豚組 (已結業)

we tried the tonkatsu and fried oyster set; it was not bad. We were given a complimentary friend tigger prawn due to the new opening period. We were also served with additional salad.The salmon and vegi salad we ordered was okay except the salmon - the texture was not right and too much fatty salmon was put into the salad.Anyway, a place to try tonkatsu in HK

由於小虎出左灣仔呢邊, 妹妹來左搵小虎.咁小虎就同妹妹一齊行去銅鑼灣呢邊食野, 上左個時大約七點, 無麥人. 唔駛 Book 位都 OK .....坐底左睇下個 Menu, 價錢唔算好貴, 但都唔係太平.咁就叫左兩個定食, 分別係炸豬扒同炸蠔定食 ..... 仲叫左個綠茶奶 ....好似吉井個間咁 ... 都係有 D 芝麻比你自己磨下 ....等左一陣就來齊曬 .....個野飲仲係熱既 .... 睇住上面既冰唔夠五分鐘就唔溶曬 ..... 淡到無味 ....而個炸豬扒定食都叫不錯 .... 但唔可以話係好好味 ...個炸蠔定食就真係幾差下 .... 個炸蠔唔熱不特只 .... 仲要細隻到無論 ..... 同我係 D 連鎖既日式壽司店食既炸蠔差不多 .... 仲要再差 D 添 .....佢就比左好多菜來塞飽你 .....但總體來講呢個價錢有其他更好既算擇 .....

自問一直對吉列食品存有偏見, "肥膩", "吃後喉乾口涸", "食品選擇不多", "會用作吉列的食品一定不怎樣新鮮".老實說, 如非友人相約, 絕不會踏進吉列店, 更何況日本餐的選擇多的是......結果, 還是跟友人一行五人作了這個嘗試~一看餐牌, 原來除了吉列外也有不少選擇, 總算鬆一口氣, 先來一客刺身, 牡丹蝦, 帶子等等, 用料新鮮亦夠大件, 牡丹蝦略嫌不夠凍.接著是吉列 "大"蝦, 芝士雞卷 - 天啊! 那有這麼大的吉列蝦, 肉質夠實亦很鮮味, 不錯不錯, 開始對之後的主菜充滿期待! 至於芝士雞卷, 友人評價不錯, 但本人覺得芝士加上吉列, 太膩了~再來便是此店主打 - 吉列豬扒, 主打果然是主打, 豬扒夠厚身, 肉質爽而鬆化, 吉列後的肉汁仍能保持, 很有"豬"味. 此話說來奇怪, 豬扒怎會沒豬味, 但市面上吃到的豬扒的確是沒有"豬"味的! 這點在沒比較下很難說明, 簡單的說, 豬扒沒"豬"味, 可能是豬扒本身質素差, 又或是廚師為了讓豬扒鬆化而作了令"豬"味流失的加工.最後是吉列和牛(切成方粒的) - 和牛當吉列豈不是很浪費, 一試之下, 表面酥香, 包裹著入口即溶的和

昨晚約了女友在銅鑼灣吃晚飯，原先想係灣仔區，後來又改變了主意。由於我要上堂上到八點再加上女友又要加班至八點半，所以到達銅鑼灣時已經是九點左右。其實我想和女友去“和幸”，但女友怕太貴，於是她提議去“豚組”。我們到達時都幾多人，約八成滿，女經理更帶我們到“廂房”坐，但係入去坐之前係要“纜”過坐位下的木棍，唔係好明點解會有咁既設計。坐低後，女經理說但凡點任何一款正價定食，每個定食就會送一隻吉列虎蝦（足七寸長）。看過menu一會，我倆決定點兩個定食：吉列豬扒拼自製海鰻定食和吉列芝士雞肉卷定食。點菜後不久，侍應就給我們—兩碗芝麻（附木樁）和兩碟幼鹽，侍應可能知道我們是第一次來，很詳細解釋其用法和食法，之後我倆便很高興地磨芝麻。過了一會，女友說芝麻很難磨，我說不是然後給她看我的，她很奇怪為何我能夠幾乎磨碎每粒芝麻，我笑說可能是工多藝熟。之後我把磨好了的那碗芝麻給女友，我再磨未磨好的那碗，不消一會又磨好了！磨完芝麻不久，女友的吉列豬扒拼自製海鰻定食就送來了。相隔一會，我的吉列芝士雞肉卷定食。我倆都不約而同先吃吉列炸蝦，炸漿很薄且火候剛好，虎蝦很鮮味；試過炸蝦，再吃芝士雞肉卷，炸得不會過火，芝士呈半凝

香港人大多愛吃日本菜,尤其是知道有新店,就會第一時間去試.在黃金廣場上,以日式吉列豬扒為主力的豚組,是近月的新人氣日本店.午市食客並沒有眷顧這裏,或者一個午飯平均人頭要差不多一百塊錢是阻力.我們幾個開飯人坐在一角,近乎包場.在我們而言就樂得自在,如果在老細角度來說,就苦不陷言了.正所謂獨食難肥,幾個人一人一個餐,來到就兜亂來吃,可以試多一點.每個餐包麵豉湯,白飯任添,芝麻一兜,椰菜又是任食.午餐未到,拿住支棍,將碗上的芝麻起勢咁"鍾",加些醬油來混合,既成為點炸物之醬料.亦是消磨時間的玩意.炸物陸續上桌,每樣炸物也是放在碟上的鐵架面,這舉是有助隔油之作用.豚組標榜豬肉用上伊達赤豚,先試一試豬扒,外層鬆化香脆,豬扒事前同奧地利人處理牛仔肉一樣,用槌仔打到扁,此做法可令到本身肉質更為鬆化.但吃落肉質就比較粗,有點點意料之外,幸好另外的炸豬柳真的出色,吃落鬆化之外亦帶點爽口,而且帶有肉汁,很有水準.海鮮系列有大蝦,帶子,炸蝦有點過火,帶子炸後仍保持水份.生蠔更是一絕,炸得金黃香脆之外,蠔很新鮮,咬落更為爆汁.出色之作.其後大家忍不住再叫多一客.吃日式吉列炸物,椰菜是不能缺少的物,因有解熱氣之

上個星期五下午，公司offsite meeting，地點喺銅鑼灣...所以我一早就約咗幾位至友同事去豚組食個晏。 大概12:45左右到達，間舖頭都係得幾張枱有客.....帶位小姐俾咗一張包廂枱，好好feel!! 嗱嗱淋order咗3個吉列炸蝦拼豬柳定食，1個吉列海鰻拼豬扒定食同2個吉列炸蠔拼豬扒定食.....大概三至四個字之後啲食物陸續上枱啦~~ 逐一講吓啦... 食物:吉列炸蠔拼豬扒 - 個豬扒就好香，好juicy，肥瘦適中。個炸蠔好新鮮，好juicy，好香蠔味。 吉列海鰻拼豬扒 - 個海鰻又香又軟，ICHIBAN。個豬扒都keep到，不過其他同事就話好似比較乾，都係有啲參差不齊.... 吉列炸蝦拼豬柳定食 - 個蝦水準有參差，因為跟set有成3大隻，我哋叫咗3個，所以我食多咗半隻。我食第1隻就好好味，隻蝦仲好彈牙，但係之後嗰隻就有啲霉霉哋，其他人都有同感。個豬柳....本來一心諗住會比豬扒好食，點之又嚡又硬又乾...係成餐最差嘅一樣。跟set有白飯一碗，漬物同麵豉湯。初時都驚一碗白飯我會唔夠飽，因為大家都會覺得日本飯碗都幾細吓，點知碗原來都幾大碗喎，食得晒都好飽，飯味都好甘甜，唔錯

生日當然要擦餐勁！聽同事講嚟呢間豬扒人公仔食，裝修都幾有日本feel。基本上menu上面全部嘢都想叫，點咗吉列豬，蠔，大蝦同埋和牛好脆，真係好脆，D豬扒又得，唔un有肉汁都夠大隻，咬落重有汁嘩......隻蝦好巨，重要爽口相反和牛就冇咁突出，裏面係半生熟，咬落都淋，但食和牛都係鐵板燒或日式燒肉正D好味！不枉此行！

若要說到在香港吃日式吉列炸物，tonkichi自是當然的表表者，太座也是其忠實fans之一。隔了好幾年後，終於有了另一間炸物專門店。吃得tonkichi多，有多一個選擇當然是更好....平日前往，可能時候尚早，人不多。但吃至埋單之時，已差不多full house了。可見愛好炸物的fans也為數不少...menu內的炸物選擇比tonkichi的多，連和牛也可以作料。對小弟而言，實在是有點浪費。還是吃吃最基本的豬扒等較實在....雖然那一個炸物platter很吸引，但最後都是跟太座各叫一個set就算。豬扒拼蠔、大蝦拼鵝肝漢堡，一次過滿足四個願望，已足夠....跟tonkichi一樣，吃前先給你一個pestle and mortar將芝蔴盅碎，後再加特製的豬扒醬。對我來說，實際是"好玩多過好吃"....主菜上桌。看上去油份比較多，吃上去也是有如此感覺。這一點已是比tonkichi遜色了。脆漿也是比較厚，而且跟配料很容易便弄分離了。豬扒肉有點嚡口，不算出色；蝦很新鮮，算是四樣出品入面較出色了；蠔沒有想像的肥美；鵝肝漢堡是新嘗試，但因漢堡扒內瘦肉部份太多，吃落也是不夠滑。加入鵝肝醬，是有點多此一

10月9日(四),約咗朋友一齊去銅鑼灣shopping,行到sogo附近突然見到有個公仔人差d比佢嚇倒,好攪笑睇清楚原來係件炸豬扒.之後先知附近開咗間吉列專門店,當時都7點半左右,大家都見有點肚餓就不如去試下...一上到去,都幾多人排隊,間餐廳可能地方細,所以咁多人企在門口等,等下等下都等咗20分鐘先有位,但原來可以訂位的...早知............咁咪唔洗等咁耐入到去見個環境不錯真係估不到,又見人人都食炸野,今次慘啦.....食完一定要整番碗廿四味先得坐低後我地就睇下個餐牌,d野好似幾好味咁,個女侍應放低咗一渣冰水同埋二碗芝麻,鹽比我地,起初有點不明芝麻同鹽有咩用,經解釋後才知原來食豬扒用的,當時覺得自己有點似港燦我朋友見到好似好新奇咁不停玩,好神奇地聞到點點芝麻味"好香"為咗快d再去shopping咁我地就快快趣叫野食,叫咗一個吉列豬扒,一個吉列大蝦拼蠔,等咗成20分鐘d野食先出現,想餓死人咩以想不到的食物出現,又再一次比佢嚇親,大蝦拼蠔有4大隻蝦同2隻蠔,$150左右??咁平係真唔係...可能我鐘意食海鮮,見到就眼都凸埋,第一時間食隻試下,超大隻蝦好好味,好多肉好彈牙,再試

無得同‘井吉‘比經飲食雜誌推介，又一日式吉列豬扒係銅鑼灣開幕，同區“井吉日本吉列專門店”頗出色，所以懷著一試心態一試”豚組”於一日前已經訂枱，餐廳下午致電ＣＯＮＦＩＲＭ　ＢＯＯＫＩＮＧ。。。一讚。昨晚８時準時到達，等了大約１０分鐘。。而且有一大條人龍ＷＡＬＫ　ＩＮ客等候　（唔知係未雜誌效應？？？），可接受！環境都唔差，枱與枱之間頗闊落。。叫了一客吉列豬扒拼生蠔及一客吉列豬扒拼鰻魚定食，一杯巨峰及一杯白桃乳酪ＳＯＤＡ。。．先來芝麻連磨碗一隻，仲解釋芝麻同醬汁食法。。細心。。抵讚。但係可能Ｄ芝麻好貴，　數得出有幾多粒。上菜唔太慢，但係食物一到就出事啦！吉列豬扒（炸物）勁油。。好明顯功力未夠之餘又無吸油！件豚肉（豬扒）只係一件十分普通貨色，就連茶餐廳既雜扒反件豬扒都好味過佢！一Ｄ肉味都無！Ｄ粉又太厚，炸到隻蠔成一個波波球，可想言之Ｄ粉有幾厚。鰻魚係彈牙既，應該係大陸貨！圖中見到既係我拆出的大部份炸粉皮。椰菜絲ＯＫ，但係根本無可能見到個待仔出黎加菜。而且只係得沙律醬，唔同井吉咁有沙律醋汁，有得選擇。服務﹣嚴重唔夠人手！上生果叫咗幾次，而且又漏單，因為最終我個２杯巨峰及白桃乳酪ＳＯＤＡ從未見過，

最近見有隻 "豬扒人" 係銅鑼灣走來走去，忍誤住走咗上去試下。六個人，叫咗吉列海鮮併盤，和牛，豬扒，蝦餅再加咗個刺身拼盤! 裏面有六、七種剌身，每款三件，牡丹蝦，劍魚腩，帶子等等...真係好抵食！!! 懷疑佢計錯數，仲平過迴轉??? 不過更係唔理, 快D埋單走人喇...hahaha吉列豬扒ok脆，不過我最鍾意他們的吉列蝦同吉列蠔 - 好多蠔汁

早幾曰特登約咗幾個老死上吉列琢組試下D曰式吉列豬柳。上到去見堆咗7、8個人喺到等位，當堂胃口開哂(有保証)，好在訂咗位，卽時入座，攞個menu睇，原來有好多款吉列食品，花多眼亂，最後叫咗豬柳、和牛、大蝦、蠔、鵝肝漢堡、鰻魚各一，再加一客沙律，實行大擦一餐！先來個豬柳，賣相唔錯，金黃色炸麵包糠比一般見開啲吉列嘢食幼細，食落又唔覺拮口，唔算油膩。肉質厚、又爽口，比想像中多汁。再淋啲特色醬油加芝麻粉，酸酸甜甜又幾特別。不過我都係鍾意就咁食多啲。再飲啖啤酒，感覺超正！其他我最鍾意嘅係炸蠔，好有海鮮feel，可以加啲檸檬汁，最緊要係熱食。嗰隻蝦實在大到嚇死人，好有老虎蝦feel，食落又覺似海蝦，有啲喜出望外。啲鰻魚就一般啦，可以不試。仲有用吉列方法嚟整和牛就有啲浪費。嗰個鵝肝漢堡幾有口感，牛肉汁裡面又有啲鵝肝味，都算係一個唔錯嘅mix。落咗紫蘇香草汁嘅沙律，食落都幾清新，可以中和吓啲油炸嘢。

前一排睇到報紙知到呢到開咗間日式吉列餐廳，亦知道呢間餐廳係同和幸燒肉同一集團經營，呢度之前係同和幸燒肉同一集團經營的和幸小料理，本來對呢類中途出家的食肆冇乜好感，但都想睇吓佢衝唔衝擊到獨巿多年的Tonkichi。當晚我叫咗一個豬扒加蠔Set，首先送黎既係一碗芝麻，同Tonkichi一樣，首先有樣野要提，嗰支磨芝麻既棍lung住條繩係濕既，唔該可唔以整乾佢先攞出黎。仲有，使唔使咁孤寒，芝麻少到數都數得出，乜啲芝麻好貴咩!?之後個主菜就送上黎，一眼睇落去冇問題，但係豬扒一挾上黎就發現個炸粉甩皮甩骨，睇清楚就發現個豬扒個底係濕既，唔怪得之會甩皮甩骨啦，連大家樂都炸得好過佢。豬扒本身有肉味，但係就幾un下。炸蠔算OK，有鮮味，但係隻蠔就薄身咗啲。個日本米飯煮得幾好，算係唔錯。服務方面都唔算太好，由於我一個人黎，侍應冇俾Jar冰水我，但係佢地唔記得幫我加水，要我問先加俾我。仲有我睇到其他食友既食評話有西瓜做飯後果，但係嗰晚侍應並冇送上西瓜，唔知係唔記得左定點。以依家佢地既水準，似乎佢地仲要下番苦功先可以係食肆林立既銅鑼灣立足。

十月四日(星期六)首先,,今日是我們的十一個月紀念日...幸福快樂!同時亦是我們第六百個食評呢今日專情來到近排人氣急升的吉列店-豚組做完gym過來,都差不多一時四十五分了,不用等位環境比較暗呢,但是論裝修方面比吉列專門店優勝,因為牆上掛滿了寫了日文的menu木板,頗特別呢!而且座位坐得舒服我們兩口子卻坐了張四人檯!有sofa位!侍應都很有禮貌呢,服務態度一流呢,我們最初沒有lunch menu,他們給了掛在門外的給了我們,之前,已經看過會叫那個set B & C,分別是吉列豬扒定食以及吉列鰻魚定食lunch set比較上便宜,豬扒是七十八,而鰻魚是八十八元,比較起menu上要百二三,便宜得多呢同時它比吉列專門店的選擇多,有刺身,丼等,甜品也有數款,整個menu令我目不暇給,有很多精美的圖片^^之後,服務員給了芝麻,我們把醬加入碟......經過一番努力,終於成功弄出芝麻醬呢先來的是老公的吉列鰻魚定食,賣相吸引,吃下去,最初感覺不到鰻魚,因為炸得太厲害了,後來,吃到鰻魚了,都算鮮味呢!而我的吉列豬扒都算不俗,我比較喜歡豚組的,因為很鬆化,上次吃日式吉列專門店已經是第三百個食評,剛好一半呢

因工作關係一年都去日本三四次！每次都會食吉列豬扒，簡直係超好食！唔知點解香港一直都無間好食。之前去過吉一兩次，個外層ok不過有啲拮口，但肉質同喺日本食差頗遠。最近見雜誌介紹有間新吉列-豚組便去試試。我食咗豬柳、蠔同蝦。豬柳 - 個外層好鬆脆，都算幾多肉汁，不過都唔夠日本啲噤肥蝦 - 超巨形，我唸有成20cm，都ok爽口蠔 - 一咬落去發現喺半生熟，都幾好，最憎過熟變蠔"see"總括都算滿意，會介紹朋友再去食