譚仔三哥米線 (大窩口商場)

营业中

休息中

由讀書開始就食譚仔，以前以為譚仔三哥冇譚仔嗰種酸辣湯底，因為係譚仔三哥嗌酸辣湯佢總會問三哥酸辣？我又冇睇Menu，變咗永遠都答佢係。但係三個酸辣對我來講有啲太辣，所以我都係嗌清湯算，但係最近我睇咗個Menu發現佢有普通酸辣，開心死我了。

係FACEOOK見到三哥出左新野🌶全新小食「辛蒜燒茄子」，以18種香料秘製而成嘅紅油同香濃蒜泥，於店內即叫即燒，辛香蒜濃，絕對令你一試難忘既然係新出品就一定要試下啦點知之前去過幾間都話賣晒今日黎度一入去就問下仲有冇先點知呢間竟然仲有二話不說,即刻落左單先等左都幾耐下先有得食一黎到就已經聞到好大陣蒜味,勁多蒜但可能燒得比較濕,唔係想像中咁好食辣係有既,但唔係真係太辣可還可以接受

以前一直都有嚟幫襯的, 嘢食都OK, 就是就腳, 但服務態度真係如網上的臭名遠播。之前就已經就事件投訴過譚仔三哥, 客服話會跟進跟進然後一次都無跟過仲無埋影。由於該名黑框眼鏡阿姐仍然在店內工作並敵意瞪視, 就再向譚仔三哥反映, 可是所有投訴就意見接受一切照舊, 只是想知道該名阿姐不在店的休假時間, 好讓避開到店的用餐時間, 客服也不肯處理, 所謂上樑不正下樑歪, 新的一年我們也不會再光顧了。

已經超過一年冇食過譚仔， 依家有優惠，叫兩個餸就送一個餸，感覺好似好抵 咁， 所以就入咗嚟幫襯 。兩個人坐低，叫兩杯嘢飲，兩碗米線，加一個大土匪雞翼同大蒜泥白肉 ，咁就已經$156。米線就真係非常一般， 啲餸嘅用料麻麻，D丸味道好一般，牛肉較韌，反而土匪雞翼就保持水準，而蒜泥白肉都好味，不過啲白肉就較為肥咗D。

今日去左好耐無食既三哥食野,有好多人都話唔識分譚仔同三哥既味有咩唔同,果d多數都係鍾意食辣既人,有同朋友嗌過邊間好食d,而我自己就鍾意食三哥既酸辣多d!識食一定食三哥酸辣！平時我都係叫炸醬貢丸,今日見到佢有張開廣告,話叫兩個餸可以送多一個,我同朋友都覺得好吸引,咁平時唔叫野飲既我地都因為咁叫多左杯野飲,就有得要多個墨丸,朋友話有野送,野飲就唔怕叫,佢叫多左杯野飲,我地一人就多左2粒墨魚丸喇,三餸酸辣,都咪話唔爽,下次叫多個fd一齊食,滿100蚊就送小食

有時夜晚想平平地, 就一定會簡譚仔, 貪在又平又大碗, 是是旦旦一餐以前我好鐘意食雞肉架, 不過食食下後期好多次都中伏, 好大陣雪味, 雞肉又好大舊到依家我多數叫墨丸就算, 淨叫單餸有五粒, 我次次都食唔哂, 今日都唔例外叫左墨魚, 但今日大中伏, 粒墨魚好硬, 咬落唔彈牙, 口感怪怪地, 陣味同以前都唔同老公叫左雞肉牛丸五小辣, 佢話d雞肉都係一陣雪味, 食唔落咁話加左杯檸茶額外加$8, 叫左少甜都係好甜埋單$77, 晚餐算平架啦,不過味道愈唻愈退步, 好又一餐唔好又一餐啦

依間三哥越黎越唔好食！岩岩晚上食左個腩肉生菜牛丸！要麻辣湯底！個麵無味既！連個湯底都可以無味既！我食左咁多間三哥譚仔！依間真係最失敗最唔好食！我以後都唔會再去食！

今天又同老公去飯堂食午餐，平時我最愛依麻辣湯底(中辣),今日病未好老公下令戒口，無辣不歡的我為唔會食清湯，但又不愛酸湯，唯有跟老公一樣要糊辣湯底，都係例牌每人2餸米線加野飲，嚟到當然第一時間飲啖湯底啦！OH NO點解個糊辣湯同初初出嘅時候差咁遠?以前嘅糊椒味去咗邊?辣味去咗邊?完全錯晒，好失望囉～竟然碗米線成唔晒，係我食慣咗麻辣吖定因為未病好胃口差咗吖?還是個湯味令我食慾大減，我覺得成碗野啲味好唔掂!下次都係食番我最愛嘅麻辣中辣算喇!

今日中午唔想煮飯，所以落左樓下買譚仔😶我個人好鍾意食三哥，平時同男朋友去街都會食套餐😋呢間三哥都算係我食堂😂平時諗唔到食咩都會買外賣返屋企食。例牌食麻辣中辣既米線，加多個細土匪雞翼。湯底本身已經有芽菜、韮菜同腐竹，所以唔洗叫菜都夠纖維。平時會叫炸醬，貪佢外賣份量多。今日想食墨丸，原來淨墨丸餸有6粒，好抵食啊🤓墨丸好大粒，但又唔會成舊粉咁，有魚鮮味得黎重有一粒粒墨丸係入面埋加口感。湯底夠麻夠辣，返到屋企都要打開攤陣先食到，太熱食會顯得更辣，食唔落。食完之後個嘴脣重會feel到麻麻地🙄要過一陣先好返，鍾意食辣既人實會覺得爽！不過土匪雞翼就大失水準😩3隻都唔熟，有1隻更加出哂血（見圖）雖然雞翼好滑，但係如果因為唔想鞋而煮唔熟，我寧願佢唔好咁滑😪話哂唔熟既雞好易有禽流感。味道方面，土匪雞翼好重香料味，同深圳街邊燒烤既味好似土匪雞翼有少少辣，麻味反而比較多，令人想追食總括而言，三哥平得黎又飽肚，係我地呢種毒毒既首選

譚仔三哥由第一間深水埗店，未叫三哥前已經幫襯到依家，轉眼10幾年，以前深水埗店在屋企樓下，一星期起碼食2，3次，搬到大窩口附近終於等到有分店開，初時都保持都水準，自從半年前開咗間新酒店係大窩口道之後，嗰啲乜乜團物物團及自由行出現之後，食品質素開始下降，以前嘅配菜腐皮明顯減少，還發現主料也偷工減料了，以前叫2款主菜跟現在少了一半，豬潤由以前2吋長半厘米厚到現在1吋幾mm厚，仲要碎濕濕得嗰5，6片，雖然加咗好多新款小食，但質素仍然係差咗，唔知喺咪個別店舖問題囉！我以前都一星期食一次，依家一個月一次，但水準就越見越差囉～

譚仔都食得多，今日自己食飯又係必然之選。墨丸，五小辣其實食得多，坐低唔使睇餐牌就可以落單，都係一個成就黎既。麻辣味夠麻，仲有我至愛既墨丸。原來一送有成五粒架！平時嗌三送得三粒咋。細土匪，不能取代既味道！

仲記得第一次食三哥，係住係大窩口既朋友帶我去。平時去譚仔我都食開炸醬既，個次去食發現大窩口間三哥又既炸醬係比其他鋪頭多，當堂愛上左佢，但最近去食依次就麻麻啦...今次去食，好似之前咁我要左個炸醬米線，三酸湯底，加左杯凍檸茶。炸醬米線既食法比較多種，聰明人會一羹炸醬加一淡湯底，再放啲麵，一齊放入口。涼涼地既炸醬，加上熱既湯；炸醬既綿滑口感，再配上爽口既米線，合併出黎既爆炸力唔野小。如果湯底係辣既，炸醬當中既花生醬更同辣合奏出和諧既旋律，辣既味道額外多左份鹹香！今次既炸醬同以往一樣，分量唔少。但當中既花生味變淡左，鹹香味冇之前咁突出，而且可能放得太耐，比之前食既更git, 有怪怪地既感覺。而且三酸湯底既味道冇之前咁明顯，酸度同辣度都減低左。令我對今次既米線有啲失望....而凍檸茶放面，唔知係唔係檸檬早切定，杯茶既苦澀味比之前強烈。就算我點篤檸檬，當中既酸甜都出唔到黎，所以我只係入到茶...總括咁講，我對依次三哥既表現有所保留。

放工冇約人。係時候食買下好耐冇食既三哥。始終食譚仔。我都係鍾意食三哥多d. 尤其係呢隻三酸既湯底。今次又係食我最愛既雞肉。雞肉很滑，而且份量很多，而三酸湯底其實可謂係麻辣加酸既合體，所以有好多酸菜吊味。食落麻麻地酸酸地。但呢隻既小辣係辣過麻辣既小辣。所大家叫果陣小心d. 但今次美中不足係個湯底比之前淡左同稀左。之前係濃d. 但依然唔差。

譚仔有許多分店，我也曾光顧。這間三哥就質素略為遜色。我已兩次光顧這間，第一次啲牛肉很難咬，實在未食過咁韌的。今天第二次光顧，牛肉無咁韌，但芽菜就。。。有很多很長的根連接著，平時好少見。不過，這間店空間感不錯，不會擠逼。午飯時間也不用等位。

由中學食譚仔食到現在，平均一星期都會食一碗，大大話500碗都應該走唔甩，好自然我的第一篇食評也奉上給譚仔啦。坊間對譚仔有好多傳言同睇法，但點都好，自己好食就得啦 ~點了最愛的雞肉麻辣少辣(米林D)米線。譚仔的雞肉瘦得嚟唔「孩」，配合埋個飲上癮的湯，真係次次都湯都飲埋 !另外叫左個細土匪同朋友 share，點形容土匪味呢? 其實我覺得有得似北京烤羊肉串的味，但係係雞翼版，如果未試過都值得一試，起碼唔會有俾土匪打劫的感覺 !金牌打手，譚仔食到唔捨得走 !