譽小館 (已結業)

今天在奧海城工作，客戶的接頭人很友善，建議一同午飯，她帶我嚟「譽小館」，好處是有很多選擇。雖然只是12點半，但已經要坐戶外位置。在晴朗的冬天，我反而更喜歡戶外，貪其開揚舒服。餐牌選擇很多，有粥丶飯或麪套餐，亦有小菜，價錢亦算合理，我選了艇仔粥配粽（$55-）。粽先上，做得很綿兼不散，有水凖。糯米與綠豆比例勻稱，不會太少綠豆。粽亦包有咸旦黃，香而不膩，好味！👍🏻👍🏻👍🏻艇仔粥望落不錯，不過食落比較淡，粥底亦都較稀，味道普通。粥的用料不算豐富，若能加多一點豬肉及魚片，味道及口感會較佳。當然這個粥好處是味精不多，較健康。總結而言，譽小館係午餐嘅一個合理選擇，尤其是它上菜都算快。

帶住小朋友好食嘢都要搵間好坐啲， 選擇呢間餐廳我就係鍾意佢有露天，出面有個公眾嘅露台可以畀小朋友玩下環境其實ok，但食物質素就有好大嘅進步空間叫咗兩個基本嘅燒味叉燒同埋燒肉，燒肉嘅皮夠脆但係可惜肉質可能隔得太耐比較硬，叉燒亦都偏瘦又係好韌跟住叫咗碟牛筋腩，佢嘅賣相算唔錯不過可惜牛腩偏硬牛筋就偏韌，小朋友嘅味覺係最真實同埋直接， 所以我小朋友咬完一下就唔肯再食第二啖最後我叫咗個唔知咩炒飯希望可以飽肚 同埋餵飽我個小朋友， 可惜只得四個大字淡而無味！總結坐嘅地方幾好，食物嘅賣相都接受， 食物嘅質素有好大嘅進步空間！

心血來潮突然想食粥🥣但天氣很熱又想找商場食⋯突然想起這家店有粥食，我早來所以有卡位坐了，這𥚃平日午餐選擇也很多，我們就選了粥配炸両或腸粉，我點的是蠔豉牛肉粥⋯我覺得粥底好好而且味道挺好的！可是我剛剛開始坐的卡位有「小強」就比較差了一點😅服務就一般般啦，沒有好又沒有不好😅

又係下午T一T嘅時候，行過奧海城戲院見到有間小菜館，有粥粉麵飯仲有好多唔同小菜，入去試吓啦⋯⋯坐低就每人放低一杯麥茶，幾好飲，望咗一輪餐牌之後，就叫咗個生炒牛肉飯同雪菜肉絲炆米，兩碟都大大碟，炒飯料頭足，夠晒味，飯粒分明，我鍾意佢有埋菜粒，感覺上好似健康啲⋯雪菜肉絲米都好味但係就油咗啲，跟餐仲有嘢飲，可以揀豆漿或者奶茶，40幾蚊一個餐都真係好抵。下午茶時段唔算人多，如果坐滿其實應該會幾嘈同有啲迫。見佢仲有室外位置，不過可能太曬冇開放。

平日午飯時間來到奧海城，想吃清淡一點，在openeice 見到這間譽小館有粥吃便決定在這間餐廳午飯。大家注意這間餐廳有點難找，有2個方式可以去到餐廳，方法一是穿過food court行到盡頭，方法二是經戲院，餐廳在戲院售票處那邊。午餐有粥+腸粉套餐，湯面+菜套餐，燒味飯餐和炒粉面飯餐，選擇多元化，不怕不合口味。餐廳有提供麥茶，每位$4，可添茶。兔小姐點了薑䓤豬潤面+ 菜心 $55豬潤面很足料，有5-6塊大片的豬潤，豬潤新鮮，還有辣椒䜴油提味。菜心沒有渣，有附上蠔油。整體來說是簡單得來又有質數的一餐。另外生病的象先生點了皮蛋瘦肉粥+叉燒腸 $55兔小姐嘗了一條叉燒腸粉，皮薄，叉燒份量不算少，而且是沒有荽茜的（合兔小姐口味）。埋單2人$130，在奧海城來說，除了food court 之外應該沒有其他餐廳可以這樣平啦，在附近上班/ 經過想吃清淡點的可以考慮這間。

第一次寫負評，中伏！！！居然有人話好食，味覺失調嗎？因真的難食到懷疑人生！俾錢買難受，唔想浪費但被迫浪費，好心師傅煮好少少，唔係要求好好味，但最基本要求都要令客人吞得落先得㗎！！！

中午食飯，同事都好中意黎依間。自從食過一次，覺得幾高質後，我每次黎依到都會食燒味飯。今次見Happy Friday，我就揀左個雙拼飯: 叉燒併燒肉。雖然係寫燒肉，但係佢會比燒腩仔嘅部位。因為同其他燒味係一樣價錢，覺得叫燒肉都幾抵食。我叫左雙拼，所以燒肉唔算多，而且亦都唔係好大舊。不過食落個皮夠脆而且唔會過鹹，所以覺得幾好食。至於叉燒，雖然落單嘅時候無特別要求，不過佢都比左我半肥瘦叉燒。叉燒值得一讚，食落好淋而且juicy，夠哂香口，我差唔多次次黎都一定會點。飯嘅分量都多，豉油汁足夠，唔會太乾身。如果平時喺奧運想食燒味飯，一定會黎依度。不過價錢黎講，唔算平，而且仲要加茶錢$4。

Setting: Lazy Saturday afternoon is a half empty Chinese restaurant where seats are placed closed together. Service: The restaurant’s staff weren’t rude but doesn’t seem to care about their work nor helpful to customers. Plates, utensils were causally placed and in some cases thrown which created a lot of noise. Food: Ordered a plate of chiffon egg with bbq pork. It’s the most disappointing plate of egg and bbq pork ever. How could you go wrong with things as basic as egg and bbq pork one might

今日去奧海城譽小館分店食tea, 第一次食炸兩，我咬咬下啪一声，竟然咬到舊石仔，咩料？同佢職員講，竟然話冇野，係D蝦米裡面既野，呢舊異物我都唔知係咩黎, 總之如果是老人家咬到分分鐘牙都甩! 再同收銀阿姐講，就話係咩(目無表情)…好似司空見慣甘，原來你地D職員係甘做野囉,真係唔會再幫襯!!!

以奧海城黎講，譽小館啲價錢算係咁，食物質素又不錯，所以如果想食清清地，譽小館都不錯。之前晚餐餐牌set有條炸魚，炸完出黎啲魚肉唔會乾曬、爛曬，陪埋豉油食真係超級好食！所以如果晚飯去食，一定大推佢晚餐menu上嘅炸魚！！！除左炸魚之外，佢嘅蠔仔泡飯都好唔錯！唔會得好少蠔仔，同埋啲泡飯都好食，湯嘅濃度岩岩好！如果唔食泡飯，佢嘅粥都幾足料！之前嗌過皮蛋瘦肉粥，入面有超多皮蛋，啲粥又夠綿，所以最近超滿足！

芝士蝦球燴伊麵超多既芝士加上蝦球，蝦球大大隻爽口又新鮮芝士汁濃郁既芝士香味，整體都滿意蝦球超大隻，有鮮味爽口，芝士汁幾好食，有拉絲效果紫薯淮山浸菜苗呢度菜都幾創新，雖然顏色比較特別，但都係紫薯黎菜苗同淮山都有淡淡既紫薯香味，淮山煮既時間剛剛好，不然就會太淋爛冇口感！咖哩牛筋腩煲牛筋腩完全吸收哂咖哩既香味，咖哩唔辣但係好濃既咖哩味牛筋同腩既比例係6:4，我個人黎講最鐘意既係牛筋！彈Q既口感加埋咖哩香味真係無比好味餸飯真係一流!!

位於奧海城戲院旁既一大餐廳很適合一家大細睇完戲一齊食頓豐富的晚餐清蒸沙巴斑即叫即蒸的清蒸沙巴斑，所以要等大約二十分鐘！蒸出黎既魚肉時間剛剛好，嫩滑非常！SIZE來說唔算太細條，4個人都夠！用美味既頭抽有豉汁蒸，夠哂原汁原味，蒸得岩岩好同埋個汁好好味，唔需要特別花巧野，亦唔會搶晒味，魚嘅鮮甜，餸飯食一流脆皮燒腩仔拼燒鵝燒腩仔既脆皮好正，肥瘦適中，脆皮得黎又唔會太燶，燒腩仔切得細細舊容易入口燒鵝出色，切既部位岩我胃口，皮夠薄脆而且肉質嫩滑

睇戲前仲有一個鐘，就喺附近食個晚飯先!!!!因為唔可以食太多肉同太濃味嘅嘢，但又好想食脆卜卜gar野， 所以就買咗呢個羅漢齋炒麵。個麵底炸得都幾脆，同個汁都好夾。帶子炒西蘭花，呢碟餸鑊氣好夠， 好好食加埋呢個燉魚頭湯…魚頭同D藥材味都好重 直上餐飯都圓滿咗!佢啲炸兩係即叫即整 ，但本人覺得麻麻地，因為個腸粉皮唔夠薄 ，而炸兩炸得太硬。

食中菜或者港式菜唔一定係去茶餐廳或者大排檔，依家都有好多小菜館，今日黎左一間價錢、環境、食物都不俗既港式小菜館。餐廳內外Cafe有户外環境就見得多，想不到連小菜館都有户外半露天坐位！岩哂中意食港式食物但又想享受到户外環境既人。食物選擇主打港式麵食粥品小菜，有多款熱炒小菜、手工食物，雖然係商場舖位仲要係奧海城，但價錢比一般中菜館平。脆皮燒腩仔雙拼 $108上菜！先上燒味，揀左拼叉燒，味道不過不失，皮脆肉同膏比例剛好，而且上菜時有微溫吃落舒服。豉汁蒸黃立鯧 $118豉汁味道幾特別，醬汁味道有別於一般食開嘅豉汁，味道唔錯，喜歡豉汁的朋友可以一試。將豉汁添於魚肉上，味道好夾，好美味。魚亦大條，夠晒食，唔會腥。熱度方面，覺得可以再熱啲上檯，感覺會更佳。譽小館小炒皇 $68大排檔基本上都有自己既小炒皇，譽小館都唔例外。雖然每間大排檔都有小炒皇，但每間大排檔在食材上都會有所分別，而譽小館小炒皇的材料有：鮮蝦、蝦乾、西芹、木耳、菜甫。鮮蝦很爽，蝦乾乾得黎有啲彈性幾得意，西芹木耳就無咩特別，整道小炒皇味道不錯，惟菜甫略鹹。蓮子紅豆沙 $16黎到糖水環節，真係夠晒豐富，港式菜式、港式食物、中式糖水咩都有齊

唔止Work, Life 要Balance，Eat都要Balance，意思係我會經常食唔同菜式既野，今日食西餐，下次食日本菜，再下次就食韓國菜，今日係食香港小菜既日子！環境唔止室內環境，原來餐廳出面仲有户外地方，好岩比小朋友玩。是日好奇地見到餐廳出面有小朋友係度玩閃令令既波波，食完飯出去睇，發現原來餐廳仲有户外位置，適合比小朋友玩樂，空間都幾大，幾欣賞餐廳用意，夜晚坐係露天位，睇埋個影都幾正同舒服。餐牌選擇眾多，有粥品、湯麵、撈麵、燒味、燒味飯、炒粉麵飯、小菜、小食、腸粉、靚湯、飲品，連甜品都有埋，總有一款岩你胃口。蒽花蝦米炸両腸 $30呢度除咗有大排檔菜式之外，仲有其他港式食物。不少得好多人喜歡既「炸兩腸」，不過呢道菜稍為遜色，炸兩味道不錯，皮中有蝦米，且多蔥，但係外皮食落唔夠滑，亦較乾身。譽小館小炒皇 $68每次食小菜，都鐘意叫個小炒王，因為間間唔同，依間都幾好鑊氣，鍾意加上蝦仁，更有咬口同更香。 豉汁蒸黃升𩶘鯧 $118條黃𩶘鯧魚夠新鮮，魚肉質地軟軟的，依個價錢十分收貨，因為都幾大條。 生磨蛋白杏仁茶 $28本身預味道會較甜，但因為加左茶，甜度中和返，食落比較清淡，甜度同濃度都可