豪園餐廳

营业中

休息中

今天午餐吃了這間位於深水埗的茶餐廳，內餐裝修很懷舊，應該也有一段日子了，餐廳位置就在新樓盤「佳悅」、「愛海頌」、「連方」旁邊，相信很多街坊也會來吃，下午茶點了焗豬扒飯+涷檸茶，外賣自取等了15分鐘左右，因為他就即焗及炒飯底的，所以非常熱騰騰，豬扒醃製過，味道濃郁，炒飯也加入了雞蛋炒，比想像中好吃

我係今日01.10.2023，早晨10.50，打電話落order，想要買外賣早餐，一個女人聽電話，同我講如果你自己來拎我就賣俾你，已經覺得小小唔舒服，然後我跟著講我想要一個奄列餐，然後奶油脆豬包，都未講完，果女人好似食左炸藥，‘你識唔識嗌嘢阿，都唔講腸仔火腿煙肉奄列，邊個知阿，我話你啊唔識嗌就冇嗌啦‘，我當時一瞬間都驚住，果個係一個餐廳唔服務人員應該講嘅嘢？你唔識嗌就冇嗌，我覺得既然佢可以講得出呢句說話，我覺得呢間餐廳就唔會再需要幫襯，同埋呢排D價越來越貴，食物質素都麻麻，如果真係要繼續做街坊生意，唔該態度好啲，人啲來你呢度唔係來被你話！

【深水埗區】【豪園餐廳】由南昌站行去深水埗話近唔近，話遠唔遠，但由於經屯馬線去深水埗其實都幾煩，因此我好多時都係由南昌站落車行過去就算，起碼唔使轉車。喺我行過去嘅時候，喺必經之路成日都會見到呢間叫「豪園餐廳」嘅茶餐廳喎。呢次有時間就特登走入去食吓，叫個 $46 嘅「超值常餐」，本身「叉燒米粉」唔算特別，但加 $8 可以有多個餸係幾好，我加咗「雞蛋」，成件事豐富咗，唔差。配菜唔止係平時食開嗰啲選擇，仲可以揀「芝士火腿飛碟」。我都係第一次咁配搭食常餐，有隻飛碟食吓又幾得意，都整得唔差嘅。嘢飲方面我加 $3 要「凍奶茶」，冇乜特別。我見自己仲有戰鬥力，叫多個下午茶嚟食吓，揀咗 $36 嘅「豉油雞髀薯條餐」，隻豉油雞髀都整得幾好食。而佢除咗雞髀之外，啲薯條都唔錯，亦都係部份讀者熱愛嘅茶記曲花薯條。今次呢個餐我就飲「熱奶茶」，唔使加錢，正正常常。咁樣食咗 $93，公平啲講，正常係兩個人食量嚟嘅，而呢啲地痞茶記，都好多客嚟食碟頭飯。。。（地址：深水埗元州街9號景業大廈地下）#1amfoodie #foodie #hkfoodie #thatfoodiething #hkfood #food #in

突然間，好食鐵板餐😃😻，經過呢間茶餐廳門口，見到有鐵板餐食，唔理咁多喇入去啦。🎊🎊🎊我係好鍾意食牛扒嘅🔥🐂🐂🐂，當然揀牛扒鐵板餐啦，鐵板餐係跟埋意粉嘅。開頭會驚唔夠食，點知鐵板牛扒一上到，發覺好大塊，淋上黑椒汁，撞上熱辣辣嘅鐵板，發出咋咋聲香噴噴，令到食慾大增。💯💯💯💯估唔到，深水埗茶餐廳都可以做到，正渣價錢燒鵝嘅味道。☀️☀️☀️

我這位蕃茄愛好者，一見到有蕃茄湯粉又怎能不立即去試食呢？😋😋😋曾經食蕃茄湯粉是我兒時的回憶，所以會比較難忘。許多間有做蕃茄湯粉但都不再似我兒時的味道了……😫😫😫唯獨是這間比較似👍用的料不但蕃茄及肉碎都比較足料👍👍👍當然不得不提餐廳的奶茶☕奶和茶所沖出來的味道，的確是一試難忘😍😍😍我比較嚮往當年被英國殖民時代的舊香港，☕港式奶茶都是見證著香港的歷史印記，開始周圍的茶餐廳都消失了港式奶茶的味道，希望餐廳內的大師傅不要忘記這條歷史的方程式喔～❤

平時最怕出面餐廳d肉片會咬唔爛，難消化呢碟河粉上既肉片夠曬軟，唔會un河粉既口感就一般般同平時餐廳既河粉都差不多都算係美中不足不過咁既價錢都差不多啦但加上有芽菜、蔥仲有少少芝麻食起上黎特別爽口又香呢間餐廳整d嘢味道認真不錯

身為牛扒愛好者既我，試食過無數咁多間餐廳既西冷牛扒，性價比最高既一間非豪園餐廳莫屬佢有黑椒汁、燒汁、洋蔥汁、蒜蓉汁俾你揀，我個人就最鍾意黑椒汁既都有些少煮食經驗既我試食出面既西冷牛扒知道其實多數出面既牛扒都係一塊好細既牛扒應該加左d粉整成大塊牛扒例如：X鳳餐廳（我就唔開名喇，應該大家都知呢間餐廳既牛扒我個人就覺得本身就咁大塊既算係老老實實既茶餐廳啦而肉質同軟硬程度都啱啱好而黑椒汁既味道都非常好食整體黎講完全唔會輸俾扒房而量黎講除左塊扒大大塊之外佢個底有好多配菜有椰菜、番茄、蘿蔔仔、薯條問過阿姐，可以跟飯或者意粉呢間餐廳既西冷牛扒只係$80姐咁既味道咁既份量抵到爛啦