譚仔雲南米線 (新翠商場)

营业中

休息中

譚仔雲南米線大圍翠田街2號新翠商場地下17號舖回頭指數：⭐️⭐️⭐️⭐️推薦：番茄麻辣湯1. 味道：❤️❤️❤️🤍🤍2. 價錢：❤️❤️❤️❤️❤️3. 打卡：❤️🤍🤍🤍🤍4. 等候：❤️❤️❤️❤️❤️5. 位置：❤️❤️❤️❤️❤️食物：番茄麻辣四小辣｜竹笙｜雞肉｜生菜評價：◇不趕時間的話可以通過外賣平台或電話下單，外賣自取一般要等30分鐘，需自行安排時間◇這個價位對湯底不能有太高要求，清湯過於寡淡♡外賣平台限時優惠，價格不錯♡可以自行選擇喜歡的湯底和配料，配料選擇豐富

讚讚的外賣自取流程，省時便利👍🏻Search google map🗺️查詢譚仔餐廳電話📞，多數都有譚仔姊姊/哥哥接聽，於電話點餐後，譚仔姊姊/哥哥便會告知你外賣自取號碼和需付款項，15分鐘後抵達餐廳🍴，基本上都已經準備妥當。不記得外賣自取號碼也沒關係，和店員說出所點的菜，他們會很耐心很快幫你查到相應餐點，付完款💸，（付款方式也很全面，基本常用的方式都接受）便能取餐，很是方便。食物嘛～連鎖餐廳，餐點味道都差不多。

放工有d 肚餓，見餐廳唔多人，就入黎食個下午茶。雖然係下午茶，但碗米線比想像中大碗。今次叫咗雞肉、冬菇、清湯米線，仲包一杯野飲，價錢係$39。平時呢個價只可以食到一碗兩餸米線，但無野飲嘅。

第一次食譚仔食到燥！酸辣湯底(溝水)淡到極點！！要酸冇酸味！！要辣冇辣味！！清湯仲誇張呀！都系（溝水）完全得水味！！冇湯就早啲截單啦！求其敷衍客人好過分！！！！

淨係掛攪外賣，叫好多次都冇人應，去左幾次都慣左，但叫佢比張code紙點餐又話部機壞左，落完單先個code我掃乜優惠都用唔到。。。都算啦，叫左罐可樂食晒碗麵都未到，火滾到我埋單取消罐可樂走人。以後唔會再光顧囉 。。。

星期日，諗唔到食乜。落街周圍望下，就決定食米線。無咁熱氣+食清少少！今次叫 火腿芽菜炸醬米線，無叫飲品(感覺唔抵)。價錢$46，我覺得偏貴唔值。不過唔係成日出街消費，一次半次還可以接受的。味道就無乜特別好吃或特別難食。份量都夠一個正常男人的食量，對女人來說，又真係可能偏多咗少少嘅。配菜，腐皮 及 蔥。炸醬分開上，咁樣做又唔差喎。唔駛成碗湯只有炸醬味，清湯就清湯！咁樣做，可以令到食客享受到兩款味道都可品嘗，唔錯。

本人於2023年1月12日早上11時多前往該門店吃米線，因工作關於放飯時間只有一小時，所以一入門口已經告知職員可以幫忙下單，但因店員錯配送餐次序及掛住聊天，令我不夠時間用膳，最後只能夠吃幾啖就走，感到非常氣憤😡😡😡落單時間：11:23上餐時間：11:38不能理解為何其他比我更遲下單的都已經上餐

每期出新品我都會試下，今期係 雞肉鮮淮山黑蒜清雞湯米線撞正學生哥放lunch，店員做到踢曬腳，我選擇咗外賣自取避開人潮，但發現原來避唔開12：52落單比錢，13：25先取餐，當我見到好多人用app攞外賣，就明點解啦叫咗 雞肉鮮淮山黑蒜清雞湯米線 $43一打開好多料，覺得排半個鐘都抵啦，而且個皮蛋加$6都好抵玩首先試雞肉，有些少雪藏味，淮山正常發揮，都算ok勝在養生，黑蒜湯底係幾香，但整體唔算好夾，又未至於難食，始終連鎖經營有一定穩定度皮蛋每次必食，保持到水準

中午食左依間譚仔，叫左過橋米線，湖南酸辣湯底，過橋米線餸同米線好夠，湯底夠味，唔會太辣，岩哂我依種想食酸湯米線既人。另外仲有蒜泥白肉，雖然我叫左細份，但係上面舊蒜泥都好俾足料，白肉夠厚，肥肥肉分明，香口。好食

話說今日放工見有少少肚餓所以就去咗屋企樓下嘅譚仔食野，我叫咗竹笙豬膶米線，中辣，小米線😂凍奶茶走甜一共50蚊今日睇落去嘅色水好似都幾濃😂有陣時我都觸摸唔到應該叫中辣定點😂今日嘅中辣非常之辣😂不過都好濃味，啱晒我啲重口味😁竹笙唔使講啦滲哂啲汁👍🏻好正豬潤來講我覺得譚仔做得唔錯，又唔會太硬又唔會太腥，叫豬潤最重要除咗食豬潤之外係因為令個湯底都勁好味😋凍奶茶其實譚仔都做得好出色😆因為佢就係令到我咁大個女又唔飲奶茶☕️變到飲奶茶可能佢啲奶茶唔係好難入口啦😅不過比起出邊好正嗰啲奶茶都真係冇得比嘅😋

本人係一名芫荽控，大大小小嘅飯同粉面角色各類嘅餐一有芫荽口味我一定會叫🤩 今次譚仔出咗芫荽皮蛋魚湯，即刻衝去試吓先今次仲加咗$3芫荽山，一打開個盒感覺佢嘅芫荽份量都滿意！細嗰個碗就係我另加嘅芫荽山正呀！湯底感覺都清甜有魚味，飲完唔太口渴 ，已皮蛋都唔少㗎有五至六粒而魚就切得比較薄，份量較少 ，亦無咩魚味，不過呢個價錢收貨另外我又加咗$5 要咗杯芫荽加雪碧特飲！其實嗌個時個心都十五十六，不過姐姐話好多人都事完話好味，咁我都唔執輸杯入邊都係充滿芫荽哈哈其實撈埋一齊都幾夾喎 ！喺雪碧入邊嘅芫荽味唔算大，反而夾埋一齊飲好清爽添！

黎到見到門口好多人等外賣不過見堂食只係等兩張檯(2人)所以都照等諗住好快就有位真係好快有位呀只係等左十分鍾到跟住好快落左單叫左個米線套餐再加小食SHARE我地等個米線足足等左25分鍾明明以前黎食過N次都唔會咁唔知今晚出左咩事D小食就一早黎左終於等到米線黎到~米線套餐唔知係咪心理作用總係覺得以前既份量多DD而家兩個人係覺得唔夠喉(以前係無呢個感覺)我地叫左五小辣無平時食既辣度整體味道係OK既~細蒜泥白肉可能太耐無食覺得好好味D蒜泥係超糼細肉又係切得超薄將D肉捲埋蒜泥食係PERFECT~涼拌青瓜呢個就正常呀個汁係惹味既

平時成日話要寫食評，影埋好多相喺度，最後次次都懶冇寫，不過今次竟然為咗譚仔寫第一篇食評話說上星期落街食譚仔，鄉音阿姐係基本，但令到我的起心肝去寫嘅係阿姐嘅服務入嚟嗰陣阿姐冇同我探熱就安排咗我坐低，初時仲心諗咁樓嘅，屋村譚仔做樣都慳返，點知落完單冇耐，負責門口個阿姐帶埋個探熱器過嚟搵我，話「啱啱個探熱器壞咗換咗一個，依家同你再探返」好老實如果我有病到入咗嚟啦，不過佢都好盡責又搵返我跟住又有另一個阿姐拎住一盆消毒紙巾、口罩袋過嚟問我需唔需要，注意係非常有禮貌。之後上菜嗰啲都比平時嘅譚仔有禮貌。就係咁激起左我要幫佢寫一篇食評嘅心係一次非常滿意嘅譚仔體驗仲有另一個加分位，就係凍檸茶真係有少甜同小冰！！

下午5點幾去買外賣，三四個人等緊外賣！大概10分鐘就拎得啦！宜家做緊外賣自取$2優惠，勁抵！我加個皮蛋先$2蚊過橋米線清湯，好多料好好味！細食既話，份量夠2個人食米線都幾多！米線會同湯分開盒，所以唔怕浸到淋曬皮蛋好好味，d辣汁勁香，倒落米線度超好食

經過上一次米線中伏後，心裡不滿足，還是想食米線。今天實施食店限客令，外賣也是不錯的決定。到了大圍的譚仔，最近推出的優惠，加兩元，基本上都是成本價，的確是共渡時間。選了過橋，重慶酸辣中辣，加9元配上金裝過橋，有蝦，福袋和蟹盒，再加2元小食皮蛋，賣單69元。買回家後先休息一下，半小時後才食。皮蛋，普通貨色，但紅油底料有層次，有麻有辣，有回味，的確開胃。米線另上，所以即使半小時後也不發漲。軟硬稍過火，但可接受。酸菜，蟹盒，肉醬分上。酸菜正常，口感爽。肉醬是肉糜之類，調味酸甜，以口味來說就香港人口味。成碗滿滿的，足料不是行貨。湯底有放料煲過，酸辣有層次有先後，唯獨調味偏甜，也是香港人口味。雞絲無味又碎。芽菜過熟失口感。蟹盒。當然是來貨貨式，內裡釀的是魚肉，生粉之類，有味道，其實可以。福袋，腐皮釀豬肉，多半也是工場貨，但豬肉彈牙，調味適中。腩片，牛肉稍粗鞋過火。豬肝太薄，煮得又老又鞋。竹笙大條，但過火。火腿自然是一般。牛丸，墨丸也是正常貨色，不差。整體而言，沒有比較沒有傷害，前者太差，現在食譚仔，其實整體不錯。雖然現今的米線更似車仔麵，十多樣餸也不可能全部都好，中間有幾樣不錯也收貨了。重點湯底是