譚仔雲南米線 (新都城中心三期)

营业中

休息中

對於譚仔，本人多數係食開四個字名個間。好耐之前男友帶我來食過一次尼間，感覺同另一間味道唔同，所以無再幫襯。不過有時諗唔到食咩嘅時候，譚仔都係個解決辦法，所以決定俾多次機會佢🤔今次兩人一如以往都係叫套餐，湯底就揀咗重慶酸辣，2小辣（最低只有2小辣可揀）。雖然我哋平時鐘意食辣，但食譚仔叫2小辣係第一次🙈 還好實際味道並無想像中辣，反而幾好味。下次會想去試下另一隻湖南湯底。另外小食叫咗口水雞翼＆蒜泥白肉。蒜泥白肉做法好似同另一間唔同，味道都差不多。不過口水雞翼，本人比較喜歡另一間的味道🤷🏻‍♀️

拿拿拿 呢個大辣黎架😝😝😝我食完都唔使飲水 下次試特辣😎大家最勁食過咩辣😏------------------------------另外叫左#蒜泥白肉 同皮蛋😍落埋皮蛋啲辣油落麵到勁好食😚

好耐冇食譚仔，掛住佢嘅皮蛋丫，去到發現原來加左新湯底，喜歡蕃茄嘅我緊係試，話係少少酸同辣度選擇，咁吸引，最後嗌左十小辣蕃茄湯。原本都覺得點解要加2蚊，其他湯底都係1蚊，但上碟就知原因同覺得俾多1蚊好抵，因為蕃茄湯底仲加左好多蕃茄，好似多樣送咁，好正。酸就吾覺得酸嘅，辣就我選十小辣就少少辣都好甲蕃茄味，我吾想食太辣因為生緊暗瘡，不過覺得再多辣d應該仲正。皮蛋一樣咁好食，廿蚊多就有一碟，個辣好香口惹味。我覺得如果成日食就有點厭，但格一段時間食就好好食。

每次經過好多人輪候，都嚇怕唔敢去食，今次晚飯尚早就揀選了這間用膳。因為5人同行，室內大枱十分稀有，要等到40分鐘才有枱，坐下來即開始點菜（註餐牌好少選擇）：1. 重慶口水雞翼2. 蒜泥白肉3. 麻辣豬耳4. 四川青椒皮蛋5. 新疆香草雞翼麵食🍜就各有各點，四碗酸辣湯底🍜，一碗清湯底🍜，選了餸菜包括：（魚片頭、韮菜、墨丸、牛肉、牛丸、酸菜、炸醬），此外餸菜方面竟然冇餃子、魚皮餃、肥牛、豬頸肉、煙鴨胸、煙肉、豬軟骨…，相當失望！米線尚可接受，但小食方面就大失所望！“重慶口水雞翼”+“麻辣豬耳”+“四川青椒皮蛋”+“蒜泥白肉”估都估唔到味道竟是一樣，而且好油膩好油淋淋下，份量亦少；另外“新疆香草雞翼”完全唔掂><，雞翼面上放了似粉狀卻又無味既沙疆，香草完全冇，雞翼亦唔入味，好失望既一餐！服務方面有漏單情況，“新疆香草雞翼”要吹兩次先有（等了1小時）

一碗淨米線$17，一碗米線+ㄧ餸$31，好唔合理，但好多人幫襯。兩個可能，個碗米線有金沙，或者幫襯的食客好有米(不如去中環置地廣場食碗$500未計加一的雲吞麵)，還有個個waiter 好似死老豆黑起塊臉

最鍾意食譚仔米線，不論係三哥或非三哥都喜歡！不過分店質素參差，唔係間間都好食！今次去左寶琳新都城嘅譚仔！一個人的午餐，叫左個酸菜雞肉牛丸米線，麻辣小辣少米線！等左幾分鐘就上枱，份量好多，味道不俗，最重要係個湯底唔太油（有某d分店好鬼油！），不錯不錯！唔怪得平日兩點幾都全店坐滿！以後過開黎寶琳都可以再去

Came here with a friend.I only ate chicken wings because I don't like the texture of Yunnan noodles or Udon.The chicken wings were a bit too soft and salty, lacking crispy skin.My friend loved the Yunnan noodles and there was quite a lot in the bowl.

琴晚行街行到去popcorn 過埋去將軍澳廣場點知發現係個角位開左間譚仔 於是決定入去試下質素如何(間間都可以唔同) 於是我就點左雞肉重酸二小米爽 同埋皮蛋呢間既重酸 我覺得保持到水準 夠酸味 唔會畀辣味搶左一聞就好開胃 但係皮蛋就麻麻啦 d蛋白唔夠實淨 個汁又太濃 無其他咁好食但總括黎講都維持到水準既!

譚仔可算是大行其道，連鎖的米線專門店吧~自新都城開張後，這裡就成為我的飯堂。雖然店員姐姐都是太太級，本來禮貌方面都不多要求。速食的麵店唯有將重點集中於美食上。食物方面: 必食墨魚丸 - 彈牙又爽，不會加入肥肉絞拌，食上口不油膩加上清湯煙齦米線及少許配菜，入口已有種健康感覺。PS: 其實腐皮也是必食，但今次想更清淡，所以選擇了生菜。

最天又和家人到將軍澳探親，午餐聽人介紹到譚仔食米線。我叫了片頭米，要重慶酸辣湯，家人都要清湯。我碗麵一到，見到上面D辣油(2小辣),都驚死辣得濟、食唔到！好彩待應話：唔係好辣嫁咋！見到個湯咁吸引，梗係即刻飲啖：又真係唔辣喎！真係夠唒酸，而辣又辣得夠、不會搶喉，惹味！家人嘅清湯都唔錯，幾鮮，飲到好似上癮咁，停唔到啊！！最後唔夠喉，重叫左土匪雞翼，一樣好。但點解得"OK"呢？因為真係幾多味精下⋯我地成班人食果陣而不停叫佢加水,食完仲去食雪糕、買唒嘢飲，都仲係好口渴！我地一點食，到五點幾番屋企都仲係好口渴！另一方面，店內的服務態度不太好，有果啊姐仲對我地好冇禮貌，我地落完一個後未講嘢飲就落另一個，佢就反唒白眼話：唉你頭先飲咩阿！！？對客人有禮係基本要求瓜？

這天，我來到了譚仔，點了一碗3小辣的酸菜腩肉米線。先說酸菜，自小覺得酸菜不什好吃，酸甜參差，每一塊的味道相差很大，但吃譚仔的酸菜，頓體會到好的食材，整塊的味道不會相差太遠，甜酸的程度是一致的。腩肉方面，其肥瘦適中，每塊都肥中有瘦，另外入味豬皮更是好吃。米線和湯恰如其分，令人滿意。衛生，環境都令人滿意。

將軍澳譚仔通常都唔洗等位, 就算係等, 都好快有位。 伙計做野好有效率, 讚! 店內大枱同細枱既分佈適中, 唔會話張張都係圓枱, 要同兩三堆客人堆埋一齊, 就算要夾枱, 都係夾得舒服既。 今次叫左乍醬清湯。 清湯既湯底我覺得喊左d, 再加埋乍醬一齊食, 就顯得味道太重喇。 平時我會飲少少湯底, 連飲品都慳返。 但最後, 我都係加左杯凍檸茶黎飲, 沖一沖番個口。

度度都有譚仔，依加連屋企附近嘅新都城都有間，次次行過都大排長龍嘅，不過尋晚9點先去到，晚飯時份過左，終於少啲人，排咗五六張枱就等到，yeah!平時兩個人食，我最鍾意叫兩碗米線加個小食，今次食皮蛋！唔好以為真係間間一樣味，其實點standard都會因為廚師手勢而有所不同，依碟皮蛋賣相整齊，個辣醬特別濃，我將個醬伴麵食，好惹味！米線呢，我叫咗乍醬 酸菜 五小辣 少米線。乍醬：暖暖地嘅？以前喺牛頭角食果間係凍食㗎喎！點食先正宗？有無人知 酸菜：口感幾爽，甜甜酸酸，配個辣湯，好好味呀！朋友叫左冬菇 雞肉 清湯 少米線。冬菇：有四粒冬菇，好似抵過叫雞肉雞肉：同平時一樣，碎碎的，如果大舊啲我會鍾意啲囉！

下午時份，我去了探望一位好朋友，可是朋友稍後又要上班，可見她的工作真是幾繁忙，在她上班前，我們去了間「譚仔雲南米線」食碗米線。在新都城三期的「譚仔」，都不少客人正在門外，有些客人正等待外賣，另一部客人正在等候入座。不久大約等了十分鐘已經可以安排入座。 地方光猛也算闊落，米線配料一共有十七款，例如有魚腐、雞肉、炸醬、腩肉、鮮冬菇、墨丸......一款配料加個米線是$27，另加配料大約五至六元。湯底一共有三款選擇，分別是清湯、麻辣、酸辣。我個人點了兩款配料加個米線，配料我就選擇了鮮冬菇及腩肉而配清湯，再加了兩款小食。等了不久，米線也已經上枱，米線都是大大碗份量足，米線內有少量芽菜、腐皮及韮菜，米線的湯水又足，湯身帶乳白色澤，湯水都幾清甜晤會太鹹，入口的米線順滑，也富彈性，掛了湯來吃更是非常滋味可口。腩肉呈半透明肥瘦相間，瘦肉中的口感食落軟潤中又帶有肉質的鬆化，肥肉部份食落也是爽口又晤油膩。另外冬菇吸飽了湯水，充滿湯水的鮮味，富咬嚼勁。 麻辣豬耳切成一片片薄片，幸好的麻辣醬沒有想像中太麻辣，感覺不算好香麻而令我舌頭有強勁的麻痺，惹味得來又不會很辣，咬下的豬耳都好爽口。湖南土匪雞翼雞翼即

今日玩到攰攰地，阿媽話想食米線，於是就帶佢去新都城的"譚仔"食米線，呢間"譚仔"比其他分店的裝潢華麗，座位舒適。因為係平日，所以唔駛等位，好快就入到去，我同媽咪各自叫咗兩餸的米線媽咪揀咗  魚腐+腐竹 米線(酸辣湯) 及凍檸水，我就揀咗 牛丸+冬姑米線 (麻辣湯*10小辣*)及熱檸水，另加一碟小食  土匪雞翼﹗等咗一陣就來齊兩碗米線加飲品，好快土匪雞翼都來埋，店內其實有好多客人，但上菜速度仍然快 ，可見效率高。我估上菜快，客仔會快d食完，咁又可以做多好多生意，唔怪得越來越多分店﹗先講講味道，我個碗雖然係 *10小辣，但都夠辣喎﹗牛丸夠彈牙，有牛肉香味，而且好有口感﹗冬姑亦入晒味，所以咬落去，夠哂淋身，好好味﹗阿媽個碗魚腐也口感不錯，魚肉好鮮嫩，酸辣味適中﹗令人開胃﹗"譚仔"出哂名用料新鮮，有質素，每間分店都能保持到水準，應該是中央處理食物的，管理得真好。最值得讚係 土匪雞翼，外面脆身好香口，入邊肉質好滑夠多汁，食到籽然粉和花椒粉的香味。非常可口﹗ 另外，我要讚一讚筷子座的設計 ，筷子座隔離連住個圓形小兜，方便客人將雞骨或唔想食的餸渣放在這小兜中，可保持枱面乾淨衛生，是一個不錯的設