豆腐時代 (已結業)

豆腐時代 (藍田)藍田藍田啓田道50號啓田市場地下1087號舖-----路過藍田呢間小食店見到$12蚊一碗紅豆或芝麻糊豆腐花 見未試過又好平 就叫碗紅豆豆腐花黎試下 點知咁就中伏啦 豆腐花毫無豆味 唯一慶幸ge係質感都仲算滑溜 不過咁 豆腐花本身就係清淡ge甜品 無味都唔可以完全怪佢 可能真係太健康 太少糖 但係最過分ge係 連紅豆沙都係無味ge b仔從來未食過咁淡ge紅豆沙 好似水咁 其實見到個樣都已經覺得好唔對路 隻色好淺色 但係結果原來味道都一樣咁伏 老實講酒樓ge紅豆沙都好味過佢 整體真係好淡好淡 好似水味 可能廚師真係太追求健康 搞到成個甜品都無咩味🙈🙈🙈有好大改善空間-----👶🏻B仔整體評價：3/10個👍🏻👶🏻B仔抵食程度：8/10個👍🏻👶🏻B仔環境評分：買走yo👶🏻B仔味道評分：2/10個👍🏻👶🏻B仔回頭機會：0/10個👍🏻-----

Tofu is a popular and healthy ingredient in  Hong Kong.There are so many shops serving it such as Kung Woh which is on the traditional and greasy side.A few years ago Tofuism was very popular with a modern approach where they had shops everywhere but somehow they started to die down with one or two shops currently remaining.Trending now is Tofuage where they have two branches at Wong Tai Sin and Lam Tin.I went to both locations and prices are slightly different because I believe one has dine in

叫個 芝麻豆腐花， 諗住冇難度啦， 點知變咗個椰汁涼粉!!!!!!係咪要報海關?有冇攪錯呀！?已經唔係好食仲要成日錯。其實幫襯佢都唔為好食，係 夜咗冇其他選擇，當食超市即食糖水，唔比錯野就當你合格架啦！

叫左一個椰汁芋圓涼粉，一個芝麻豆花，拎走既。涼粉$12，加椰汁$4，加芋圓$4；芝麻豆花$12。加埋應該係$32。佢收左$38。（一開始無為意佢計錯數）差額$6。囉野食時先發現佢入錯生磨芝麻糊，計返條數收多左錢喎。阿姐話加芋圓好唔好？咁可以唔使退錢。加芋圓都只係加$4，條數點計都唔啱。阿姐先話咁退錢。於是退返$6。以為無問題啦...點知返到屋企開碗涼粉睇下，無芋圓囉！！得碗椰汁涼粉！！芋圓涼粉無芋圓，想點呀？？

鹹蛋黃醬配任何食物 肥雞都覺得好好食雖然話配炸魚皮就好啲 但係配炸豆腐呢肥雞就未試過 見呢間豆腐時代新出呢一隻食品咁肥雞梗係要試下啦 呢間炸嘢又係即叫即炸 所以要等5至10分鐘但係新鮮熱辣嘅炸豆腐配埋鹹香嘅鹹蛋黃醬真係變咗另一種層次嘅享受

今日遲了收工， 唔夠時間煮餸，所以買些現成食物，希望可以快些開飯，見街市門口有檔賣煎炸豆腐， 便買了煎釀豆腐和一口炸豆腐回家做餸。煎釀豆腐套餐18元，有四件釀豆腐和豆漿， 豆腐煎得外皮甘香內裏軟滑，並且有豆香， 味道也不錯。套餐送的豆漿，有豆味，甜度適中正常。一口炸豆腐15蚊有7粒，買的時候被它的相片吸引，但回家打開後，發現豆腐顏色非常深色， 應該是用千年油炸，才有這個效果，食落口更感覺油膩，如果即場見到此豆腐，我必定要他更換， 無奈已回家又不想再回去更換，唯有把它丟掉，令人非常失望 ， 下次未必會再光顧

早前呢條食街十分出名，今日終於有機會黎潮聖一下☺呢間豆腐時代不斷都大排長龍，所以決定食下🍴餐牌👇👇今次試左個一口炸豆腐，寫到明有7粒幾好呀，因為係即叫即炸，等左7-8分鐘終於等到了，一拎上手真係熱辣辣外皮炸得香脆，但唔會好厚身的👍內裡豆腐滑嘟嘟，而且豆香味濃郁😋加埋灑上面既椒鹽粉十分香口，不過就略嫌有d油膩感係取餐處仲會有好多醬料可以加入，試左傳統的甜醬非常夾味，另外仲試左個蜜糖芥末醬，意外地覺得都幾唔錯👍總括黎講: 豆腐製品的確唔係浪得虛名，豆香味濃郁，而且價錢適中🍳🍴味道: 8/10👩👨服務: 7/10🏠💺環境: 7/10💰💸抵食: 8/10總消費: $15 (1人)

知道啟田開咗個美食街，就即刻去試下。豆腐，全部都係豆腐，好幾款都想試，但要留肚試其他舖頭嘅嘢食，所以淨係試咗個一口豆腐。即叫即炸，因為新鮮炸起，外皮卜卜脆，好香口，豆腐亦有豆味，好食，會想再食。價錢方面，$15/7粒，都可以接受。如果可以好似台灣嘅一口豆腐加d 配菜就更好，食完無咁熱氣。除咗要食原汁原味嘅炸一口豆腐，見舖頭都放咗好多醬料，梗係要試下點唔同嘅醬，睇下會帶出乜嘢嘅味覺享受，個人覺得韓式辣醬會比較夾。

下午茶時間嚟呢度試下先豆漿加粢飯 $20咋wo!!平日呢個時間嚟都要稍等一陣，始終係新鋪開張冇耐，不過等10分鐘度就有得拎喇😎先講豆漿~香滑濃郁，好有豆味粢飯~即刻整，熱辣辣好好食，以下午茶嚟講，其實都幾大份，入面d料都ok多。$20我覺得物超所值呀。

藍田呢個新開的市集多左好多野食，但咁多間我最鍾意呢檔！老闆成日好興奮咁派傳單，又幾好人！有次去排隊買豆腐花的時候，個婆婆無帶卡無錢俾，老闆索性請佢食！雖然話豆腐花唔係好好貴，但都算係咁啦！今日就買左熱芋圓豆腐花，真係好滑！好有豆味！芋圓好正！有地瓜圓同芋圓！都係我最愛！另外黃糖另上，咁自己鍾意加幾多就幾多！一口豆腐係炸，有d似椒鹽豆腐！用黎做小食都唔錯！好脆好香口！之前都試過佢d釀豆腐，都覺得好正！會keep住幫襯！

我又嚟幫襯美食街啦，仲有好多間店，好多小食未食過 😋呢晚見到煎腸粉加豆漿都只係15蚊，抵到笑😂 雖然明明係豆腐店但唔買豆腐有D包拗頸，但煎腸粉算係普通野，應該無事既，於是買左。其實除左我都無人買煎腸粉，店員都問下老細賣唔賣，老細話煎，然後特登開個pan出嚟為我煎腸粉 😂😂😂真係麻煩晒。煎好仲比我自由加醬，加好先幫我 pack 好👏🏻👏🏻👏🏻腸粉出奇地好食，陣陣煎香味，仲有蔥香味🤤 雖然拎到返屋企焗腍左，但仍然咁好食。如果即買即食必定更香脆 🤤🤤🤤反而豆漿一般，普普通通，仲有少少黃豆苦味...

啓田街市重新開放，有點樂富高檔的格局。外面多了一條食街，營業至凌晨二時，種類繁多，立即製造了不少話題。晚間時段，要的不能只是輕食，便來了此處，點的是麻婆豆腐飯和黑芝麻豆腐花。全部37元，很便宜。但一開飯盒，問題就来了。首先幾乎找不到豆腐，汁多，豆腐肉粒欠奉。內者白飯下水太多，已經不是粒粒已是一舊糊。做不了飯，不如專心只做豆腐吧。反觀豆腐花就正常很多，但也不見好。首先料是多，黑漆漆的芝麻糊滿瀉，味道一般。豆腐花則不滑，也不夠豆味。下次一定試其他店，恐怕不會很快再來。

其實豆腐花呢d一早就整好，搵雪櫃雪住，吾明點解去到夜晚1108分買，1120都未拎得，繼而到拎貨個老闆話冇黃糖？仲話你等呀？都要等一段時間？你冇黃糖比錢個陣吾講？要人等完一輪先話冇？一次交易就好了

啓田開咗小食街之後街巿好旺場，星期五夜晚有歌手表演，水準不俗。今晚買宵夜，$12/4件魚肉豆腐，熱辣辣又足餡、收銀妹妹好甜美好nice，會再幫襯；下次試琵琶豆腐同豆腐花