譚仔雲南米線 (港威商場)

营业中

休息中

同老公出黎行街買野，行到攰攰地，又凍冰冰，想食返碗熱辣辣既米線暖下胃，原來海港城有間新開既譚仔！😋好耐都冇食佢地既米線啦！最近仲新出左2款新口味米線：泡椒酸菜魚湯米線配脆肉鯇同香茜皮蛋魚湯米線配脆肉鯇！當然要一人叫一碗試下啦！除此，我地仲叫左2個小食：川風香辣黑柏葉同巴蜀爽脆生腸，同埋2杯飲品：菠蘿冰同新推出既凍豆花黑糖薑母茶。泡椒酸菜魚湯米線配脆肉鯇：湯底由5小辣起跳，飲落酸酸辣辣好開胃，脆肉鯇食落好爽脆，另外仲加左滷水豬大腸，豬大腸食落有咬口，滷水味香，配埋米線一齊食👍🏻👍🏻香茜皮蛋魚湯米線配脆肉鯇：湯底帶點芫茜味，仲有魚湯既鮮甜，配埋爽脆既脆肉鯇同埋松花皮蛋，就好似打緊芫茜皮蛋湯既邊爐咁😆😆不過只係海港城店限定，其他店食唔到架！有興趣可以黎試下！ 川風香辣黑柏葉 同 巴蜀爽脆生腸：秘制辣汁香辣惹味，黑柏葉同生腸都好爽脆，作為冷盤好開胃呀！菠蘿冰 ：菠蘿冰酸酸甜甜又解辣，重菠蘿味，仲有好多菠蘿粒係入面。凍豆花黑糖薑母茶：薑母茶帶點微辣既薑味配埋滑溜溜既豆花，唔算好甜，又養生。

估唔到尖沙咀海港城竟然開譚仔, 以前係度返工食野都起碼要70至100左右, 返幾多個鐘都唔夠, 依家有譚仔真係好開心, 雖然我唔係度返工了, 哈哈呢度係港威既4樓, 上完電梯轉個彎就見到, 有少少隱蔽同埋附近好似加建落去咁, 呢間譚仔夠哂光亮, 香茜皮蛋魚湯米線配脆鯇魚邊個話茜無人食架!!! 連譚仔都推出芫茜皮蛋味, 湯底好清! 好似打緊邊爐咁聽講係海港城限定泡椒酸菜魚湯米線配脆鯇魚預設5小辣黑栢葉 識欣賞既人就識欣賞, 無漂過既牛栢葉, 謝問聲邊度搵?菠蘿冰解到辣!黑糖薑母凍豆花好似食緊甜品土匪雞翼 無得輸

新店設有主題特色牆，除咗印有「譚仔話」外，拼貼畫更係由多個譚仔姐姐嘜頭或米線配料組合而成🧑🏻廚房改以半開放式，餐牌亦有限定神秘口味菜式🤭💗泡椒酸菜魚湯米線配脆肉鯇 ($42)湯底加入泡椒、指天椒同青剁椒熬製成，辣度由5小辣開始，酸辣味豐富，麻香後勁十足🌶脆肉鯇食落爽彈冇腥味🐟再配埋爽脆嘅泡椒酸菜💗香茜皮蛋魚湯米線配脆肉鯇 ($42)湯底鹹鮮十足，加上大量新鮮芫茜，適合唔食得辣嘅朋友🌱松花皮蛋夠哂足料，Q彈嘅蛋皮配上甘香嘅蛋黃，簡直絕配🥚💗巴蜀爽脆生腸 ($33)生腸口感爽脆帶嚼勁，食落唔肥膩同冇「氨」味，醬汁微辣帶麻香，食落特別開胃🐖💗湖南土匪雞翼 ($26 /3隻)雞翼焗至外皮香脆，內𥚃肉質嫩滑飽滿，充滿肉汁，孜然粉同黑芝麻香非常惹味🐥💗凍豆花黑糖薑母茶($15)下層嘅黑糖薑母茶飲落香甜微辣，有少少薑粒，有驅寒功效，表面再舖滿滑嘟嘟嘅豆花🍹💗菠蘿冰 ($15)菠蘿冰清爽酸甜，仲有粒粒菠蘿增加口感，解辣度十足🍍

絕密消息 尖沙咀新開嘅譚仔雲南米線有神秘口味嘅湯底 仲大排長龍究竟係咩咁特別咁吸引呢 我去為大家睇下😎原來就係港威譚仔專有嘅香茜皮蛋魚湯米線最啱芫茜控去食架喇💚💚💚💚💚芫茜可以驅寒 而皮蛋清熱下火 最啱冬天食仲有得配脆肉鯇 成個湯底嘅口味就更加豐富👍🏻另外冬天又點少得食辣野呢🤪泡椒酸菜魚湯米線 都好正架🌶雖然最少要五小辣 但同平時食嘅酸辣差唔多微微嘅酸辣好開胃 脆肉鯇好爽口 好夾😋最後仲有兩杯新出解辣嘅特飲分別係經典菠蘿冰 同豆花黑糖薑母茶前者粒粒菠蘿 可以解渴 後者禦寒同時解辣🥰-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

*💭譚仔雲南米線最近在地鐵站看到不少譚仔廣告，原來譚仔又出了新口味的湯底及配料😍更意想不到的是譚仔最近也進駐了海港城。自中學開始吃譚仔，想不到當年只有兩間分店，卻在多年後已開到成行成市🥳海港城店我覺得可以算得上是旗艦店🤩，店有多幅特色牆，有一些香港的地標配上譚仔姐姐親切的半鹹淡廣東話字句😛另外更有一幅「譚仔姐姐牆」，仔細一看原來是用上了8000個譚仔姐姐的頭像砌成，設計者真的十分有心思🥰既可遠觀也可近看。這次的全線新品是泡椒酸菜魚湯米線配脆肉鯇🐟，另外還有只在海港城限定推出的香茜皮蛋魚湯米線配脆肉鯇🐟。香茜皮蛋魚湯米線配脆肉鯇🐟最近幾年不停看到芫茜的出沒，有芫茜拉麵、芫茜火鍋，而這次的湯底就是以芫茜做主打，再配上皮蛋。自古以來芫茜跟皮蛋總是一起出現😍芫茜皮蛋粥、芫茜皮蛋湯等等⋯想不到芫茜皮蛋和魚湯及米線是如此的配合，芫茜清香撲鼻，皮蛋味剛好，不會有苦澀味，脆肉鯇爽口彈牙沒有腥味😋店員在下單時提及到芫茜可以任加😍湯底亦可以轉酸辣或麻辣。不過既然有新湯底當然要嚐新了😋魚湯十分鮮甜，沒有魚腥及油膩感☺️泡椒酸菜魚湯米線配脆肉鯇🐟泡椒酸菜魚湯底，加入了泡椒、指天椒及青剁椒熬製，再配上酸菜。店員介

譚仔雲南米線登陸海港城店🎉！除咗有最新嘅「泡椒酸菜魚湯米線配脆肉鯇」，仲有海港城店限定「香茜皮蛋魚湯米線配脆肉鯇」。🐟香茜皮蛋魚湯米線配脆肉鯇 $42芫茜份量好多，芫茜控都食得滿足。脆肉鯇啖啖肉而且無碎骨，口感夠晒爽脆彈牙。🌶巴蜀爽脆生腸 $33口感爽脆可口。醬汁帶辣勁又夠麻香，食落特別開胃。🌶川風香辣黑柏葉 優惠價$28 原價$33新鮮嘅黑柏葉口感爽脆有嚼勁。而且呢款仲有我最愛嘅芫茜💚。🥛凍豆花黑糖薑母茶 加配優惠$11 原價$15黑糖薑母茶甜味溫和，薑味唔重。滑溜嘅豆腐花多多都唔夠食😛。🍍菠蘿冰 加配優惠$11 原價$15冰室常見特飲～冰涼清甜解辣一流。

🐟香茜皮蛋 🍜Grass Carp Soup with Cilantro and Thousand Year Old Egg好耐冇見譚仔姐姐👩🏻有少少掛住佢添~趁海港城開咗新分店，專登嚟試下新店限定神秘口味，究竟係咩？gogogo!🥬香茜皮蛋魚湯米線配脆肉鯇 $42香茜皮蛋一直係我最愛，清熱之餘香滑皮蛋更係滋味😋脆肉皖爽口鮮脆，食魚控好鍾意！

啱曬我呢個芫茜控😍😍😍譚仔🥣香茜皮蛋魚湯米線配脆肉鯇🥢😻😋芳香湯底配上鮮甜爽脆脆肉鯇魚片，加埋皮蛋絕對係超正美味組合！再配碟麻香辣汁小食巴蜀爽脆生腸😎😋又香又辣好惹味🤤🤤🤤🤗加埋杯絕對唔會失望既解辣🌟凍豆花黑糖薑母茶，味道唔太甜，薑汁好香但又唔會搶走啲蔗糖味，仲有滑嘟嘟豆花，呢杯係飲得過癮嘅好味道😎

譚仔雲南米線已經進駐海港城喇😍仲有出左新品添🌟今次係泡椒酸菜魚湯米線配脆肉鯇同香茜皮蛋魚湯米線配脆肉鯇！除咗堂食，外賣自取仲有期間限定優惠吖✨我食緊嘅呢個就係香茜皮蛋魚湯米線配脆肉鯇🌱湯底以芫茜做主打，再配合皮蛋熬湯，絕對係完美配搭😍離遠都清香撲鼻，個脆肉鯇食到索索聲！又爽又脆！真係諗起都想再食😋小食就梗係要食佢哋嘅招牌土匪雞翼啦😍 用左小茴香、黑芝麻等等醃料炮製，一放上枱已經聞到陣香味流晒口水😛非常惹味！飲品有再度回歸既菠蘿冰🍍同新推出既凍豆花黑糖薑母茶！我就梗係飲吓新野啦！上面果層舖滿豆花，下層係黑糖薑母茶，滑嘟嘟既豆花配微辣既薑母茶☕️多重口感，仲可以健康養生添！PS香茜皮蛋魚湯米線配脆肉鯇係尖沙咀海港城新店限定既重口味米線😆想食就嚟海港城分店喇！

我放工後直去尖沙咀海港城跟老公買少少野有啲肚餓就見到原來譚仔有係港威開新店決定快快趣六點前完膳泡椒酸菜魚五小辣起跳，天氣凍令我不停挑戰辣度，三椒令我辣得過癮，身體很誠實，食完很暖，嘴有麻感，脆肉鯇魚片肉質爽脆，如果厚多少少仲好，甚有口感，五小辣加上酸菜，很惹味。店內限定的香茜皮蛋脆肉鯇，魚湯清甜，加上足料香茜，岩曬重口味人士 。松花皮蛋很香，加上配料滷水豬大腸，肥甘香到不得了。小菜叫個巴蜀爽脆生腸，冰涼冷盤刺激味蕾，生腸份量唔少，秘制辣汁很惹味，食落真係爽口。食完辣野，叫返杯特飲。凍豆花黑糖薑母茶係要啜黎飲，很過癮。豆花很滑，黑糖薑母補身，飲到薑絲，夠曬薑。菠蘿冰酸酸甜甜，仲有大粒菠蘿很清新。

星期五去海港城行街，行到好攰嘅時候，諗唔到食咩晚餐好，然後咁啱聽到隔離有個人好大聲話：「樓上開咗譚仔，不如食譚仔囉。」然後我同朋友就跟住佢個步伐嚟到呢間新開嘅譚仔米線😎。呢間新嘅譚仔，個場好大，裝修亦都好有港式風格，幾啱打卡。睇完餐牌之後我哋叫咗香茜皮蛋魚湯米線配脆肉鯇（海港城店限定）同泡椒酸菜魚湯米線配脆肉鯇（全線），另外仲叫咗麻辣豬耳、川北豆腐、土匪雞翼等等。 香茜皮蛋魚湯米線配脆肉鯇：呢款得海港城先有嘅米線真係超好食，最正係佢啲皮蛋，一碗裏面幾乎原粒皮蛋，份量好多，而且上面仲有冰花紋，靚野黎，食落去皮蛋味好重。整體感覺有少少似食一人打邊爐咁，好得意。泡椒酸菜魚湯米線配脆肉鯇（全線）：呢款全新嘅口味一樣都係令人停唔到口，酸菜酸酸辣辣，又唔會太咸，脆肉鯇好脆口，泡椒味辣得好惹味，正。由於越食越辣嘅關係，我哋叫咗兩杯飲品，一杯係菠蘿冰特飲，另外一杯係豆花黑糖薑母茶，前者係地地道道嘅樸實港式風味，飲完有種令人懷念兒時嘅感覺。後者則好特別，出面好多黑糖飲品都係熱嘅，但係呢度嘅黑糖飲品就係凍嘅，而且加埋豆花，香香甜甜，又有啲嘢咬下，多咗啲口感，成件事非常之夾，有創意。