豪宴皇宮

营业中

休息中

近年來家族內要擺宴都喜歡來這間酒樓，其實都來過幾次，不過總覺得這裡的廚房水準不夠consistent，一時好一時麻麻，今日又是麻麻的一次。今次叫的是這個龍蝦歡樂宴，不要誤會，龍蝦只有在一碟菜色出現。先上的是鴻運乳豬全體，表現正常，外表很脆，值得一讚是肥膏與肉的比例不錯，不會食到滿口肥油。第二個上的是卡邦尼汁加拿大龍蝦烏冬，其實睇個名都已經感到有點伏，這還是這個set的賣點，唯一的龍蝦就出現在這裡。首先一間酒樓整卡邦尼汁就已經不夠令人信服，再來就是配烏冬，成件事就好怪，而上到來個樣正常，龍蝦都有不少，只不過大部分沒什麼肉罷了。先講龍蝦，肉質算彈牙，配上卡邦尼汁其實都okay; 不過個烏冬就完全不行了，一點不入味，質感像咬了一團麵粉。第三道是碧綠醬皇鴛鴦蚌片，所謂鴛鴦就是象拔蚌和珊瑚蚌，口感唔算去到橡筋，但也好不到那裡去，反而西蘭花係幾好食。第四道是胡麻醬蜜桃黃金百花球，個百花球是用蝦作主材料製成的，就像是泰式蝦餅那一種，他本身的味道和口感都不錯，但配胡麻醬就100個不搭，簡簡單單沙律醬不就也好，之前在這酒樓的炸物一向配沙律醬，都唔知今次搞邊料。紅燒翅就正正常常冇咩特別。第六道是蠔皇金錢海

服務其差，等一個飯要等兩個鐘完全無人顧及食客等候時間樓面非常混亂，菜色經常出錯冷氣經常壞，環境惡劣早午市時段非常不合理，野食越做越小份味道也每況愈下，非常不建議

難得放假，和家人飲下午茶....被安排坐在近魚缸位置，因為不是坐在大場中心，所以只有一兩個侍應少時間出現，好不力氣才叫到一個侍應落單，第一次落單六款點心，三款點心沒有，唯有第二次落單，四款點心其中兩款沒有，即是叫乜冇乜，連加水也要主動去找侍應...食物味道一般也算，但其中一碟潮洲粉果更是變質酸臭味⋯⋯仲要食食下燈都熄左一半，其實係咪要趕客呢？從未試過飲完茶之後要去買快餐填肚，真係好無奈及難忘！無下次

呢度前身係超市....豪宅下既超市竟然咁快執左...棟豪宅好似發售入住無幾年?怪怪的~今日黎到~唔駛等位~入面超大超闊....叫左個金牌咕嚕肉..都幾香脆既~但份量少到呢...配菜都無舊...秘製通菜煲...唔明有咩特別? $88 煲菜~我真是傻了好多肉碎咁囉~~海參玉掌煲...炆得唔錯~夠軟夠入味~不過份量真係...............少到出奇蠔皇福祿鮑螺片$138點菜果陣諗住咁貴應該有D蠔屎食下...點知..............................係蠔油囉!!!!!蠔油生菜鮑汁螺片收我$138呀!!!!驚唔夠飽自己叫個淨米食總結:只會步上手後塵入面雖然好大好闊食物味道都OK但係太貴同埋太少....你估你淨做豪宅人士生意咩?點食呀~同埋侍應真係唔掂~欠缺訓練~全部都無咩禮貌~食客太少佢地無野做就全程企係隔離望住你食咁....搞到周身唔舒服...食完就即刻衝黎收走...無野做都唔係咁架?上菜時又粗粗魯魯咁掉上台面....唔掂唔掂唔掂呀!!!

聽聞大埔有間酒樓好味又抵食今日去嘗一嘗 又確實幾好味 媲美各大連鎖貴價酒樓叫左叉燒腸粉，桂花糕，韭菜餃，潮州粉果同埋瑤柱節瓜譜幾好味呀個人覺得桂花糕好清瑤柱節瓜譜同韭菜餃個味都好好不過食唔到咁多叫住咁多先 下次再食其他

星期日既"親子"活動: 飲茶! XD寶湖間彩福例牌好多人, 所以轉戰出面既豪宴皇宮.當日可能因為落大雨, 唔洗點等位就入得~點心紙:最近既特價items:流沙奶皇包, 新鮮滾熱辣! 真係會流沙, 同埋好香!脆皮蘿蔔絲腸, 呢個幾有驚喜, 推介!口感好豐富! 蘿蔔絲切幼身,軟綿綿, 入面仲有D芹菜,但上面有一層脆皮, 而且仲係 脆卜卜, 冇變淋到. 再加埋面頭有D蔥花, 好香~又係必食! 椒鹽魷魚鬚! 而家好少酒樓有得食, 見到有, 一定叫呀.  出面有D街邊小食檔, 食炸粉多過食魷魚.但呢個魷魚鬚炸得好好! 好鬆脆! 炸粉唔會太多, 份量岩岩好! 椒鹽都落得岩岩好, 唔會太咸蟹籽燒賣皇, 都幾大粒, 幾足料白灼唐生菜.  份量都OK同埋有Apps可以提早拎位tim呀.下次拎定位, 再慢慢行去都得!

員工態度真的不是一般的差。差！差！差！今日難得放假，做乖女陪媽咪食茶。但就是呢間茶樓完全糟蹋左今日的假期落單漏單，揾侍應跟，唔理，一個唔理，兩個都唔理，揾經理，一邊望Mon(眼尾從來都唔望我)，一邊串串供問我想點連經理都係甘，真心希望management 檢討下。反而之後有另一個侍應跟，仲問我係邊個漏單，幫我炒左佢。但佢好大聲講，好似當我係小朋友甘。我心平氣和同佢講，從來無諗過要炒誰，只是想開開心心陪媽媽。雖然漏單的1個半小時最後到，但已經無心情，食不下。最後同媽轉場去左街市上面熟食檔，食得仲好味，仲開心！強烈奉勸大家想清楚才去呢間茶樓！！！

進茶樓，一坐下，一位員工為我們罷放碗碟，她的服務態度簡直是太差了，她罷放得很大力，很吵，希望公司可以好好的訓練或注意你們員工的態度。另外，叫員工加水，好像聽不到似的，是不是根本不想做呢？已經好大聲去叫，但不知道她是耳殘還是扮聽唔到呢？公司，好好注意.還有，叫她加水，加完水又唔知放左去第二枱，她根本無視客人的存在.又唔彩人，真係擋你透明咁，叫她比返壺水黎啦，又唔知走去做咩.壺水差唔多等左20分鐘啦！又粗魯。那位女員工，服務態度，一個字講曬，差。真係，公司，你地好好注意下！

我開左account咁耐, 我都冇試過寫食評, 竟然一開波要寫負評...呢間野, 食到我幾十把火!😡😡落單4樣, 黎左兩樣, 另外兩樣成個鐘都未送到, 追問三次, 個侍應都hae我, 之後要另一個侍應來覆單, 找部長, 佢話佢都想搵部長😬找到部長, 同佢話員工問題, 佢頭也不抬完全冇眼神接觸... 話要等佢做完野先得閒覆我喎...😡 離譜覆我時, 態度勁串, 講到頭先所有事都係理所當然... 一點打算處理/道歉都冇食餐飯, 唔係要求要皇上般服侍, 但基本禮貌同要求都達不到。若果再不改善, 唔好講話做得好, 唔執都偷笑...勸大家, 唔想食到一肚氣, 考慮清楚先去! 🙈

環境同食物都真心不錯，衰就衰在一個態度差到無能的員工薯仔粒牛柳是最愛，薯仔外脆內軟又香，牛柳粒熟度剛好以下呢碟就出事啦，家人落單時點了瑤柱海鮮煲，點知因爲店員時落錯單，上菜上了個肥牛金菇煲，而無人想食呢個煲，咁就搵店員要求換回海鮮煲。店員初頭要求我地等陣，佢會處理，點知等完返黎，佢堅持同事無落錯單，仲屈返我地轉頭自己落錯單，無記錯店員操大陸口音。 最後要勞煩部長解決事件，好快換返應該上的菜。而姓庄店員仲死拉住部長話係我地自己落錯單，部長撥走佢都仲係度賴死純粹覺得咁小事都要爭論左唔少時間先解決到，只能夠講餐廳真係要細心挑選員工，一粒老鼠屎已經影衰晒成間餐廳雖然無相，但補回的瑤柱雜菜海鮮煲質素不錯，多瑤柱，海鮮有貝類，菜都有好多種，仲有吸湯很強的粉絲，個煲連湯都幾好飲的

同屋企人去飲下午茶，去左呢間豪宴，聽個名就覺得呢間酒樓好華麗，食物應該都會唔錯掛。下午茶時段唔需要等位就入得，入到去，都好多台，原來下午茶時段同早市係同樣價錢，都幾抵。咁我地都嗌左好多野食，有奶黃包、蘿蔔糕、叉燒腸粉、燒賣、鳳爪排骨飯等等。有d就幾好食，因為係熱辣辣送黎，但某d就唔係好得，例如個奶黃包個餡係唔流心加實實地，唔多好食。不過，芋頭糕就好足料，好多好多芋頭絲。燒賣都一般般啦。食到大約4pm，突然熄哂冷氣，好似想趕走我地咁。

寶湖呢度開左間新酒樓，好多街坊都搶住黎試。睇個價錢幾合理:點心選擇都多:兩點下午茶時段有特價點心紙，燒賣同蝦餃有一籠兩件，想試多幾款點心可以叫。但一籠四件係抵啲嘅。$20蟹籽燒賣皇，幾大粒，足料! 有蟹籽、蝦同豬肉。$12鬆脆义燒酥，我好鍾意食义燒酥，黎到見到好大件。一入口微暖，餡又少，最奇怪係有一陣羶味，食過最難食嘅义燒酥。$12香煎蝦米腸，又係微暖，表面冇乜煎到，底層就燶晒$18.8燒腩河，河粉微暖。但燒腩仔鬆脆，份量都算足。人手不足，服務員做到索晒氣，但態度唔錯。可以網上攞飛，算係飲茶多一個選擇囉，價錢可以，味道仍需改善。