豆乳狂人 (已搬遷) 新店位置

放假由沙田踩單車入大埔，回程經過河畔花園，見到呢間「豆乳狂人」勁吸引，一向都好鍾意豆乳食品同埋芋圓，估唔到呢間店兩樣都有齊，最後同班朋友買左幾樣外賣返屋企慢慢歎，估唔到每樣都好高質，價錢又唔貴，正!係我會再encore既小店!見到手工特濃豆乳有成十款口味揀，特別口味有桃膠、紅棗桂圓枸杞等，但我去到個時咁岩全部口味都賣哂!!!!希望下次試到~豆乳狂人除左有豆花、芋圓、豆乳，仲有小食同甜品，都幾多選擇。上網見到D人話必試「豆味芝士奶蓋豆乳茶」，配料超多超足料，有齊豆味芝士奶蓋、手工白玉、特濃豆乳、凍頂烏龍茶、豆乳布丁同手工黃豆粉。飲落味道層次勁豐富，真係必試!最鍾意佢面頭個層豆味芝士奶蓋，厚厚一層又帶鹹香味夠哂綿滑。手工白玉即小丸子串，煙煙韌韌好有咬口。椰奶多芒楊枝甘露多芒估唔到真係好多芒果肉!食落好香甜，配埋椰奶特別香滑，用上碌柚肉酸酸甜甜唔會苦澀。堅果芋泥豆乳豆花通常見到全新推出既產品我都會忍唔住試，呢款堅果勁足料，有齊幾款唔同種類既堅果，拌以芋頭味好香濃既芋泥加豆乳同豆花，估唔到成件事又好夾，正。三色芋圓 可以自選三款配搭，最後揀左涼粉、豆花同鮮芋泥。芋圓粒粒飽滿夠哂煙韌彈牙，好有芋

買左特濃可可豆乳、桃膠豆乳同黑糖桃膠豆花🍫特濃可可豆乳評分：6 / 10可可味的確十分濃郁，但可惜既係同豆漿有少少唔夾，或者我自己唔太喜歡佢地走埋一齊😂🥛桃膠豆乳評分： 8 / 10豆乳味濃， 桃膠增加口味👍🏻 老闆仲會配上黑糖比我哋有需要自己增加甜味🥛黑糖桃膠豆花評分： 8.5 / 10好食，甜味足夠，無需另外加黑糖👍🏻桃膠健康，吃甜品都唔覺得肥😋其實佢豆乳同豆花都有好多款式選擇，本身想買紅豆豆乳，可惜買哂所以先試可可豆乳佢地生意都好好 都幾多人排隊架，同埋我去個時係夜晚8-9點，所以好多款都賣哂，相信日頭貨量會比較充足👍🏻附上一張影得好差既相😂❗️留意返：只供外賣架，無堂食Food: ★★★★☆Price: ★★★★☆Photographable: ★★★☆☆

呢間位於沙田嘅豆乳專門店好受歡迎。時刻都有長長人龍。豆味芝士奶蓋豆乳茶 $35茶飲之上放上一串手工白玉，賣相十分吸引😍。豆味芝士奶蓋味道鹹香，配上香甜嘅手工黃豆粉，比起一般嘅芝士奶蓋味道更豐富☺️。豆乳加埋凍頂烏龍茶，清香又帶金味。豆乳布丁香滑而且仲有黑糖珍珠，口感好有層次。椰奶多芒小丸子 $35有芒果蓉又有芒果粒，淡淡都係芒果味。椰奶口感幼滑，而且香味濃郁，甜度適中。小丸子粒粒煙韌彈牙，配椰奶好夾😋。鮮芋泥西米露 $28芋泥香甜綿密而且份量仲好多。椰奶味道濃郁而且甜度低，撈埋芋泥啱啱好。西米晶瑩通透，煮得粒粒分明。紅棗桂圓枸杞豆乳 $28紅棗桂圓枸杞滋潤之選。甜味溫和，而且三樣食材嘅口感都唔同，食落好豐富😋。酥脆雞軟骨 $25即炸嘅雞軟骨好吸引😻。雞軟骨酥皮香口，咬落爽脆，食到停唔到口😆。好味道，唔使十分鐘就食晒。

呢日黎到豆乳狂人，平時都有經過見到都幾旺，所以今次就黎試試佢！ 叫左幾樣野，包括有楊枝甘露，招牌既豆漿，芋泥豆漿，黑糖鮮奶桃膠所有野俾我個感覺都係好潤，特別係個黑糖鮮奶桃膠！夠哂滋補，食落唔會太甜，又有好香奶味！好正！桃膠份量都好多，真係夠哂養顏，食完之後感覺靚左🤣楊枝甘露就夠哂足料，芒果勁甜真係估佢唔到，配埋柚子真係夾到～～佢仲可以揀配料配落去芋圓度，但我就冇試到，因為佢d野冇防腐劑要盡快食哂，我雖然為食但個胃裝唔到咁多野😂，下次再試試！佢仲有好多款小食，勁吸引！

睇到店嘅標語，好有心思，好有feel : -人生很短，行樂需快!-無添加防腐劑，請盡快放落你個肚!-只要有恆心，豆豆磨成金!-黄豆很小，功夫很大!我手上依杯係手工芋泥豆乳，因為我減磅中所以叫咗佢哋唔落糖(走甜)，原來唔落糖已經正到飛起，淡淡芋頭香甜加上香濃豆乳，滿滿嘅蛋白質同原形澱粉質，這個下午茶真係有營又好味到不得了！另外買咗幾碗甜品給家人品嘗，全部都係三色芋圓，可自選三款配搭香滑豆花，美顏桃膠，芋泥香濃紅綠豆·涼粉，消暑一流香滑豆花，西米，小丸子煙韌有咬口香滑豆花，西米，芝麻糊香滑

今日去開河畔探朋友，見佢話呢間日日排哂長龍，走個陣順便買黎試下！全間鋪啲野都好岩我口味🤣買左豆乳，甜品同小食，當晚餐🤣手工炸豆腐落足椒鹽，夠重口味👍🏻仲炸得好脆！重點係份量勁多！要左杯豆乳奶蓋飲品，超多料😱飲一杯都好飽，有西米，珍珠同豆腐花！第一次試豆乳奶蓋又幾唔錯，無芝士奶蓋咁膩！甜品叫左楊枝甘露同三色芋圓，芋圓好煙韌，估唔到配料都好出色，紅豆煲到好綿起哂沙！楊枝甘露唔同其他鋪，佢落碌柚，岩我呢個碌柚狂🤣食完明點解咁多人排，又平又好食！！！

***豆乳狂人***難得黎沙田圍緊係搵下特色野睇完覺得完全係賣飛佛🤤好可惜係長期人龍店我買時都九點左右淨下數款簡左紅棗桂圓枸杞豆乳除左豆乳冇一種料係我中意但山長水遠黎到冇理由唔買就打算買比屋企人飲自己順便試埋🤡試落唔差喎 豆乳味偏重 所以其他料既味道冇咁突出職員仲會好貼心問要唔要幫加糖漿tim😄而叻外都買左芋圓芋圓好大碗同好多料好正 三十蚊都唔駛必須回頭🙈

豆乳狂人仙草豆乳紅豆豆乳燕麥豆乳手工芋泥豆乳價錢💲: $20/ $15/ $18/ $25好味程度😋: 4.3/5服務🍴: 4.3/5環境🗾: /性價比🥢: 4.5/5回頭率😚: 4.3/5-講起豆漿，除左元朗個間有自家卡通的之外，唔知大家知唔知沙田都有間專賣豆漿的鋪頭！重點係平好多，好飲好多😝上次試完元朗個間其實幾失望，點知呢間超好飲！-我係平日十一點幾去到見佢地仲準備緊D味，所以樽裝的味道唔太齊。如果想多D選擇，就可能晏小小好啲，但太晏又會比人搶晒😂-難得去到就一口氣買左4種味。呢到的豆漿濃得來比平時既杰小小，仲可以同啲姨姨講要幾多黑糖，佢再加比你😝 有得自己調節甜度真係勁好！1️⃣仙草豆漿，呢個其實即係原味豆漿咁😆但飲落會多左滑溜的仙草口感。2️⃣紅豆豆乳，呢個就好似紅豆沙咁，飲落起沙得來只帶小小顆粒感，幾特別😚 3️⃣燕麥豆乳，呢個口感上最好，係飲豆漿的同時有燕麥片咬下，多左一種好似麥皮的感覺🤣 4️⃣手工芋泥豆乳。芋泥份量大概漸1/3，個人覺得可以再多啲🤪 但芋泥整得唔錯，幾綿滑，帶有小小芋頭粒。-我覺得全部都唔伏，只要你中意飲豆漿就一定要去😌 每枝500ml都係$13-25蚊，好抵飲。我下

我本身就住河畔，一直都知樓下有間豆腐花小食店。不過平時經過無乜細心睇過，而且好多時見佢成日大排長龍，所以一直無試過。今日趁着星期六放假，諗住食番個健康少少嘅早餐，於是就起不如睇吓有乜啱食。訓醒十一點左右落剋去，店姐姐話要等多一陣先開門。於是睇吓有乜好野食。今次有時間，可以細心咁睇，原來間鋪叫「豆乳狂人」，正如其名，發現佢嘅豆乳真係有好多款口味，數數埋埋有成十款，絕對吾係一般豆腐花店。不同口味嘅豆腐乳全部用樽裝好，十分衛生方便。除了豆乳，仲有不同口味豆腐花、亦有糠水、芋圓等。聽店姐姐介紹佢哋有款「奶蓋豆乳茶」好受歡迎。其他亦有小食好似臭豆腐、肉鬆炸多士、魚肉燒賣等等。最後，我決定要桃膠豆乳同仙草豆乳（小甜），呢兩支可以放雪櫃慢慢啲飲。豆乳好香濃豆味，而且桃膠十分多。而且姐姐會問我要多甜定少甜，十分貼心。然後再要了芋圓豆花，奶蓋豆乳茶、臭豆腐、炸肉鬆多士同埋小丸子。奶蓋豆乳茶真係好味，豆乳入面底層有珍珠、亦有西米露，面層加有奶蓋，口感十足，而味道層次好豐富。炸多士有肉鬆再淋上練奶，入口鬆脆。而臭豆腐加埋甜辣醬都好好味。如果你係豆乳、豆腐控，或者又想食得健康啲同埋有營養啲，一定要嚟試吓佢。等

椰奶多芒楊枝甘露西米，西柚，芒果，味道椰香濃醇厚，絲滑甜蜜，一股夏天的味道席捲而來。三色芋圓，豆乳布丁，昆布綠豆，小丸子芋圓軟Q彈牙，香氣四溢。豆乳布丁豆奶的質感更稠密細緻，而且好滑。昆布綠豆清熱解暑。小丸子好煙韌。三色芋圓豆花，鮮芋泥，西米豆花滑嘟嘟豆味香濃不在話下，最要加入鮮芋泥，芋頭味超香濃。成日都賣光光，今次終於食到佢嘅芋泥了手工製餈飯大大件，材料豐富有粢飯有榨菜、肉鬆和油炸鬼，油炸鬼好脆口，糯米飯軟硬適中

好耐之前已經睇過YouTube介紹，知道呢度有間專食豆類製品嘅外賣店，行開附近於是就嚟睇吓一去到呢間舖頭門口，就見到個Menu上面有好多豆類製品：豆漿都有成10款、豆腐花又有十幾款、仲有佢嘅豆豆小食：當然唔少得臭豆腐，但係因為朋友唔係好食臭豆腐，所以就冇嗌同朋友們揀咗炸物同埋豆乳仲加咗個芋圓：仙草豆乳同手工芋泥豆乳：果然係專做豆品嘅，豆味勁濃郁，而芋泥亦好足料，一啖豆乳一啖芋泥，味道如此咁夾！三色芋圓：除咗芋圓之外，可以自由配搭配料，我哋就叫咗桃膠、豆乳布丁🍮、小丸子，芋圓同小丸子都好彈牙ee umum,好正！台式鹽酥菇，酥脆雞軟骨:新鮮滾熱辣炸出嚟，堅好味，好似台灣夜市啲感覺，我真係好like呀😋唔怪之得等外賣期間，keep住有人嚟幫襯

呢間小店我地幫襯左好多次啦真心私人收藏黎‼️到依加每次去開沙田都一定買外賣😳小店超受街坊歡迎，成日都有條隊係門口排緊好彩就唔算等好耐，通常都係10-15分鐘左右。店員姐姐又超友善，每次幫襯都好nice!☺️題外話💬女朋友仲成日講笑話唔介紹呢間，驚多人識左條隊就再長啲哈哈🤣豆乳狂人名乎其實，主打豆乳產品，分為手工特濃豆乳、豆花甜品同小食三個大類型。手工特濃豆乳有10款唔同口味，各具特色~ 原先係無糖架，健康又岩唔同人既需要😉購買時姐姐亦會問你要唔要加黑糖，非常貼心~👍🏻除左有傳統豆花，亦有創意甜品🤤小食更係人氣必食之選!😍✅特濃可可豆乳($20)🌟4/5分豆乳唔同坊間既咁稀身，非常濃郁，可可味突出，唔會太甜反而係比較香!☺️✅手工芋泥豆乳($25)🌟4.5/5分純豆乳比起可可更濃郁、更香豆味，芋泥軟綿，芋頭控表示如果量再多就更好!😳✅經典臭豆腐($16)🌟4.5/5分豆乳狂人既炸物好受歡迎!🤩全部即叫即炸，見啲街坊都買勁多，唔通係加餸?!😏臭豆腐外層炸得香脆唔油膩，裡面嫩滑而多汁! 特製醬汁惹味，唯一要挑剔既就係唔算太臭哈哈🤪~✅手工製粢飯($20)🌟5/5分呢個應該係我地食過最好食既粢飯‼️雖

🤤鍾意食豆腐既沙田友有福啦～河畔有間賣自家製豆乳、豆腐花既小店。紅豆豆乳、仙草豆乳，重有芋圓豆花。。口味走台式路線，係台風丫！避免人多聚集，外賣返屋企慢慢嘆～☺️買左三色芋圓$28同手工芋泥豆乳$25三色芋圓配料可自選三款。我揀左紅豆、仙草、豆花。店員會問要唔要加糖加花奶。。🤔小孩子先要選擇。我全都要！🙈都係少甜唔該。。想讚一下外賣甜品盒擰開蓋重有個蓋防漏。好細心芋圓煙韌，難得食到三色（南瓜、芋頭、紫薯）味道分明。豆腐花滑溜。豆味濃d就更好好滑！豆漿可以走糖好健康。我揀左少糖，豆味比豆腐花濃，加左芋泥本身微甜，飲落口感好似紅豆冰。健康版既。唔錯！係唔錯既，對於為食又想健康既我好滿足丫😚

本來想要個芋泥豆乳但冇 所以我就點左個三色芋圓(豆花 紅豆 仙草)$28+$6 要加個豆乳布丁+因為新年要加多$2最後$36埋單但我返到屋企發現冇布丁喎🙄🙄🙄我打去聯絡電話問 聽電話個人話payme返俾我最後都冇收到 算啦 唔開心係因為我係為左有得加個豆乳布丁而叫三色芋圓結果排左咁耐又俾左錢又冇得食🥺——講返食物 豆花唔錯 食到豆味 但紅豆得幾粒 真係幾粒芋圓煙韌 仙草正常下次可能試返一支支既豆乳起碼唔會俾漏野先😔

三色芋圓可以選擇三種配搭！我第一次揀左芝麻糊、豆花、台式仙草。芋圓口感煙韌，豆花重豆味，成碗甜品係暖暖哋！呢個配搭唔會太甜！$28值得再試，落重料！第二次就試左豆花、手工黑糖、小丸子(另加$6)。由於加左手工黑糖，食到最後太甜。如果你是黑糖發燒友，可以嘗試一下呢個配搭。另外，我仲叫一杯芝士奶蓋豆乳布丁燒仙草($30)。因為呢杯飲品除左有豆乳布丁同燒仙草之外，仲有西米，所以唔太甜而飽肚。芝士奶蓋味道唔太重。呢杯飲品就可圈可點！最後，值得一提嘅係裝三色芋圓嘅杯係非常實用，扭開個蓋而唔係揭開嘅蓋！可以循環再用