地碎銀啦，你地會點做， 即時無聲出，完全唔合理架服務，我睇醫生用左280呀! 衛生食環做野啦

開在邊邊位，現在才發現它。一直說三哥比譚仔好吃，本來挺期待的。湯底鹹得要命，吃了兩次也是如此。牛肉質素不穩定。見它有其他特飲，如抹茶牛奶等等。於是叫了芒果乳酪，沒有乳酪，只有非常香精的芒果味。唯一稍爲特別的是有猢辣選擇，味道較獨有