譚仔三哥米線 (萬事達廣場)

营业中

休息中

此店跟其他譚仔三哥味道差不多，辣味可能略淡，只需要叫高一級辣味便可以。新推出的雲耳比較譚仔，味道淡很多，其他冷盤小吃未知是否同樣淡味。同區有另外米線食肆，不用因慕名而等食及受氣。

之前晌「重慶麻辣燙」嘅食評都提及過，美孚區打正旗號賣米線嘅就只有「景村雲南米線」及「重慶麻辣燙」兩家，亦預告埋遲啲會有多一家「譚仔三哥米線」，卒之晌4月中開業，形成三雄鼎立。始終「譚仔三哥」晌本地米線界都頗有名氣，所以，開檔初期有唔少街坊嚟幫襯，小弟一向甚少會急着試新店，只喺要食番餐先嚟會一會佢。環境而言，3間中，一家喺以譚仔三哥嘅環境最好，夠大夠寬敞，下面張相都只喺影咗入門口嘅一部份位置，右轉仲有好大地方，裡面有唔少圓枱可以坐到6-7人，地方整潔光猛。晌譚仔三哥度有咩食，相信好多人都知，所以無謂多講，上載張餐牌一目了然，乜都清楚晒。此外，晌度有3樣嘢喺店方推介嘅必食：尖椒皮蛋、麻辣湯底、湖南土匪雞翼，不過，是日提早少少同老婆嚟食米線當晚餐，幾樣都無試，只喺點咗一份過橋米線兩份食。過橋米線 $50貪佢一碗過有好多餸料，豬肉、牛肉、雞肉、腩肉、豬潤、火腿、炸醬、魚蛋、牛丸、墨丸、腐皮、豆卜、韭菜、酸菜、生菜、竹笙、芽菜，足足16款餸料之多。除清湯底，其他湯底如酸辣、麻辣、煳辣都要另加$1，若然揀三哥酸辣湯底則要另加$2（普通米線）、$3（過橋米線）。送到嚟真喺夠晒大碗，餸料中嘅炸醬及酸菜