豆漿大王

营业中

休息中

中午放飯無意試食到呢間小店，平民價錢得嚟又大份，事後先發現原來新蒲崗主店已經連續三年米芝蓮推介，今次嚟九龍灣分店就唔使排隊。🍴滷水蛋豆腐飯 $𝟯𝟵用咗硬豆腐嚟煎，食落香脆有咬口，幾鍾意佢配搭梅菜，令人好開胃，最重要呢個𝗟𝘂𝗻𝗰𝗵 𝗦𝗲𝘁幾乎有兩碗飯咁多，真係份量爆登，仲包埋凍或者熱飲豆漿，相當抵食。📝 ：𝟴.𝟱/𝟭𝟬🍴肉鬆奶脆多 $𝟮𝟮 包身外脆內軟，肉鬆又係多到放題咁，同煉奶𝗺𝗮𝘁𝗰𝗵埋一齊帶鹹配甜，好有驚喜。📝 ：𝟵/𝟭𝟬🍴上海小籠包 $𝟮𝟵外皮有些少厚身，豬肉餡料食落鮮甜，不過四隻小籠包上盤都痴埋咗喺一齊，一夾就穿，令到啲汁漏哂出嚟。📝 ：𝟱/𝟭𝟬🍴豆腐花(跟餐+$𝟴)味道唔錯，同坊間嘅豆腐花大致相約，𝟴蚊嚟講又想食下甜品過口癮都好抵試，一樣會裝到滿比你。📝 ：𝟳.𝟱/𝟭𝟬🍴凍/熱豆漿(跟餐免費)比較推介大家簡熱豆漿，最大分別係可以自己落糖控制甜度，豆味更加出，另外用碗裝嘅份量都多過杯裝嘅凍飲。📝 ：𝟳.𝟱/𝟭𝟬✍🏻其他分數📝環境：𝟱/𝟭𝟬📝性價比：𝟭𝟬/𝟭𝟬

今晚又來淘大搵食, 平時比較少行到咁深入GE 位置, 原來呢度有間叫豆漿大王. 店外有人等外賣, 店內則坐滿人. 我GE 評審角度係有人氣就少伏氣. 於是問下有冇3位. 等咗幾分鐘, 店外露天位有一張4人枱. 而家天氣涼涼哋, 坐係露天位反而幾舒服.呢度可以用QR code 點餐+俾錢, 搞掂晒才會送餐過來. 如果無帶手機都5 怕, 可以叫阿姐們幫手落單, 然後去收銀俾錢, 之後等人送食物來.佢地菜式選擇多, 加上手機篤篤下, 就篤咗9樣嘢, 即刻勒住, 5 可以再亂來~~1. 小籠包($29, 4隻) : 一上枱見到4 隻互相靠緊, 皮貼皮, 心里已知奶嘢. 結果筷子一夾, 隻隻都崩裂晒, 肉汁洩晒, 失望………2. 肉鬆奶脆多 ($22, 4嚿) : 其實係炸銀C卷加D 肉鬆係上面. 佢係炸得幾鬆脆, 加上煉奶和肉鬆, 都幾得意~3. 酸辣淨雲吞($39) : 湯底好味, 但辣度重D D. 雲吞則皮太厚, 似餃子多過雲吞4. 咸粢飯($18) + 雞扒粢飯 ($23) : 呢度落單時可要求切兩件 or 三件, 我覺得呢個安排幾好. 因為食一整條粢飯係有D 滯,

又係返工放下晝假嘅日子，行完街之後返到去5:00 ，仲有兩個鐘先食晚餐，但係已經肚餓到飛起，見到呢間豆漿大王竟然一個下午茶餐係20幾蚊，就入咗去食，入到去之後最後都冇揀到20幾蚊嘅餐，因為念念不忘都係好鍾意食佢嘅銀絲卷，其實銀絲卷同炸饅頭都冇乜分別，但係就唔知點解佢嘅口感特別好，另外嗰度嘅店員都非常之好，我用巨量嘅煉奶，唔夠問佢再加佢都冇托手踭，算係幾好，不過之前曾經試過佢嘅小籠包，每次要等成20分鐘，代表佢係即時蒸，不過好唔好彩，雖然已經係即時蒸，但係都唔係幾好味，所以如果上嚟食小籠包嘅話就可以考慮其他舖頭啦 anyway屋企附近有間咁樣嘅細細餐廳都好好

一個人係九龍灣做完嘢，想搵間平平地既餐廳醫肚。記得朋友帶過我嚟，當時食過佢地既鹹粢飯十分出色，重點係平‼️ 食過兩次，決定試吓新野。✨️雞扒粢飯 $23只有淘大分店限定，集合榨菜、肉鬆、油炸鬼，仲有塊炸雞扒，一次過滿足我享受所有配料既願望❤️ 食落口感非常豐富同飽肚，但foodie最鍾意都係鹹粢飯。✨️ 鹹豆漿 $19平時飲開甜豆漿，難得見有咸豆漿於是決定一試 入面有蝦米、榨菜、蔥花、油炸鬼， 食到底d料仲喺度， 不得不說份量非常足又平，真係好抵食‼️ 可惜油炸鬼浸太耐淋曬，同埋個感覺好似食粥， 飲到鹹味豆漿。

今朝完成義工活動突然想食粢飯，適逢來到九龍灣就緊係去口碑不錯的豆漿大王試下啦。店舖細細但坐得舒服，想開揚啲可以選擇坐戶外雅座。我和honey叫了碟鹵水鴨腎肉骨牛展拼盤（鴨腎唔硬老友記都啱食，鹵水汁唔太咸，味道剛好）、咸粢飯（飯質地很好，肉鬆甜甜地配搭炸菜唔膩）、韮菜湯水餃大大隻、肉鬆多士（說是多士其實是炸饅頭上放肉鬆加牛奶，是有驚喜的甜品）、配上一碗熱姜汁豆漿（無糖豆漿加上姜汁原來咁好味）飲落好舒服。期待下次再來。

收工等朋友一齊食飯想食平d又唔想太熱氣豆漿大王就啱曬有得揀飯或者面，都好多配料可以揀湯麵配埋榨菜份量都幾多雞翼都幾香脆，唔會有雪藏味韭菜餃都ok饅頭炸得幾好又唔會太油，唔錯👍🏻豆腐較普通不過都唔差嘢飲就叫左杯奶茶都幾香仲有🌽汁唔會太甜而且真材實料，又熱辣辣新鮮炸冬天凍凍地飲啱曬

很難得香港還有這些平民小店豆漿大王 已有很多年歷史當然最出名的食品係 🧡🧡🧡🧡🧡新鮮👍🏽即嗌即整👍🏽嘅粢飯仲有叫咗味道不錯嘅🧡🧡🧡🧡🧡炸雞扒擔擔面 雞扒炸得鮮嫩👍🏽外皮脆 內裏多汁原本嘅酸辣湯，轉成擔擔面底雖然花生醬只是放喺面頭但肉碎還是蠻多的 人手攪勻香味即刻出返晒嚟🤤平民嘅店舖，環境當然比較地道化繁忙時間同非繁忙時間侍應都要客人坐埋一枱感覺很有壓迫感當然客人仍可選擇坐戶外定室內提岀就可以了🧡

豆漿大王 (九龍灣)📍九龍灣牛頭角道77號淘大商場2期地下G208-209號舖鹹粢飯 $18熱辣辣鹹粢飯，中間有超脆油炸鬼、肉鬆、炸菜，簡單好味，價錢親民👍🏻 7.6/10雞扒鹹粢飯$23基本配料同鹹粢飯一樣，加2塊大雞扒，雞肉都嫩既，整體吾錯 7.6/10滷水豆腐$26份量超多，滷水汁都入味，油炸豆腐都幾飽，建議2個人share 7.5/10上海餃子-韭菜豬肉 $37餃子有6隻，湯底普通清湯，韭菜豬肉味道正常，整體普通 6.8/10熱豆漿 $10熱豆腐有整整一大碗，岩2個人share ，味道吾差， 價錢好平 6.9/10

今日中午12點幾外賣自取個滷水蛋豆腐麵，拎到返嚟，落佐包辣椒醬係麵度先發覺包醬過期，本來抱住好心嘅心態啊打落去提下職員check下距哋哩醬有冇過期，免得有人好似我咁唔好彩，點知連續聽電話嗰兩個職員態度極惡劣，不斷咁重複包醬係2024年，我不咁話啱先你哋俾我嘅係2022年，足足過期一年有多，距仲不斷咁係度拗，後嚟距俾另外一個職員聽，另外一個職員就話係廠家嘅問題，其實係距哋自己收貨冇檢查，距哋自己都有問題啦，但距哋將個責任推曬落其他人度，都冇講點樣去處理哩兜麵，宜家個麵就廢佐，搞到我要另外再買嘢食

今日收工之後趕住去玩劇本殺，匆匆忙忙就係淘大花園附近揾左間餐廳填肚。黎到見到豆漿大王門口都有少少人排隊等位，入面又滿座，我就諗應該都有返咁上下水準，所以就跟著一齊排隊。店員手腳都快，我一個人排5分鐘左右就有位。佢地有分咸/甜兩種秶飯，而我今次就叫左咸粢飯，糯米包住炸菜、油條、肉鬆。不得不說，果然係正宗上海粢飯，真係好好食！😋外層糯米厚薄適中，口感粒粒分明但卻軟糯煙靭，內裹既油條香脆，加上炸菜、肉鬆咸香調味，一啖咬落去，同時出現多種口感，而各種材料味道不重不淡，唔會有其中一種喧賓奪主。另外，甜粢飯係砂糖及油條，咸味粢飯表現出色，希望下次有機會試埋甜款👍🏻👍🏻我決定要直接頒全場MVP俾呢個菜！超級超級好食！！！！！！！！天氣炎熱，最近真係冇乜胃口，所以希望叫啲酸辣菜色刺激下食慾，而佢好食到真係驚艷到我。先講油豆腐，入面釀左經過調味既豬肉涵，咬開果下會爆肉汁！加埋油豆腐內裹蜂巢般既吸湯結構，完完全全吸晒啲肉汁！😱😱講返主角酸辣湯，用料非常豐富，有豬血、豬皮、木耳絲、豆腐、荀絲及蛋絲，每一啖都有滿滿既配菜。味道上，酸道辣道都足，成個菜品非常之惹味香口🤤黎到豆漿大王當然要試下佢啲豆漿啦～糾結咗好

今朝行過去豆漿大王，買個粢飯做早餐。我係外賣嘅，俾完錢好快就有得拎，熱辣辣。宜家唔係好多上海舖有粢飯賣，有又未必好食。豆漿大王嘅粢飯都算係咁，唔係話好大個，女孩子食會夠飽。裡面基本嘢，肉鬆，炸菜，油炸鬼。油炸鬼返到公司食嘅時候仲係脆身（都差不多相隔30分鐘），各樣味道都幾好。餡料仲可以加配，我就食正常版。見仲有其他上海食品，菜肉飽，雲吞等。可能返工時間，堂食唔算太多人，大家都係外賣為主。價錢親民。搵日都想去試吓佢其他嘢食。

星期一買早餐兩個姐姐憑實力卡咗條人龍出嚟，最後等咗廿分鐘都落唔到一個客，雖然顧客用QR自己落單係大趨勢但基本的職員培訓還是需要吧？食物中規中矩,肉鬆多士好吃，不過甜粢飯有伏只有砂糖味

🌟肉鬆奶醬多(4件） $20 （8.5/10）饅頭炸得好鬆脆 加埋好似多到唔使錢嘅煉奶同肉鬆 依個組合其實係冇得輸 講真真係好好食 除咗係好肥之外 冇缺點🌟上海小籠包(4個）$26 (7/10)小籠包就正正常常 依個價錢嚟講可以接受 咬落去啲汁就唔係太多 不過個皮就唔會太厚 整體都幾好🌟冰凍豆漿 $9 （8/10）杯豆漿真係好好飲 豆味夠濃但係又唔會太甜 夏天熱辣辣飲返杯真係好正🌟整體：8/10整體嚟講啲嘢都好食 價錢都平 會話性價比幾高 作為下午茶嚟講係一個幾好嘅選擇

外賣自取好快有得拎一直想試，終於有機會打電話去店舖落單，店員好有禮貌！大約晚上七點左右落單，十五分鐘左右就拎得，最好係包裝得好，半個鐘路程返屋企，野食仲好夠熱叫左粢飯，全加材料份量好足，好味！仲叫左炸饅頭，好脆好鬆軟！正

由於今日比較忙⋯唔太夠時間食lunch，咁見到呢間如果唔入餐廳入面，又唔介意冇冷氣，可以坐出面，就坐左，但尋日係中午30度😂。初時ok嘅，但想飲嘅「玉米漿」🌽得熱，飲埋就汗流浹背😂。叫咗 #煎釀豆腐麵 $38 + 餃子 （兩隻） $10另加$7 轉左玉米漿。煎釀豆腐麵嚟到，唔算煎到外脆內軟，不過呢個$40都唔洗嘅麵，碗唔算大，但好滿下，有爽口榨菜，再加埋2粒餃，都夠飽肚。玉米漿上枱真係出曬煙，um….但豆味唔算濃，顏色好似好粟米咁，但飲落又未到粟米湯嗰啲咁濃味，下次試下凍先，但豆漿類凍好似得椰汁豆漿。