豐鍋雞煲 (京瑞廣場1期)

营业中

休息中

豐鍋招牌麻辣雞煲🥘配料豐富，有花椒、洋蔥、姜、蔥、芫茜等等，我地喊左小辣，啱啱食落去既時候覺得雞肉嫩滑香口惹味，每件雞隻都均勻醃製，食食下麻辣味先慢慢係口腔散發出黎🥵 配料亦都吸曬醬料既味道，令人食不停口。食完雞肉之後已經飽飽地，店員會加上上湯，就可以準備打邊爐啦頂級雪花肥牛油脂分佈均勻，賣相新鮮厚身，食落去有牛肉味，唔會煙靭。自家炸響鈴及爆芝炸響鈴打邊爐梗係唔可以錯過響鈴。炸響鈴鬆脆，筷子一夾已經有少少碎。放入煲內，吸曬上湯同埋麻辣雞煲既汁，食落去簡直一流。爆芝炸響鈴內有少少芝士，令到炸響鈴除左原有雞煲味增添芝士鹹味。水蜜桃蘇打水蜜桃液點攪都係沉底，味道唔係特別濃郁，但解辣唔錯，仲有少少奇幻感。龍蝦、鮑魚、蟶子及帆立貝要提早一日預定先有，下次就知道啦

食過返尋味😆 呢度嘅雞煲肉質鮮嫩 雞味濃郁 所以又介紹咗朋友一齊嚟食☺️.｜滋補螺片花膠雞煲 $218 平時叫花膠雞湯底會好濃 比較膩～ 反而呢度嘅花膠雞係清湯底 然後加花膠螺片同雞入去 一樣足料但湯底比較輕盈 啱哂打邊爐🍲.｜蝦丸$79每次必點蝦丸🦐 食落係超彈牙嘅蝦膠😙.｜頂級豬梅肉$125 份量都幾多而且有肉味～ 煮完之後肉質都嫩滑😋.｜貴花蚌$125貴花蚌唔係蚌類 而係海參既一條肌肉 又稱為海參筋😉 煮完之後口感爽脆 好有咬口😋.｜萵筍片 $36次次諗食咩菜都忍唔住叫萵筍😌 一片片有啲咬口

二刷 石門 - 豐鍋雞煲menu同上次唔同左 一於試下新野豐鍋招牌麻辣雞煲 -半隻 $178 同上次黎一樣咁好食 滑身😋上次叫中辣 感覺偏辣 今次叫小辣剛剛好十優狀丸 $108 黑松露墨魚丸、蝦丸、墨魚丸、黑墨丸、鯪魚丸 每款2粒 一共10粒大滿足🤓上次試左手工黑墨丸 今次一次過試埋其他店員力推 手工丸類 保證手打新鮮好食特別推介黑松露墨魚丸☺️餃餃陣 $88 鮮蝦雲吞、魚皮餃、韭菜餃、麻辣雲吞每款兩粒 一共八粒個人推介鮮蝦雲吞大大粒蝦仁雞子 $68我自己係好鍾意食雞子 同上次一樣新鮮、大大粒😍牛脷芯 $118 性價比極高 呢個價錢就可以食到一大盤😍打邊爐薄切 廄肥又爽口彈牙👍🏻特別推介自創爆芝紫菜響鈴 $49/3pcs呢個真係一定要叫 仲要趁熱食 啱啱揸出嚟夾起嘅時候 脆到差啲散晒🤣味道: 4/5環境: 4/5服務: 5/5抵食: 4/5📍 豐鍋雞煲火鍋京瑞廣場1期 137鋪

去開石門玩瑜伽，玩完之後朋友建議去京瑞廣場晚餐，行了一圈都不知吃什麼好最後試吓雞煲，這個廣場好像沒太多特別餐廳，見這間還不錯。職員安排了卡位，環境也不錯，地方也滿大的。好方便，都是自行下單第一次來我們先試一下小辣辣度正常，麻麻的很惹味，不知這是什麼品種的雞肉，特別有雞味，和平時的有點不同，配上的醬料也很特別因為朋友不吃牛，我們叫了黑豚肉，厚度適中，不肥。第一次見全塊魚皮，新鮮炸起，好脆口！最後雞煲必須配以新鮮蔬菜才能是完美的一餐😇😇

天氣咁熱，同朋友行街唔知食乜好，於是，就去試吓食雞煲,因為唔想食得太燥熱，所以我哋揀左滋補螺片花膠雞煲，食得嚟又可以美顏下，滿足下女生又要食又要靚既心態。雞煲既湯底滿有鮮味，配上白蘿白同薑絲，再放入新鮮既雞件及花膠同螺片。煲滾後，我哋試了一口之後，湯味好鮮甜！花膠同螺片也有彈性，煲咗一段時間D雞肉新鮮嫩滑。 我哋食咗三份一煲後，其他火鍋配料也陸續到齊，當中包括手工四寶丸、頂級安格斯牛排、鮮黑木耳、鮮淮山、土豆片。我哋見到餐牌上有炸爆芝響鈴，雖然「邪惡」但我哋又好上試吓於是叫左，芝士味好濃好正，不過我哋沾水時間多咗，所以響鈴偏淋。而手工四寶丸都係手打彈囗好好味。整體感覺食物足料鮮味冇味精既滋補湯底,不錯不錯👍🏻

曾經石門只是一個工業區，隨著政府發展已經大不同，交通方便又有鐵路站，有公共屋邨亦有商場，成為了一個美食集中地，今日約咗朋友食雞煲。豐鍋雞煲住家小廚餐廳位於石門站出口，📍京瑞廣場1期1樓137號舖，餐廳是典型火鍋店格局，排列整齊，店員熱情招待先了解我們選擇，我們先點半隻BB辣豐鍋招牌麻辣雞煲，店員先去炒雞，再叫我們可慢慢揀選配料。不消一會雞煲送上，急不及待先食雞煲，蔥蒜辣椒乾加秘製醬汁好香好入味，BB辣啱啱好唔太刺激。配料送上，店員為我們加入清湯打邊爐。頂級雪花肥牛油花均勻，肉結實脂肪較少纖維也比較細，牛肉味濃肉質柔嫩，上佳火鍋肥牛。牛柏葉大大件好爽脆。十優狀丸有黑松露墨魚丸＋蝦丸＋墨魚丸＋黑墨魚丸＋鯪魚丸，幾款墨魚丸有不同風味，丸類都係真材實料鮮製。自家炸響鈴即叫即炸，上枱熱辣辣又鬆脆，試吓即食無加調味偏淡，建議落鍋兩三秒吸收湯汁亦保留脆感超級好食。手工即炸魚皮又係主要推介，亦是即叫即炸，非常香脆可口，即食放湯都是一流。順帶一提餐廳星期一至四，七點半前離座或九點半後入座堂食八折，本來已是實惠的價錢更加優惠。

京瑞廣場呢度真係好多好食嘅！今日同我可愛嘅室友嚟食雞煲啦～位置 環境🏠🌟🌟🌟🌟好易揾，扶手電梯上嚟好易就搵到～位置好闊落，坐落嚟好舒適，7:30之後會打折，好抵食！食物🥘🌟🌟🌟🌟麻辣雞煲好好味！食佢食佢！本來想食一隻雞嘅，但又想多食啲唔同嘅嘢，所以揀咗半隻～ BB辣選手好鍾意～丸子拼盤好新鮮，好好味😋一共有五種唔同嘅海鮮丸子，總共十顆～我同朋友兩個人食，剛剛好～唔洗爭😂牛肉粒嘅紋路都好靚，食落奶香奶香嘅，好好味！因為我哋都好鍾意🍄🍄同蔬菜～所以後面又加咗啲蔬菜，量好夠～放工食雞煲真係好開心！

［新鮮配料］花雕藥膳雞煲（鮮雞件）：有驚喜，雞🐓煲第一次火鍋🍲用鮮雞打，色澤都幾靚。慢慢煲熟佢即刻關返細火，d雞肉無經過爆炒直接煮熟食，d肉🍗好嫩滑。必食—紫菜響鈴卷：真係放落煲3秒就好拎起。加埋紫菜口感更佳，外皮比平時食的更厚身但勁脆。頂級雪花肥牛：肥牛有d油脂及雪花分佈，肉質嫩滑。十優狀丸（黑松露、墨魚、蝦、墨魚、黑墨、鯪魚丸）一碟食到咁多款丸，真係正；粒粒都好彈牙唔會結實。脆鯇魚腩同草蝦都好新鮮同彈牙。

話說大大話話都食咗咁多次, 但係其實佢都keep到個水準, 仲預食越好食. 啲雞嫩不特止，雞皮仲好爽. 不過最近雞煲其實有個新食法就係未落湯嘅時候放埋水油一齊炒. 味道非常之入味，魷魚有水份釋放咗啲汁出嚟令到個雞煲汁更加甜.食返個必食美國桶蠔，依舊咁大隻仲有八隻，平時出去買一桶都要百幾蚊喺呢度$178幫你洗埋真係抵到嘔.韭菜餃脹卜卜唔係剩係得韭菜啲，肉都好多鄙薄餡靚$60 8隻真係好抵食手打墨魚丸，爽口彈牙有墨魚味， 當你諗到雞煲咁濃味都食到墨魚味，即係墨魚味真係好出紅薯粉煮一陣就淋啦，作為最後撈埋個雞扎食真係非常之正

雞煲出名嘅地方，除咗有辣雞煲之外，另一推介就是椰子雞鍋，店員拿住全個椰子出來，我莫明奇妙，原來是要把椰子內的椰水倒進去火鍋內超級新鮮，你還可以自行刮出椰子肉放進火鍋內，之後把椰肉一同進食，夠晒Yummy。雞肉都很嫩肉入味。白鱔片超級厚肉及大片，煮熟後相當爽口，比起鯇魚肉更加爽脆口，因為有椰水關係，白鱔片都有陣陣嘅椰香味道。十優狀丸（黑松露墨魚丸＋蝦丸＋墨魚丸＋黑墨丸＋鯪魚丸）（10粒）這個一碟有齊幾款味道滿足不同人的需要，全部手打製作，彈牙。還有這個黑墨魚丸味道都很特別，食得出全部新鮮食材，5款口味都很突出。西班牙頂級黑豚豬腩片色澤和紋理都均勻，肉質當然也是滑口。完全不需要加任何調味料，原汁原味的放入口，好鮮甜，在未放其他食材時，喝一口椰子雞湯感受到清潤。最後食埋「炸紫菜響鈴」勁大條而且完全冇油炸的味道，3秒就可以食得啦。

同一個好耐無見的舊朋友相聚。由於他有事經常不能出外食飯。為了方便他。去到他樓下一間火鍋餐廳相會。豐鍋火鍋改得幾特別的名稱。入到去室內環境好闊。樓底有高。沒有一般火鍋店的局促。滋補花膠螺片鮮雞煲：滋補花膠螺片鮮雞煲是一道極具養生價值的美食，將多種珍貴食材巧妙結合，呈現出獨特的風味與視覺享受。鍋中鮮雞的肉質鮮嫩，經過慢火熬煮，湯底清澈而濃郁，散發著誘人的香氣，令人垂涎欲滴。花膠的加入為這道菜增添了豐富的膠質，口感滑潤，與螺片的鮮甜相互輝映，讓每一口都充滿層次感。白鱔的細膩肉質則為整體增添了海鮮的鮮美，讓人感受到海洋的氣息。整體而言，滋補花膠螺片鮮雞煲不僅在味道上令人滿意，還在視覺上呈現出一幅優雅的畫面，讓人感受到食材的自然之美。

呢間7:30前離座有八折，呢晚想打邊爐，就去試下！湯底叫左<滋補螺片花膠雞煲> ($218半隻雞)湯入面有螺片，另包一碟 雞件同花膠自己落咁啲雞唔會老，好滑，個湯好濃！配料首先叫左牛胸爽，因為未食過🤣 黎到原來係白白地色，烚一烚好快就熟，食落好爽口，有咬口，有少少肥，人多食幾好！白膳係有驚喜既，係爽脆有魚味，呢個係我全晚最愛沙爆魚肚真係無叫錯，好似海綿咁吸晒啲汁，超好味！呢一個好期待既係：即炸爆芝紫菜響鈴響鈴入面包左芝士片同紫菜，好邪惡！德國手工啤（$38） 好大支好抵飲！

如果要去沙田石門食飯的話第一間會諗到想食嘅餐廳必定是蜂窩雞煲。坦白講餐廳地點一點也不顯眼，就在2樓的角落。但係從每天人頭湧湧的食客坐滿了餐廳的座位，可見這餐廳是絕對的實力派。餐廳招牌菜係唔麻辣雞煲，唔使我試大家都知道一定好食。 今次我想試吓一些不同的菜式就是椰子雞煲。一上枱果然有驚喜，而且誠意十足。椰子雞煲係完整嘅一個新鮮椰子自己親手倒入去湯鍋之中，更用上黃油雞。未煮熟都知道一定好食。僅僅未滾之前去前邊自助調味料是必要指定動作，你睇吓乾淨企理值得我們滿分。食椰子雞的正確食法，是在開始食之前先飲湯。因為開始火鍋之後就會夾雜咗很多不同的肉料。而失去咗椰子同雞清純齒頰留香的清香味道。所以食火鍋之前先飲湯。椰子雞同埋魚皮餃，絕對係絕配。肥牛更加是火鍋的指定動作，肥瘦適中雪花肥牛就此配送。生蠔又肥又大隻， 新鮮好味，仲要非常大眾化的價錢。你話呢啲實力派餐廳真係好難搵㗎。響鈴食得多呢一個芝士響鈴真係正到冇人有。薄薄的一塊芝士，配襯脆卜卜的響鈴。效果令人出奇異表的味道精彩絕倫。一個字夾！驚喜一浪接一浪食到最後仲有驚喜。脆卜卜魚皮食得多好多潮州舖頭都有得食，但好似銀紙直板的脆卜卜魚皮，真係第一次見。將

馬鞍山一帶出名美食沙漠，這店被讚是有原因，確實食物較好，但只限於馬鞍山，整體上只是普普通通或略略較好，價錢合理。雞煲BB辣，可以看見待應即炒，上煲時，可以即食，雞肉質地不錯。芝士紫菜響鈴，值得讚是即炸，熱，可惜不夠脆，收了芝士少少咸，沒什麼味道。脆肉鯇魚腩，幾新鮮。餃子拼盤，四種味每種兩粒，味道幾好，除咗魚皮餃。蝶豆雪梨，幾特別，吾係太甜。德國麥啤，吾錯，待應幾好，叫一支，也會問需要多少個杯。店舖比較細，廁所要出去商場。

【石門•豐鍋雞煲】@ππππππππππππππππππππππππππππππ可能係石門最正既雞煲食店滋潤椰子雞煲極品本地手切牛頸脊牛舌心娃娃菜烏梅汁 忌廉在繁忙的城市生活中,能找到一家提供正宗家鄉味的餐廳,實在是一件令人感到興奮和幸運的事。今天我有幸品嘗到了這家餐廳的招牌菜色,讓我的味蕾得到了前所未有的滿足。首先是令人垂涎欲滴的滋潤椰子雞煲。雞肉鮮嫩多汁,完全被入口即化的椰汁所包裹,散發著陣陣誘人的香氣。與此同時,嫩滑的椰肉和爽脆的枝菜完美融合,呈現出絕佳的口感層次。這道菜色不僅營養豐富,而且令人難忘的味道更是讓人流連忘返。緊接著登場的是極品本地手切牛頸脊。牛肉片外酥內嫩,剛一放入口中便可感受到肉質的鮮嫩多汁。特別是在經過簡單的醃製和快炒後,牛肉片表面呈現出誘人的金黃色澤,散發出撲鼻而來的香氣,實在是讓人胃口大開。這道菜色足以展現出這家餐廳對於傳統美食的堅持與完美詮釋。除了這兩道主菜外,還準備了牛舌心、娃娃菜以及烏梅汁忌廉。牛舌心口感滑嫩,娃娃菜鮮嫩可口,而烏梅汁忌廉則為整個用餐體驗增添了一絲清新的味道。這些配菜不僅在視覺上營造出不俗的氛圍,在味蕾上也恰到好處地呼應了主菜的風味。餐