譚仔三哥米線 (大窩口商場)

营业中

休息中

在寒冷的天氣下，如果有一碗熱騰騰的米線真的會令人食慾大增。說起米線，坊間都有很多米線專門店，不過論受歡迎的程度，一定非譚仔雲南米線莫屬，每次經過那個門口，總是有一班食客在輪侯。土匪雞翼單點雖然很貴，不過還是點了。因為這裡的雞翼也是做得香脆惹味，咬下去肉質嫩滑，有那種糊而不辣的的味蕾層次，不過重點還是襯熱吃。來到譚仔吃米線，我就差不多每次都會選雞肉墨丸。湯底我會選清湯，配菜有蔥、腐皮、芽菜、豆卜等等。米線順口，墨丸有四粒，咬下去爽滑彈牙，不錯的。再來就是三小辣腩肉米線，湯底呈深奶黃色，喝一口已經可以立即感受得到那種辣度，我果然不是嗜辣之人。一碗米線加上土匪雞翼已經有飽腹感了，下次我想試其他小食，蒜泥白肉好像也是不錯的。

途經大窩口無意地發現好大間米線，平時去吃米線都坐得好辛苦，背貼背，但尼度無這種情況發生，枱與枱相隔好闊，我下午三點幾去，店內都幾冷清，店員好悠閑在店內吹水喧嘩傾電話，我要了豬潤米線，豬潤已老，又硬又苦，唔掂，米線已林了，唔曉彈lu，估唔到個餐牌咁貴，值200元，以後去時都係眼看手勿動…

來過呢間鋪頭好多次, 次次都係失望而回 , 食物質素都比其他譚仔三哥為差!因為家在附近, 又諗唔到食咩, 一於再去試下可能係下午三點的關係, 無咩人, 侍應一叫就有反應 (唔似之前叫極都唔理你), 又好禮貌又好笑容, 一d都唔似譚仔三哥員工 (其他店都係)的一貫作風! 地方都好清潔, 讚!腩肉牛丸米線 - 我叫左小辣, 米線好爽又彈牙, 牛丸就無咩特別, 腩肉夠味, 咸味適中, 湯又好夠味, 小辣已經夠晒辣希望呢度可以keep住水準!

點解呢間米線真係咁唔得呢!唉,唔知點解呢間譚仔同其他個D唔同,明明都係米線....叫左碗酸辣米線,食個時覺得同平日D味有D唔同...碗湯同出面D譚仔唔同,好酸,而且D米線個口感好差,十分軟...仲有D服務好差,叫極都無人應你,搞到要大聲叫先得....其實想食米線同區有好多選擇,無謂苦了自己....下次咪搞!!!

荃灣本身出名多米線鋪,住左咁多年食慣好多唔同好米線所以一直都唔太中意譚仔,因為覺得佢d送真係好流,無哂其他鋪既考功夫送,仲求其過車仔麵不過有樣野幾欣賞就係佢地湯底無乜油,呢樣就幾岩香港人口味,同埋個湯唔錯見到3哥係大窩口開鋪都諗住去食下試下點知本身已經唔係大希望,都照樣食到好失望唔知係咪新鋪關係,d野煮出黎同平時其他譚仔唔同味我食腩肉,炸醤 , 酸辣湯個湯酸到好離普 , 完全係酸到過哂龍米線有d過林 , 入口直頭好似已經有d化化地炸醤味道都唔同左 , 唯獨腩肉係最正常成碗野真係ok難食 仲有d店員個個無黎精神,好hea,叫都唔太理你我明白新鋪係要d時間汁汁佢,不過咁樣落去真係倒譚仔招牌仲記得上2星期岩岩開排哂大隊,琴晚7點幾去已經得返半間吉鋪

我同男友不嬲好鐘意食三哥米線...差唔多一星期食一次~!最近婆婆屋企附近開左間新既,,,未期待番婆婆到個陣,,可以試下啦...終於有機會試,,,又唔難等位喎...因為黃大仙中心等位等好耐!!叫完野食...唔駛10分鐘已經上晒枱...一食...我同男友都話....."好難食"湯底勁鹹...雞翼係預先整定既...完全整衰晒三哥個招牌呀!!!食左三分一都走人啦~!!咁多間三哥之中...難食之冠都應該係你啦~!!

等左咁耐...譚仔終於黎到大窩口邨...本來都好期待, 勁想試但試完覺得勁難食.. 食評話佢冇味, 唔辣.. 我都覺得點可能呀但試完真係冇講錯.. 米線軟綿綿, 湯底冇味, 腐竹軟既我係第一個叫外賣, 都已經係咁..間鋪得一個客, 外賣都要等十分鐘初頭, 樓面連收據(羅外賣個張)都無比我想點呀!!未食過譚仔(不論係唔係三哥)咁難食仲想問呢間係咪真係譚仔黎架..

本來去開路德圍的“非三哥”譚仔，知道“三哥”在荃灣開新分店就去試試。味道很失望！員工的服務態度令人更加失望！坐我對面的女士舉了很多次手都沒人回應，員工們情願行來行去，什麼都不做，十問九不應！面容就如客人是他們的殺父仇人一樣！令人很反感！我對面的女士吃了十分一就氣得走了！三哥啊三哥，請改善你們員工的“服務態度”。我不會再貼錢買難受！

話說 我第一次接觸譚仔 系起旺角果間(三哥)亦都系我第一次接觸酸辣粉當時 我真系心心愛上譚仔入面嘅米線同酸辣粉之後我就不停去尋找更好食嘅譚仔直至葵芳中銀果邊開左間 @v@我依加一星期放學都會食一兩次我更加想起我家(大窩口)開一間誰不知 真的開一間 我心想 (太好了)等了又等 等了好奈先開開了^___^ 我就很快去食我叫了胡辣湯 我第一次食胡辣湯起尖咀果間食我心想會否同味道我叫了小辣(這時我很想快點可以食)那個員工 是無耳朶的嗎?我還叫了我最愛的皮蛋她無寫! 生氣死我!到了!當我飲第一淡湯時心裹說了個粗口!根本不是三哥的味道我還發現有酸辣湯的料在入面不是很想再食下去不過還是要食食完了 我一定不會再食!

今午路過諗住openrice食評未必全部屬實，新開點都親身試試再講。點知聞名一如見面！收銀嘅不停講多謝唔該，未至於差成咁，不過米線就真係九流！我俾咗兩蚊外賣加分開上，誰知打開就見到個米線「腍吱吱」，水凖奇差！我叫中辣都唔夠味，係就係辣，不過硬係淡d！而佢d餸就真係少過平時！老實講，唔理係唔係三哥，我都食過唔少次，三哥呢間貴過人，而家仲咁難食，有冇攪錯！簡直呃錢$$$$$$！此外，對筷子打開後有d黑色嘅漬，即刻掉都掉唔切。（很可惜！網站不支緩手機上載相片）

非常難食!!!!失望到極!!! 今日中午經過商場見譚仔已經開咗,門口有一群人在等位,雖然我已經很肚餓,但我都想入去試下,終於等到差不多二十分鐘,才可入座,感覺已經不好,因為那些服務員態度很cool,设有笑容,而且落單時錯漏百出,時問又耐,講真,我食過後,我十分後悔,因為D米線太淋,湯底味道一般,腩肉、墨丸味道又＋分普通,我食了一半已經不想再吃,而且價錢又貴,我想我不會再光顧它,寧願到別處吃。

期待左咁耐..竟然係以失望都唔能夠形容....入到去..地方多..台少,,唔夠位坐..人人搭台..雖然好多間都係咁..但台真係少得過份..先叫左2個麻辣套餐+1個皮蛋..之後叫個樓面姐姐(長髮賓邊)..叫一次..佢睇到唔行埋黎..第二次..望住我之後擰歪面..之後我話..見到都唔應人既..佢先行埋黎..都著著地..問佢有冇醋..一句冇醋喎走開左..有同冇唔緊要..問題係佢地態度..之後仲要3個姐姐企係我地後面其中一個話..我都叫衰嫁啦..仲有人衰過佢..真係超嬲..好唔好食不在話下啦..真係食到一肚氣囉..之後我朋友叫佢收野..佢苗一苗我地囉..真係好過份,,何必要黎貼錢買難受?!本身都係譚仔支持者..見住得咁近有間本應以為好方便..食.以後請都唔會再堂食囉!!!一間有名既招牌餐廳多人食難度就唔洗管教好d員工既服務態度嗎?!

一直以黎我都好喜歡幫襯譚仔,不過就多數係葵芳個間譚仔,唔係(三哥)點知今次係第一次黎呢間食已經發覺~難食,啲好稔既米線，個湯好似冇味,唉....個感覺真係好難受。仲差過人地D魚蛋粉,,啲餸既份量就比較少，無咁抵食,樓面服務差,態度差,安排又差,成個set~我只可以欣賞杯凍ot~ 好飲~唉....真係好失望碗粉竟然煮成咁~唔該廚房既人反省下~

終於見到佢哋開業, 好開心走入去, 點知個伙計完全唔掂, 我點糊辣湯底, 佢來個麻辣, 我老公點酸辣, 佢又來個麻辣, 我們和她爭論, 她竟說糊辣湯底不辣的, 一論廢話就行開了, 之後另一個伙計就說不好意思, 但叫返我們下次要看清楚單子才好食, 食了就冇辦法, 真是離譜!!! 咪諗住自己好食就不理員工態度, 我們幫襯你幾十元不是要你們熱情招待, 最基本服務都應該有, 起碼你們伙計要清楚店內餐牌食品, 唯一替你們想到的就是你們新開業, 希望一個星期後你們有所改善!!!