豚王 (新城市廣場) (已結業)

以前排隊排成個鐘係中環食，個種感覺同味道現在搵唔返，可能分店開多左，湯頭同面質食落都唔同左，但整體都好食，希望唔好出太多古靈精怪拉麵，做好專一，一定會再返黎食。

香港拉麵店多如牛毛，這間連鎖拉麵店是味道有保證之選先在門口取票，等位的人潮較以往少在門外看到這個「優惠」，惠顧滿$100送紫菜一塊，而且還不能與其他優惠一起使用…….豚王($89)基本上每次來我都選豚王，充滿骨膠原口感的濃郁湯底，配上幼拉麵，叉燒選肩肉減少肥膩感(和罪惡感)，非常滋味，一如以往的好吃限定王($98)今期限定王是咖哩味拉麵，是特特濃咖哩味的湯底，絕對是超重口味之選，吃一口還好，多吃幾口會膩…但友人是咖哩迷，覺得不錯，還加了替玉($15)豚王餃子王($28/5隻)餃子一直是豚王抵食之選，原本以為餃子皮會是脆身的，但原來是煙韌偏淋身的，味道不錯，配上咸咸酸酸的餃子醋，很快便吃光溏心日本蛋($17)+贈送的紫菜我們各自加了一隻溏心蛋，蛋黃流心，甜甜的超好吃，是有點貴但值得惠顧滿$100送紫菜一塊，所以我們有2塊...超大塊的紫菜

兩個人，吃了兩碗面、兩份餃子、兩個飲品，埋單308，付款要比 EPS... 唔知點解部機轆咗兩次都話"不接受"，印出嚟張單話"接線不通"。個收銀員工只係識得講冇辦法，因為我哋需要"電子支付"嚟攞泊車優惠，佢就話可以比 Ali Pay 或者微信。最後我哋仍然"接線不通"用唔到 EPS，就比咗現金。個收銀員最後話"其實我唔係做呢個位的，我都唔識... "我哋真係覺得呢個付款安排好有問題... 其實有冇諗過身為香港人，商店比既電子付款方式假如只得一個啱用既話，就最好 make sure 個方法要肯定 work... 或者比多個電子支付的後備方法... 千祈唔好話 Ali Pay 同埋微信係呢個後備方案，雖然我冇排斥呢兩種方法，但係就係香港人都知呢兩種方法並非普遍的。所以，請豚王改善，啲嘢食已經一啲都唔平，重要響比錢既時候搞到咁麻煩，尋日就最後間接剝削我們的泊車優惠，好離譜。

疫情下。填紙仔形式落單叫左黑王～ 墨魚湯底，但預期再香濃D、因為而家嘅程度不會令人想飲晒啲湯叉燒可以揀肩位(瘦/爽)或者腩位(肥)叫左腩位，確實脂肪同肉嘅比例係一半一半，想食肥嘅不能錯過加左兩倍辣粉（開頭怕太辣... 但原來可以再加倍😂）餃子裡面嘅肉涵幾香，但嗰日啲餃子皮煎得唔夠脆卜卜！！似淥熟多DOverall 普普通通。如果要排隊先有得食，一定唔會排！walk in有位就「是但啦」嗰隻feel~個人認為日本一X更好吃～因為香港的也不好吃～😂

經過豚王，發現疫情下也要排隊，但朋友很想吃拉麵，於是等了一會兒。友人點了今期特別限定款：咖哩湯拉麵。而愛辣的我點了辣肉湯拉麵。咖哩湯拉麵：咖哩湯底比想像中淡，不過不失。拉麵、叉燒、溫泉蛋的味道和口感也是水準之上。辣肉湯拉麵：也是包括叉燒，但溫泉蛋是要另外點的。我點了四級辛辣，真的超級超級的辣，連平常嗜辣的我也吃不消呢！不過其辣肉碎其實很惹味呢！

今日無聊行開沙田新城市，突然之間好想食日本拉麵，所以就搵下附近有咩野好食嘅拉麵😄咁見到呢間叫豚王嘅好似好多like咁，咁就來試下。一開始到門口既時候已經發現店內裝修唔錯，係一間好傳統日本拉麵店嘅裝修，好似去左日本嘅feel~🇯🇵今次叫左兩個唔同嘅拉麵，一個係白丸，另一個係赤丸。先講白丸，其實就姐係豬骨湯底，加左青蔥同木耳絲，湯底係相對清淡，岩唔食辣嘅人，塊叉燒好食，肥瘦適中。跟住就到赤丸，赤丸就好夠味同夠辣，鐘意食辣嘅人一定好岩😉辣度仲可以隨你個人喜好去加減👍🏻我本人就比較鐘意食赤丸多啲😃另外我就揀咗木耳絲同椰菜，都好爽口。

復活節的第一天，市民都因假期關係心情放鬆，大批市民外出用膳；餐廳也排長龍，因為武漢CoVid-19政府政策，限制餐廳人數和座位距離。沙田豚王拉麵一向是我家二少爺的飯堂，在反送中條例運動前已很喜歡。今天我們如常去沙田豚王拉麵用膳，自武漢CoVid-19肆虐後，沙田豚王拉麵以提升抗疫措施，又容許外賣，這點我們非常欣賞！但今天的經歷讓我難忘，不得不在此訴苦和一吐不快！因為等候用膳的人多，沙田豚王拉麵職員竟安排食客在一張1米×1米的四方木桌上搭枱。而又那麼恰巧，在我們搭枱對面的兩位食客，沒有戴口罩，滔滔不絕，說個不停，令我們很擔心。我們向職員表示，這樣的距離和陌生人一起用膳，如果對方帶有武漢CoVid-19，我們感染的機會會很高，要求調換至另一張半米闊的長枱。職員竟回答那張枱也是會搭枱的！我心裏正在躊躇，到底吃還是走？到底需不需要報警？聽聞這間是藍店，可能警方來到會用包庇的手法來處理，到時我們可麻煩了！不過心裏很是擔心，連二少爺也表示擔心！我繼而向另一位女職員表示要換枱，在堅決的表態下，終於我們能夠單獨坐半米闊的長枱， 享受二少爺最喜歡的拉麵！我們之後留意到接下來其他搭枱的食客，也表現得很不自

豚王已經幫襯多次，由第一間在中環的店鋪已開始幫襯，到現在開了不少分店，依然係我既拉麵食堂。拉麵可按自己喜歡的湯底濃度，麵的粗幼及軟硬程度去選擇。濃厚豬骨湯底，湯頭濃郁，拉面配一口濃濃的豬骨湯，令人食過翻尋味。可免費加豚王自家製的唐辛醬，1-10辛，叫了5辛，辣味香而濃。溫馨提示，唐辛醬辣味濃郁，不太能吃辣的朋友請點1-3辛便好了。叉燒肉可選肩肉或腩肉，肩肉較瘦，而腩肉油脂較多，比較香口。麵的種類有分粗麵或幼麵，選了粗身的麵，口感煙韌。必加配菜是溏心日本蛋。這溏心蛋是流心的，連溏心蛋都十分入味，有甜甜的醬油味道，讚！

黎過豚王好多次，但沙田呢間令我好失望...雖然拉面一如既往地好味，湯依舊好濃，每一啖都好滿足，仲叫左個柚子汽水，普普通通啦。但服務態度真係要講講，成間舖咁多張枱係吉既，點解會諗到安排我地搭枱？而家疫情嚴重，唔係應該安排我地去第二張枱咩？要我地出聲先轉枱既，唔該公司可唔可以培訓做好少少，俾你地客人可以食得安心？另外，門口完全冇人serve你入座，等勁耐都冇人出黎，其實人手足夠既話可以分配得好啲。到有人出黎，叫人吱酒精搓手液，但佢部機係出唔到嘢嫁🤷最後，我食都未食完就係度執我張枱啲調味料，其實等客人走左先整會唔會好睇啲？同埋希望店員留意翻你自己既儀容，成陣煙味，邊個中意？？？

一行兩人，唔想食傳統豚王，於是一個叫做翠王($96)，一個叫咗黑王($96)。 (不過其實佢D湯底其實都係由豚骨湯底加唔同配料變化)翠王即係橄欖油同芝士粉，食落口味較清淡，有d西式意粉咁。黑王為黑蒜油，一向黎豚王必叫，不過個人覺得比較重口味，所以落單湯底建議醬油/香味油/蒜蓉可選擇淡或少。腩肉較香，肩肉較瘦(但亦都有脂肪位，唔係瘦)。佢有驚喜嘅餃子王($2x/5隻)，皮好薄，煎到好脆，熱辣辣，而點埋佢餃子汁都好正。

老老實實，其實我就唔係好鍾意食日式拉麵，因為食親拉麵，都覺得個湯底好鹹。開頭好好食，但係食到最尾就會覺得好想飲水。🤨🤨🤨今次我屋企人想食，我唯有陪佢食。一飲湯底就覺得唔錯，唔咸，剛剛好！有豬肉味，好正！呢碗係原味😋😋😋😋😋😋湯底可以飲哂！！環境方面，我個人來講，就唔太鍾意啲枱。因為張枱好窄。我要同唔識既人坐，大家嘅距離好近，佢地坐對面打乞嗤嘅時候，我覺得都几尷尬，好擔心佢d 細菌噴落去我碗麵度🥶🥶🥶🥶🥶🥶🥶🥶🥶

第一次沙田食拉麵，感覺還可以啦。一入店內，職員帶去位置後即刻提示背包可以擺店內提供既膠籃，再奉上清水，感覺好貼心店內主要係厚身清漆原木作枱凳，再用深棕色天花板，少量裝飾，簡單而大方。空間也比較大，坐得挺舒服，而點餐紙簡單又易明，可以自行選擇細節（湯底，配菜，醬以及麵硬度），如唔識選擇仲可以剔「廚師推薦」，另外仲可以選擇另上既配菜。注意⚠️一個麵已經跟一個溏心蛋，留心避免重複點菜餃子煎到好脆，點埋醬料好好味我點果個拉麵係廚師推薦系列，麵底軟硬適中不個人覺得湯底可以少啲油，另外叉燒脂肪比較多。整體上物有所值，可以一試

前排一田減價日，甘梗系要去沙田行下啦甘都要醫飽個肚先，甘就去左豚王啦又沙田哩間就大啲啲，仲記得當初有啲配菜（任夾嘅雪菜/芽菜）好好味呀雖然依家得番芽菜，但都好好味我依然都系鍾情—赤王而男友就鍾情—黑王大家都好重口味次次都要諗腩肉定肩肉好因為次次都食腩肉好似唔系甘好嘩，岩岩切好嘅腩肉呀，肥美好呢每次都會叫嘅 — 餃子香香脆脆再配埋個餃子汁 果陣去食仲做緊優惠夠$100就有一隻溏心蛋送夠$200就有兩隻溏心蛋送如此類推

平時好少食拉麵，之前聽過豚王的拉麵出名，但未有機會試，今天剛好在沙田，見唔洗排隊，所以就試一試！拉麵可以按個人喜好搭配，可選湯底，湯的濃度，面可選粗幼、軟硬，要不要蔥等，跟在日本吃的形式一樣！🔸「豚王」🔸豬骨湯味好濃，揀左幼麵，有少少似中式的幼麵，索湯汁一流，肉的部分比較肥，一半都係肥肉，好油，食一舊就唔想食！.🔸「赤王」🔸小辣都係有點辣，湯底都好濃，麵都係揀左幼麵，好彩濃味食完都不會感覺口渴！.🔸「煎餃」🔸意外地好好食，底煎得脆卜卜，餡放左蒜，好香，唔會膩，可以食十隻！！.整體拉麵一般，唔算特別出色，反而煎餃有驚喜，推薦要試試煎餃！

豚王拉麵好似係沙田都已經好耐歷史 不過我都好少食 原來佢d枱係一大張咁 2個人要並排坐一邊 呢度選擇唔多 啱哂選擇困難症嘅人 今次試左個黑色嘅黑王同一個加左辣嘅豚王 黑王上面有秘製嘅黑醬 撈埋落去味道好特別 不過咸左少少 佢每個拉麵都有得自己揀面軟硬度 濃淡 肥定瘦肉呀等等 鍾意食辣嘅人可以揀到好辣 成碗都紅哂 我試左一少啖湯都頂唔順 朋友就覺得好好味 另外仲有叫左一個餃子 不過食完都唔記得左影 餃子煎得唔夠脆 皮都幾厚 個人不推介啦 本身拉麵都有舊肉 可以唔加餃子都得如果間唔中想食拉麵都可以嚟呢度嘅