譽宴 (已結業)

這是我和老公首選飲茶的地點。位置在灣仔旺區，就腳。地方乾凈。點心款式多又好味，正!此日難得放假，大吃一番。早茶價較平，開懷地叫了一共十三碟點心，埋單二百一十元。皮蛋瘦肉粥十煎釀茄子：粥底棉，雖少料，但價錢不貴，味道不錯，煎釀茄子是用真正鲮魚肉，不是雜魚，好好好味!另加两碟煎釀茄子，因太愛吃了。金錢肚，义燒飽，鲮魚球和生煎飽，老公吃哂，不評價。牛肉腸粉，夠米，（因有些少米，用了其他粉，難吃），達標，味道不錯。煎腸粉：OK腐皮卷：內有蝦肉，煎得金黃，唔錯。山竹牛肉：鹹了點，普通。燒賣：豬肉加很多蝦，很大粒，味道不錯。蝦餃：唯一正價叫的點心，但必食，因出名，大粒，皮靚餡充滿蝦肉，好味，85分。吃不哂，取走两碟。很滿意的一餐。

今晚同婆婆食飯所以都食中式係灣仔食肆林立呢度一二三樓全都是中式酒樓通常食酒樓推廣餸菜最好一來不用煩食乜餸再者 質數也較好呢間酒樓有三寶有雞有魚又有鵝掌雞皮下面無乜肥膏鮮味味道適中不太鹹不錯 !我們只叫了1-4人的魚都不算細$48超值煮的時間控制很好又適中魚肉剛剛熟good ! 相對只有海參較差有 bleach 味道 太爽太冧唔夠彈口鵝掌不算太冧醬汁味道不錯基本這這三餸味道根飲宴味道不多只是幾十蚊真超值!我門另外叫了一碟話梅骨梅香噗鼻也值得一試

同同事到此酒樓午膳。十人安排坐中房，環境舒適美好。叫了十多樣點心。燒賣：一點肥肉沒有，全瘦肉加頂端一隻𧎚蝦，傳統做法，好味。叉燒和牛肉腸，腸粉質軟糯，有米香，正，90分。XO炒腸粉用黑石窩盛載，好味。蝦春卷長長的盛在酒杯中，味道不錯。薑汁紅棗糕和小籠飽不錯。炸魷魚鬚，入味。杏汁飽，有杏味但飽質太舔牙，不喜歡。其餘可以。總評分：80，點心不錯。

好無奈，諗住五一出街食飯，之前食過覺得幾好。由今天起改觀，晚巿6點開始，落單還未到搭3，已經要問廚房仲有冇東瓜盅，枱有一半未入坐問我地要唔要買糭，一話唔要就黑面隔左一陣就行埋黎話賣哂即走行出門口個陣聽到另一個待應話其實有東瓜盅個呀姐有心玩野，明明其他台都有!

今晚，一家人十多位開開心心的來到晚膳，不料卻滿肚子的「氣」而回。由於我們提早訂位，晚上約7:00，酒樓很快便安排我們入座，就這樣，令人十萬個失望的一餐開始了!點餐後，我們等了足足一小時，竟連餐前小菜仍未未送上! 接著，我們看見坐在四周的食客(最少四圍)，也是同樣的等待着。甚至，其中一圍枱的食客，在等了一小時後，什麼也沒吃便離開。然後，又過了半個小時，待應告訴我們，「你們點的紅酒燴牛尾、京式片皮鴨已售罄」。既已售完，又為何要在我們點餐後的一個半小時才告知？在我們接二連三的催促下，所點的餸菜才慢慢的上來，可是，我們所點的大海星斑卻變成細魚! 這時，等待已是接近二小時!由晚上七時等至九時半，我們最後的選擇是取消仍未到的餸菜。由原來所點的四個前菜、八個主菜，變成只吃得四個前菜、四個主菜! 其中一個還要是勉強接受! 這夜，我們十多人卻只吃得四個主菜!!!且不論食店食物質素好與壞，面對如此差的服務後，酒樓待應只是告知因為電腦壞了。如此一間大集團的酒樓，僅僅電腦當機，便要食客等待數小時，此氣實難消除! 是我們的要求高？還是他們的應變水準低？這夜，我們離開酒樓後，竟是到附近仍未收鋪的小佔，再吃一頓。

$20 for 3粒內餡有荀、肥肉及蝦粒, 但係味道還是普通, 要講蝦粒爽口彈牙, 佢又唔夠爽; 蝦餃上有13條摺紋, 餃皮薄兼煙韌有度, 就是唯一好處。後來從網上知道得獎要求是以製作傳統蝦餃為題, 並不是以味道佳為取勝目標, 那麽只要跟足傳統製法去參賽便可成為「蝦餃之皇」。

近日曾中午到此飮過2次茶, 覺得點心好吃, 蚱餃很出色, 服務亦非常周到.隨手看見有一席全包宴$1988, 便趁生日及與兄弟家人一敍, 誰不知吃出一肚火??首先吃完拼盤後等了超过15分鈡還沒有再上菜, 要多番催後停了20多分鈡才上另一味, 味道差不只,最過份係有一味蒸鮑魚, 上菜時竟是一碟用好細的碟上, 我十分意外這是一圍酒, 隻有殼蚊型鮑魚只是個五毫子那麽大, 細數竟得10隻, 叫伙記來理論,她才如夢初醒, 最後說不知厨房如何撹錯!結果又等了好久再上, 還是那一碟只是多了2只小鮑及咬到口倦再番蒸老了所謂大連小鮑好戲还在後頭, 上蒸海班更驚嚇, 初時不為意伙記沒有同我們用刀開身分頭等動作, 小朋友動筷後弟婦看見說為什麽魚肉顏色那麽怪?圼似魚血的色而且好霉, 立即火滾問部長, 他說可能廚司劏壞了條魚, 他亦道歉及說再蒸過條, 如此一間大酒樓為何日間及晚飯竟相差十萬八千里, 解釋得好牽强?最後甜品紅豆沙亦不是一窩上, 只是抬12 碗同晚飯小菜客一樣免費送的糖水, 如果全部係食得的大人一定唔飽.最後經理雖然陪個不是, 但是一頓晚飯令人如此掃興,我亦不會再來.

自兩個月前第一次光顧這間酒樓便跟它相戀了 記得那次跟友人上來時看到它華麗的佈置心怕價錢一定很溶商議後也決定試一次吧不用等位坐下叫了茶點了幾個點心茶送來喝了一口非常驚喜的清香點心叫了這酒樓在美食節獲獎的蝦餃.大大個的馬拉榚.燒買.春風得意腸等全都我兩非常滿意可惜的是手機忘了留在家中未能為這幾位紅星留下倩影就跟它們約定下次吧最後驚喜的是埋單每人才40大洋非常化算

預留了間房和家人在此吃晚飯慶祝中秋，接電話的服務員說要先落 $500 訂，所以拿了半天假來交訂金，順道吃頓下午茶。其實這間位於灣仔英皇集團中心的「譽宴」，前身是一間叫「麗都火鍋」的食肆，以往亦是老公和家人的飯堂，但自從該酒樓結業，改由「彩福」接手後，已很久沒踏足這座大廈了。這天再來，發現內裡裝潢原來轉變不大，長長的走廊，坐著的客人不多，加上剛過了午飯時間，四周也頗清靜。看看下午茶價目表，定價唔算太貴，大、中、小點分別為 $16、$12 及 $8.80，茗茶每位 $6，而且還有一些推介的特價點心。由於今天不太肚餓，亦沒有甚麼心水，就請老公代勞負責選吃的。豉油雞河粉 ($15.80)，油雞數量少得可憐，記起早前在天后的「家居軒」吃下午茶，那份玻璃脆皮鴨收費只是比這兒貴 $3 左右，但份量足足比這裡多出一倍，而且這碟油雞，吃起來骨多肉少，幸好味道還不算太差，豉油味夠香甜。至於大大碗的幼身湯河，入口味道清清的，夠曬飽肚。老公知我向來愛吃芋頭，給我點了份香煎芋頭糕 ($7.80)，一放上檯時已知味道不行，放涼了的芋頭糕，色澤煎得唔夠金黃，而且內裡材料不多，加上芋頭粒入口死死實實，一點香氣也沒

前幾日,我同我呀媽.男友一齊飲下午茶!TOTAL:$195~每人$6茶錢環境幾好又坐得舒服,侍應一叫即到,服務良好~上湯鮮竹卷 ~ 幾特別喎,熱辣辣,都幾好食奶皇流沙包 ~ 包包好軟熟,奶皇味夠重,真係好流沙喎,超好食呀!素粉果 ~ d皮唔厚唔簿,適中~d料夠多又好食鳳爪 ~ 夠入味唔記得咩咩豆苗餃 ~ 唔錯燒賣 ~ 有原隻蝦係裡面,味道唔同其他酒樓,呢間整得唔錯下次都會再來!因為服務.價錢.食物質素都合符比例的

本來想去稻香食一蚊雞，但實在太多人了，環境服務都很差，訂咗位都仲要等，已經上去都行番落來，這裡環境服務均不錯，仲有糖水送，但係客真係唔多炸子雞皮脆但肉不鮮芝士焗龍蝦龍蝦新鮮，肉質有彈性，芝士香濃杭州秘製骨肉質鮮美，酸酸甜甜，味道很好，很有特色

灣仔搵食都好多選擇，老友想飲茶，咁就周圍貢下，依間英皇中心，記得以前來過，d酒樓一般，老友話最高個層轉左手，水準不俗！極力推介，由於Lunch時間關係，都好多人等位，Reception問我地想唔想坐房，咁我地當然冇問題,食物方面:蝦餃真係好鮮！腸粉用個長長碟上，幾特別，而且好滑！點心選揀好多！服務方面 waiter會成日入來加水，又推介不同的點心,估唔到普普通通的酒樓好咁有heart 之員工。

終於都俾我發現左個新蛇竇, 譽宴4樓個間聯誼會原來可以飲茶,呢排我都成日約埋D老友走黎呢度邊飲茶試過佢地D點心都幾好食,同埋推介呢度D野食冇話肥淋淋咁,好怕下晝飲完茶跟住成日都頸渴,推介呢度飲茶係灣仔區可以坐得舒服又唔駛迫既地方,連坐房都冇附加費,合乎經濟原則

早兩日同班老友去灣仔做野，做完去搵野食，係灣仔區最頭痛就係搵地方食野，上黎Search下，話呢度唔洗等，咪上黎試下，4樓個間聯誼會原來真係可以飲茶，又真係唔駛等，不過未食過要試過先知，四條友坐間房，叫左幾個點心邊食邊傾計~呵呵發現個蝦餃又真係幾正，大大粒又多汁，唔似出面既燒賣"幹曾曾"走個陣見有張海報寫住晚飯有ＢＢ豬送，下次要過黎試試，食完再寫過

中午係灣仔搵食，個客話飲茶，咪周圍盪盪，上到3/F依間酒家，見到有人等位，以為有排等！估不到可到4/F房間飲茶！真係估不到的舒適，侍應都幾勤快，雖然坐左入房，侍應都時不時行過！以為坐入房會有charge, 原來價錢ok實惠, 有舒適環境，又有TV睇, good! 食物方面, d點心好有水準，最讚係個炒飯,兩邊味都不錯，睇Poster晚飯仲有$68龍蝦，下次要試下先！