譚仔雲南米線 (好爵中心)

营业中

休息中

朋友曾帶我到沙田區的譚仔吃過,那次吃的是炸醬雞肉米線十小辣(麻辣), 感覺不太辣, 好味。今次是在等朋友放工時經過這店,聞到香味, 忍不住入內試試另一湯底今次點了炸醬雞肉酸辣米線, 凍檸檬茶同上次一樣, 也是要等一段頗長的時間(約2x分鐘)米線上枱時已經聞到酸香, 份量亦頗多,湯底跟米線很夾, 再加上炸醬, 好好味!!我覺得這個比起十小辣還香, 而且辣得好味!!但如果喜歡吃炸醬的話, 建議單點炸醬好了,因為選擇多過一款餸, 炸醬的份量會減少(縱使是要加錢)吃過兩次也沒有試這店的土匪雞翼,因為米線的份量足以令我很飽了, 可惜 =]

以前每次收工都會經過葵芳哩間譚仔, 好遠處就聞到士匪雞翼既香味!星期六一點收工通常都會去食, 因為我同我d 朋友都係鍾意食米線既人!!而且最近我既就係葵芳哩間, 自從開左之後就無再特登出旺角食米線喇!!希望荃灣都會開返間啦!! 土匪雞翼食大土兩個人都唔知點分, 大家都鍾意食, 所以慣性叫兩碟小土, 一人三隻, 哈哈!好鍾意佢陣味, 襯熱食, GOOD!! 如果小土係四隻, 大土六隻會更好!! 米線平時都只係叫小辣同中辣, 雖然我唔知佢點分湯底既辣度俾客, 但有時小辣好似仲辣過中辣咁, 又有時好似無乜辣味! 好唔穩定啊~~我通常都係揀兩個餸, 牛肉OR雞肉OR豬潤OR墨丸OR炸醬~雖然食左好多次, 但係未試過過橋米線, 因為好多餸都唔岩食尼...仲有!! 希望可以改善下經常落錯單既問題, 次次講得好清楚, 覆既時候都無問題, 但打出黎張單總係有錯!同埋唔好再加價PLZ~~~總括而言: OK啦!! 米線算係咁嫁啦!!

尋日個同學話想食譚仔，就帶左佢過黎食啦。好彩我地早黎，唔係就唔知等幾耐啦。雞肉米線呢次就食大辣米線，都唔算太辣。我都係覺得三哥會辣d同好食d。雞肉又唔算太鞋，都食得過既。不過米線就有d生，唔係太好啦。麻辣雞翼都等左兩個字，味道都唔錯既。辣椒粉既調味算唔錯既。不過五蚊一隻又貴左小小啦。凍奶茶都算幾好飲，茶味都好夠。茶味唔夠既奶茶，點好飲都無用。算唔錯啦，如果三哥可以在荃灣開舖就好啦。

琴日同左女友去左呢間店到食,超多人,d小二係會係咁迫你快d落單,食完怏d走,叫左個牛肉竹生米線,一個土匪雞,同一碟酸菜,碗米線食一淡,嘩,完全係冇味的,好差,d米線超淋,唔得,d料好少,而且d酸菜竟然要另外比錢比錢買,叫左酸辣湯底一d辣味都冇,兩個人埋單都要$85,一生都唔會再去.

放左學之後，唔知食乜好。又走過黎呢度食米線，呢晚都算幾多人，差搵唔到位呀。特辣米線其實都食左好多好多次，唔知點解食極都會繼續食。呢次都係要雞肉同牛肉啦，米線都算幾爽口。而肉都唔錯，好新鮮又唔會太韌。算唔錯既，個湯都係咁正。凍奶茶奶同茶既份量好夾，係幾好飲既奶茶。其實，三年前食到而家。雖然加左價n次，但我依然都食係因為味道都無乜點變，都係好好食。

晚上九時左右同老公放工來吃米線，每張枱都有客人，算很多！點了淸湯雞肉竹笙同淸湯豬肝豬腩肉，可能人多，來得不算快！淸湯一般、雞肉、竹笙味道不過不失；豬肝有兩件剛未熟，還見些少血點，但其他剛熟吧，所以都算好吃；豬腩肉也是一般。米線份量方面，覺得還可以，但老公覺得少了一點。其實看過OR的食評，沒有期望，所以覺得還可以吧！不過比起荃灣某間，這裡真是失色很多，來這裡食都因為返青衣快一點

今日收夜,下班後就想說吃碗米線就回去不過不知是不是太久沒來的關係,感覺質素差了很多其實一早就知道不及三哥的好,可是現在是不好之餘還令人有差的感覺,真是大跌眼鏡!要了酸辣腐皮墨丸,可能不是繁忙時間很多就到了吃下去完全沒有酸辣的感覺,真的懷疑是不是自己說錯了可是再看回單上是清清楚楚打明是酸辣的,所以立即叫呀姐更換明明是自己錯了,還在質疑我有沒有叫錯,態度甚差!再來,腐皮簡直少得可憐,跟沒另外加沒分別再跟呀姐投訴得出的結果是他們的餸有指定份量,一向都是這樣的我真的想叫他們去其他的分店看看是不是也是只有一小片腐皮墨丸 軟淋淋之餘又腥又粉,吃了一粒放棄這樣子看來在葵芳想食清淡的米線都好難了下次想食都不會再來了

呢日真係幾慘，成七點半先有得放。搞到要出黎食，行左半個葵芳先決定黎呢度食。呢個時刻都唔係太多人，都搵到位既。特辣米線都係呢個辣度，我覺得同出面既差唔多辣。呢個都辣到我噴火，而今次食墨丸、雞肉。墨丸好彈牙爽口，同幾新鮮架。而雞肉都唔錯既，米線既份量算幾多，食完都幾飽架。凍奶茶都幾好飲架，奶同茶既份量好夾。好飲到無野好講，係解辣首選。呢次同幾個同學一齊食，感覺都唔錯。有個同學講話有個朋友食特辣米線係唔使點飲野既。其實食特辣都係一種享受，真係好正。

25/5/2009 (星期一)今晚要去上堂，趕時間便走去車站附近的譚仔試下雲南米線。我叫咗一碗魚旦米線清湯底 ($21) 加腐皮 (加 $4)，再加我至愛的凍檸茶 (加 $5)，此食店是一般街坊食店格局，但起菜速度好快，落完單唔夠5分鐘，侍應已經將熱辣辣的米線送到我的面前。魚旦腐皮米線：魚旦好彈牙，腐皮一般，叫腐皮都係想食得健康D，米線無乜特別，一般啦。

黎食夜晚,叫左雞肉,豆卜 ,3小辣.因為老豆叫套餐,但係佢又唔係咁鍾意食酸菜同炸醬,所以俾我食.炸醬好味,另加土匪雞翼唔錯,但太油

坐地鐵去到葵芳 , 剛巧朋友在譚仔吃米線 , 就行過去找他們 . 8 點多 , 客人不算太多 , 還有位坐 . 這次只叫了一款雞肉 , 中麻辣 , $22 , 貴不貴呢 , 見人見智 , 但是 , 如果貴得來味道又可就沒有所謂 . 等了也有 10 分鐘才到 , 太耐了 , 沒有什麼顏色 , 個湯只有一點點麻辣味 , 又不夠鹹 , 但是沒有理由加豉油嗎 , 有些失望 . 感覺上 , SSP 那間好像好味好多 .有時真的不明白為何 20 多元一豌麵 , 連一杯水也沒有 . 下次還是去葵涌廣場吃車仔麵好了 .

之前講過譚仔(三哥)係三哥所管理既，今日去左呢間食午餐。十二點幾去到，雖然好多人但都可以找到位既。我都係叫左個牛肉、雞肉特辣配凍奶茶。這時候，坐我對面既中年女人突然大發脾氣，話芽菜唔新鮮。同職員投訴不果，結果找店長協助。佢問使唔使換過碗米線，中年女人算話唔使啦，芽菜會食死人架。雖然呢情況好多餐廳時有發生，但職員有理不理既態度只會惹人反感。特辣米線唔通全走就是最好，唔使食爛芽菜。既份量同其他譚仔差唔多，但質素就差啦。牛肉唔算太新鮮，但都算啦。雞肉都算可以既，但味道唔算突出。而湯底就比上次食既辣，上次叫左特辣都唔覺得佢辣既，咁就唔好特辣啦。凍奶茶無其他譚仔既好飲，茶味唔夠濃，奶又落多左。感覺似飲奶水多。呢間譚仔既質素同我食開既差得遠，希望佢地可以改善食物質素同服務啦。相信短期內都唔會再去啦。

我好like食譚仔,最就腳果幾間都食過....呢間d qlity真係唔太好,上次去嗌2小辣同個10小辣冇咩分別....要食到最底先有小小既辣味....不過呢間勝在裝潢幾ok但食物既qlity希望可以up返grade啦....

今次雖然唔係第一次食KWIA FONG 呢間,但係好似一次差過一次...我食左牛肉豆卜3小辣D 牛肉好'UN"豆卜唔知點解同出面既唔同,好長....又唔好味......蒜泥白肉就一般啦...

朋友介紹話唔錯，於是試下。大大份菜單先得十幾樣普通材料選擇，所以揀左好耐= ="最后要左碗竹笙豬潤清湯米線，好在味道唔錯，份量適中。埋單每人大約25，27蚊。除非以后多D選擇，如果唔係都唔會再去。