譚仔三哥米線 (萬事達廣場)

营业中

休息中

屋企附近有呢間譚仔真係好感恩，收工收得夜都可以食譚仔，始終都係最鍾意食譚仔嘅米線，不過服務態度就覺得有待改善，明白佢哋嘅工作量都比較大，但係如果有陣時多啲笑容多啲禮貌就會比較好

上次返黎諗住食野就去左譚仔，結果上到去counter冇人，隔離坐左個服務員同我講唔夠人手，自己又唔識落單，就叫我等，態度差到死，企左好耐都冇人理我，既然唔需要顧客嘅話以後都唔會再黎呢種鋪頭

見到個譚仔三哥招牌鰻魚米線。被個廣告吸引，入咗去點這道菜。加埋杯青花椒香茅雪碧。合共$61。個鰻魚米線我點配雞肉。個湯底我點咗清湯。個米線好彈牙。加入雞肉。個湯底好似雞湯咁鮮甜。個鰻魚好正。好軟身好新鮮。個份量好足料。杯青花椒香茅雪碧，混入青花椒，杯雪碧好辛辣。如果唔食得辣，真係唔好點呢杯青花椒香茅雪碧。間食肆好潔淨。我個人認為全港最地度，最好食既米線，只有三哥個譚仔。好重四川辛辣味。

講到明撈 比佐半碗湯岀嚟 之後拎過嚟話少湯佐 之後再拎返入去倒哂啲湯，拎到過嚟浸味好明顯係豉油煮，食咗一啖難食到嘔，啲員工仲要覺得冇問題咁。重點係以前食都唔係咁😀😀😀😀😀😀

如果想挑戰自己嘅忍耐力同包容程度，呢一間譚仔絕對值得你嚟挑戰👍🏻挑戰嘅時候要謹守唔可以催姐姐先算成功！我嚟咗呢度3次，3次都係大約晚上8點幾嚟食，經歷都一樣，但今次見識到4位譚仔姐姐嘅偉論，令我叱叱稱奇，十分值得我喺度寫一篇食評！三次嚟都係見到店入面只坐咗一半人，但係另一半吉位嘅枱係全部都未有人執枱嘅，坐低禮貌地請佢哋落單需要最少10分鐘，佢哋統一回覆係：未得呀！我呢度好多野搞呀！好忙呀！做唔切呀！10分鐘後，終於有位姐姐大發慈悲行過嚟幫我哋落單，點知竟然有另一位姐姐大嗌：唔好落單呀！我做唔切呀！What?! 做唔切就唔好落單？咁不如你哋一早就唔好放人入嚟啦！放咗個客入嚟，但唔好同佢落單，係expect 個客等你哋做得切先落單定係expect 個客等唔切走？幸好幫我哋落單位姐姐話：哎呀！入咗機喇！落埋佢啦！ 就係咁，我哋好幸運地可以落到單，因為其他食客最少等多15分鐘，有啲食客就等唔到走咗！我哋等咗20幾分鐘終於等到2碗一個餸嘅米線，杯野飲都終於喺我哋慢慢食完碗米線後十分鐘送上，千祈唔好催姐姐，因為佢哋會叫我哋睇吓佢哋幾忙，邊做得切呀？（事實上只得返一半）食米線過程都見唔少食客因為叫姐

叫個外賣鬼咁寸，喺咁叫人加嘢食，我食自然會講啦，又落漏單，最燥係等成大半個鐘問佢幾時，佢話落單時講左我知要咁耐，我話你邊有講過，你只係叫人加哩啲加果啲，仲要鬼咁寸，知咁耐就行陣先啦，唔係屋企人 想食都唔買，唔知以為間鋪係佢添呀

本身唔係住呢區，事緣喺附近上咗全日堂又餓又攰之下，諗住是但食啲嘢醫下肚就搭車返家。喺呢個地方我揀左譚仔食米線。點知我成餐飯由頭到尾都要受譚仔阿姐氣，不禮貌對待😩😤😤。食過港九新界咁多間譚仔分店，呢間真係好特別。因為落單，收錢，出堂食既麵都係得一位阿姐負責。我眼見仲有2位阿姐負責搞外賣既麵。佢哋唔會理堂食客人咩情況。我一個人坐低等左8-10分鐘，阿姐掛住收錢唔望下個堂食area既客人有冇舉手，我行去收錢櫃枱嗌佢，同佢講我需要落單，等左好耐冇人落單，可否幫我落單先。佢話返我轉頭叫我唔好催！😑然後隔多陣搞唒幾個客埋單收錢，就走過嚟同我落單。但係就呻呢樣果樣話我。我諗任何一個客人就算幾好脾氣都好hard feeling。出麵都要再等10零分鐘左右到，飛快地食完盡快走。俾錢時又係同一位燥底阿姐。我俾錢要用手機嘟QR code嗰陣，佢部感應器冇反應，我要拎開手機再嘟啦。阿姐講說話鬧返我轉頭喎。好似係我錯咁，內容想怪我唔熟識用手機支付咁。根本係佢部機有些感應問題，唔關我事。然後受咗一肚氣出咗門口喇。用餐時間係星期日晚上，唔係peak好少枱客。呢間我唔會再嚟食。亦希望有關單位留意返呢個情況，可以改善就

📌菇菌湯姬松茸OMNI新豬肉韭菜餃子配京白菜菜底 $45同譚仔嘅素湯餃子對比 我鍾意呢間多啲🌟餃子嘅像真度更高🥟可能韮菜比例多 仲有啲木耳 所以個素豬肉份量相對冇芹菜餃咁多 撈左入去之後 同平時嘅韮菜餃子真冇分別🤩呢款個口感更似肉 做到肉嘅軟腍鬆化 食落仲勁濃郁韮菜香💚因為我個人麻麻地真肉 所以都幾鍾意食素肉 唔會有陣肉騷味又殺少啲生❤️而且同樣高蛋白質 又健康啲🫶🏻冇食開齋嘅朋友話唔會分到佢係真豬定素豬🐷但餃子皮太厚了😟個湯底都係呢到出色啲🥰菇菌味好出 而且姬松茸都幾多粒🍄京白菜比通菜更索湯 味道又清甜🌱

食過咁多間三哥，尼間無論安排坐位、落單、送餐都比一般慢，每個崗位基本得一個姐姐，所以唔怪得佢地。亦唔好催佢地，畢竟人手有限。 不過尼間既煳辣好濃好正，之前食過一兩間都係冇乜味之餘，仲要冇辣味，好彩尼間唔系咋。所以尼間超足料，點等都值得！今次嗌左豬膶貢丸，每樣份量都好多，岩晒我！😋 餐廳環境都光猛、闊落，枱與枱之間都有一定距離！譚仔姐姐態度超好，lunch時間撞正學生放學，所以最後我都等左成15分鐘，都算快！

Tam Jai noodles is my favorite place for lunch. This time i pick one of their newly launch lunch set which is tailor for vegetarian lovers. The toppings are  dumplings are made by vegetarian meat, mushrooms. Apart from the noodles, i also pick their snack which is pork belly with Sichuan sauce.  This snack is a well accompany with the dumpling noodles.

好耐無經過萬事達廣場哩邊，離遠已經聞到譚仔味啦，搞到我囉囉攣😚😚哩間譚仔唔係食服務，唔係食速度，唔係食環境🤣🤣因為樓面落單得一個人，傳菜得一個人，收錢得一個人🤣🤣所以唔好催，慢慢等（見證住隔離枱催左三次但碗米線到我食完都未送到黎）亦都唔好改黎改去，唔好叫抺台同比杯水你，因為一律唔會有人幫你做🤣味道哩間分店絕對過到口癮，正呀！！！🌶🌶❤️❤️麻香辣味都啱啱好，面質較淋同有味，唔係白烚煮完再溝湯。今次叫左片頭食，還可以唔錯 ，下次可再食😆Lunch hour 基本上入座率都爆滿，要等位

今日午餐想食譚仔三哥，嚟到美孚新邨呢間分店睇睇先我習慣叫一碗淨米，然後搭個餸食吓，圍返都只係唔四十幾蚊，我嘅至愛絕對係蒜泥白肉！！一入店，位置間隔寬敞，疫情下都食得安心。一入店姐姐已經迅速過嚟落單，平時其他店一定忙到要等等，抵讚！食物方面，清湯飲完不口渴，合格平時三哥系列嘅白肉我覺得味道係偏寡，但今日嘅肉味帶出到鮮甜，唔錯整體而言今日用餐流程暢順，喺大量嘅外賣單之中都不忘堂食嘅食客，食物質素亦滿意，我會俾佢一個5星呀

我相信每個人底縕都有一種譚仔癮。無論係三五知己也好，還是一個人也好，譚仔都會係一個醫肚的選擇當一個人選擇了譚仔，必點的細蒜泥白肉，另外加兩餸既麻辣五少，已經夠滿足了週日去了美孚呢間，但譚仔姐姐唔多，所以要等一陣先有人落單，而上菜都比較慢。

今日黎三哥試呢個煳麻湯魚爽肚米線～米線配上兩款全新嘅配菜：魚爽肚+ 芥末魚籽鱈魚滑豆卜🐟 一般麵店好少有魚爽肚呢個選擇，食落口感好爽、幾新鮮～鱈魚滑豆卜食落有驚喜😋 豆卜入面釀咗滿滿嘅鱈魚滑，配埋上面嘅芥末醬一齊食幾過癮🔥我再加配咗最愛嘅竹笙😍 竹笙份量好足、索晒煳麻湯嘅精華好好食🤤另外仲試埋香烤芝脆豆腐餅🧀 豆腐餅個底係烤得好香好脆嘅薄脆芝士，而面頭嘅豆腐餡好滑溜、食到入面有蝦米、魚肉同香蔥等，口感豐富又香口👍🏼 值得一試！

講明係麵控NANA又點會唔鍾意食譚仔！！特別係譚仔三哥！！一個月起碼食兩次以上😎每次譚仔同譚仔三哥出新湯底都要第一時間衝過去試💓今次係煳麻湯底 以NANA嘅理解就係將煳辣mix麻辣😍兩個咁好食既湯底撈埋一齊會變成點？究竟會唔會正正得正呢😆想g就睇埋落去啦✨-魚爽肚芥末魚籽鱈魚滑豆卜煳麻湯 $42首先一定要講吓湯底先啦！第一啖湯飲落去有好大陣煳辣湯既味道 然後隨之而來嘅就係麻辣湯底嘅麻🌶一開頭可能會覺得煳辣味會冚過麻辣味 但越食你就會覺得越麻😆然後就會覺得兩個湯底非常之夾！！絕對唔會伏 推薦一試😎然後就講吓佢兩個新嘅餸：魚爽肚同芥末魚籽鱈魚滑豆卜！唔爽肚食落冇腥味 同佢個名一樣 都真係幾爽口 但體積偏小 可以話係一啖一粒 NANA個人就係一般呢個餸😉鱈魚滑豆卜嘅口感係幾豐富 上面係平時食開嘅蝦滑魚滑既口感 而下面就係豆卜 但講真個句 芥末味真係要好認真咁品嚐先會識到少少芥末味🤨所以如果驚芥末味好濃嘅朋友仔就唔使擔心啦😙-香烤芝脆豆腐餅 $16每次有新小食NANA都會想試！但呢個豆腐餅就好失望啦。。😢第一次覺得三哥譚仔嘅嘢係唔鍾意😫首先上枱嘅賣相已經唔吸引 感覺好鬆散 而且佢著名嘅麻辣汁又