豚道樂 (大河道) (已結業)

黑蒜油拉麵 ($80) 〔 加$13 轉特上 〕🔹 信州白提子梳打 ($25).湯底飲落結身，黑蒜味on top of豚骨基底散發出嚟，飲落會有齒頰留香嘅感覺（口臭），嫌未夠臭可以再加生蒜茸。仲可以自由選擇曲或直麵，但重口味嘅緊係簡曲麵索湯！ 😚.轉特上後有兩大塊炙燒叉燒，分別係瘦嘅豬肩肉同肥啲嘅豬腩肉，兩者醃有濃濃燒肉味，食落都幾冧、瘦肉就稍為乾身。偏醬油風嘅溏心蛋蛋黃入口即溶，蛋黃係口腔漿住個種感覺好正！🥰.白提梳打好香提子味，飲完結tat tat既拉麵湯，飲番杯清新既提子汁就啱晒🤣！

店員服務態度值得一讚👍🏻好有禮貌，排隊等緊既時候會提供Menu俾你睇定想吃咩，唔洗呆等。最後揀左個特上黑蒜油拉面，湯既濃稠程度岩岩好，味亦唔會太濃😋流心蛋同叉燒都好好食啊～叉燒係偏瘦既質地～好岩我口味啊！😌會再encore

突然好想食日式拉麵🍜, 去開荃灣一唸就唸起大河道嘅豚道樂, 星期日差唔多一點唔使等就有位, 專登早啲黎食呢, 拉麵紙好有日本feel各個細項(麵嘅硬度/種類/要唔要葱/辣醬)都有得揀, 特上之選有豬肩, 豬腩, 紫菜, 溏心蛋咁多樣都只係+HKD13 ja.>日本芥末拉麵•特上系列 (HKD93)本來想俾wasabi味大大力刺激味蕾, 原來湯底味道係溫和之中帶微微wasabi味, 特濃豬骨湯未食麵已經呷左好多啖😋. 拉麵好味又掛湯, 而特上add on嘅豬肩豬腩肉有燒一燒過嘅焦香, 溏心蛋夠哂溏心💛.>黑蒜油拉麵•特上系列 (HKD93)飲左我fd一啖黑蒜油湯, 正呀. >Li間拉麵店唔單止好味, 員工非常有紀律同禮貌, 加上儲印仔卡咁吸引, 100%回頭之選. *黃埔都有分店*

店舖細細，排左一陣隊就有位排隊時，店員已經會比Menu我哋睇，講定有啲咩係今日冇嘅/或賣晒我地叫左特上芥末同特上黑蒜油拉麵店舖入面有位可以掛袋亦有提供充電服務，提供埋充電線👍🏻飲用嘅水係凍凍地既，岩晒啱啱做完運動嘅我拉麵嘅湯都好濃，又唔會話好鹹芥末湯幾特別，食到最尾會有啲攻鼻不過應該唔係味精野，食完唔覺得特別口渴

🇭🇰魚介豚骨拉麵🍜 $85碗麵上枱睇落有啲寡(相中更寡 因為小編已經夾咗啲筍比人🤣)但食落絕對唔簡單🐟魚介湯好濃郁 唔係嗰啲好稠/好咸嘅濃小編飲左好多湯都冇話好口渴 所以應該唔係味精湯👍🏻日式叉燒雖然薄 但大大塊肉質好嫩 吸埋啲湯 好正😋麵嘅種類同軟硬都有得揀本身想食曲麵 但揀咗直麵😂雖然有曲麵咁彈牙 但口感實啲 都唔錯😛好多人排隊懲罰佢地 搞到店好忙 但店員們都係好親切 好好笑容💛而且落單上枱都好快手好味又好服務 仲要係良心店 點可以唔試呢！💃🏻當然 仲有好多良心店都好需要大家支持嫁💪🏻

讚1. 荃灣有唔少拉麵店，呢間係好味得黎又就腳既一間，湯底濃香，唔會超油淋淋咁，拉麵質感都控制得好，芽菜都煮得剛好，爽口2. 服務幾俐落彈1. 叉燒太乾柴，可能用既肉要健康？但實在係乾身左啲，要改善

今日去荃灣食lunch，天氣凍凍地特別想食啲熱嘢暖下個胃，又要快食咁食碗拉麵就剛剛好，所有就搵咗呢間試下間舖地方細細，但都坐咗一半以上，好彩仲有吧枱坐到人，唔係就要排隊啦。一坐低唔好講咁多即刻拎落單紙填要邊款拉麵先！佢餐單上都有7款唔同湯底你揀，我膽粗粗就揀咗個芥末湯底加$13轉特上豐富啲。中間等咗5分鐘度，碗麵就上枱啦。淡綠色的芥末湯底，傳出陣陣香噴噴嘅芥末味，加上豐富嘅配料，真係令人食指大動。試飲一啖湯，食得到芥末但唔會好嗆，微辣，好濃郁。麵嘅軟硬度適中，食落爽口，不過唔好大力索啲麵，唔係會比芥末攻親😂最後，兩塊叉燒一肥一瘦，食落好香好有肉味，比我可以食多兩塊😃另外，如果你揀辛辣味噌拉麵仲有嘢飲送添，早知我揀食呢個啦。

依間拉麵店好出名💛終於有機會試下了 平日無得食海老湯底 所以揀左豚骨魚介特上拉麵 其實特上就係加13蚊有就有紫菜同蛋 梗係要加喇咁抵 平時分開加都唔止13蚊喇～ 豚骨魚介湯好好味 唔會太鹹完全 拉麵我揀左straight 同埋軟度普通 所以好岩我胃口 肉都有成兩大塊 抵食 加埋野飲係日本信州既白提子梳打 係一定要叫一定要叫呀 其實依個牌子既野飲 全部水果味都好飲 蘋果呀柚子都正 唔會太甜～另外再叫左餃子同炸物合盛 不過無影相 但都好味

食左芥末拉面，餃子，一杯水，面冇面味（熟生粉味）,芥末湯得芥末味（芥末沖水），餃子幾好味食得出係出面買翻黎，但係底熱面常溫，水就好新鮮，飲得出係岩岩開出黎的水喉水，佰零蚊好多選擇，唔係黃可以唔黎

星期六中午鋪外已經有十幾人等緊等左十零分鐘就入得去😋餐牌都幾多特色拉麵芝士芥末真係未見過最後揀定海老湯拉麵湯頭夠晒濃 夠晒重口味直頭好似沾麵咁食晒先記得要影相😥另外仲叫左特級黑蒜麵 湯濃麵爽選擇左特硬細麵好有口感下次要試埋曲麵 湯底無揸流攤有好濃郁嘅香蒜味😍豚肉雖然薄少少但都幾大塊隻溫泉蛋蛋黃入口即溶 蛋白彈牙麵嘅份量都好夠 男仔應該夠食如果大家平日食份量唔夠仲可以免費加麵 而星期六日就要另外加錢下次要試下魚介😍Btw謝謝良心老闆

湯底長時間熬製，好rich，好濃。一日快閃的龍蝦湯底，好飲到好似以前喺歐洲飲過的龍蝦湯。加上特製麵，有分兩種。個人覺得直面掛湯能力比較好。糖心蛋、叉燒等配菜，加上湯底味道濃厚但一啲都唔膩，就算食完都唔會覺得唔舒服㗎～

好好味.湯底有驚喜！第一次飲成個拉麵湯.店員細心送上餐紙防彈污糟衫. 特盛套餐好抵食 一定食得飽. 店舖雖細但有有d溫馨嘅感覺. 大部分食客表示滿意同埋喜歡*今日有特別龍蝦湯 係成個星期最好食嘅嘢.

/豚道樂🇭🇰/➖➖➖最近特別想食拉麵🍜除咗別天神 呢間都係另一良心店😉係紅磡同荃灣都有分店😋😋店舖主打六款拉麵🍜我就試左最基本嘅原味豚骨拉麵另外加左$13配埋幾樣配料感覺抵食啲😚😚➖➖➖原味豚骨拉麵 $72 (+$13特上配料)💛拉麵除咗韌度 仲可以揀曲、直我就揀左要硬同曲嘅拉麵硬度適中 不過我覺得特硬可能會再彈牙啲☺️會更適合我😋😋💛湯底幾濃郁 唔會過咸係 creamy 嘅口感😉覺得豚骨嘅味可以更重湯底稍為覺得唔夠熱💛溏心蛋夠溏心 蛋黃唔會過熟食左有少少日本豉油同味醂甘香亦都試到有蛋香 幾有咬口💛豚肉呢邊係有兩種部位嘅一款係豬肩 另一款係豬腩較為瘦 稍為有少少乾➖➖➖分數: 7.5/10➖➖➖📍豚道樂 荃灣大河道63號卓明大廈地舖||紅磡黃埔天地百合苑商場(第9期) 地下九號水產G2號舖

位於食曬tg嘅大河道🐒🐒但佢仲開門俾手足休息+提供水😭😭特意去報恩 發現真係好好食喎😌其他良心位❤❤服務極好🙌🙌好客製化嘅拉麵 有得揀直/曲麵 麵條硬度 同配料🍜黑蒜醬油拉麵$80🍜我淨係飲咗朋友一啖湯 已經肯定好味😌湯低蒜香夠濃 非常喜歡佢帶微稠麵條粗度適中 叉燒賣相也好 亦多配料個人覺得比隔離台風好味.💛炸物拼盤$68💛炸蝦×2炸芝士×3 炸蠔×2全部都即炸 夠熱辣辣炸蝦用天婦羅嘅炸粉 面頭卜卜脆粒咁蝦肉好厚身 亦有蝦味炸蠔有爆汁 炸芝士都有溶心.🐮牛肉薯餅$18🐮Ermmm 唔太食到牛肉味 肉質亦太淋比起拼盤就冇咁出色啦

餃子足料熱辣辣送上！好好食！！！！第一次試芥末湯底，有驚喜！仲有加芝士呢個選項！今次仲叫左個黑蒜油湯底添！店員非常有禮貌，清潔衞生！店內充滿日本特色！值得再幫襯！