貓貓地Cafe (已結業)

貓貓地  真係好多貓來到的時候,係喵喵自助餐時間,全部喵喵即刻跑到中間位置搶食入到門口,需要除鞋及必需著襪,如冇襪可以在店內選購襪子哦, 最平果款$10對及要用酒精洗手液消毒雙手, 才可入內當人齊坐好, 待應放低餐牌,及講解收費入場費係按人頭計算,即每人最低消費都要$60$60   ,包一個鐘場費,及飲品一杯$88   ,包一個鐘場費,飲品一杯, 及小食餐一份$128 ,包一個鐘場費,飲品一杯, 及扒餐一份如一個鐘後，每小時每位收取$30場費飲品方面可選$26或以下飲品或精選花茶，其他補差額當待應講解完後, 會話比你知現時既時間,一小時後並不會有額外通知,超時一分鐘亦作一小時計場費在餐牌後頁, 仲會有愛貓守則各位留意, 愛錫各位貓貓大人哦$88 小食套餐$128 扒餐單點美食我地三人叫了兩個扒餐+一個小食餐食物賣相唔錯小食餐--吉列豬扒配薯條吉列豬扒食落唔鞋,口感不油膩扒餐--豬扒配炸帶子 豬扒都幾大塊，而且厚薄適中，林林地夠晒鬆軟帶子味道平平, 較乾身扒餐--牛扒配司華力腸黑椒汁夠濃又唔太辣, 牛扒唔算多筋, 煮得幾林白雪公主係雪碧+雲呢嗱雪糕貓貓杯墊好可愛哦大多數座位都係坐地下,

同朋友臨時決定去貓貓cafe~好彩早幾粒鐘book位都仲有位位置唔算難搵～店員都好好驚我地唔識去 係電話教我地應該點行～其實係E2一出向兆萬方向行到見百老匯戲院再轉左入豉油街行陣就會見到座大廈上到去記得除鞋都消毒隻手～非常注意整潔😊如果第一次去嘅話 店員會教你呢到嘅玩法係點 每人有一粒鐘時間 如果想玩耐d加鐘要加30蚊我見到好多客人都會為貓貓而加鐘～ 我地因為好肚餓～叫左兩個dinner set128蚊有埋杯野飲～我朋友叫左杯黑牛～佢話係好少見到有味道唔錯 夠曬大杯～而我因為一直都想試下薄荷巧克力係點就叫左哇！原來薄荷同朱古力可以咁唔match😑唔關呢到事 只係單純我唔鍾意呢個味道之後我個雞排漢堡排蒜蓉汁意粉都黎左～份量係好足既～d排都好大件但奈何個蒜蓉汁破壞左成個味道味道好淡 冇咩蒜蓉味 有點奇怪而且個意粉偏淋朋友嘅牛排意粉就整體唔錯～呢到係好適合貓痴黎～有成10幾隻貓🐱 可以比你一嘗比貓圍嘅感覺～

打去問過話最好預約先 黎到首先要除鞋用酒精Gel消毒 估唔到好多貓貓😳好彩咁岩去到個時派每個客一人一粒雞肉乾餵佢地 訓教個d都醒晒😂之後叫左黑椒汁牛扒炸帶子配薯菜同蒜蓉汁豬扒司華力腸配飯 包埋飲野 薄荷朱古力同荔枝特飲 講真牛扒都算林同juicy 唔會好似出面咁拿到無晒牛味 但有d筋 炸帶子就似麵粉但炸得幾脆 個黑椒汁都幾正 薯皇夠香口夠脆份量都幾多 飽既..豬扒就可能香草問題 唔算太夾 司華力腸好大條 唔似出面個d咁 蒜蓉汁都好味 薄荷朱古力就偏薄荷d..荔枝特飲 聞落去幾香唔算太甜或淡 不過不失.. 職員服務態度好好..地方都幾乾淨 不過有d貓貓似唔舒服..希望店主留意一下 會再去既 特色貓貓cafe👍🏻希望會有更多新菜式

貓貓好好玩活潑，比抱唔驚人，服務好有耐心，好nice, 唔似旺角某間貓cafe唔想你掂佢啲貓，呢度貓數量足夠，唔會無貓陪你，美中不足之處就係只得60分鐘，唔夠玩就加$30多一個鐘，我覺得應該要有90分，之後唔夠喉先加錢會合理啲,意粉蒜蓉汁較咸，份量夠，牛扒較"UN"

去貓貓地 同貓貓邊食嘢邊玩遊戲！好多愛貓人士都同我一樣，就算屋企有幾隻貓好多時都好想同D朋友一齊玩下貓仔！要去就要去就腳嘅，而且要有好多貓啦！貓貓地嘅位置十分方便就係響旺角嘅豉油街。平時行完街都可以上去食嗰下午茶。呢度開二點鐘到到夜晚十點鐘左右啦我自己多數就會係下午茶時間去。呢度嘅食物比較簡單，例如有公仔麵，小食等。晚市就會有啲雞扒豬扒意粉等等。當日食左羊架。好juicy ! 又抵食。力推嘅就當然係佢哋嘅自家製芝士焗薯蓉啊！好味道爆。強烈推薦食薯條啦因為當你一食薯條d 貓貓都會衝過黎架！當然唔可以餵佢地食。仲有另外一個幾驚喜嘅就係香脆雪糕窩夫！好多時我哋去食飯都會係食埋景呀。泥貓貓地就係食埋貓景。貓貓真係超多。時間夾得好。貓貓都開飯喇。問過負責人，原來呢度有十幾隻貓。貓貓會有足夠休息時間，見至貓咪都好活潑同樂意同人玩。好開心啊。

一入到去要先除鞋同消毒, 地方感覺好乾淨。呢道D貓貓好多呀, 差唔多有成10隻,而且全部一係係你附近玩, 一係係你旁邊訓覺, 唔似其他CAFE成曰見得2.3隻。野食方面叫一個餐包野食同野飲, 就可以坐60分鐘, 如果要再留係道就要再加錢啦. 我叫左炸帶子牛排伴薯菜, 加杯荔枝特飲。杯飲品好甜, 野食即整, 薯條份量算多,牛排好薄同有D"鞋"。 朋友份意粉份量好驚人, 男仔都一定會飽。d貓貓真係好得意, 得別係好細個果幾隻, 睇佢地係道玩都好開心.總括黎講D野食同野飲一般,但環境幾好。不過食一個餐只可坐60分鍾真係太少啦,食野都無左30分鐘去啦, 令人感覺唔係咁好, 如果可以坐90分鐘會較好。 

每年情人節去食飯都要預早好多book枱今年都唔例外好好好鐘意貓貓既我決定今次去呢排都幾多人去既貓cafe－貓貓地其實之前都去過其他類似cafe個人認為果d cafe既貓都好可愛有D冇咁怕人有D就見人就走但都好可愛勁中意貓既我好期待呢間cafe系樓上店泥個大廈都唔易搵我地都比預約時間遲左5分鐘到但上到去個店員話上一批客人結緊帳要等多陣最後等左3個字先入去不過可以理解既XDD貓貓咁可愛比我都會唔捨得走一入到泥就見到好多貓貓同埋呢到既裝飾好多都系圍繞貓既主題店員安排我地坐好位之後就同我地講可以同D貓貓玩下我緊系唔放過呢D機會周圍搵貓影相D貓貓們都好熱情 唔太怕人什至會主動行去自己身邊店員們都好好佢地周不時向我地介紹貓貓們又比我地餵佢地食零食情人節套餐其實系咁既餐湯：忌廉龍蝦湯龍蝦味幾濃同埋碗湯幾滑前菜：法式薯蓉配煎帶子個薯蓉好正 口感好好系D薯蓉間食到未變蓉既薯仔唔會淡而無味 最緊要系唔會濟！！ 加上D菠菜汁match到爆！個帶子都好好味 幾入味我好中意呢個前菜主菜：系每人揀一款我自己揀左開邊龍蝦伴雪月魚柳魚柳覺得幾驚喜魚肉好滑 都好夠味不過個魚皮就有D咸個龍蝦望落去幾吸引但感覺上無魚咁好食

我同男朋友都係愛貓之人，所以情人節我地去左開張三個星期既貓貓地cafe。情人節餐有兩個section，一個係6:30，另一個係8:30。因為位置不多，我諗已經好快爆滿。由於之前去過另外兩間貓cafe食物質素都係一般，所以我地都冇太大期望。今次係情人節full set dinner，同店員傾過計，都知道對佢地來講係一個挑戰，因為一般cafe只會handle到小食同輕食，佢地百忙之中都抽時間同我吹水，幾nice！餐湯：忌廉龍蝦湯味道較淡，岩我。有龍蝦香味。不過忌廉有點凝固左。賣相好，算係開胃。前菜：法式薯蓉伴煎帶子帶子香煎，口感好，又夠大粒。薯蓉味較淡。主菜：A. 開邊龍蝦伴雪魚柳出事位喺主菜度，由於佢地未做過dinner set，廚房爆左廠。等左大半個鐘都未有得食，好彩有貓玩，如果唔係一定會鼓燥。我同男朋友都揀左set A，雪魚柳係有骨的，說起來慚愧，我地兩個都唔識食魚…cafe食物以輕食為主，我地兩個懶人都呆左，魚柳汁同薯蓉同一個汁…如果可以多啲變化會更好。龍蝦開左邊，易食好多，有膏，夠肥美！而且上面有焗芝士面，夠香口。而且多肉，食得飽，好滿足！甜品有六款cake揀，我㨂左抺茶mous