豪門小菜火鍋

营业中

休息中

星期五晚 約左幾個朋友收工chill 下預先book左4個人 19:30建議book定位 枱吾太多張 大概6-7張去到八成滿座上網睇到龍蝦必叫 芝士控must try!4個人個麵吾夠食 建議加$60加底之後加底就要$120 偏貴D芝士勁多撈麵一流黃金一口豆腐都好推介！送飯一流啊咸蛋金 好足！豆腐，熱辣辣，卜卜脆食極都好想唔停腐乳通菜都正！！個菜甜甜地一啲都唔辣！加埋支青島啤酒就100分👍推介一大班人去食飯，叫餸食飯一齊share唔同嘅菜式

平時去九龍城都係食泰菜今次食中菜 食左餐豐盛海鮮餐餐廳裝修好有兒時港式中菜館風味主打各款海鮮小炒 款式超多款款都好出色😍🔸芝士龍蝦伊麵 $480龍蝦啖啖肉，肉質爽口彈牙，伊麵好有嚼勁，配上香濃嘅芝士醬汁，味道濃郁香滑，龍蝦同芝士嘅結合好豐富，有爆多芝士，超邪惡！🔸椒鹽鮮魷 $108鮮魷經過椒鹽炸至外脆內嫩，口感酥脆多汁，椒鹽調味帶出鮮魷嘅鮮味同香氣，令人垂涎欲滴。椒鹽鮮魷食落有辣香嘅口感，同時亦帶有微微咸香，非常開胃。🔸豉椒炒蜆 $98豉椒炒蜆嘅蜆肉鮮嫩多汁，豉椒調味帶出一種獨特嘅鹹香味道，蜆肉同豉椒嘅結合，令菜式更加風味獨特。蜆肉炒得啱啱好，保持住蜆肉嘅鮮甜，口感滑嫩，完全無沙！🔸紅燒豆腐斑腩煲 $108豆腐入面嘅滑嫩質地同紅燒斑腩嘅鮮美肉汁完美融合，斑腩燉得軟嫩入味，令豆腐吸收咗豐富嘅湯汁，口感鮮美豐富，加上煲仔煮出嘅香氣，令味覺更加香濃。🔸京都肉排 $108肉排外脆內嫩，炸至金黃酥脆，肉質鮮嫩多汁。京都肉排獨特嘅醬汁帶有微甜味，增添咗肉排嘅層次感，令味道更加香醇，絕對係肉食愛好者嘅不二之選。

位於九龍城舊區小店，裝修比較舊式地道格局，但店舖招牌菜值得一試，店員都好親切推介，門外亦擺放時令海鮮即場選擇😎🤌🏻芝士龍蝦伊麵 拍得住大酒樓😎賣相都夠吸引，金黃色芝士汁滿滿，加上龍蝦鮮味彈牙仲有膏，龍蝦香配芝士汁不得了，用咗3款芝士調配夠晒香濃，伊麵底掛滿醬汁好好食🤤🤌🏻蒜茸粉絲蒸蟶子皇 ＄45 /1pc（4只起）海鮮夠新鮮最好用蒸嘅方法😋簡單用上蒜茸粉絲，上菜嘅香氣加蟶子皇鮮甜，而粉絲保持了一定彈性，蟶子皇鮮嫩爽口，入口有濃郁海鮮風味😎🤌🏻自製豪門卷 （8件）感覺好似蝦多士咁，但呢款打破一貫傳統用上香脆可口嘅油炸鬼麵包外皮嘅炸脆感，蝦蓉佈滿卷内再加左少少芫荽蔥，食落多一份清新感，值得推薦👍🏻🤌🏻 三層脆豆腐呢個招牌自創系列係老闆娘推薦，先用豆漿打成製出蒸煮豆腐再加上臭草形成一層薄薄調味層，再炸厚身嘅脆豆腐，入口比正常豆腐更有口感😳難怪叫三層豆腐有各種口感層次🤌🏻賽螃蟹用上滿滿嘅蛋白加埋蔬菜🥬中間加上一隻蛋黃直接攪拌一齊食好味😋🚩 豪門小菜火鍋 (九龍城)九龍城衙前塱道22號地舖#addifoodie #addifoodie九龍城#foodie #hongkongfood #drawi

九龍城是一處歷史悠久的食肆區，尤其是泰國食肆有很多，有小曼谷的美號。其他的食肆也無數，走的檔次是平民化階層，要裝修華麗或環境高雅美景當前的，這區就稍為欠缺了。姑勿論怎樣，平民百姓的我們，追求的是食材的質素、好吃與否，就是選擇在這區吃的首要因素，要在吃喝時能大班人熱熱哄哄高談闊論的，來這區吃就是一個不錯的選擇。今晚來到九龍城衙前塱道，朋友推介了給我一間吃粤菜小炒的店 - 豪門小菜火煱，我們三個大男人就要在此，暢所欲言一晚。朋友說這店鎮店之寶記得要吃，是做得非常好的，是西澳龍蝦芝士伊麵和他們的小炒，要試試這店的鑊氣，是否比得上以前大排檔的級數了。全酒樓也有很多枱叫這味龍蝦，不論清湯焗或芝士焗的，有麝自然香果然是鎮店之寶。不必再介紹見圖已見澎湃，伊麵底和龍蝦足夠，果然是沒偷工減料。火腩蒜子大鱔煲亦交足食材，收你$168，整煲足半條大鱔有多，火腩食得出是新鮮燒肉，火喉十足的一煲，原則上要來一碗白飯，但我們三人今晚只許啤酒落肚，不需半粒米作伴。椒鹽鮮魷九肚魚$128，面上鋪上大量炸過的蒜蓉，香脆非常又是一味伴啤酒的美味。XO醬炒雙蚌$148，我覺得味道就清淡了小許，雙蚌配上西蘭花由鑊氣搭夠，也算

去食小炒成日都想試好多唔同嘅嘢😍今次就推介啲可以一試嘅✨黃金焗鮮魷✨ $98 4.2/5✨魷魚都幾爽脆😍配埋鹹蛋黃夠味又夠香！雖然係焗但表面食落都幾香脆✨唔會好似濕咗水咁～千島汁蝦球✨ $98 3.8/5😋炸蝦球配埋千島汁係預想到嘅味🫢不過都唔會伏～蝦食落都唔會話唔新鮮～豉椒炒蜆✨ $88 4/5😋蜆肉都好多！而且唔會有沙同幾鮮✨食落好有鑊氣同惹味😋雖然食落偏鹹，但送飯一流！豆漿鮮竹浸時蔬 $78 4/5✨食落又係偏鹹～但啲菜配埋豆漿變到好香✨唔中意食菜都忍唔住食幾條🫢其他咕嚕肉同芋頭雞煲嗰啲就正常冇咩特別～整體嚟講味道都唔錯！好適合一家人嚟食～

💎總評分：10/10去九龍城唔一定係食泰國菜嘅😙～呢間港式地道小炒超有鑊氣♨️，勁多自創菜式，招牌菜芝士龍蝦伊麵仲超高性價比，一search呢間餐廳就俾佢洗晒板🤩！🚗出面有咪錶位！1️⃣ 西澳龍蝦芝士伊麵 $480呢度嘅必點主打菜🤤芝士醬汁用左足足3種芝士包保香濃🧀，大盤到蓋過晒d伊麵，龍蝦都好足料，鮮味彈牙多肉🦞。伊麵嘅份量足夠3-4人share，仲要超級掛汁，真心好過好多海鮮酒家😋！2️⃣ 自家製豪門卷 $98/8件餐廳嘅自創菜式喺第二度食唔到🫶🏻，墨魚滑外面圍左一層炸到脆卜卜嘅麵包糠🤤，配泰式辣醬一流！3️⃣ 酥炸牛坑腩 $118最怕炸到牛肉乾咁，但係呢度做得出色👏🏻～炸粉唔會好厚成功做到酥脆口感，牛肉鬆軟濕潤，層次感分明，趁熱食真心推介❤️！4️⃣ 三層脆豆腐 $98雖然睇落好似普通嘅滷水豆腐，但其實係步驟繁複嘅心機之作👩🏻‍🍳，先用豆漿同蛋蒸好後，舖上一層臭草再拎去炸🍳，豆香和奶味兩者都好突出，配特調茨汁真係喺第度食唔到👍🏻！5️⃣ 啫啫通菜 $98唔同種類/煮法嘅蔬菜都有，呢期通菜當造，成煲上枱勁香🤤，大大隻蝦乾超足料！第一次嚟小編當然係叫晒舖頭嘅招牌特色菜啦😬，其實menu好豐富，又有小菜

🇭🇰#香港捐窿捐罅記 #撚手小菜麻甩排行榜九龍城地道風味小炒🔥童年回憶家庭聚會先有嘅菜式🦞唔知大家對芝士龍蝦伊麵嘅感覺係點樣，喺我心目中就係細個去婚宴嘅時候先有得食🤣 或者要好多人一齊食飯先有 對我來講係一個童年回憶🦞 而家都好少機會食到 通常啲人都係會叫上湯 😈 所以都少咗好多機會食🤣今日呢間餐廳就係主打芝士龍蝦伊麵 見到佢啲龍蝦都係新鮮嘅 用咗澳洲出產嘅西澳龍蝦 見佢喺出面個魚缸新鮮攞入去處理💁🏻‍♂️ 而且食飯嗰時不停見到有人入嚟外賣 睇嚟喺果區都幾受歡迎😗.🦞 #芝士龍蝦伊麵 🦞 （$480）（7.25/10）一上到黎就見到好澎湃🤣 好多我最鍾意嘅芝士汁🧀龍蝦經過走油處理，本身已經啖啖肉😛 而且新鮮彈牙😈芝士汁都幾杰身，所以幾掛麵 不過略嫌芝士味可以再濃啲😬伊麵同芝士本身都係好朋友，兩個加埋一齊真係幾夾👍.🐟 #油炸鬼焗魚腸 🐟 （$88）（7/10）本身焗魚腸就係一個功夫菜，因為要人手將啲魚腸整出嚟😗食落口魚油味十足，食得多真係好快會飽🤣加返少少白胡椒配合就一流😏.🐄 #酥炸牛坑腩 🐄 （$108）（7/10）將啲牛坑腩上衣去炸，外皮夠酥脆👍不過牛坑腩本身有少少柴身，要咬多幾啖

出去九龍城食晚飯 通常一定諗到食泰國野話哂都係有小泰國之稱🇹🇭不過朋友岩岩去完泰國旅行所以想食返本地野 簡咗比邪惡芝士龍蝦伊麵洗板既中菜館🦞ヾ(´ε｀*)ゝ餐廳有上下兩層 座位數目多菜式選擇幾多 有齊潮州粵菜同福建菜 心大心細都簡咗一陣🔺芝士龍蝦伊麵 $480聽講哩度最出名同新鮮就係龍蝦伊麵 龍蝦伊麵份量超足 可以3-4人食麵條口感幾彈牙 軟硬適中 掛汁聽老闆娘講係用咗3種芝士🧀️芝士味極足極濃郁龍蝦大細剛好 方便進食龍蝦肉🦞身彈牙入味 夠新鮮🔺蒜蓉粉絲蒸扇貝 $45/隻我地一人兩隻 咁就唔怕唔夠食蒜蓉味又香又濃 金蒜鋪滿扇貝扇貝蒸得岩岩好唔會過火失口感同時好索汁惹味 ˘͈ᵕ ˘͈ 🔺XO醬炒雙蚌 $128珊瑚蚌同貴妃蚌用左秘製XO醬炒口感爽口 香得黎帶少少辣 可以自選配西芹/西蘭花 我地簡咗西蘭花🥦 好入味🔺花膠蟲草花燉雞湯$58每日燉湯款式都會有所唔同燉雞湯真材實料 可以分成幾碗湯頭清甜 好岩食飯前飲返雞湯

平時好少去九龍城 因為我真係好易暈車上星期嚟開呢頭 就決定搵下啲地道小菜試下於是我哋就闖咗入呢間裝修比較簡單嘅小餐館原來佢哋集潮州、福建同粵菜於一身 菜式非常豐富老闆娘熱情推介咗好多菜式 最後我哋食到捧腹而回******************************食物s:🦞西澳龍蝦芝士伊麵 ($480)呢度嘅主打菜❣️非芝士龍蝦伊麵莫屬 用上3種芝士煮成嘅濃厚醬汁 超級"芝"味🧀伊麵煮得啱啱好 唔會過腍 而且仲超級掛汁餐廳將龍蝦預先切件 食嘅時候都好方便啖啖龍蝦肉 鮮甜彈牙 真係好新鮮呢～食完呢個麵已經飽咗大半 建議3至4人分享 🦪蒜茸粉絲蒸扇貝 ($45@1)扇貝新鮮肉甜 灑上巨量炸蒜 蒜香味濃🧄 粉絲亦索晒汁 非常香口 🫒人生之路(咕嚕涼瓜) ($88)咕嚕肉就食得多喇 但呢個菜式就真係第一次試😉涼瓜裸上一層炸衣 索滿酸酸甜甜嘅咕嚕汁中和咗涼瓜嘅苦味 味道竟然異常地夾❣️連唔鐘意食涼瓜嘅男朋友都覺得可以入口各位頭痛嘅媽媽以後可以試下咁煮 氹小朋友食喇😜🍲花膠虫草花燉雞湯 ($58)非常滋補嘅是日靚湯❣️花膠同虫草花好足料 味道清甜🫘三層脆豆腐 ($98)呢道亦係平時比較少見嘅菜式老闆

好耐冇食過地道海鮮小菜，特登黎到九龍城呢間豪門菜館搵食。叫咗幾款海鮮同小炒，水準唔錯，拍得住唔少大酒樓。西澳龍蝦伊麵 $480必食嘅係龍蝦伊麵，用上大大隻西澳龍蝦，份量十足，龍蝦球爽口彈牙，全部啖啖肉。個伊麵底用上湯浸煮，非常入味，加上面頭鋪滿金黃熔岩芝士汁，每一啖都係香濃芝味。蒜蓉粉絲蒸蟶子皇 $45/隻叫咗4隻蒸蟶子皇，全部都新鮮冇砂，口感爽嫩，食落鮮甜。面頭嘅粉絲更加吸收哂蟶子嘅鮮味同蒜香，正。XO醬炒雙蚌 $148另外呢味炒雙蚌，用咗XO醬去炒，夠哂惹味，蚌肉爽脆，西蘭花亦都炒得岩岩好，keep到翠綠但冇青草味。千島百花鬼盞 $108至於呢款百花鬼盞，其實係將蝦膠釀入油炸鬼入面，面頭再淋上千島沙律醬，煙靭嘅油炸鬼同爽彈蝦膠帶黎雙重口感。。。豪門小菜火鍋 (九龍城)九龍城衙前塱道22號地下。。

👍🏻 芝士龍蝦伊麵主角係芝士龍蝦伊麵 龍蝦大大隻 非常多肉 每啖伊麵除左食到非常濃郁的芝士味 仲食到龍蝦肉的鮮味 食到唔停得口 真係好好味😊下次都要再叫過👍🏻油鹽水煮蜆油鹽水煮蜆內放上了濃濃的黑胡椒味 加上蜆的鮮味 連湯都差唔多飲曬 原來蜆下面仲有粉絲 粉絲吸收曬湯的精華 值得一食👍🏻 蒜蓉粉絲蒸扇貝大大隻扇貝上面鋪滿了粉絲及蒜蓉 粉絲同樣地吸收曬扇貝的鮮味以及蒜蓉的香味 而扇貝非常新鮮 好好味👍🏻薑蔥桶蠔熱辣辣沙煲發出令人流口水的茲茲聲 桶蠔非常大隻 而且十分入味 薑蔥調味好正注意事項⚠️- 餐廳提供海鮮加工服務

🦞芝士龍蝦伊麵呢個應該佢招牌龍蝦肉都唔係講笑地多佢係新鮮爽口但有醃過嘅味🦑炸墨魚餅比去吉澳食到嘅更有墨魚味同時有海味舖墨魚味🥬海鮮雜錦炒呢碟嘢好似尋寶咁每食一舊都要問下人咩黎㗎有舊好似炸魷魚乾咁嘅嘢好野味🍞豪門卷佢係🦐多士定墨魚多士我都唔知就係炸到好脆都唔油想要大排檔風味可以一試鍾意佢大火猛炒唔係瘋狂勾芡

好久沒吃過叫餸吃飯了👍🏻意思就是點幾個港式小菜的一餐飯；龍城除了泰國菜好吃之外，發現有一間小菜館也很不錯，於是今日就去到九龍城宋王臺站附近的一間室內大排檔🍽️，餐廳主打芝龍蝦伊麵、海鮮小炒等，門口還有新鮮活龍蝦及海鮮！小小的店舖，滿滿都是客人呀！⭐️ 上湯/芝士龍蝦伊麵🦞 $480結合了濃郁芝士的伊麵，加上龍蝦爽口鮮嫩又鮮甜的肉質，伊麵本身有著彈牙的口感，讓每一口都帶有的層次感，而具都幾大份，兩個人吃剛剛好😉⭐️ 碧綠帶子蝦球🦐🍤🥦 $138西蘭花保持了一定的脆度，帶子肉質鮮嫩，而蝦球有爽口彈牙的口感，每一口都能感受到蔬菜的清脆和海鮮的鮮甜，西蘭花可以配上芝士龍蝦汁一起吃😋⭐️ 自家製豪門卷(8件）🌱🦐🍤 $98豪門卷是一道夾著蝦滑和香菜的炸卷，炸卷的外層酥脆，內部則是爽口的蝦滑和重口味的香菜的，味道真不錯😌值得推薦👍🏻。⭐️ 蒜茸粉絲蒸蟶子皇 $45（1貝)(4只起）結合了蒜茸香氣和蟶子皇的鮮甜，粉絲保持了一定的彈性，蟶子皇則有著鮮嫩爽口的口感，讓整道菜充滿了濃郁的海鮮風味。⭐️ 秘製羊架🐑🐐 $45/塊餐廳用了特製的調味料精心調配的羊架，羊架的肉質鮮嫩多汁，味道濃郁，帶有一定的嚼勁。

📍豪門小菜火鍋 (九龍城)九龍城衙前塱道22號地下九龍城泰國菜，大家肯定食好多但係有冇試過食正宗嘅中菜呢🫣今次聽聞位於九龍城嘅豪門小菜火鍋！係出名嘅芝士龍蝦伊麵超級正😋肯定要去試吓啦🙌🏻🫶🏻一坐低即刻落order個龍蝦伊麵上到嚟，真係有啲嚇親我🤣 點解可以大兜到咁🫣 滿滿嘅芝士汁，香氣撲鼻！龍蝦🦞肉就嚟滿瀉，淡淡都係肉彈牙爽口👍👍 伊麵熟到剛剛好，每一寸面都黏滿了香噴噴嘅芝士汁好食到不得了👍👍不愧為招牌❤️老闆娘仲介紹咗一個三層豆腐俾我地聽講都係佢哋嘅招牌之一！豆腐同蛋混合，又滑又香先炸再蒸，經過多重步驟再配埋秘製芡汁，超好食😌另外仲叫咗個冰梅豬扒同埋菜心炒牛肉牛肉走過油，但依然嫩滑菜心爽口🤝🏻 冰梅豬扒，酸酸甜甜送飯一流❤️再嗌番枝啤酒Chill 下 🫶🏻😍

龍蝦伊麵可以話係酒樓飲宴必備菜式，不過就唔係間間都整得咁好食。今次專誠黎到位於九龍城嘅豪門小菜火鍋一嚐好多人都大讚足料嘅龍蝦伊麵！佢地小菜選擇都幾多，仲有唔少特色菜，例如：豪門卷、咕嚕苦瓜、油浸筍殼魚。估唔到黃金鮮魷又幾有驚喜▪️芝士龍蝦伊麵 $480呢道招牌菜份量十足！餐廳選用西澳龍蝦，足足比波士頓龍蝦大2.5倍，厚肉爽彈。伊麵唔會黐埋一餅，麵質軟硬適中，兼且超掛汁。醬汁用上四式芝士，滑溜香濃，走一貫港式路線，奶香較重，但又無想像中咁膩。▪️自家製豪門卷 $98/8件以麵包糠卷住手打蝦膠墨魚膠再炸！外層香口薄身酥脆，內𥚃彈牙幾有蝦味，食落唔會好油~▪️黃金焗鮮魷 $118鮮魷淋滿醬汁，入口超濃鹹蛋黃味！炸皮唔會太厚，即使裹滿醬汁都keep到微脆，軟彈唔韌。鍾意鹹蛋黃嘅大家不妨一嚐佢地嘅黃金系列！▪️蒜茸粉絲蒸蟶子皇 $45/只 (4只起)蟶子彈牙，蒜蓉粉絲夠味得黎唔會搶左鮮味~▪️鮮果咕嚕肉 $98咕嚕肉相對失色，炸皮唔脆偏粉▪️啫啫唐生菜 $98唐生菜好香好爽脆，加左唔少肉碎，微辣唔會太鹹。整體嚟講，小炒款式夠晒多，質素都ok，私心推薦黃金焗鮮魷同豪門卷。環境乾淨企理，都坐得幾舒服，唔會太迫夾