豪華餅店 (已結業)

懷舊餅店傳統裝修傳統味道買左半打蛋撻諗住有個盒方便拎兩隻牛油皮四隻酥皮$10一隻一啲都唔平不過真材實料事緣我打斜左個盒完全係90度嗰隻返到屋企先發現心諗實爛晒啦打開竟然無食落就知因為好實在嘅蛋液酥皮比牛油皮出色太多唔會食到成口油牛油皮都係芳叔好食啲另外再買左蝴蝶酥兩個字：失望唔夠脆又唔夠甜仲有買左斑蘭卷蛋一塊拎到返來壓到扁晒所以無影相呢個好食，淡淡的斑蘭香啲cream都好soft不過$13一片唔平試過就算

細細個就經常去九龍城 因為有屋企人住依到所以九龍城大部分既舖頭自己幫襯過唯獨依間係我公公帶我食 佢鍾意就係酥皮蛋撻牛油皮 /酥皮蛋撻$10真係唔多講 廿幾年過去 味道 賣相 無唔同酥皮蛋撻撻皮鬆脆 好酥皮層層分明又有厚度而牛油皮撻皮都好脆同重牛油味 兩種蛋撻都各有千秋 但最重要都係好香雞蛋味班蘭卷 $13大大一件 但班蘭味道唔重 有少少被忌廉味遮蓋tim 但蛋卷軟身濕潤既💛希望傳統小店支持住 等多啲人知道可以去試下傳統嘅味道

尋日食完飯經過豪華，佢打開咗隔籬嗰個鐵櫃，見到係裝一袋袋麵粉，喺個櫃度走咗幾十隻曱甴出嚟，隔離嗰間麵包舖嘅員工都出嚟攞掃把將啲曱甴掃返去佢哋餅店門口，超核突，喺對面街見到空地一粒粒黑色野行嚟行去。點知今朝早返工再經過對面街，啲曱甴依然喺地下，連對面街都有十幾隻死咗嘅曱甴瞓喺度，呢間舖頭真係超冇公德心，污糟都算，自己整出嚟嘅曱甴都唔掃返佢，由得啲曱甴瞓晒喺衙前圍道轉入獅子石道嗰個轉彎位。

行過嘅時候見到呢一根餅店好多人排隊，原來個個都係等緊食呢一度嘅蛋撻，於是我自己都有羊群心理嘅影響，走咗去排隊，試吓呢一度嘅蛋撻啦！我自己好鍾意食酥皮蛋撻，呢一度嘅酥皮非常之香脆，而且蛋香味到十足，中間嘅蛋撻亦都係好香滑！而且成件蛋撻都大大件咁，我同屋企人都好鍾意食

📍九龍城四十年老字號‼️• 花卷係咩東東？-- 豪華餅店🍰😛•Follow @pigfoodiexhk for more food!🐷#pigfoodiexhk_九龍城#pigfoodiexhk_蛋糕==========================之前睇過唔少關於呢間傳統餅店嘅報道，有唔少名人都慕名光顧！前排去開九龍城終於去咗睇下～鋪頭有一個大玻璃櫃裝住各式各樣嘅傳統蛋糕麵包，今次就買咗件花卷trytry🙈------------------------------⭐️花卷 $15花卷係用咗唔同味嘅蛋糕整成，有朱古力、班蘭、牛油～蛋糕件頭頗大而且墜手🙈食落口感幾dense，整體牛油味頗重，再加埋港式忌廉（唔知有冇人明呢😂姐係感覺比較油膩又無乜味咁🤣），小編個人就mmd啦，試過一次就好了🙈------------------------------賣相：3.8/5味道：3/5性價比：3.8/5回頭度：3/5------------------------------店舖資料名稱：豪華餅店地址：九龍城衙前圍道136號地舖前往方法：宋皇臺站B3出口

🥧 熱辣辣出爐蛋撻老字號豪華餅店位於九龍城衙前圍道和福佬村道交界，由1977年開業至今，開業四十多年，屹立香港接近半個世紀，一直是區內著名的西餅麵包店。明星、藝人如周潤發、森美、蔡瀾和蘇施黃都是該餅店熟客。蛋撻 $10/個猶記得讀書時期，放學後會相約朋友到九龍城閒逛，有時會買個出爐蛋撻作下午茶，這次筆者特意跑到九龍城，回憶一下童年的味道。遇上蛋撻剛售罄，需等候大概10分鐘才有出爐蛋撻，邊排隊邊看看櫥窗，仍有不少經典西餅糕點。合桃蛋糕、雀巢蛋糕（花籃蛋糕）、花圈、糯米池等……蛋撻出爐了！香味撲鼻，貴為店中招牌名物，蛋撻的用料講究， 用上澳洲麵粉，撻皮看得出層層分明，金黃酥化，蛋撻甜而不膩，熱呼呼的叫人喜愛。店中的外賣盒多年來設計如一，既色彩繽紛，亦保留了懷舊的味道。蛋撻外賣點家後再嚐嚐味道，酥皮仍然鬆化可口，實在難得。🔸小總結：豪華餅店長期人氣旺盛，店中出品真材實料，是信心保證。身為香港人的你，必定一試。👅 味道：4.9/5💰CP值：4.7/5🕴🏻服務：4.6/5👀回頭率：4.8/5🍽 餐廳 ：豪華餅店🌐地址 ：九龍城衙前圍道136號

豪華餅店屹立九龍城很多年，每次經過都會買一些飽點，除了蛋撻出色外，我個人喜歡她的《合桃酥》，夠鬆又脆，每次都必買。《瑞士卷》今次寫的是《瑞士卷》，她的散件《瑞士卷》已光顧多次，但大大條的卻是第一次。拎上手已感覺到用料十足，跟一般餅店做的重量明顯重手很多，切下感覺蛋糕厚實不鬆散，是密度很高的蛋糕底，咬下能吃下蛋糕簡單實在的質感，非現時流行的鬆軟空氣感。《瑞士卷》內的忌廉是傳統奶油，甜中又帶少少咸還起沙。整體感覺是吃回小時候紮實又久違的蛋糕味道，一件足已飽肚又滿足。

每一次去九龍城我一定會嚟買你哋嘅蛋撻😍凍左叮一叮都係脆皮😋今日買咗斑蘭清蛋糕一打開個盒椰香同班蘭味好香👍🏻同我之前買佢哋斑蘭蛋捲一樣味道我比較Like無Cream🎂會繼續支持😎

好耐已經冇幫襯過呢一間餅店，因為某一切蛋糕事件令到佢再次紅起上嚟，亦都令我再次記得佢嘅存在，佢哋嘅蛋撻係非常出名，你中學嘅時候已經開始幫襯。自己都鍾意食邪惡嘅酥皮蛋撻，雖然係重重嘅牛油極度邪惡，但係就鍾意食嗰種酥脆嘅感覺佢哋嘅蛋漿都唔會過甜。將個蛋撻買返屋企再跟一杯熱茶食就一流啦，但係熱辣辣嘅蛋撻又點可以等到返屋企呢。所以相都影唔切就已經俾我食咗啦。另外一樣嘢要推介嘅就係佢哋嘅卷蛋，特別之處呢就係其實嗰啲卷蛋係有花生味㗎，呢一種口味喺出邊都幾難食得到，大家除咗食蛋撻之外就不妨試吓啦。其實佢哋嘅蛋糕都好有懷舊嘅味道，味道亦都唔俾出邊所謂嘅估早味蛋糕差。

每次去九龍城都一定會嚟買一個糯米糍食🤤由$𝟳一個食到家下$𝟵一個以前淨係食芒果糯米糍，食食吓就食咗花生糯米糍，今日冇花生🥜糯米糍就食翻芒果🥭糯米糍🤤滿滿嘅椰絲包住成個糯米糍，糯米糍個皮今日好芒果🥭嘅味道非常之煙韌有咬口，小小甜，內面包住芒果肉甜度剛好😋。今次食這美中不足就係芒果肉餡又！小！左🥲食一粒唔夠喉嘅，所以我要食2粒😂推薦？🟡🟡🟡⚪️⚪️去開可以去支持下，佢有有其他懷舊糕點賣嫁

同事請食下午茶，買左蛋撻返黎。聽聞酥皮比牛油皮出色，二話不說就揀左酥皮黎食，好酥脆！最衰擺凍左，一出爐即刻食應該更正！好味！但食完又要做多幾下GYM先補返條數🥲。

經過九龍城，好難唔會停低望一望呢間咁懷舊嘅傳统香港餅店♥️♥️♥️再加上佢地個名真係好有年代感「豪華餅店」！企係display前，每件餅都好似藝術品咁有味道👍🏻👍🏻👍🏻👍🏻👍🏻見到上面有名人幫襯過，仲要係發哥有介紹過～忍唔住試試佢地件蛋撻！熱辣辣好香蛋同牛油味！唔錯唔錯！但$10一個有啲啲貴😅

雖然葡撻係我嘅最愛，但蛋撻我都幾鍾意食🥰呢日去開九龍城，聽聞有間舊式餅店嘅蛋撻好出名，於是就順便去試試佢😝~~~🌼酥皮蛋撻($9)🪄6.4/10咁啱去到等左陣就有新一爐蛋撻出新鮮滾熱辣到我整親條俐🥵望到一層層酥皮，但食落又唔係好感覺到🌝酥皮咬落幾香脆～有人話佢好多油，但我覺得還可以接受，未至於成口油🤨蛋液部分滑溜溜～但冇乜蛋香，食落好似都冇乜味🤧.🌸花卷($15)🪄6/10雖然花卷唔係我嘅童年回憶，但係見到有人介紹，所以都貪得意買左舊黎試😜因為製作比一般蛋捲複雜，所以價錢稍貴食落感覺就冇乜特別🤭蛋糕係朱古力味，但唔係特別軟身入面嘅cream食落好假，偏甜和膩🤢試一次就夠😅😅😅~~~⭐️回頭指數🌕🌕🌑🌑🌑蛋撻味道同我想像差好遠，好失望🥲如果特登黎食就不了…但係咁啱經過，當支持舊式餅店都ok嘅😂😂

餅店1977年開業，喺九龍城屹立左差唔多半個世紀，裝修依然保持住以前嘅樣貌，紅磚牆、玻璃餅櫃、格紋地板，充滿濃烈嘅舊港式情懷，就連發哥都係忠實粉絲。餅店賣好多唔常見嘅舊式包點，例如花卷同三角朱古力。如果咁啱經九龍城，都可以去睇下，但食物唔算突出，唔建議大家專登去。————————————————🥚 酥皮蛋撻, $10（1.5/5）蛋撻聞落有牛油香味同蛋漿甜味，但欠蛋味。食落酥皮較乾身，唔夠鬆，蛋漿只有甜味而無蛋香，亦唔夠滑。10蚊嘅價錢亦略為進取。————————————————🛎 如果想一次過睇晒成個系列，就記住Follow @whattoeat.hk啦。

最近有個新加坡朋友同我講佢地開左間叫歡樂冰室既店，問我香港有無，但我真係無聽過。咁我就查左下，就direct左我去豪華餅店。呢個月咁岩行過九龍城，就慕名過去八卦下。發現佢地最出名既蛋撻都已經成$10個了，我就各買左酥皮同曲奇皮各一個。蛋撻既味道我真係食唔出有咩驚天動地，就係正常蛋撻咁，可能我係一條牛脷，牛嚼牡丹😆😆以下係updates 一下佢地既近照。